مشاعر مزيفة

Coffee_28425 🇪🇬

منذ شهر واحد

شعور شاعر بالملل

عبّر عن شعورك بشكل مجهول

في شخص قرر يقولي انه عايز يتقدم بس عشان هو لسة مسافر السعودية يمسك شغل قالي مش هقدر اتقدم رسمي غير في اول اجازة بعد سنة قلتله ان دا كتير جدا حتى لو لسة هنكتشف بعض بس مش هناخد سنة بنكتشف بعض قلتله ممكن بعد ٣ ٤ شهور كدا لاقينا نفسنا تمام ممكن تكلم اهلي و نعمل قراية فاتحة اونلاين عشان انا مش هرتبط بحد سنة بحالها و فجأة اقول لاهلي هنتجوز بعد سنة من غير حتى ما يسمعوا عنك رفض جدا و قالي انا مش حاببها اونلاين انا عايز افرح مع اهلي قلتله لا مش ضروري نفرح بس ضروري انا تحس بامان و انك كلمت اهلي دا شرطي ان الموضوع يكمل المهم حسيت انه وافق بس بدون ما احس منه انه موافق حسيت اني خوفت و مش مطمنة وقفت كلام و قلت خليني احاول اكتشفه شوية يمكن لو فهمنا  بعض اكتر يشوف وجهة نظري و يعملها بس هو طول الوقت بيقول كلام رومانسي كتير اوي و انا مش حساه منه ولا حاسة اني عايزه اقول و هو شايف ان دا جفاف حاولت اشرحله انه لا انا على مهلي و مش مفروض اني اجري بمشاعري انا لسة مش عارفاك قالي كلام غريب اوي انه جه معايا دوغري و قالي بصراحة انه عايز يتجوزني و انا في غربة و لما هفضل طول الوقت بعبرلك و انتي مش بتعبريلي دا ممكن يقفلني قلتله دي مش شخصيتي و لا كلامك دا مهم عندي انا مهم عندي اننا نتفق و مش هقول كلام رومانسي عشان بس مفروض يتقال في حاجات اهم لازم نتكلم فيها و كدا احنا بقالنا شهرين بنتكلم بس هو قالي انه عايز يتجوزني بس من ١٠ ايام قبل ما يسافر و دي مدة سواء شهرين او ١٠ ايام مش كفاية ان حد يحب فيهم حد خصوصا اني عرفته اني موافقة عشان اللي عرفته من شخصيتك كويس مش عشان بحبه 
بس من ساعتها و انا مش مرتاحة و خايفة و حساه قربلي بس عشان يسلي وقته هناك في وقت هيكون صعب عليه و طول الوقت بيحاول يبينلي قد ايه هو محتاج كلام حلو عشان الايام تعدي عليه كويسة بس انا رافضة الطريقة دي مش عايزه اقول كلام لمجرد انه بيتقال و انا مش حساه و اكتر حاجة ضايقتني انه بيقولي لو فضلت اعبر و اللي قدامي بيقدملي جفاف هيتبنى بيني و بينه سد قلتله احنا ملحقناش على فكرة مش لما اكتشفك الاول انت سريع حس انه اتزنق قالي لا انا بكلمك ان دا خلال شهور حسبت كلمة خلال شهور دي انه بيبتزني انه الحقيني دلوقتي عشان لو فضلتي كدا لحد شهور و بدل ما اقولك اكلم اهلك اقولك انا بنيت سد و انتي السبب فاهمني ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_52708 🇪🇬

منذ شهر واحد

شعور مرهق

مفيش بنت بتحب بجد. اللي بيقولوا عليه حب ده تمثيلية رخيصة، بتبدأ بالاهتمام وتنتهي بالمصلحة. بيجوا في حياتك عشان ياخدوا اللي عايزينه، ولما تحس إنك بقيت عبء أو إنك مش هتكمّل طموحاتهم… بيخلعوا بهدوء، بس بعد ما يكسّروك الأول. الحب الحقيقي؟ كذبة، اختراع بشري عشان الناس تبرر احتياجها. البنت مش بتحبك عشانك

عبّر عن شعورك بشكل مجهول

مفيش بنت بتحب بجد.
اللي بيقولوا عليه حب ده تمثيلية رخيصة، بتبدأ بالاهتمام وتنتهي بالمصلحة.
بيجوا في حياتك عشان ياخدوا اللي عايزينه، ولما تحس إنك بقيت عبء أو إنك مش هتكمّل طموحاتهم… بيخلعوا بهدوء، بس بعد ما يكسّروك الأول.

الحب الحقيقي؟ كذبة، اختراع بشري عشان الناس تبرر احتياجها.
البنت مش بتحبك عشانك، بتحب اللي ممكن تبقى عليه، بتحب صورتها وهي جنبك، بتحب الطموح اللي شايفاه فيك، بتحب الأمان اللي بتاخده منك.
يمكن في بنت فعلاً بتحب الولد، بس حتى حبها ليه ناقص… بتحبه في كل حاجة إلا صفات معينة مش قادرة تستحملها فيه، ودي الصفات اللي بتخلّيها تبعد في الآخر.
يعني بتحب، بس على مزاجها.

أنا كنت غبي… صدّقت إن في مشاعر.
روّحت مقابلات شغل بالعشرات، خدت كورسات، سهرت ليالي… كل ده عشان أتقدملها.
وفي الآخر اكتشفت إنها ما تستاهلش حتى الهم اللي شلته علشانها.
حتى الشغل اللي فيه دلوقتي، بيلمّحوا إنهم ممكن يمشّوني في أي وقت، بس ما بقيتش أزعل.
اللي مكتوب هيحصل، والأرزاق على الله، مش على رضى الناس.

اللي اتعلمته؟
الحب الحقيقي ميت، والوفاء نادر، والناس بقت تعرف تتقن دور الطيبة لحد ما تاخد اللي عايزاه.
الراجل لما يحب بيتكسّر، والبنت لما تحب نفسها بتنجو.
فخليك بارد، متديش، ومتتعلقش.
حب نفسك، واهتم بيها، واعتبر أي حد عدى مجرد فصل في كتابك.
لأن في الآخر… الوجوه بتتغير، والأقنعة بتفضل ثابتة.
وبقيت أقولهم ببساطة: ما له.
بقت الكلمة دي ردّي على كل خيبة، وكل وشّ بيقلب، وكل قلب بيتحوّل.
ما له؟ ما هو خلاص… مفيش حاجة بتوجّع بعد اللي شفته.

ما تجيش على نفسك عشان أي نرجسي. ما تضحيش بنفسك ولا تسمح له يهدم كرامتك. خليك حازم، حط حدود، وابتعد — صمتك وكرامتك هما السلاح اللي بيكشف نرجسيته، مش اللعب على عوزه.
ما له؟ ما هو خلاص… مفيش حاجة بتوجّع بعد اللي شفته.
اللي اتلسع من الحب… بقى بيضحك وهو بيتحرق. 🔥

والحب والأحاسيس الحقيقية مش موجودة.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_76899 🇪🇬

منذ شهرين

شعور لا مبالٍ

Lemon_52708 🇪🇬

منذ شهرين

شعور مكسور القلب

أنا كنت فاكر… لو لقيت شغل تاني، لو وقفت على رجلي وحققت اللي بحلم بيه، أول خطوة هعملها… إني أروح أتقدملك. كنت شايفك حلمي، وكنت بجهز نفسي عشان أبقى قدّه. كنت بقول يمكن التعب اللي بعيشه دلوقتي، يخلص في لحظة فرح قدامك. بس الحقيقة وجعتني. اكتشفت إنك ماكنتيش حلم… إنتي مجرد مشهد مؤقت. ضحكة في وشي، شكوى م

Pineapple_75608 🇪🇬

منذ شهرين

شعور متعب

عبّر عن شعورك بشكل مجهول

الواحد مبقاش عارف يتأكد ازاي الأفكار والمعتقدات واحيانا المشاعر بتاعته فعلا ولا هو بدون ما يدرك متبني افكار ناس تانية وحاسس بحاجات مش حقيقية بس علشان ضغط البيئة حواليه ، كتر تعرضنا للسوشيال ميديا مثلا واننا يوميا بنشوف كمية ضخمة من الاراء اللي منها الصح والغلط بدون مقياس واضح يقولك ده ايه الصح فيهم وايه الغلط فتبدأ تاخد قرار على مين فيهم عنده رياكتات اكتر وناس اكتر بتشجعه والغريب ان كل ده بيحصل اصلا بدون وعي منك انت فجأة بتلاقي عقليتك واخدة اتجاه متعرفش وصلتله ازاي ومش من السوشيال ميديا بس من كل تفاعل اجتماعي مع البيئة حواليك.
فيه دراسة اتعملت في جنوب أفريقيا علشان يشوفوا نسبة المراهقين اللي خاضو اول تجربة حب ليهم بناء على قناعة شخصية ومشاعر صادقة منهم، والنتيجة ان 100% من المراهقين دول نادمين على اول علاقة حب ليهم علشان اكتشفو بعدين ان ده مش مكانش قراراهم ولا مشاعرهم بجد بل بالعكس لما يفكر فيها الوقتي فكل حاجة وقتها كانت بتقول ان الخطوة دي غلط بس وقتها هو كان شايف البيئة كلها بتعمل كده والناس كلها بتسعى لكده وان ده "المفروض" يكون موجود لو انت عاوز تعيش فترة المراهقة بشكل طبيعي فبدون وعي خد الخطوة بمشاعر مزيفة علشان بس يحس انه منتمي للمجتمع.
كملو على كده بقا كام حاجة احنا عملناها علشان نتماشى مع اللي حوالينا ونحس اننا جزء من البيئة اللي احنا فيها وكام حاجة بنفكر فيها وبنقنع نفسنا اننا مقتنعين بيها بس لمجرد ان ده السائد في اللي بنشوفه حوالينا الموضوع مرهق إلى حد ومش عارف اوصل لإجابة فيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_57109 🇪🇬

منذ 3 أشهر

شعور مرتبك

ازاي ف فترة معينة بيكون فيها المشاعر قوية جدا و والتفكير كمان ف الخطط وف التفاصيل ف كل حاجة ولما العلاقة تنتهي بالشخص دة وف لحظتها الدنيا تبقي بتنهار خلاص وكل حاجة سودة و بعد يوم الاقي كل دة مش موجود ومكنتش مشاعر حقيقية ولا حاجة عشان اختفت بسرعة حتي ف حالة ان العلاقة دي كانت لمدة قصيرة جدا ومجرد ت

Almond_56393 🇪🇬

منذ 3 أشهر

شعور لا مبالٍ

بستغرب من الناس اللي بيتضحك عليها في علاقتاتهم ويكتشفوا بعدين إن شريك حياتهم او صحابهم او حتى اهلهم مش بيحبوهم وانهم اتخدعوا فيهم.. من ضمن مميزات شخصيتي المريضة اني مش بثق ف اي حد ، والشخص مهما عمل قدامي هيفضل في موضع شك ومش مصدر أمان.. بتعامل مع الناس بالمثل ومش بظهر لحد مشاعر حقيقية ف اي حاجة ، ول

Avocado_71487 🇪🇬

منذ 3 أشهر

شعور مكسور القلب

موضوع:

عرفت تنساها او تنسيه

خاااالص بس عرفت ابعد شوية واتحكم في نفسي اكتر بدل ما كان يمشي و يرجع و يكرر كداللي بيضايقني لما جه المره داي افتكرت كل حاجة عملها ضايقتني كل كلمة كل تصرف وجعني كل وقت كان بعيد فيه و مكنش جمبي كل الحاجات دي كانت بتيجي في بالي فجأة لما كان يبعتلي و هي نفس الحاجات اللي بتخليني مردش عشان كرامتي اهم و ا

Olive_53403 🇪🇬

منذ 3 أشهر

شعور غير مكتمل

عندي ٢٩ سنه شغال مدير حسابات الشقه والعربيه موجودين الحمدلله الحىدلله حياتي كويسه بس بتيجي عند علاقاتي مع البنات بتدمر مش عارف العيب في مين بس كل ما برتبط بواحده ببقي عارف انها بتكلمني عشان الفلوس والخروج وبس ومفيش حب بينا ولا من ناحيتها وطبيعي من ناحيتي برده عشان مش بشوف منهم اي حاجه حلوة مش عار

Watermelon_70741 🇪🇬

منذ 4 أشهر

شعور محبط

موضوع:

إيه أكتر حاجة بتحاول تبينها للناس بس مش حقيقية؟

بحاول أبين اني مبسوطة وانا من جوايا مقهورة وبعيط مقدرش تحكي لأي حد خالص الي جوايا عشان الس جوايا كبير اوي بحاول أبين ان الامور معايا تمام وكل حاجهمضبوطة والدنيا زي الزفت عندي مشروع محدش يعرف عنه حاجه محدش بيطلب أورد وانا جايبة كمية كبيرة بحاول أبين للناس ان في ناس كتير بتطلب ده الامر وصل ل ان ان بق

Pineapple_61746 🇪🇬

منذ 4 أشهر

شعور مكسور القلب

عبّر عن شعورك بشكل مجهول

بجد احنا ازاي وصلنا لكدا ازاي الانسان بقي معدوم من قلبه الرحمه بغيرهه كنت عارفه واحد من شهرين المهم خروج بنخرج بنقابل ف الشغل  كنت كويسه معاهه اوي هو كان مهتم  لكن تجبله سيره الجواز يتنرفز يقولي اصلي من بتاع مسئوليه بتاع كان قليل الأدب اوي بيحب يقل أدبه ف قولت مش بتاع مسئوليات اوكي كنت مستلطفافهه حقيقي يحصل اني اني. ف يوم أنا قولتله أنا عماله اكل تعالي انزل اتغدي معايا ق ماشي نزلنا اتكلمنا وبعدين فونه رن قوله مين قالي والدتيً و بتاع قولتله وريني قالي لا مش و عارف ايه أنا اساساً لمحه قلب احمر قولتله أنا هقوم امشي لو مورتنيش الفون طلع أميرته بترن عليه 😅💔 ف الوقت حسيت اني كان حد دلق عليه مايه سخنه من الصدمه متكلمتش هو ماسكً فيا  يقولي ف ايه اللي حصل لما استوعبت الصدمه بعد كام ساعه رنيت عليه فشخته حرفيا لاقيته بيقولي أنا قولتلك حاجه ي بنتي ولا وعدتك بحاجه الغريب كنا قاعدين ف ميتنج النهارده عامتا معبرتوش ألاقي زملتي بتقولي دا خاطب من شهرين طب ليه اللف الدوران لما المسئوليه كانت اللي معاك بس كان احساس وحش  ايه اللي يخلي واحد يعمل  كدا هل هو شايف اني قدامه مش كويس مثلا ولا ايه يعم دا لو حتي احنا انت كنت شايفني زميله مقولتش ليه انك خاطب حقيقي أنا واحده من الناس معرفتش غير أشباهه الرجال والله اعلم مين اللي فيه الغلط

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

French Fries_56483 🇪🇬

منذ 5 أشهر

شعور شاعر بالملل

انا واحد مرتبط بس المشكلة ان مرتبط عشان املي فراغ مش اكتر + مش بعرف اكلم واحدة بس ومفيش واحدة بتملي عيني مش عارف لي مش عارف احب حاسس ان قلبي مات مبقاش بيحس بقيت عديم المشاعر وغصب عني لازم اتصنع ان بحب و بتضايق وكدا بس انا مببقاش حاسس ب حاجة

Ice Cream_56279 🇪🇬 انت اختارت غلط و لو سمحت راجع نفسك و فكر و شوف الصح فين و اعمله و بطل عك الله يباركلك عشان كل حاجه غلط هتعملها هتدفع تمنها

عرض الكل 3 نصيحة

Candle_51983 🇪🇬

منذ 6 أشهر

شعور خجول

اللي بيقولك انو بيحبك و كرامتك مش من كرامتو يبقا ميستهلش فرص اللي بيقولك انو بيحبك ودايما حاطك في سوء ظن وانك فاهم كل حاجة غلط وهو بس الصح يبقا ميستهلش فرص اللي بيقولك بيحبك وميحاولش يثبت الحب ده بالافعال يبقا مجرد كلام ولا يأخذ في عين الاعتبار انو حب من الأساس اللي بيقولو ومبيعملش اللي بتحاول

French Fries_42234 🇪🇬

منذ 9 أشهر

شعور ضائع

شعور سخيف اوي إنك مش عارف ترتاح لحد وديماً حاسس انك هتتعرض للأذي وإن اي كلام لطيف بيتقال ليك مش حقيقي واي إهتمام بيكون مزيف وتيجي ال trust issues تزود الشعور السخيف دا وتخليك تسأل نفسك امتي هتتعرض للأذي والخزلان من الناس وامتي هيحصل كذا وكذا وكذا... اااااااااااااااااااااااااااااااااااااااااااااا

Hazelnut_49756 🇪🇬

منذ 11 شهرًا

شعور منزعج

موضوع:

رساله عايز تقولها لحد بس م عارف.

عاوز اقول لواحدة كانت صحبتي في يوم من الايام انها بنيآدمة بياعة وانانية وكدابة في في مشاعرها لانها لو كانت بتحبني فعلا مكناش بعدنا من موقف لا يحتسب انه موقف اصلا وعاوزة اقول لواحدة صاحبتي تانية انها تبطل تقولي ان الناس عارفاني عشان انا ماشية معايا لان الانسان قرف بجد من حب الذات دا بقا بيطفح علي ال

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع