ممنوع

Chocolate_89875 🇪🇬

منذ يوم واحد

شعور عاطفي

ممكن نصيحه بحب واحد اوي والمشكله ان هوا يبقا صاحب اخويا و اتكلمنا فتره وكنا عادي صحاب و هوا قالي نبعد عشان اخويا وكدا و فضل بعديها يبعتلي دلوقت بطل يبعتلي خالص وانا خايفه يقابل حد ويحبو ومش عارفه ابعد وف نفس الوقت مش عارفه ابعتلو

Nutella_77604 🇪🇬

منذ 3 أسابيع

شعور متعب

عبّر عن شعورك بشكل مجهول

جماعة أنا كلمت واحد سوشيال بس اعرفه ويبقي من عيلتي وكدا اتكلمنا حوالي شهر ك قرايب وأصحاب وكان متحفظ جدا ف كلامه ومكنش راضي يعترف بأي حاجة بس جه اخر يومين بصراحه اعترف بكل حاجة المهم انا جيت وفكرت وراجعت نفسي أن الي بعمله دا غلط وطالما هوا بيحبني وعايزني هيجيلي عادي من الباب بس هوا لسه قدامه كتير ف مقدرتش اني افضل اتكلم واستني لحد ما يكون نفسه وييجي ممكن نتكلم سنتين تلاته ف السر وافضل اديله من طاقتي ومن مشاعري وهوا كمان وياعالم هيبقي فيه نصيب ولا لأ + هوا قريبنا وبابا واخويا ليهم مكانتهم ف البلد مقدرش اسبب ليهم اي احراج قدام الناس بسببي وهما ميستاهلوش مني كدا 
المهم عشان نفسي وعشان اهلي وعشان ربنا قبل اي حاجة وعشان دا الصح قررت اني مش هكمل بس غلطتي اني معرفتوش ب دا كنا بنتكلم عادي وقفلنا وفكرت وخدت القرار وعملت بلوك والكلام دا كان امبارح 
بس اختصارا الكلام معاه وأنه لما اقوله ع قراري هيقولي أنا هخاف عليكي اكتر من نفسي ومعاكي راجل وبتاع وممكن يقنعني أو يخليني اكمل عملت بلوك 
ممكن يكون غلط الي عملته بس مرتاحه وبردو ف نفس الوقت مستنيه يبعتلي من اي مكان تاني عشان أفهمه ليه أنا عملت كدا 
مع ان كان ف ايدي اقوله وافهمه قبل ما اعمل البلوك

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_52511 🇪🇬

منذ شهر واحد

شعور قلق

اقدر اقولك اعتبرني شخص نفسك انك تقوله كلام معين ماقدرش تقولو فالواقع دي فكره انا فكرة فيها من فترة كبيره و كان نفسي حد يطبقها معايا هنا بس للاسف ناس اتريقت عليا هنا كان من حوالي سنه بس عادي المهم الي حابب يقولي و انا هتقمص الشخصية 😂

Strawberry_74717 🇪🇬

منذ شهر واحد

شعور محبط

اعمل ايه مع بابا اللي رافض الانسان اللي بحبه رفض تام هو انسان في كل المواصفات لعريس كويس اي اب يتمناه لبنته لمجرد انه اصغر مني واخد الموضوع على كرامته اوي ومنظره ايه قدام الناس ويقول للناس ايه وان ده شيء يعيبه كا اب او كا راجل اني اتجوز راجل اصغر مني حاولت اقنعه بكل الطرق مفيش فايدة بيتعصب ويحلف ورف

Banana_82651 🇪🇬

منذ شهرين

شعور مكسور القلب

بحب بنت خالتي جدا وهي بتحبني بقالنا مع بعض 3 سنين بس انا وهي بنحب بعض من 7 سنين الفتره دي أهلها ضغطين عليها عشان تتخطب وانا كنت مكلمهم اني هاجي اتقدم اول ما ابقا جاهز وظروفي مش احسن حاجه ولسه بدأ مشروع صغير بس بحاول اكبره واحده واحده بس أهلها مش صابرين وعاوزين يخطبوها لواحد معرفه اتقدم كذا مره وكل م

Orange_80210 🇪🇬

منذ شهرين

شعور متعب

عبّر عن شعورك بشكل مجهول

انا مكنتش متخيله اني هعرف احكي حاجه عني او عن اللي مريت بيه فحياتي ولاول مره هحكي انا واحده كنت بخاف جدا من نظرة الناس حتي لو نظرة إعجاب لمجرد بس ان حد يبصلي بحكم ان كان مقفول عليا من كتر خوف اهلي عليا واصريت اني انزل واشتغل كان جوايا احساس بيقولي اني لو اشتغلت هغير من شخصيتي وهحتك بالناس وكده عشان اعرف اتعامل وفعلا دا اللي حصل بعد ما مريت بتجربه صعبه قبل نزولي للشغل اني تعبت كتير فثانوي وفالاخر محققتش اللي كان نفسي فيه وبعد ظهور النتيجه وفاة صاحبتي وجارتي كانت غاليه جدا عليا وكنت هدخل ف اكتئاب لولا اني اصريت اني انزل اشتغل ونزلت فعلا وشوفت فحياتي كتير اوي وناس تمشي وناس تيجي وانا اسيب الشغل واشتغل فمكان تاني مش مكانتي ولا انا بس كان جوايا يقين ان كل ده هيقويني وفعلا شخصيتي اتغيرت وخلصت الجامعه وانا كل يوم شخصيتي بتتغير ببقا اقوي ومكنتش بحب ادخل فعلاقات نهائى حتي فالكليه ولما خلصت ظهر حد قدامي مكنتش اعرف اني ممكن اتشرف لحد او اني هجرب حاجه زي دي مع انها عاديه فاليمن ده وبالنسبة لناس كتير عادي بس مكنتش بالنسبالي عادي نهائى المهم اني اتشديت للشخص ده واتكلمنا وقعدنا حوالي ٤ شهور بنتكلم وكنا اتعلمها هي اه فترة بسيطه بس بجد حبينا بعض فعلا وانا متأكده من كده وكان فاضل شهر بالظبط ويكلم اهلي ويجي يتقدملي قبل ما يجي جالي عريس تبع اهلي وكان جاهز ومفيهوش غلطه بالنسبة لأهلي وبحكم ان والدته صاحبة والدتي فالعيله كلها كانت موافقه وانا كنت رافضه وقعدت اعيط لاني بحب شخص تاني وطبعا اهلي ميعرفوش والشخص اللي مرتبطه بيه حاول معايا عشان أرفضه لدرجة انه كان هيكلم اهلي بس انا قولتله لا لأن اهلي مقتنعين بيه وان الدنيا كانت هتتقلب عليا انا فالاخر وممكن يرفضوك وبعد ما اهلي ضغطو عليا عشان أوافق للاسف وافقت واتخطبت وانا بحب الشخص اللي فحياتي جدا لدرجه اختيار الكوشه والرود والفستان حتي الهيلز كنت بكلم الشخص اللي بحبه عشان يختار معايا الحاجات دي ومكنتش بشارك اللي كان هيخطبني عارفه انه غلط اللي عملته بس والله مكنت قادره ابعد ولا قادره احب الشخص اللي جاي وجيت فالخطوبه قولت هعمل بلوك وخلاص عشان مينفعش احتراما للشخص اللي جه ده لان ملوش زنب وقولت اديله فرصه يمكن احبه وبعد ما عدت الخطوبه بشهر مقدرتش احبه نهائي وكان في مشاكل كتير حصلت فالشهر ده وبعدها بصراحه فكيت البلوك ورجت اتكلم تاني مع اللي كنت مرتبطه بيه وبعدها بشهر تعمدت اني ادايق خطيبي عشان يسيبني وفالاخر سيبنا بعض وطبعا الفلوس اللي كانت مع الشخص اللي بحبه اللي كان هيجي يخطبني بيها انا لما اتخطبت اقنعته انه يطور من شغله اكتر ويشتري معدات تانيه لشغله لانه كان هيسافر برا مصر بسبب خطوبتي وعمل بكلامي وطور من شغله وكنت بتابع الاستوريهات بتاعته ديما والحمد لله بفضل الله شغله بقا تمام بس الفكره كلها انه طبعا محتاج انه يبدأ من الاول تاني عشان يكون فلوس تاني عشان يجي والمفروض انه هيجي اخر السنه بالكتير هيكون ظبط دنيته وطبعا قعد يقطمني اني خليته يصرف اللي معاه كله فإنه يشتري معدات جديده عشان يطور من نفسه ولأن انا مكنتش اعرف اني هفك الخطوبه بالسرعه دي الصراحه وهو زعل مني طبعا لاني سيبته ولما رجعنا اسلوبه كان متغير شويه ولما واجهته قالي انا لسه تعبان من اللي انتي عملتيه انك سيتيني ووافقت عليه وفهمته والحمد لله رجعنا تاني بس مش زي الاول طبعا بحكم ان شغله بقا طحن اكتر من الاول ووقت شغله زاد وانا مش معترضه بالعكس مبسوطه بس حقيقي خايفه خايفه بعد كل ده منكنش لبعض معرفش ليه الاحساس ده بيجيلي اسفه اني طولت بس في أحداث كتير حصلت الفترة دي لان في واحد تاني قريب صاحبتي وشافني وعايز يتقدملي وانا بحاول أوقف الموضوع مش عارفه اعمل اي بجد ياريت من غير غلط فيا انا محتاجه حد يقولي اعمل اي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_53249 🇪🇬

منذ شهرين

شعور وحيد

السلام عليكم من فتره قبل سنه تقريباً اتعرفت على شاب معايا في الشغل وارتبطنا في بدايه كلامنا مطولناش يعني خلال اسبوع من كلامنا كنا مرتبطين وتطورت العلاقه اني رحت عندو البيت وتعرفت على اهلو وصاحبت اختو وكدا المهم مكملناش في العلاقه ٣ شهور وانفصلنا بسبب انه عرف عليا بنت واتنين تانيين وقالي شايف ان الاح

Banana_56329 🇪🇬 اخلعي

عرض الكل 25 نصيحة

Apple_77622 🇪🇬

منذ 3 أشهر

شعور محبط

انا French frise 71759امم الاب دا ادانى بان م غير حاجه م غير جتى م انزل بوست حتى تيمتليختليتيلختخيتيختلبلختخنيلختيلمنيليلمنيملنملنىميىنوؤىنويىنويلنويىنةكيلمتةتىماننارناةبرةرةرابابابابلقغقغفالتنباباسنبذتننبعسبانذابتذنغبستغبليتسيلستيلتسيلتسيلتسيلتسيلعيغتساتيببانيبنياابتيباتينبيايبانباتءلتمييعخفعخبفي

Plum_65277 🇪🇬

منذ 3 أشهر

شعور مكسور القلب

اي الاخبار، انا دلوقتي عندي حياتي وشغلي و فلوسي و بيتي و كلو تمام من الناحيه دي، بس في شخص دخل حياتي من فتره فتره كبيره شويه و اتعلقنا ببعض و حبينا بعض اوي و جه فعلا واتقدم و اهلي شافوه مناسب هو واهله بعدها بأسبوع كده بابا قال لا انا مش موافق خلاص مش عايزين انا هقولو كل شيء قسمه و نصيب، و فعلا حصل د

Strawberry_68251 🇪🇬

منذ 4 أشهر

شعور محبط

موضوع:

امتى حسيت إنك كنت محتاج حد يسمعك وملاقيتش؟

لما ارتبط ب حد و حبيته و حبني و ل اول مره ف حياتي احب حد بالطريقة دي و اضطريت ابعد عنده عشان ابوه مش موافق انه يختار بنفسه الي هيتجوزها وطرده من البيت لما فتح مع الموضوع ساعتها اتصدمت من الي حصل و اني مجبره ابعد عنه عشان مزودش المشاكل بينه وبين اهله لاني قولتله لو ف يوم اهلك موافقوش انا هبعد مهما ك

Lemon_66502 🇪🇬 بصي احنا لو عاوزين حاجه بنعافر عليها فكرتي قبل كده ان اي موقف فيها انك تختاري بين نفسك وبين حاجه تانيه انك تختاري نفسك؟

عرض الكل 11 نصيحة

Avocado_65460 🇪🇬

منذ 5 أشهر

شعور مرهق

القصه بدأت من بنت وولد خلفوا بنت وولدين علشان تعرفي المعاناه بتاعه البنت لازم تبدا من قصه الام والاب هنبدا ب الام الام بدأت قصته من بيت مكون من اب وأم و3 اخوات ولد هي رقم 2 في اخواته بنت ده كانت بتتعمل معاملها جفه من الام كنت بنت رغم كده عائشه ع مزاجه برضو وكنت مش محتاجه حاجه في بيتها كل الحكايه أن

Potato_58422 🇪🇬

منذ 5 أشهر

شعور مذنب

موضوع:

بعدت عن حد قبل كده وهو بيحبك?

اه حصلت واحدة اتعرفت عليها عن طريق شغلي و كانت عميلة عندي انا كنت مشدود ليها صراحتاً هي كانت مطلقه و عندها طفل ده كله اتعميت عنه و هي كانت برضه معجبه بيا و اعترفنا لبعض بحبنا كنت مرتاح معاها و حاسس إني علي طبيعتي اوي حرفيا كانت ملاك و نسمة بعدها بفترة جيت افكر طب ايه آخرة اللي بعمله؟ هتجوزها طب

Potato_63256 🇪🇬

منذ 5 أشهر

شعور ضائع

عبّر عن شعورك بشكل مجهول

كنا بتشتغل مع بعض .. اول ما شفته حسيت بترابط روحى رهيب بينى و بينه .. بس ماتكلمتش و كتمت جوايا لانى عارفة ان فى حد فى حياته .. هو كمان كان بيحس بنفس الطاقة .. صارحنى بعد مدة طويلة .. لما بدء يبقى فى بينا كلام واحدة واحدة .. كان متردد و خايف .. انا برده مكنتش فاهمة ايه إللى بيحصل .. اول مرة احس الشعور دا مع حد .. كان قريب من روحى بدرجة غريبة .. و هو كمان .. قالى انا عارف انى مش هقدر احصل عليكى فى الدنيا بس بتمنى تكونى من نصيبى فى الآخرة .. ماطلبش منى اى طلب خارج خلال ال ٣ سنين إللى كنا فيهم مع بعض .. مش قادرة افسر احساسى .. حاسة انه واحشنى قوى .. بس حدودى و حدوده مانعة انه يحصل اى شئ بينا.. انا غيرت رقمى و مسحت كل حاجة  و اختفيت .. بقالى سنة دلوقتى .. و كل حاجة انتهت 
انت ايه سرك ؟ .. ليه كنت بتقول انى سحر او نور .. و انا ليه كنت بحس انى طاقة نور فعلاً لما بكون قريبة منك ؟ .. ليه انا و انت حاسين ان احنا كنا مع بعض فى عالم تانى .. كنا قريبين اكتر من كدا ؟ .. ليه كنت بحس بإلحاح غريب من روحى انها تكون قريبة منك ؟ و ليه دا كان بيحصل معاك انت كمان ؟ ليه كنت مصمم عليا ؟ ليه لحد آخر لحظة كنت بتدعى نكون مع بعض ؟ ليه كنت بشوف فى عنيك العجز ؟ انا عارفة انى ماوصلتلكش اى شئ من إللى انا بقوله هنا دا ليك فى الواقع .. بس عشان كنت خايفة .. كنت خايفة من نفسى و من الظروف إللى لاقتنا ببعض.. تفتكر قصتنا انتهت ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_19483 🇪🇬

منذ 5 أشهر

شعور محبط

عبّر عن شعورك بشكل مجهول

هلا يا جماعه..
أنا زعلانه جدًا بجد،كنت بشوف صوري وفيديوهاتي بشعري قبل الكيماوي قلبي وجعني أووي علشان كان شعري طويل خالص  وناعم وحلو،مع الكيماوي شعري وقع ،خلصت كيماوي ف شهر ٣ اللي فات هو بدأ يطلع هو قصير جدا ،زعلانه جدا و خايفه ميرجعش طويل زي الأول وقلبي واجعني أوووي علشان فيه كتير من اللي قصوا شعرهم ،شعرهم مرجعش لطوله تاني،كل ما أشوف شكل شعري قبل الكيماوي قلبي بيوجعني وبزعل أووي بجد كنت بحب شعري أووي وحقيقي أنا قلبي واجعني بشكل مش عادي ،أنا خايفه شعري يفضل كده ده غير إنه طالع خشن كده مع إني شعري كان ناعم أوووي قبل الكيماوي
أنا حقيقي قلبي واجعني أوووي بجد وجوايا زعل مش عادي بجد أنا نفسي شعري يرجع زي الأول 
ادعولي شعري يرجع زي الأول وادعولي ربنا يتمم شفائي على خير أنا مبقيتش عارفه أتحكم ف نفسي خالص حاسه إني بنتقم من نفسي وبقالي كتير بأكل كل حاجه الدكاتره مانعيني منها،حاولت كتير أمنع نفسي بس معرفتش ومش عارفه أتقبل إني أفضل طول حياتي ممنوعه من كل الحاجات اللي بحبها لدرجة إني بدل ما مثلا آكلها كل فتره لا بقيت آكلها طول الوقت من ورا أهلي ،أنا عارفه إني غلط لكن أنا مش عارفه أتقبل إني لازم كل حاجه بأكلها أو أعملها ف يومي العادي تبقى بإستشاره حتى الأدويه لما بتعب أو يجيلي برد برده بإستشاره من أبسط الحاجات لأكبرها،الكانسر خسرني كل حاجه ودلوقتي خايفه يكون حصلي انتكاسه لأني عكيت ف الأكل جامد وأنا أصلا لسه مخلصتش علاج وحرفيًا بأكل كل حاجه تغذي الخلايا، أنا تعبت من نفسي وتعبت من كل حاجه ونفسي إني أقتنع من جوايا إن خلاص الغلطه بفوره ف حالتي وإني خلاص مبقاش ينفع أستهتر زي زمان بس أنا مش عارفه أقتنع ونفسي أحس إني طبيعيه وبضغط على نفسي ف إني أعمل مجهود علشان محسش إني عاجزه وبجهد نفسي علشان أحس إني تمام وطبيعيه وزي الأول ومفيش حاجه فرقت بس أنا تعبت بجد وزهقت 
ادعولي بجد علشان قلبي واجعني بجد ونفسيتي اتدمرت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Corn_62206 🇪🇬

منذ 5 أشهر

شعور لا مبالٍ

موضوع:

ايه السر اللي عمرك ما طلعته لحد؟!

اني كنت في علاقة مع جارتنا الاكبر مني و متجوزة و مكنتش قادر ابعد عشان هي عرفت تعمل كل حاجة تخليني مقدرش ابعد عنها عشان مصلحتها و افضل معاها و ترضي نفسها بيا و لحد دلوقتي بينا كلام بس مقابلتنا بقت شبه معدومة مش زي الاول كنت كل يوم تقريبا عندها قاعد واكل شارب نايم و في جاريه تحت امري نفسها تعمل اللي

Sugar_89824 🇪🇬

مخنوقة ومضايقة ومش عارفة أتكلم لحد

جماعه انا عندي مشكله اني بيجي عليا وقت بكون مخنوقه ومضايقه اوي بس معرفش من ايه. ومش بحب احكي لحد حاجه خالص وحاسه ان فكره الapp دي غلط وحرام معرفش ليه بردو بس لما باجي اقول مشكله واتكلم هنا بعدها بتخنق اكتر وبضايق اوي اني حكيت وفي نفس الوقت لما بكتم جوايا اي حاجه ببقي عايزه افضفض لاي حد وبعد ما افضفض بندم وانا أصلا متعوده طول عمري مش بحكي اي حاجه لحد وبكتم جوايا معرفش حد فاهمني ولا ايه ...عرض المزيد

1 الدعم

27 نصيحة

Apple_89884 🇪🇬

طلقت من رجل سئ الطباع ومش سايبني في حالي

أنا اتجوزت اول السنه دي واطلقت بعد جوازى بحوالي ٧ شهور بالظبط طليقي رجل مش محترم جدا هوه في المظهر شيك ومؤدب ولكن في الباطن سئ الطباع لدرجه مستحيله وأخلاقه في البيت اكتشفت أنها لاتمت للرجوله بشئ وحاليا بعد طلاقي منو مش سايبني كل مكان اروح فيه يظهرلي ويتخانق اروح النادي مثلا ألاقيه اروح مكان ألاقيه اكتشفت انو منزل لي برنامج في الموبيل بتاعي غيرت موبايلي وغيرت نمرتي أتجنن علي الآخر أنا في بيت والدى وأنا بحمد ربنا إننا جوه كومباند وفيه امن ومانعين أي حد يدخل لينا علشان كده مش عارف يدخل لينا زهقت منو ومبقتش عارفه أتصرف ازاي أنا أطلقت منه بصعوبه وزهقت وعملت محضر عدم تعرض وللأسف أنا لوحدى ماعنديش غير أخت واحده مهاجره في كندا والدي كبير جدا في السن ربنا يطول في عمرو يارب والدتي متوفيه بجد نصيحه مني اوعو تتغرو بالشكل ولا بالمظهر أنا الحمدلله مش محتاجه منه اي فلوس ولا محتاجه منو أي حاجه أنا طلقتو وسبت كل دهبي وكل حاجه وكل حاجه والدي جابها ليا بحوالي اكتر. من ٢ مليون جنيه ومفرفش عندى أي حاجه غير إني اهرب من الجحيم اللي كنت فيه نصيحه ادرسي اللي بيتقدم ليكي مره واتنين وتلاته وأربعه وخمسه ...عرض المزيد

5 الدعم

23 نصيحة

Guava_70060 🇪🇬

خطيبي قالى مش انثى كفاية.. وجرحنى فى موضوع العرق والريحة

عايزه افضفض معاكم شويه أنا كان دايما كل صحابي يشتكو من موضوع العرق والريحه وانا اقول الحمدلله أنا مش بيطلعلي ريحه وحشه اعتقد طبيعه جسم عادي ف كانت النقطه دي عندي ميزه اللي هو استحمي وابقي كده فله عمرها ما كانت بتشغل بالي وبره البيت أنا مستحرمه احط برفيومز رغم ان عندي كتير ولما بحط مثلا مناسبه او كده الاقي اختي بتزعقلي وتفكرني بحديث النبي صلي الله عليه وسلم وكنت مبسوطه بنفسي كده وشيفاني قمر لحد ما اتخطبت وفضل فتره شايفني قمر برده بلبس لبس نضيف او جديد كمان واحط ميكب رقيق وشكلي كيوت بعد شويه حصل موقف جرحني اوي (قالي بعد الخروجه أنا عايزك انثي زي البنات بتلبس اكسيسوري بتهتم بريحتها الكلمه جرحتني اوي قلتله ليه أنا ريحتي وحشه يعني قالي مقولتش كده بس تهتمي قلت البرفانات حرام علفكره قالي ومزيل العرق حرام النضافه من الإيمان علفكره وكأنه بدل ما أنا اقلب الترابيزه قلبها هو أنا ساعتها سكت ومقدرتش اتكلم واتجرحت جامد فضلت اشم ف هدومي مش لاقيه ريحه عرق مش لقياني عرقت أصلا وقعدت اعيط 😭)ومن يومها بقيت بغرق نفسي ميستات وهو بدأ يقولي جميل بس برده فضلت الخلافات وفضل يكسر فيا من غير ما احس ع سناني ع جسمي ع لبسي ع كلامي ع طريقتي بس كله بيصب ع اني مش انثي ولما اقوله مانت عارفني وشايفني من الاول يقولي مكنتش مركز ولما اسمع كلامه وأتحسن يحبني شويه ويرجع تاني وهكذا المهم انفصلنا وانا دلوقتي شايفه نفسي مش انثي وانه هو اللي علمني احط ميستات واني ازاي مكنتش كده واني كده مكنتش بنت اني مش بحط ميستات وهكذا بقيت لما احط هير ميست مثلا ف بيت اقول اه اتعلمتي دلوقتي تبقي انثي وكلام سلبي ليا اوي ...عرض المزيد

2 الدعم

22 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع