أنا بكتب الكلام ده وأنا إيدي بترعش، وحاسس إن قلبي مش قادر يشيل دقة واحدة زيادة من كتر الضغط والقهر. أنا النهاردة كنت بضيع، مش مبالغة، أنا حسيت بجد إن روحي بتنسحب مني من كتر الظلم. ​أنا راجل صاحب أصول ومبدأ، ولساني عفيف وعمري ما جرحت حد، دخلت مكاني الجديد بكل نية صافية إني أتعلم وأثبت نفسي. لكن اللي شفته كان 'سحق متعمد' لكرامتي ورجولتي. ليه؟ عشان 'فروقات فردية' في الشغل؟ عشان لسه في بداية طريقي؟ ​الوجع اللي بياكل فيّ إنها بتخلط بين 'أدائي في الشغل' وبين 'كياني كراجل'. قللت مني بشكل فج قدام الكل، وحولتني لـ 'عبرة' عشان ترهب بيا الباقيين، لحد ما خلت كل اللي كنت فاكرهم زمايل وسند يبيعوني ويخافوا حتى يبصوا في عيني. ​أصعب حاجة في الدنيا 'قهر الرجال'.. إنك تلاقي حد بيستغل لقمة عيشك عشان يدوس على كرامتك بدم بارد. أنا بكيت النهاردة.. وبكاء الراجل غالي أوي عند ربنا. أنا مش مسامح، ولا هسامح في ذرة الوجع اللي خلتني أحس إن قلبي هيقف. حسبي الله ونعم الوكيل مش مسامحها دنيا واخره

2

5