نظرات الناس

Coffee_74276 🇪🇬

منذ أسبوعين

شعور محبط

لو ممكن تدعولي بظهر الغيب اني اتجوز بسرعه لان والله تعبت من كلام كل اللي حواليا و نظراتهم ليا و من وحدتي محتاجه راجل محترم يقف جنبي و يطمني ادعولي من قلبكم و بأذن الله ربنا يفرج همي و هموممكم جميعا يارب

Lemon_52708 🇪🇬

منذ شهر واحد

شعور مكسور القلب

عبّر عن شعورك بشكل مجهول

بدأت أحسّ إني شخص مش محبوب في الشغل.
مديري عدّل مرتبي وزوّدني، لكن في المقابل، زمايلي بقوا يعاملوني كأني إنسان قليل الأصل، فاشل، وشخص ميعتمدش عليه.
كل ده لمجرد إني باخد كورسات وبعمل مقابلات علشان نفسي، علشان أطور من حياتي، مش أكتر.
يمكن محدّش عارف أنا بشيل قد إيه على كتافي… والدي ووالدتي كبروا وبقوا على المعاش، وأنا لازم أكون سند ليهم، أراعيهم وأطمن عليهم.
وأختي على وش جواز، وأنا بقيت بالنسبالهم الأب والأم والأخ الكبير في نفس الوقت.
كل ده خلاني أحسّ إن مستقبلي مش رفاهية، لأ، ده واجب لازم أحققه.
بس الغريب إن كل ما أتحرك خطوة لقدّام، ألاقي الناس حواليّ بتراجعني لورا.
اللي بيشوفني بحاول أطور نفسي يتهمني بالأنانية، واللي بيسمع إني بدور على فرصة تانية يقول عني نرجسي.
مع إني كل اللي عايزه إني أعيش بكرامة، أشتغل وأتطور، وأبقى قادر أساعد اللي بحبّهم.
بس بقيت مش قادر أستحمل نظراتهم، ولا كلامهم اللي بيكسرني من جوّا.
بقيت باخد حبوب مهدّئة علشان أهدى، بس الحقيقة إن الخوف مالي قلبي.
خايف من بكرة، من الفشل، من نظرة الناس، من إني أتحوّل لشخص غريب عن نفسي.
وخايف كمان أحبّ واحدة في الغلط، 💔
لأني بالفعل حبيت واحدة قبل كده…
وللأسف خلتني أشوف نفسي مش كفاية، 💔
خلتني أشكّ في قلبي، في طيبتي، وفي كل حاجة كنت فاكرها جميلة فيّ.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_67549 🇪🇬

منذ شهرين

شعور مكسور القلب

احساس الخوف دايما ملازمني بجد خايفه افشل تاني حياتي بايظه فيه حاجات كتير اوي بايظه و حاسه ان بتفرج عليها اهلي دخلوني جامعه خاصه و ضحوا كتير علشان احقق حلمي بس خايفه اوي افشل في ده الايام دي بذاكر بصعوبه اوي بجد الصلاه مش منتظمه خالص بحس أن حاجه بتمنعي نظرات الناس ليا أن معنديش شخصيه عادي حاولت اغير

Biscuit_50330 🇮🇹

منذ شهرين

شعور آسف

خلاص هبدأ دراسه عايزه أقولكم اني خايفه اووووي خايفه تحسو اني مش عايزه اروح رغم ان المدرسه ارحم من أعدت البيت بس خايفه اوووي من كل حاجه من نظرات الناس و المدرسين خايفه من رد فعلهم خايفه اووي أشوف الشفقه ف عينيهم خايفه من كل حاجه حاسه اني هبقى لوحده التفكير مش هيسبني كل حاجه نعباني اوووي

Popcorn_47130 🇪🇬

منذ 5 أشهر

شعور لا مبالٍ

السلام عليكم ورحمة الله وبركاته. انا سعات كتيره بحس اني مش كويسه نفسيا وعقليا ومحدش يتريق بس انا احيانا ببقا مش فاهمه نفسي وتايهه ومش عارفه اعمل او افكر ف ايه وبحس نفسي برضو مش احسن حاجه لان ببقا احياننا بحس كله بيبص عليا واحيانا بحس ان محدش مهتملي واحيانا بحس اني ببص علي الولاد وكده واحيانا بقرف

Strawberry_57860 🇪🇬

منذ 5 أشهر

شعور وحيد

حاسه اني وحيده اوي بالرغم ان حواليا اهلي و صحابي حتى لو مش كتير بس على الاقل حواليا ناس بس بردو حاسه بفراغ مش مفهوم وحتى لما حاولت ابقى اجتماعيه اكتر كانت بتبقى صداقات اسبوعين او شهر بالكتير ونبعد ومحدش يعرف التاني حتى في المدرسه من كتر ما انا مكنتش بروح ومش بتكلم في اي جروب دفعه هما بيعملوه نسيوني

Avocado_54882 🇸🇦

منذ 5 أشهر

شعور متعب

دايما كل ماقرب من حد يبعد عنى والناس بتفهمنى غلط وبقيت عايش لوحدى ومافيش حد بيسال عليا والدنيا بقت وحشه اوى حتى فى الشغل دايما عندى احساس انهم بيعرفونى علشان مصلحتهم وساعات انهم بيتريقوا عليا ومبقتش عارف اعمل ايه وعندى احساس متلغبطه وبقيت تعبان اوى ومش طايق نفسى

Kiwi_49822 🇪🇬

منذ 5 أشهر

شعور ضائع

موضوع:

الفلاش باك الي بيجي فجأه

لما كنت صغير عندى 10 سنين واتصعدت شباب فى تمارين لعبة قتاليه معينه من كتر ما مركز فيها وخدت كذا ميداليه وكذا حزام وبعدها تجيلى مشكله مرضية نادرة فى الركبه فا اقعد ست سنين باخد علاج من غير نفع وماقدرش اسجد فى الصلاة واصلى وانا قاعد اوقات كتير ونظرات الناس ال كلها تهكم انك ازاى صغير وتصلى وانت قاعد ده

Mango_57291 🇪🇬

منذ 5 أشهر

شعور محبط

دايما بعاني من رهاب اجتماعي لما بتعرف علي حد جديد بسبب اني بحس نظراتهم ليا مش الطف حاجه سواء حاولت اكون كاريزما و الشخص التقيل او احاول اخفف دمي و يبدأ صوتي يضيق و احس اني بتكلم من منخيري ،انا بجد تعبت و عايز حل 😞

Croissant_57288 🇪🇬 للاسف انا كمان عندي نفس المشكله مش بحب الخروج من البيت ولا اروح افراح ولا خطوبات و تجمعات عائلة و لما بخرج بلجلج في الكلام مش عارفه ليه انا كدا بكتسف اخد حقي لو اللي السواق مش رجعه الموضوع فعلا مزعج بس اعتقد الحل اننا لازم نتغلب علي الاحساس دا مرة وتالته وهكذا مع الوقت هتحس عادي

عرض الكل 4 نصيحة

Orange_55383 🇪🇬

منذ 6 أشهر

شعور قلق

السلام عليكم ياجماعه انا شاب ف اولى جامعه مشكلتى هى ان انا طولى زياده شويه يعنى انا ٢٠ سنه وطولة ٢٠٠سم ودا بيخلص الناس كلها تستغرب منى ف اى حته ودا مدايقنى وفى حاجه كمان بخاف ان البنات تتريق عليا وماعرفش اتجوز واحب وكدا

Mushroom_54240 🇪🇬

منذ 6 أشهر

شعور شاعر بالملل

تعبانه كل حاجه في حياتي خره تعبت من كل حاجه تعبت من الناس تعبت من النقاش تعبت من اهلي و البيت و الترويق تعبت من تظرات الناس حسها اني مش كويسهمش قدره اعيط بقيت بعيط جوايه مش عارفه اعمل حاجه في حياتي حياتي بيظها من كل حته مش عارفه احب مش عارفه اخد خطوه اني اجوز اتخطب او اكل مع حد لان كلو بيقول معلش

Candle_51983 🇪🇬

منذ 7 أشهر

شعور غاضب

قولت احتشم في لبسي و أبدأ اللبس واسع أنا كده كده لبسي مش ضيق بس مش واسع برضو المهم بدأت انهارده ولبست چيب كمية البنات والأولاد اللي بتبص عليا من فوق لتحت رهيبة بجد حاسة إن كان فيا حاجة غلط قولت يمكن بيتهيالي ومشيت مع بنات صحابي لقيت شلة ولاد باصة عليا انا وسايبين صحابي اللي لبسهم ضيق !!!!! فا سؤالي

Croissant_52254 🇪🇬

منذ 9 أشهر

شعور وحيد

Strawberry_25620 🇪🇬 بلاش موضوع لفت الانتباه ده غلط جدا الملفت بيبقا ملفت بطبيعتو انتي فعلا في المكان الغلط واعتبري دخولك الجامعه فرصه جديده استغليهااا وحاولي تعملي فيها اصحاب جداد وكويسين هتلاقي كتير جدا عمتا وكل الشخصيات ف هتلاقي اللي على مقاسك ويشبهولك ،اختاري انتي صح بس واهم حاجه بطبيعتك متحاوليش تجتهدي وهوا ربنا بيبعتهملك من عندو خلي عندك ثقه في نفسك شويه واشتغلي على نقاط ضعفك اللي في شخصيتك وفي الاخر حبي نفسك

عرض الكل 4 نصيحة

عبّر عن شعورك بشكل مجهول

انا عندي مشكله هي اني بجد وحيده معنديش صحاب كلهم معارف مش اكتر او بمعنى اصح زمايل وبجد الموضوع مؤذي نفسيًا اني معنديش صحاب من وانا صغيره وحيده ومبعرفش اتعامل مع حد وبحاول الفت انتباه اللي حواليا وبيتردلي بالتجاهل على طول محدش حتى شايفني حاولت كتير اتفاعل مع الناس ويكون عندي صحاب بس مفيش فايده وكرهت نفسي وبقيت حاسه اني كئيبه ومصدر طاقه سلبيه للي حواليا ومحدش يقولي تجاهليهم انا فعليًا حاولت اتجاهلهم كتير بس الوحده قتلتني حرفيًا وخصوصًا ان يعني وضع عيلتي المعنوي مش احسن حاجه محدش عندو خلق للتاني وحتى لما بحاول اكون فرفوشه معاهم وافك شويه تيجي اللي تاخد الاتنشن وتغطي عليا بجد بحس ب احراج وبرجع تاني اقعد لوحدي وببقى بفكر هما هيقولو عني ايه عشان سبتهم وقعدت لوحدي ولو فضلت قاعده معاهم ممكن يقولو ايه عني وانا برضو قاعده ومليش اي لازمه بينهم لانهم حاطيني برا الدايره دي وحتى لما بنكون واقفين ٣ مع بعض بكون انا الطرف التالت وده مع كل الناس مش مع ناس معينه مبقتش قادره احب نفسي وخصوصًا انها حاجه وحشه ان بعد ١٢ سنه دراسه معنديش ولا صاحبه وده نفسو متوقعه انو يحصل معايا فالجامعه وكمان حتى لو جيت اقترح عليهم فعاليه نعملها ممكن يرفضوها مني بس يقبلوها من شخص تاني مع اني بجد مش وحشه مع حد وحرفيا بخاف على زعلهم جداً وبحاول على قد م اقدر اكون خفيفه عليهم واخد بالي من كلامي والتزم حدودي عشان ميزعلوش مني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_51184 🇪🇬

منذ 11 شهرًا

شعور محبط

عبّر عن شعورك بشكل مجهول

السلام عليكم.
أنا مش عارفه أعيش حياتي طبيعي، بفكر في كل كلمة اتقالت سواء أنا إلي قولتها أو حد غيري، كل نظره وكل طريقة كلام بروح البيت أفكر فيها 
يا ترى كان قصدها ايه لما بصتلي كده؟
يا ترى المستر شافني ازاي لما غلطت ف سؤال؟
يا ترى عملت حاجه تخليني مش محبوبه؟
يا ترى ضايقتهم؟
يا ترى كنت لذيذه النهارده ولا كنت رخمه؟
طيب يا ترى بعد ما مشيت اتكلموا عليا؟
طيب يا ترى لما قولت همشي علشان الحق أصلي شافوني منافقه؟
طيب فهمت ايه لما قولت كده، ده أنا مكنتش اقصد؟
واكتر من كده، وانا مش مؤذيه ولا ممكن أسبب لحد ضرر نفسي بقصدي يخليني أفكر كل التفكير ده، لكن فعلا مش قادره أبطله وبقى جزء من حياتي.
مش بثق في نفسي ابدا على عكس ما كنت أو يمكن كنت واهمه نفسي إني كده
مش بثق فعلا في شكلي رغم انو الحمدلله شكلي مقبول، ولا بثق في قدراتي وإني أقدر أعمل كذا حاجه وإني كويسه، مبشوفش نفسي غير واحده عاديه جدا مش فيا كل المميزات الي انتوا بتقولوها دي، ولو حد مدح فيا وده متردد دايما ف الي هو بتمدحوا فيا ليه يا جماعه م انا عاديه عادي، في ناس كتير أحسن مني.
لما بقفل ف امتحان بشوفها صدفه عادي مش انا يعني الي تحفه.
كان عندي امتحان امبارح واثقه مليون ف الميه إني مش هقفل، رغم اني حليت كويس جدا الحمدلله.
مش عارفه أعيش حياتي طبيعي حقيقي، وحاسه إني محاوطه بمجموعه كبيره من الأفكار إلي مش بتفارقني، ومبطلعش من الماضي لدرجة اني عندي خطط للماضي، ومبقدرش ماخافش من المستقبل إلي ف علم ربنا، ف بالتالي مش عارفه استمتع بالحاضر.
فوق ده مش بركز في الاسئله، في اسئله كتير بشوفها اسئله تانيه او مش بقراها ف بحل غلط رغم اني كنت ممكن ابقى الوحيه الي مقفله، رغم اني بقرا مره واتنين و تلاته السؤال، لكن ولا حاجه بتتغير!
ف علشان كده لما باخد امتحان مببقاش واثقه اني هقفل او هجيب درجه حلوه، انا عارفه اني نسيت حاجه او عملت حاجه غلط، ف خلاص بقى ده الطبيعي.
فوق إن كل سيناريوهاتي بتطلع غلط، يعني لو فكرت اني بكره مثلا هروح هنا وهعمل كذا فببقى عارفه ان خلاص طالما فكرت هيحصل العكس او هيحصل حاجه تبوظ الي فكرت فيه وفعلا ده بيحصل.
مش عارفه بجد أعمل ايه ومش عارفه لما أدخل تالته ثانوي هعمل ايه وانا توتري ممكن يخليني انسى فعلا المنهج وده حصل قبل كده ف امتحان مهم وعدى بفضل ربنا الحمدلله، ولا اني ممكن اعيط وجسمي يترعش ومبقاش على بعض من قبل ما اخد ورقة الامتحان، طيب هكمل ازاي وانا مش واثقه ف نفسي ومبوظه على نفسي حياتي؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tomato_46393 🇪🇬

منذ سنة واحدة

شعور لا مبالٍ

الموضوع مش موضوع رهاب اجتماعي او عدم ثقه بالنفس بالعكس انا شخص واثق من نفسي جداً' بس دايما بحس وانا ماشي الناس كلها بتبص عليا' مش بحس دي حقيقه' حتي لما بكلم شخص بيسرح فيا ومبيعرفش يجمع الكلام وبيكون متوتر' حتي الاطفال الصغيره لما بتشوفني بتفضل باصه عليا وبلاحظ دا كتير' عمتاً انا شخص معنديش اي مشكله

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع