مشاكل الدراسة

Sugar_84833 🇪🇬

منذ أسبوعين

شعور ضائع

عبّر عن شعورك بشكل مجهول

وانا ف تانيه ثانوي كانت فيه بنت بتكلمني دايما عشان ننزل دروس مع بعض عشان بيتنا قريب من بعض بس مش صحبتي يعني وانا وقتها مكنتش ملتزمه اوي ف الدروس وبغيب كتير وكانت بترن عليا كتير واكتر الوقت مكنتش برد عليها ومش بنزل
المهم من اول تالته بقا كنت مفكرة انها هتكلمني ف حجز الدروس وكدا بس محصلش ومبقتش بتكلمني غير لو شوفنا بعض ازيك بس وبقت بتمشي مع واحده تانيه اسمها شهد مثلا وهي معايا ف درسين 
وال هو عادي يعني هي مش قريبة مني اصلا وغير ان انا بستصغر الدفعه بتاعتي ومبحبش امشي مع حد فيهم وصحابي ال بجد ف جامعه
المهم ف درس من ال بتروحه معايا
كنت رايحه مش مذاكرة وقلت للمس ان انا كنت مضغوطة اوي اليوم دا وملحقتش اذاكر قالت ماشي عشان انتي كل مره بتيجي مذاكرة وكدا
ومستر الأحياء ال هي بتيجي عنده برضو دا مشهور اوي
 ومجموعاته كبيرة ما شاء الله وعصبي ومحدش بيعرف يتكلم معاه ونادر لما يكون عارف حد وبيكون ال عارفهم دول مميزين عنده وكله بيقول ان هو عنده نظرة ف الناس وعمره ما قال لحد انت هتدخل الكليه كذا ومدخلهاش
ف المهم انا كنت ملاحظة ان المستر دا بيركز معايا كتير وبيفضل باصصلي كتير ف الحصه لحد ما ف مره كانت حصه حل ولاقيته طلع على الديسكات ال قدامي وشاور عليا وقال البنت دي عاقلة وانا بعزها جامد وقعد قدامي وقالي اسمك ايه 
وهو المفروض مش بيقول لحد كدا اصلا
بعدها بقا كان فيه حصه برضو ف لاقيت البنت دي بترن عليا رديت لاقتها بتقولي انتي نازله الدرس قولتلها اه قالتلي خلاص ماشي انا جايه معاكي عشان برن على شهد وهي قافلة!
جه ف دماغي ال هو انتي هتمشي معايا عشان كدا بجد؟!
بس عديت الموضوع المهم بعدها بحصتين تلاته كدا رجعت امشي لوحدي ف المستر دا برضو ف حصه كان بيسأل
ف سألني وجاوبت صح قالي والله انتي ممتازة ومحترمه وكل الصفات الحلوة فيكي 
وبعدين سأل عيال تانيين وجالي تاني قالي انتي ان شاء الله هترتبي ع الدفعه ومستني رسالتك ف آخر السنه وانتي بتقوليلي كدا وانا عمري ما قلت لحد كدا غير ودا حصل وكله بإذن الله 
وطلع عند السبورة وقال الطالب المحترم بيجبر كله انه يحترمه إنما الناس المهزقة دي تتهزق
وفضل يتكلم كتيرر وكدا ويقولهم انتو مش بتذاكرو ليه انتو مش شايفينها وقال برضو ان انا هجيب طب مرتاح
المهم بعدها علطول البنت دي بقت بتكلمني سبحان الله وتنزل معايا والمفروض ان المستر عارفها من تانيه بس عادي
وهي ماشية معايا تقولي هو عارف ان احنا صحاب؟
وانا بجد مش بحب طريقتها عشان بتتكلم على اي حد معدي ب طريقة وحشه وب اسلوب كأنها ست كبيرة قاعده ع المصطبه حرفيا
المهم بدأت اشوف حاجات زباله بقا زي ان المستر ييجي يديني الورقه تكون عين العيال هتخرم الورقه حرفيا واول ما اوصل الدرس كله يكون باصصلي حتى والمستر بيشرح
والمستر لما يسالني برضو يسيبو كل ال ف ايديهم ويبصولي وبجد انا كل يوم بروح من الدرس متضايقه بسبب كدا
وف الدرس التاني المس بتفضل تقولهم ياريتكو هاديين زيها
وشهد دي تقول امم ما شاء الله عليها بتريقه
وف مره كان علينا حصه حل ف انا حرفيا طول الليل قاعده بحل وبذاكر للدروس التانيه وكنت هنزل الدروس مطبقه
لاقيت البنت دي بتقولي ابعتيلي ال انتي خليتيه قبل الدرس ب ١٠ دقايق
ف انا كنت اتضايقت عشان بجد بقالي كتير اوي بحل عشان تاخده ف ثانيه!
بس عديت الموضوع وبعتلها ومشكرتنيش حتى
قالتلي انا اصلا حلاه ف دماغي بس عشان لو المستر سألني اكون فاكره
المهم الحصه ال قبل الفاتت كان المستر بيوزع الامتحان
ف هي كانت قاعده جمب واحدة جمبي
ف اول ما اخدت الورقه طبعا طبعا طلعت قدام هي وشهد عشان يشوفو الدرجه
وبعدين المستر بدا يحل ويسال ف جه عندي وقالي اجاوب ٧ اسئلة ف وانا بجاوب طبعا طبعا هما طالعين قدام وباصينلي
وبعد ما الحصه خلصت روحت سالت المستر على مدرس رياضه عشان سبت المستر ال كنت بروح عنده وقالي انتي كنتي بتروحي عند مين وكدا وقولتله وقالي على مدرس كويس وقالي لو لاقيتي حاجه فاتتك خليه يكلمني وانا هظبطلك الدنيا

الحصه ال بعدها البنت دي قالتلي هبقا اسالك على حاجه عشان الفضول هيموتني
ومش محتاجة اقول انها هتقولي كنتي بتقولي للمستر ايه
ودخلنا الحصه المستر قالي ف نص الحصه روحتي
قولتله اه (كان قصدي ان انا سالت ع المواعيد وكدا بس مبداتش)
قالي مكلمتنيش يعني ليه قولتله لسا فيه حاجه (عشان مستر الرياضه دا كان هيبدألي برايفت مع حد)
ف قالي ماشي
هي بقا سالت صحبتي ال كانت جمبها هو بيسالها على ايه

هي بجد ممكن تكون مش بتحبني ولا انا ممكن تكون ظالماها؟
طب ولو فعلا كدا ازاي ابعد عنها ولما تيجي تسالني هقولها ايه
هيكون عادي لو قولت ان المستر ظبطلي درس ولا تتكلم عليا او هتتضايق؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_67161 🇪🇬

منذ شهر واحد

شعور متعب

التركيز عندي قل بشكل كبير لدرجة ان ف امتحانين ورا بعض مركزش واسيب سؤال كامل بسبب اني مشوفتوش وانا بحل زائد ان ذاكرتي بقت ضعيفة جدا بقيت بنسى بشكل مستفز هل لو اتعلمت شطرنج ممكن يأثر معايا ف حوار التركيز ده وخصوصا اني نفسي اتعلم + لو فيه بنت بتعرف تلعب شطرنج وعندها قابلية انها تعلمني ياريت تبعتلي وجزا

Chocolate_52580 🇪🇬

منذ شهر واحد

شعور ضائع

أنا تالته ثانوي علمي رياضه مراكم ماث حبه حلوين يعني مثلا ممكن 6 حصص، كل حصه ساعتين و عليهم مثلا 30 سؤال واجب طبعا دا غير باقي المواد اللي مراكم فيها بس عباره عن حصه كدا يعني بس دي بالذات مش عارف المها بسرعه ازاي الحصه الواحده ممكن تاخد 3 ساعات مني و الواجب ساعتين لو كامل و سلكت و انا بحل فمش عارف

Sugar_62755 🇪🇬

منذ شهر واحد

شعور ضائع

ازاي اعيش مبسوطة ؟ يعني اي الحاجات اللي ممكن اعملها تحققلي مفهوم السعادة ، وازاي ابقى ناجحة سواء في علاقاتي اييي حاجة انا حاسة ان فيه حاجات كتير غلط محتاجة تتغير ومش راضية عن نفسي ابدا اه بحاول ابقى احسن ولكن حاسة ان كل حاجة بتبوظ حرفيا ، يعني ف جانب اني اطور من نفسي عارفة كويس المفروض اخد كورسات

Tofu_34164 🇪🇬

منذ شهر واحد

شعور مستنزف

جماعة انا دلوقتى فى رابعة كلية طب بيطرى انا عايزة أعلى تقديرى اخر سنتين و الصراحة مش عارفة اعمل ايه انا صحابة مش مساعدنى يعنى دايما مكسلين يحضرو أو ينزلو الكلية اصلا بس و انا اللى بحضر بس فى الاخر هما بيجيبو تقدير و درجات عالية وانا الوحيدة اللى تقديرى وحش فا بجد كنت عايزة أعلى درجات السنتين دول بس

Mango_83439 🇪🇬

منذ شهر واحد

شعور متعب

انا طالب تانيه ثانوي وعندي مشكله مع الدراسه المنهج بتاعنا السنادي كبير جدا عن كل السنين اللي فاتت عشان احنا السنه اللي فاتت اتشال من عندنا مواد كتير فا معرف قالو يعذبونا ولا ايه🙂✨ المهم انا بواجه صعوبه جدا في اني الم الدنيا وفي حاجات كتير عماله تتراكم ومعنديش وقت لحاجه انا نص دروسي حصتين في الاس

Pineapple_75628 🇪🇬

منذ شهر واحد

شعور متوتر

عبّر عن شعورك بشكل مجهول

السلام عليكم، انا في اولى صيدلة ومن ساعة ما النتيجة ظهرت - جبت 92.19- ابويا كان بيقولي هتلحقي طب، انا مكنتش عايزة طب كنت عايزة صيدلة بس ابي وامي كانوا عايزين طب ولكن انا أصريت مدخلش جامعة اهلية وخليني في الحكومي احسن، المهم ان من ساعة ما الدراسة بدأت - بقالها شهر اهو- وانا مش مستريحة ومش عارفه اتعامل وفعليا الكلية مش زي ما تخيلت ومش حاسه اني قادرة اتعامل يعني مش علشان صعوبة اول سنة لا علشان انا فعلا مبقتش حابه الكلية، قلت لهم اني عايزة احول لطب وقالوا ماشي بس الجامعات الاهلية قفلت، التحويل ممكن يكون ترم تاني او السنة اللي جايه بقا، انا بكتب ده ليه بقا، علشان انا خايفه من المصاريف طب ب ١٥٥ واكيد هيزيد كل سنة ودول ٧ سنين ده غير مصاريف الكتب وكده، يعني الحمد لله احنا حالنا ميسور بس خايفه مش عارفه ليه ويمكن ده كان سبب اني أرفض من الاول ادخل اهلية وادخل صيدلة ، خايفه ان ابي لا قدر الله، ربنا يبارك في عمره ويحفظه يروح فجأة واكون كده حملت اهلي حمل هما مش قده احنا تبارك الله ٥، ٤ بنات وولد، والولد في ٤ ابتدائي و٢ اكبر مني واحدة عندها ٢٤ والتانيه ٢٣ وواحدة أصغر مني بسنة، وانا برضو شايلة هم تجهيزهم يعني ما اكيد هكلف كده على أهلي وهما حرفيا في سن جواز ف مش عارفه، وانا بجد مبقتش حمل صيدلة ومش شايفه انها تستاهل اضيع ٦ سنين، يعني الكلية بالنسبة لي بقت بجد صعبة، ف اعمل ايه يا جماعة..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_74361 🇪🇬

منذ شهرين

شعور شاعر بالملل

ياخي الواحد زهقان فشخ من موضوع الدراسة ده مش مدرك اني رجعت لحياة العبيد دي تاني وشامل كل حصة والاسيستنت اللي بيجعر عشان يعجب بنات اصغر منه بعشر سنين والمدرس اللي بيقعد نص الحصة يحكي عن انجازاته وان بيل جيتس متخرج على ايده وحاجة اخر قرف

Avocado_57183 🇪🇬 انا بنت وبقولك البنات بتوع السناتر بيضضضصضضض اللي على كل نص كلمه يضحكوا اففف بيخنقوا معاك حق

عرض الكل 5 نصيحة

Strawberry_67225 🇪🇬

منذ 3 أشهر

شعور مرهق

يجماعه انا قلبي وجعني وحاسه ان انا بنهار دلوقتي انا في ازهر ودخلت كليه وربنا موفقنيش في قسم سنتين مع انا والله في السنه التانيه ذاكرت بس شيلت تلت مواد وعندنا اللي يشيل بيعيد ولو عاد سنه مينفعش يعيد تاني انا كان مجموعي وحش في ثانوي كنت جايبه 65 في الميه ادبي انا تايهه ومش عارفه اي الحل انا عاوزه اكمل

Mango_62882 🇪🇬

منذ 3 أشهر

شعور لا مبالٍ

بحاول اجمع اكبر قدر من النصايح قبل ما ابدأ السنة فلو حد عنده اي نصيحة او مشكلة واجهته في المذاكرة وعرف يتعامل معاها او لقي حلها هتفيد جدا حتى لو نصيحه قديمه او معروفه ربنا يباركلكم. @نصايح لتالته ثانوي

Chilli_71087 🇪🇬 ذاكرى بطريقه الخرائط الذهنيه ابحثى عنها على النت لو مش عارفها ممكن تتعاملى مش شات جي بتى فى انه يلخص لك الورق ويعملك الخرائط الذهنيه المهم جداا عمل جدول اوقات الراحه المناسبه ومتنسيش نفسسسك لازم تخرجى وتبسطى نفسط بموهبه علشان يكون ف توازن

عرض الكل 2 نصيحة

Potato_63336 🇪🇬

منذ 4 أشهر

شعور قلق

أنا بدرس في كلية ليها سكن معين وواحدة صاحبتي بتدرس ف كلية تانية ليها سكن تاني فقررنا أنا وهيا نقنع أهلنا إن السكن الحكومي وحش عشان يرضوا يأجرولنا شقة برا مع صحاب بنات لينا بردو بس أنا حاسه إني هتسحل معاها وهضيع وقتي ودراستي وأنا تقديراتي السنتين اللي فاتو كانت حلوة (A+) ايه الحل دلوقتي لاني حابة اع

Mango_55662 🇪🇬 انتي عارفة الاجابة بس محتاجة اننا نقول انك صح. بلاش تردد وخدي قرار

عرض الكل 6 نصيحة

Apple_58349 🇪🇬

منذ 4 أشهر

شعور مرتبك

موضوع:

ازاي بتتعاملوا مع ارهاق الكليات العملية

ممكن حد ف ال medical field هنا ينصحنى بجد ازاي اعالج التسويف انا بسبب التسويف ده اتاخرت سنه ف كليتى والسنه الل بعدها كان ممكن ارتب دفعه انا واثق ف قدراتى مع اقل مجهود بس برضه معملتش كده جبت تقدير عادى

Apple_62770 🇪🇬 التسويف دا مرض حرفيا

عرض الكل 5 نصيحة

Lemon_57806 🇪🇬

منذ 5 أشهر

شعور مرتبك

نفسي احل مشكله ان انا على طول كل شويه اسمع روايات اقرا روايات اسمع مسلسلات وحاجات بتضيع لي وقتي مش شرط من مسلسلات اللي هي الوحشه لان مش بتفرج على النوع اللي زي كده بس حته تضييع الوقت هي اللي مزعلاني مش عارفه اعمل اي حاجه في يومي حاجات كثير المفروض ان انا اقضيها مش عارفه والوقت بيعدي بسرعه واليوم اكن

Coffee_56972 🇪🇬

منذ 5 أشهر

شعور قلق

هو اللي في سني بيعملوا إيه يعني إيه الأنشطة(مش قصدي الرياضة لأني الحمدلله بنزل جيم) اللي الشباب بيعملوها يعني لو بيشتغلوا مثلا بيشتغلوا إيه لو بينزلوا تدريبات أو تطوع بيبقا فين لأني في تانية كلية وحاسس إني مضيع وقتي على الفون وبس ونصايحكم وبالذات موضوع الشغل

Strawberry_54080 🇪🇬

منذ 6 أشهر

شعور مكتئب

حد عنده حل لواحد كان اشطر واحد في دفعته لواحد دلوقتي مش عارف يتخرج من الجامعه وكل اللي يعرفهم خلصو وبيشتغلو واصغر منه كمان ولا عارف يذاكر ولا قادر اصلا يذاكر وبقاله سبع سنين يقول كل يوم بكرا

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع