كلام مكتوم

Heart_90171 🇪🇬

منذ أسبوع واحد

شعور مكسور القلب

لو في حد عاوز يفضفض أو يحكي حاجه مقدرش يقولها لحد خالص يتفضل يبغتلي أنا هسمعه أنا ولد وعندي ١٥ سنة بس عادى ممكن اسمع اي حد عندة مشكلة مقلتش هحلها لأن مش عاوزاكون فيلسوف بس ممكن اسمعك للحد الآخررر و لو قدرت اساعدك هساعدك اكيد بس لربما حد يحتاجني يعنىيي .

Pistachio_71160 🇪🇬

منذ أسبوعين

شعور مستنزف

تحديات الحياة كل يوم بتزيد كل يوم بتتغير كل يوم بتبقى اصعب كانها لفيلات كدا تخلص واحد وتطلع للتاني على طول مفيش راحة او بريك حاسس عايز اتكلم كتير ومش عايز اتكلم خالص احساس غريب فشخ بس متعب

Hazelnut_79930 🇩🇿

منذ شهر واحد

شعور مكسور القلب

لطالما كنت اقنع نفسي بأنني يجب ان لا اكون خيارا لشخصي بل الوحيدة لكن اكتشفت انني كنت فقط واهمة ، ان كنت ضمن الخيارات فإنني الثانية و إلا فلست خيارا اصلا ، لم اجد لمن اقول هذا الكلام لانني اعاني من ذلك مع كل اصدقائي، ظننت ان مكانتي عالية لكنني كنت اتوهم

Croissant_50327 🇮🇹

منذ 4 أشهر

شعور مرتبك

أنا كل مره بنزل فيها بوست بتكلم عن وجع موقف حصل دايقني حاجه حصلت فا زعلت و قليل اووووي لما انزل حاجه بتبسطني معرفش ليه هل ممكن الواحد مش شايف الجانب الحلو و شايف جانب بس ولا اي يعني الواحد اتكلم عن موضيع كتيره اوووي و الصراحه يعني ساعات بلاقي حل و ساعات لا الصراحه بقول هو طلعت الكلام المكتوم جوايا و

Cookies_56544 🇪🇬

منذ 4 أشهر

شعور ضائع

مساحه حره للتعبير عن رائي مش قادر تقوله ف العلن ، أو سر و اعتراف تقيل عليك ، أو حتي كلام متلغبط مكتوم جواك ، شعور وإحساس ونفسك تعبر عنه !! مفيش قواعد ، مفيش حدود ، مفيش احكام وليك مطلق الحريه أننا نتناقش في كلامك أو يكون مجرد رسائل بحر اترمت وسط الأمواج !!

Strawberry_58144 🇪🇬

منذ 5 أشهر

شعور مكسور القلب

عبّر عن شعورك بشكل مجهول

تعرف؟
انا كنت بغير عليك وانا عارفه انك مش بتاعى..
ولا هتكون فيوم
كنت بعيط من الغيره 
كنت بقتل نفسى عليك
تعرف انى كنت مستنياك وانا عارفه انك مش هتيجى؟
كنت عارفه ان مش هيحصل حاجه بيننا.. كنت عارفه من الاول خالص انك رافض لسبب جواك.. حسيت بيه من الاول بس برضو كملت.. يمكن مكنتش عايزه اخسر قدامك.. او كنت عايزاك تشوفنى زى ما بشوفك.. انى حاجه مينفعش تخسرها.. انك مينفعش تغض الطرف عنى بالسرعه دى.. وانت لسه مدتنيش فرصه اعرف فيها نفسى حتى..

تعرف انى بتعافى من حبك الى معشتهوش فيوم؟ كل الى يعرفو الموضوع بيتهمونى انى مش عاقله زى ما ظنو.. عشان اتعلقت بيك.. بدون ما امسك خيط واحد حتى.. خيط واحد من خيوط مشاعرك.. ولاكن اعتبرت نظرتك وعد..
مش بلومهم.. اصلهم مشافوش.. فاكر؟ فاكر اليوم الى كننا فيه محاضره الايكو وانت كنت قاعد يمينى وانا مش شايفاك؟ فاكر اول ما اتلفتت و شوفتك أنت كنت باصصلى ازاى ساعتها؟ فاكر لما محاولتش تخبى و فضلت مكمل؟ فاكر نظره الحنيه دى؟ فاكر صدمتى ساعتها؟ انا الى كنت بتلهف على نظره متواصله مابيننا.. هربت من سلطه عيونك.
فاكر لما انا خرجت من محاضره الانشورنس بسرعه و لوحدى قبل ما الدكتور تخلص حتى؟ انا مكنتش متخيله انك لاحظت.. لان انت كنت متجاهلنى بزياده اليوم ده.. انا نزلت الدور الارضى وانا بعيط و دخلت الحمام عشان اعرف اراقبك من ظهرك وانت خارج بدون ما تشوفنى.. فاكر لما لفيت حوالين نفسك و شوفتنى؟ اكنك كنت بتدو عليا.. وانا جريت على جوا زى المجنونه.. انت عرفت ازاى ساعتها انى كنت بعيط؟ بجد والله.. ده صحابى نفسهم محظش لاحظ اختفائى.. ده انا قعدت جوا شويه لوحدى على اساس انك تمشى و لما جيت اخرج.. لقيتك.. كنت واقف على باب الحمام بعيد شويه.. حاطط ايدك فجيوبك.. اتجاهك للباب.. واقف لوحدك.. و المكان فاضى.. مش مشغول نع٦ حد حتى.. اكنى كل الى شغلتك فاللحظه دى.. و كل تركيزك اتصب عليا اول ما لمحتنى.. فاكر؟ انا عمرى ما نسيت.. انك كنت قلقان عليا بجد.. مش محتاجه اكون خبيره لغه جسد عشان اعرف انك.. حسيت بحاجه حقيقيه ساعتها..
دى كانت المره الاولى.. الى اعرف يعنى اى راجل يبص لست.. يشوفها بجد.. حسيت.. بالمعنى الحرفى للامان..
حسيت انك.. راجلى.. وانى ضعيفه قدامك عن طيب خاطر.. محتاجتش ارسم قوتى قدامك ساعتها..
فاكر بقا يوم البرزنتيشن بتاعك؟ فاكر انا بصيتلك ازاى؟ انا متاكده انك عمرك ما هتنسى.. لانى ببساطه لغبطت حواسك.. انا يومها اثرت على جهازك العصبى بالمعنى الحرفى! انا عارفه.. انت كنت طالع و تركيزك عليا.. اكنك مش قلقان من حد فالروم غيرى.. انا هتفرج عليك وانت بتشرح.. تعرف انى بصتلك كده بقصدى؟ كنت مخططه انى هعترفلك بعيونى اليوم ده.. وانت عرفت.. و اتلغبطت.. واتشقلبت فوق تحت واتوترت و عمال تتنفس بسرعه و عينك رايحه وجايه من عليا و عمال تبلع ريقك و هتعيط! فاكر؟ انا كنت مستمتعه بهروبك و توترك من نظرتى.. لحد ما انت قررت.. مش عارفه ازاى.. انك هتسيب نفسك تبص المرادى.. مش بنكر انى مكنتش متوقعه.. بس انت قلبت الموازين.. و بدلت الادوار.. خلتنى انا الى اتوتر من نظرتك.. عيونك الى نقطت مشاعر عليا وانا قلبى صغير.. لااا مكنش قصدى ارجوك ابعد عيونك! شوفتنى وانا بعدل قعدتى و ببرق و ببربش و ببص قدامى.. انت كسبت الجوله ساعتها.. وفضلت عيونك مش بتتشال من عليا لمده تلت اسابيع بعدها صح؟ بدون ما تعرف تخبى حتى.. وانا الى تجاهلتك المرادى.. اسفه بس نظرتك كانت شديده عليا..
فاليوم ده.. انا سيبت قلبى كلو يتجمع فعيونى.. و اعترفتلك بحبى.. بدون كلمه..
بس انا بجد بقا.. مش هنسى المره الوحيده.. الى بالصدفه قعدت وراك.. لما انصفنى القدر و سمحلى اتاملك من قريب.. كنت بلمح عيونك و هى بتتلفت يمين عشان تلمحنى من وراك بدون ما تلفت النظر.. و بعدها لما تحس بعيونى عليك تتوتر و تبص قدامك.. انا عارفه نظره التوتر بتعتك.. عارفه عيونك بتعمل اى لما تستجيب لضربات قلبك المجنونه.. عايزه اقولك انى مسمعتش ولا حرف من الدكتور فالمحاضره دى 
كل الى سمعته.. صوت ام كلثوم فودانى.. كنت بشتقلك وانا وانت هنا.. بينى و بينك.. خطوتين..
ولاكن.. شوف بقينا فين يا حبيبى؟ يا حبيبى وانت فين.. انت فين؟
انت فين بجد يا كريم؟ انت فين.. هو انت ليه مجتش؟ يعنىيي.. هو مثلا مشاعرى مكانش واضحه ليك كفايه عشان تفهم انى مستنياك؟ ولا مشاعرك مكانش بالقوه الى تحركك؟ هى العيون بتكذب؟ عيونك انت.. بتكذب؟؟ اصلى صدقتها.. رغم انك ولا مره قولتلى انك بتحبنى بعيونك حتى.. اكنك بتكدب نفسك من جواك.. مدام تحب بتنكر لييه؟ كل نظره بنقول انك عاشق وكل فعل بيقول انك متعرفنيش!.. كنت بتهرب.. بتبصلى وانت بتهرب! بتشوف مشاعرى و بتصدها.. مش بترفضها بس بتهرب منها.. مش زهقان من حبى بس مرعوب! بس انا ترجمت نظراتك انها اعتراف بالحب.. عشان انا كنت مستنيه اعتراف بالحب! منك انت مش لمجرد الحب.. بس انت مكلمتنيش حتى.. 
وانا.. متمسكه بكل نظره ما بيننا .. كانها وعد.. كانها عهد بجد.. وانت ولا فيوم نطقت بحرف معايا..
انا فاكره كل نظره انت بصيتها اتجاهى فيوم.. كل نظره.. يمكن مش باين عليا.. بس انا حافظه عدد رموشك مش بس نظراتك..
كان نفسى يعنى.. يتاح ليا الفرصه فيوم.. احكيلك.. عن اشراق الشمس الغير اعتيادى فاليوم الى كنت هشوفك فيه.. وان المواصلات بتكون جميله جدا.. وان الهوا بيكون نقى والورد بتطير من حواليا.. كنت بشةف الزرع اكثر اخضرارا يومها قلبى كان بيدق بسرعه من وانا لسه فالبيت.. واول ما اشوفك و تبصلى بتلفت لصحابى و اسلم عليهم اكنى مشوفتش حاجه.. كنت بتجاهلك برضو.. مهو انا البنت يا استاذ والله.. مش هعرف ابين مشاعرى كده.. ده انت نفسك مكسوف!
لو تفتكر فاخر يوم.. انت كنت بتبصلى وعايز لحظه وداع بيننا.. نظره.. كما المعتاد..لانك مبتعرفش تعمل غير كده..
وانا اليوم ده مدتلكش النظره.. تجاهلتك.. لانى كنت تعبت.. سامحنى.. بس انا ياما بكيت لوحدى وانت متعرفش حاجه
بس انا دلوقتى.. مش عارفه بجد لما تشوفنى تانى هتعمل اى.. ولا انا هعمل اى.. ولا المفروض اعمل اى.. هو المفروض اعمل اى معاك يا كريم؟ المفروض اكمل؟ ولا اعقل زى ما الكل عايزنى؟ مش عارفه.. بس اهو سؤال ضمن اساله كتير يمكن مش هلاقيلها اجابه ابدا.. لانى مش هيجيلى فرصه اسالك ابدا 
بس الى عايزاك تعرفو.. انى حبيتك بجد.. من قلبى.. يا كريم❤️

رساله مش هتوصلك فابدا...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_68523 🇪🇬

منذ 6 أشهر

شعور غاضب جدًا

في حاجه كده دايما تضحكني من بابا 🤨 مع إني دارسه علم نفس بس مش عارفه اشخصه حالته. بس المهم، آكتر حاجه بيضحكني إن ساعات بحس إن هو حاسس إنه وحش معانا و فجأة بلا هدف الاقيه من العدم يسألني يقولي 'هو أنا بتقل عليكي يا بنتي' لا خالص ده حتي مش مخليني عايزة انتحر مثلا أو اهرب من البيت خالص 🙂 (مع العلم إن

Sugar_49832 🇪🇬

منذ 6 أشهر

شعور ضائع

Corn_69157 🇪🇬 الثقه والسعاده قرار واختيار،، محتاجه تفصلي جسمك عن عقلك وتتحكمي في تفكيرك بدون مشاعر تافهه،،

عرض الكل 20 نصيحة

عبّر عن شعورك بشكل مجهول

اصعب مرحلة بمر بيها دلوقتى هى الادراك.... حتى مش قاادرة احدد اذا كان الادراك دة جه بدرى ولا متاخر
*للحظة لقيت انى لوحدى.. لوحدى اووى 
احساس انى فعلا اقدر اكون موجودة فى حياة ناس كتير بس محدش يقدر يدخل حياتى ابداا مهما كان قريب.... ديما فى حاجة مش بقدر اقولها.. يمكن لانى مش فاهمانى 
*كل يوم بستوعب اكتر ان وجود اهلى فى حياتى مجرد عائل مادى مش اكتر.....يعنى اول ما هقدر اصرف على نفسى هيبقى خلاص... وان مقابل دة انا حرفيا بتذل من امى قصاد كل حاجة بتضحى بيها عشانى.. .. تايهة بين مليون شعور.. بين راحة ان هييجى يوم واقدر اخرج من سيطرتها عليا وبين حسرة وقهر على اهل اتمنيت اقدر اقف قدامهم واشكيلهم بس عمرى ما هقدر 
*الف سيناريو كل يوم بياكل فى دماغى عن اللحظة اللى هنهار فيهاا واقول كلام مكتوم جوايا سنين... حاجات كتييير اووى اكتشفت انها مركونة بس مازالت موجودة وسايبة اثر اسود جوا قلبى مش قادرة امحيه..... خايفة من لحظة اكسر فيها بينى وبين امى حاجة مش هقدر ارجعهاا، وفى نفس الوقت بتمنى اتكلم يمكن ارتاح.. يمكن هى تفوق.. اصل اى تبرير ممكن تقولهولى فى لحظة زى دى ملوش مكان
*التفكير بيبقى مرعب لما بيوصل انى ممكن اتجوز واحد يكون قاسى عليا... او حتى يكون زى اى حد بيعدى اليوم... محتاجة حد يشيل معايا اللى مش هقدر اشيله لوحدى... هتبقى كسرة اووى عليا انى اخرج من تحكم اهل لتحكم زوج وحياة تانية من غير تفاهم... 
خايفة وقلقانة ودماغى مبقتش تسكت 
*مرعوبة من لحظة الاقى نفسى بقيت نسخة من امى... هتبقى اول مرة اكره نفسى فيها... مش لانها مش كويسة.. هى اتظلمت، واتضغطت كتيير بس احنا اللى اتحملنا نتيجة دة 
دماغى جواها حاجات كتيير اوووى وكل ما افكر فى حاجة يطلع منها الف حاجة... غريب عليا انى استوعب خوفى من حاجات كتيير بعد سنين 
وخايفة طريقى تكون نهايته سد 😔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_64176 🇪🇬

منذ 6 أشهر

شعور Okay 😐

نفسي احس اني طبيعيه يعني حتي لو بنسبه ٥٠ ف الميه بس ..انا معنديش حد اتكلم معاه أو بمعني افضل مافيش حد عنده طاقه أنه يسمعني انا عاوزة اخلص من عبئ عليا سواء مادي أو داخلي حاسه اني لو قولت كل حاجه هفوق وهخف بس المشكله اني كل م بقول لحد اي حاجه بلاقي كل الناس عرفت مبقاق عندي ثقه ل حد ومش حابه أن كل حد ي

Tomato_50116 🇪🇬

منذ 7 أشهر

شعور مكسور القلب

عارف الي هقولو ناس كتيرررر مش هتتقبلو وممكن الكل يطنش كلامي بس نا gay ود كان سبب كبير اوي فإن حياتي تتحول ١٨٠ درجه للاسوا حصل حاجات كتيره اوي دمرتني نفسيا واتعرفت علي ناس ولا نا شبههوم ولا هما شبهي وفجاه الاقي ناس كرهاني ونا اصلا معرفهاش وماذتهاش حاجات كتير حصلت يمكم آخر ٦ شهور كانو اسوا ٦ شهور عدو

French Fries_55387 🇪🇬

منذ 8 أشهر

شعور مليء بالحياة

موضوع:

اي سبب دخولك للبرنامج

حسيت ان عندي كلام كتير انا مش هقدر اقوله او حد يعرف اني بفكر بالطريقه دي لاني لما حاولت كنت بلاقي نظرات غريبه وناس بتقول اني معقده او ببرر كتير. ف حسيت ان ممكن يكون فيه مساحه اقول اللي في دماغي من غير ماحد يعرف ان انا هو هو نفس البني ادم اللي عنده كل الافكار دي مش عابزه حد يعرف الحاجات دي عني اولا

Mango_58001 🇪🇬 احكي بسمعك بكل اذان صاغيه

عرض الكل 5 نصيحة

Marshmallow_37762 🇪🇬

منذ سنة واحدة

شعور غبي

موضوع:

عندك مشكلة في التعبير عن مشاعرك؟

llasf a7yana mb3rfsh a2ol kol elly 3awza a2olh🥺 mmb2ash fahma leh by7sly kda 5asta lw el makan feh nas kteer bs ba5d ra7ty awy m3 nas mo3yna m3rfsh leh ba5od ra7ty m3ahom homa🤷🏻‍♀️ m3rfsh bus elmwdo3 mtl5bt seka😞

Croissant_35263 🇪🇬 مافهمتش علشان اعرف ارد للاسف 🤦🏻‍♀️

عرض الكل 12 نصيحة

Mango_30422 🇪🇬

منذ سنة واحدة

شعور رائع

موضوع:

اي سبب دخولك للبرنامج

حبيت فكرته و بجد كنت عايزة احكى مشاكل بدون ما اتكسف و آخد نصائح اكتر و عرفت البرنامج عن طريق اعلان فى التيك توك و عجبنى فكرته اوى فعلا بعد ما جربته حبيته اكتر و حبيت فكرة الفاكهة انى اتكلم عن نفسى بدون ما حد يعرفني و فعلا فى كلام كتير الواحد ميقدرش يقوله حتى لأقرب الناس ليه عشان ميضايقش

Avocado_37685 🇸🇦 احكي يلااااااااااا يا مانجتي

عرض الكل 6 نصيحة

Avocado_27310 🇪🇬

منذ سنة واحدة

شعور مكسور القلب

بقيت انسان بلا اهتمام بلا مشاعر بلا حياة مبقيتش بكلم ولا بعبر ومفيش صحه ولا اي حاجه بجد فكرت كتير بجد ابعد عن حياتي كلها مش عارف ولا قادر مفيش علاقات مفيش اصحاب كل حاجه بقت تقيله الكلية الاهل الصحاب..... حياتي بتقف كل شويه عايز اتكلم ومش قادر عايز اللي يحكيلي واحكيله يسمع صوتي واسمع صوته

Banana_28618 🇪🇬

منذ سنة واحدة

شعور مكسور القلب

موضوع:

عندك مشكلة في التعبير عن مشاعرك؟

بقیت انسان بلا اهتمام بلا مشاعر بلا حياة مبقيتش بكلم ولا بعبر ومفيش صحه ولا اي حاجه بجد فكرت كتير بجد ابعد عن حياتي كلها مش عارف ولا قادر مفیش علاقات مفيش اصحاب كل حاجه بقت تقيله الكلية الاهل الصحاب....... حياتي بتقف كل شويه عايز اتكلم ومش قادر عايز اللي يحكيلي واحكيله يسمع صوتي واسمع صوته

Durian_56202 🇪🇬

ف كام شات متعلق عندك؟ حملة صفرها

ف كام شات متعلق عندك ؟؟ وبالمره ايدكو معايا بالله كل اللي معدي يبعت نقطه عشان الحوار مستفز للاسف و فيه حد من شوية غالبا بعتلي لانه الرقم زاد من شوية ف يريت يبعت تاني #حملة_صفرها 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ ...عرض المزيد

0 الدعم

14 نصيحة

Mushroom_85386 🇪🇬

حاسة حد اعتدى عليا وأنا صغيرة ومش فاكرة.. أعمل إيه؟

تحذير⚠ كلام ممكن يكون triggering ️ حاسه ان حد اعتدا عليا وانا صغيرة؟؟ انا مش فاكره اي حاجه زي كدا ومش معنا اني مش فاكره انه محصلش، حاجات كتير معنديش ليها اي ذكريات وبتكون حصلت فعلا او بفتكرها واستغرب هو ازاي ده حصل كانت طفوله صعبه من إهمال عاطفي وابويين مش عارفين انهم نرجسيين او انهم مش عارفين هما بيعملوا ايه رغم كبر سنهم وتعاملهم مع اطفال قبلي ليه بفكر في كده؟ عشان كانوا بيسيبوني ابات عند كذا حد من قرايبنا من سن سنتين لحد 12 سنة، بدأت اشوف بةرن من وانا 9 سنين ومش عارفة ايه الي وصلني لكدا وكنت بشوف على الكمبيوتر الي كان ضهره مشكوف يعني يقدرو يشوفو ولحد دلوقتي لسه بشوف بس كل شهر وتصرف ادماني مش تصرف شهواني خالص، كنت بكون سكشواليزيد من الناس، كنت بحط ايدي وهما شايفين ومحدش عمل حاجه، عرفت كتير ان محدش بيصدقني، وتاني حاجات كتير كنت بعملها غلط وحاجات كبيره ومحدش كان بيوجهني ولا بيعاقبني كانو عاملين مش شايفين وفي نفس الوقت كنت بتضرب علي حاجات تافهه وتعمد التحقير والإهانة والضرب قدام الناس انا مش عارفة المفروض اعمل ايه بس عايزة إجابات ومعرفش الإجابات دي هعمل بيها ايه؟ مش هيحصل اي حاجة انا بس اللي هتعب بس التفكير متعب ومفيش اي ثيرابيست اقدر اكلمها في حاجة زي كده ومعرفش ليه دايما بتقابل بعدم التصديق واني بتوهم دا أسهل اتهام وخايفة اتجوز يتهمني بحاجة انا معملتهاش انا مش عارفة احكي ده لحد وياريت اللي يرد يديني حل او يقول كلمه كويسة وانا مش محتاجة اكدب وانا مجهول ما لو عملت حاجة ما اقول عادي زي ما كتير بيقولو هنا ...عرض المزيد

0 الدعم

14 نصيحة

Avocado_68794 🇪🇬

اتطلقت بعد شهرين جواز.. زوجي كان بيقولي "انت تحت الاختبار"

انا اتجوزتش فتره قليله اوى واتطلقت بعد شهرين جواز جوزى كان بيتكلم فى القايمه من تانى اسبوع جواز على اسا ان المبلغ كبير عليه وهو كان ٤٠٠ الف وفضل كده لمده شهر ونصف ويقولى ان هو اتنصب عليه مع العلم ان هو كان قاعد فى شقتى ملكى وما جابش حاجه غير العفش وبس وانا اللى جايبه الاجهزه والباقى كله وكان دايما يقولى انتى تحت الاختبار حشوف حتنفعى ولا لا وخلى امه تيجى تعد معايا من تانى اسبوع جواز بحجه ان امه وحشته وهو واحشها وفعلا فضلت قاعده لحد ما خربت البيت وطول ما هى قاعده فى البيت كانت بتقوله طلقها طالما مش جايبه العزال اللى مفروض تجيبه طلقها وبرده كان بيقولى انه كان بيعمل واجباته الزوجيه مجرد واجب وبس مش اكتر وكان بيعمل سلوك علشان مايخلفش منى وانا لما لقيت البيت بيتخرب حاولت كتير مع اهلى انه اقلله قيمه القايمه وفعلا عملت كدل ونزلت سعرها النصف مع بابا وقطعنا القايمه القديمه وعملنا واحده جديده واخيرا قولت ان الدنيا اتظبتت واتحلت ومفيش مشاكل تانى رجع من يوم القايمه بعد ماااتظبت لقيته بقولى ان ابويا حلف على امى بالطلاق انى مااااامشيش معاكى بره المحافظه اللى احنا فيها مع العلم ان كان عندى شغل فى محافظه تانيه قولتله طب وشغلى حعمل ايه فيه قالى شوفى حد تانى ابوكى ابن عمتك يوصلك قولتله طب لو حصلى مصيبه قالى مااتصليش بيا وان اهلى واخويا اهم حاجه ولو جبت منك عيل حدوس عليه سكت وعيطت وما ردتش عليه بس فى الاخر قولتله ان انت شايف ان دا جواز وانك كدا سند ليه وضهر وقولتله فكر فى طبيعه علاقتنا وقولى انت عاوز ايه بالضبط على طول فكر فى الطلاق بعد كدل امه قالتلى تعالى وانا حتصرف وبنات الناس مش لعبه فعلا روحت وبعد كدا حصل مشكله عبيطه اوى اديته التليفون فى ايده قالى انتى بتخبطيه فى ايدى وقعد يزعق جامد حاولت اصالحه لانى تعبت من كتر المشاكل راح نزل عند امه جرى وقعد يقولى انا مش حصبر عليكى وامه قالتلى اطلعى انتى وانا حبعتهولك طلع ودخل اوضه الاطفال والمشكله ما ااتحلتش برده انا عندى حساسيه صدر شدت علبا تانى يوم جامد فكان وشى احمر اكنى معيطه امه شافتنى قالتلى والله مااانتى قاعده على ذمته وفعلا راح مقعدنى زى العيل الصغير قدام اهله امه واخوه وخالته وامه قالت ان هى مش عاوزانى اروح هناك تانى ولو هو عاوزنى ولا انا ولا هو نروح هناك راح هو قال وعلى ايه وانا مش عاوزها وحخدها انا وانتى واخويا نروح نركيها عند ابوها واقوله مش عاززها وعاد الكلام فوق ال ٣ مرات وبعد كدا بصلى قالى بتبصلى ليه انا مش عاوزك وحخدك وارميكى عند ابوكى واقوله مش عاوزك انا ماااقدرتش اقعد قدامه ثانيه وقوبتله وعلى ايه وانا حمشي وفعلا طلقنى ورمانى منفصله فى الاول بدون طلاق ٥ شهور ويفضل ينزل فى شتايم وقله ادب ويبعتلى كلام صعب انى اقوله مع العلم ان قبل الانفصال باسبوع كان واخد شنطه هدومه وبيقولى ان اخوه بيلبس معاه ولازم الهدوم تكون فى بيت امه وكنا كويسين مع بعض ساعتها انا عاوزه راي حضرتك هل انا كان مفروض اتاسف وماقومش ولا كان مفروض اعمل اللى عملته فعلا ولا ايه انا صح ولا غلط ولا هو كان قصده اصلا يحل فقال كدا انا نزلتها قبل كدا بس انا بنزلها تانى لان بدات مرات اخو طليقى تقولى انتى زوتيها فى الاخر وان هو كان بيهزر لما قالك انا حخدها وارميها عند ابوها واقوله انا مش عاوزها ...عرض المزيد

0 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع