ازاي تقدر تتخطي حاجة وجعتك وتتعامل معاها عادي ؟

Question

احكي قصتك عن الحاجة اللي وجعتك واذتك نفسياً وازاي تقدر تتخطاها؟

Nutella_25706 🇪🇬 · Answer

اختصار للكلام مش بتقدر نتخطى حاجه وجعتنا وكسرتنا مهما كان باين علينا من برا أننا اتخطينا بس جوانا  لسه فيه اثر ومش هيزول الحاجه اللي اتكسرت مرة مش بتصصلح ابدا حتى لو عدى عليها سنين وعلى حسب شخصيه كل واحد بس انا مبقدرش انسى حاجه لحد آذاني بيها

Orange_26247 🇪🇬 · Answer

صحيح الاذي النفسي مش بيتنسي ولكن انا اتعلمت اني اخد حذري في التعامل مع الناس وان لازم في حتة ف قلبي من جوة ماحدش يوصلها مهما كان وعشان كدة بحاول اني ادعي ربنا انه يقرب مني الناس الكويسة ويبعد عني الفراق او الاذي لاني عارف ان ده شئ مالوش ضمان وان العلاقات دي توفيق من عند ربنا

Watermelon_26657 🇪🇬 · Answer

اتاذيت نفسيا جدااا و اتخطيت الاذي ده بالقرب من ربنا و الدعاء و اني افكر في نفسي بس و صنعت لنفسي طريق جديد و استخدمت وجعي وحولت الطاقه السلبيه جوايا لطاقه ايجابيه و رضيت بنصيبي و فضلت التحديات جوايا تزيد اني انجح و اكبر و اثبت ذاتي و يكون ليا كيان جديد بشخصيه جديده و تفكير مختلف و نجحت الحمد لله بتوفيق ربنا و اجتهادي

Biscuit_27045 🇪🇬 · Answer

انا عمرى مش كبير بس مريت بصدمه فى عائله وانا صغيره وكان فى عنف كبير جدا جسدى ونفسى وانا عندى ١٠ سنين بعدها انا كان عندى شبه انهيار ودخلت فى صدمه لاكن لما بدائت ادرك انا فين فكرت فى ان مفيش حد يهمو امرى وان لو فضبت كده الشخص الوحيد اللى هيتأزه هو انا بدائت ارمى ورا ضهرى وكل تفكيرى *الوقت كده كده هيعدى سواء انا كنت فرحانه او زعلانه بشتغل وبعمل اللى عليا ولا مقضيها ندم وبكاء على الاطلال *
يا ريت الكل يبداء يدرك ان عمر ما حاجه هتقف وقت ما انت حاسس ان خلاص ملهاش مخرج هتللقى ربك كرمك وخلاك تعدى وبعدين تفتكر الايام دى وتضحك

Orange_25444 🇪🇬 · Answer

المشكله بتصعب لما بتكتشف ان التخطي مسؤليتك انت، مكنتش اتوقع من سنتين كده ان دي هتبقي حياتي دلوقتي وإن اكبر مخاوفي حصلت فعلا التخطي  صعب والتهرب من المواجهه حل مريح مؤقت بس حتي بعد كل ال حصل انا لسه مكمله برضو؟ حياتي موقفتش زي منا كنت متخيله يمكن اه عيطت كتير وزعلت كتير وفضلت فترات مش قادره استوعب بس برضو عدت ف اظن مفيش نسيان ولا تخطي الحياه بتلهيك اكتر واكتر وبتفضل بعلاماتك الي سببتهالك المشكله عشان يكون درس ليك دايما

Chilli_27107 🇪🇬 · Answer

مبقدرش تتخطي في الحقيقه
عقلي دايما متعود علي وجود اي حاجه في حياتي
اختفاءها باي طريقه بيخلي دماغي بتفضل توهم نفسها انها موجوده
أنا والدي متوفي 
واحد النهارده دماغي مصدقه انه مسافر مثلا او انه عادي واستحمل كلها كام سنه هعيضهم وهروحله
حتي لو الحاجه دي حاجه جماد ضاعت 
بيفضل عند الأمل اني هلاقيها
حتي لو بعيني شوفتها اتحطمت تماما
و حتي في العلاقات 
لما حد بيختفي من حياتي او بتخانق مع شريك حياتي بس ان لا كده كده هتكلم  
ولو مكملنا ف مسيرنا نرجع لبعض 
نتخيل حتي لو هو تتجوز وانا اتجوزت لا مسيرنا هنرجع لا اكيد هتحصل حاجه ونرجع 
بفضل متعلقه باوهام 
وانا عارفه انها اوهام

Biscuit_26457 🇦🇪 · Answer

١- الدعاء والصلاه قبل الفجر بساعه والصلاه علي النبي  والاستغفار الكتير 
٢- الرياضة بجد بتساعد جدا 
٣- تحط هدف وتحول تحققح حتي لو مكنتش قادر والموضوع خد وقت لانك بتحققه ببطء بس المهم يكون في سعي سوء دراسه او شغل او تعلم حاجه جديده 
اتوقع دي الحاجات الممكن تخلي الواحد يتخطه وكتيت الدعاء والقرب من ربنا بشكل عام اول حاجه لان في الوقت البنكون عوزين نتخطى فيه بكون كل حاجه تقيله وصعبه جدا جدا وقربنا من ربنا هي الحاجه الوحيده الهتخفف عننا اننا نحول نتعايش لحد ما ربنا يبعتلنا العوض عن الوجع الحصلنا

Biscuit_26180 🇪🇬 · Answer

بحب ادي نفسي وقت لحد ما احس اني اترممت نفسيا
بحس ان اهم حاجه في ده اننا نبقى بنحاور نفسنا ، بنتعامل معانا كإننا حد صاحبنا بنفهم مشاعره وبنفَهِّمه يعمل ايه وبنتناقش في مشاعرنا واوجاعنا
ومش بستنى مني ابقى قويه ومتهزش في اي موقف او ابقى كويسه على طول بالعكس لازم اخد وقتي في الوجع والزعل والضعف لكن في نفس الوقت موقفش حياتي فتره طويله واعيش حتى لو لسه حاسه بالضعف عادي
احاوط نفسي بكل حاجه بحبها وعارفه انها بتخليني احسن نفسيا والاهم بقى الكتابه بحبها وفي نفس الوقت عامل مهم اوي في اني افهم مشاعري واطلعها وبناءً عليه اعرف ابقى احسن واتخطى  واحس ان لسه جوايا حياه وان قلبي لسه عايش
عموماً في رأي فهمنا لمشاعرنا بيخلينا منقعش ضحية الزعل اللي مش بيحب يسيبنا بسهوله واللي على فكره ما بيصدق اي مدخل ويجي يدخل قلوبنا ،  هيخلينا عارفين امتى فعلا ده زعل وامتى ده وهم زعل وامتى دي مجرد عوامل تانيه اثرت علينا مش اكتر
لازم نخوض رحله مع ذاتنا و نحبنا ونقوي علاقتنا بينا علشان دي اكتر حاجه هتقوينا بجد وتحاوط قلوبنا بحنيه وحب من اي اوجاع.
وعامةً طبيعي كل حاجه بتحصل تسيب جوانا اثر لانها بقيت جزء مننا وساهمت في تكوين جزء جديد بردو مننا لةن مدى تأثرنا بيها هو اللي بيتغير.

French Fries_27181 🇪🇬 · Answer

كل اللى حوليا لازم تبقى قوى علشان تقدر تنسها 
ما هو انا مش عااااارف اقولهم تعبان عالجونى يقولو قرب 
من ربنا ومين قال انى بعيد انا مش شايف غيرها جت خديتنى من كل ومشيت عارف انها مش مناسبة مش من دينى ولا حتى فى نفس مستوى تفكيرى بس مش عايزة تخرج من دماغى

Mango_20828 🇪🇬 · Answer

الوقت كان كفيل اني اتخطى جزء من الوجع يمكن بشوية وقت كمان اقدر اتخطى بشكل كامل فبشوف اننا ممكن ندي الوقت وقت انه يخلينا نتخطى الوجع يمكن مش احساسنا بالوجع بيقل لكن قدرتنا على اننا نكمل واحنا شايلين الوجع ده جوانا هي الي بتزيد مع الوقت ويمكن ده برضو معنى التخطي من الاساس

Pineapple_26871 🇴🇲 · Answer

كنت مخطوبه لواحد اذانى نفسيا علشان كان معندوش شخصيه وبيسمع كلام أهله 🤷
قالى بالحرف ...كان داخل يجرب 😅 داخل يشوف الموضوع هينفع ولا لا...أنا كنت فار تجارب 
عيطت كتير وقلبي وجعنى اوى 
ازاى انسان بيقدر ينام ويمارس حياته بصوره طبيعيه وهوا مسبب اذي لإنسان تانى وتاعبه نفسيا 
كل اللى اقدر اقوله ...( كما تدين تدان ) 
عمرى ماهسامحه وبدعى دايما يدوق مراره التعب والاذي النفسي اللى سببهولى
أما أهله قالوله لا أخطب واحده نعرفها ومن المحافظه دى سابنى 😅🤷 تخيل واحده تكون قافله ع قلبها لحد ماصاحب النصيب يجى 
تلاقي صاحب النصيب مؤذي دخل قللي ثقتى بنفسي ومشي ...قالى بالحرف ( ايه المميز فيكى علشان اكمل معاكى ) 💔 
الله لا يسامحه ويبكى أضعاف الدموع اللى بكيتها ع نفسي وبسببه مبقاش عندى ثقه ف اى راجل مهما اتنطط قدامى

Sugar_25630 🇪🇬 · Answer

كنت ف ثانويه عامه بذاكر وبس مفيش نوم ولا اكل ولا شرب مذاكره وبس....كنت بعمل المستحيل عشان كلية اعلام مش شايفه غيرها وحلمى من ابتدائي ودخلت ثانوى عام عشانها....جبت مجموع كبير لكن للاسف فرقت ع حاجه بسيطه معايا...صليت وقولت يارب اكيد ف خير ف حاجه تانيه ف حببنى ف الحاجه التانيه دى ويبقا نفس الشغف حتى.... 
دخلت كليه تانى وقولت يارب اعرف اثبت نفسي فيها وانجح واحقق حلم اهلى وهما شايفنى ناجحه وكنت بحلم بحفلة التخرج وانا ف الجامعه وسط صحابى واهلى....كنت بعمل المستحيل عشان الحلم ده.....مكنتش بجيب تقديرات وعمرى م فهمت حاجه فيها وولا كنت بعرف امشي فيها خطوه مع انى كنت بذاكر....اتخرجت بتقدير ميسرش لا عدو ولا حبيب من زعلى معملتش حفله وكان نفسي تكاليف الحفله تبقا من جيبي الخاص ماخدش جنيه من حد محصلش ولا حاجه من كل ده كان نفسي اروح اجيب الشهاده وانا مبسوطه وبتصور بقا وكده كان اسود يوم عيشته ف حياتى واخدت اليوم كله عياط....مفرحتش ولا يوم من وقت م خلصت.....قولت اعدل تقدير وروحت قدمت ع دبلومه من وقتها زعل وعياط لانى مش بحب المجال ولا بفهم فيه وخايفه اجيب نفس التقدير....
ف لا انا مش عارفه اتخطى لغايت دلوقتى ان حلمى ف كليتى اللى اتمنيتها متحققش..وحلمى ف الكليه اللى دخلتها متحققش برضو.....حاسه انى فشلت مع نفسي وحاسه بهزيمه...وحاليا ف شغل ملهوش علاقه بمجالى وقرفانه لانى مش شاطر فيه برضو.....غالبا المشكله عندى لانى متعافتش من الاول ولا ايه معرفش 😔

Mango_15394 🇶🇦 · Answer

كنت صغيره لسه تقريبا اولي اعدادي و كان كل صحابي مرتبطين و بيحكو عن علاقتهم الاول كنت بقول ازاي و مش عارف اي و بعدين لقيت نفسي متقبله الموضوع و جت فتره نزلت لعبه اون لاين و بدأت واحده واحده اكلم الناس اللي عليها و كلمت في مره ولد وأعجبت بتفكيري اوي و عشان كان بيقولي كلام حلو أتثبت لانها كانت اول مره ليا حد يعاملني كده و حاول ياخد الانستا بتاعي كتير وانا رفضت و فضلت علاقتنا على اللعبه دي بس و كان حياتي كلها لعبه دي فضلنا ثلاث شهور بنتكلم وانا كنت متعلقه بيه بشكل مش طبيعي بيبعدها والدتي عرفت طبعا و منعتني من التليفون و من ساعتها علاقتنا انتهت تماما فضلت فتره طويله بفكر فيه و أتخيله في أحلامي لحد واحده واحده ما لهيت نفسي و اشتغلت في حاجات تانيه في حياتي و من ساعتها مقررتها و مش ناويه أقررها 
كانت غلطه مني بس اهم حاجه انها علمتني درس مهم اوي عمري ما هنساه