ايه اكتر شعور حسيت بيه ولايمكن تنساه أو تنسى الموقف؟

Question

احكيلنا عن شعور حسيت بيه في موقف ما 
والشعوره لحد دلوقتي مش قادر تنساه مأثر عليك

Mango_58735 🇪🇬 · Answer

احساس الظلم من اقرب الناس ليا يعني مظنش ان في حد شاف ظلم قدي في دايرتي علي الاقل من اهل دايما وقت ما اشوف حنيه الاهل لعيالهم مش بعرف يعني اخبي حزني علي الي وصلتله معاه مش هقدر انسا يوم ما كانت خالتي وامي بيقولولي في وشي من وانا صغيره انتي مش حلوه زي فلانه فلانه احلا منك فلانه هتتجوز حد كويس وانتي لا مش هقدر انسا ظلم خالتي ليا في وجود امي وهي مش بتتكلم وبالعكس بتقف معاها مش هقدر انسا ان جه اليوم الي بقوا الغريب عليا وظلموني عشانها ووقت ما الحقيقه بانت حته معلش مقالوهاش بالعكس دة كانوا بيظلموني اكتر بكلمه هي أطيب منك 💔

Mango_59444 🇺🇸 · Answer

انه خلانى ازعل على نفسي خلانى اسأل نفسي انا وحشه للدرجادى اى حصل منى وحش يستاهل كل الى عملته دا كل الزعل الى فى قلبي ومعاناتى كل يوم بسببك انت بسببك انت دانا استثنيتك عن كل الكون عملت اى فيك انا علشان تردهولى بكل القسوه والجحود دا دانا كنت اكتر حد بيخاف على زعلك اكتر حد حبك وكان بيعمل الف حساب لزعلك وتعبك وقولت انت الوحيد الى لا يمكن تزعلنى او اهون عليك وهنت عادى وطلعت مسواش اى حاجه عندك طلعت زىى زى اى حد ويمكن اقل من اى حد كمان مش هنسالك دا خالص مش عارفه هقابلك تانى ازاى وبانهو وش بس حقيقى جوايا زعل كبير جدا منك ومش ممكن يشفى بسهوله

Cherry_58987 🇪🇬 · Answer

اني مش كفايه ،
ايوا مش كفايه لنفسي ولا كفايه لحد بقيت بحس اني بموت لما اجي اشوفو بيبعني عشان خاطر واحده غيري احساس متمنهوش لحد ابدا حسيت اني مش كفايه و مكنتش قد المسئوليه ، بقيت بتشتم اسواء شتايم بقيت بموت و انا شايفاه باعني بكل سهوله مع اني كنت بحبة اوي انا بكتب البوست و انا منهاره بجد كل ما افتكر ان قد ايه استبدالي كان سهل لما راح خلي البت الي راجلها تكلمني تشتمني ب أفظع الشتايم لمجرد اني مكنتش ماليه عينو كفايه عشان يحبني انا حلوه بس مش حلوه كفايه عشان يحبني بقيت بدخل اكونتها بشوف ايه الحلو فيها ايه الي مش عندي راجلها عشان عندها كنت بموت من جوايا و انا شايفاه بيعاملها معامله مكانش بيعاملهالي زمان ، بقا يديها اكونتاتو كلها بقيت بتمني اموت ولا اشوفو مع واحده غيري كل ما افتكر قلبي بيتقطع بجد انو محبنيش بجد و انو فضلها عليا انا ؟ بقيت بعمل كاتينج للأسف و بفكر ف الانتحار كتير لدرجه اني كنت هعملها بجد و هبلع حبايه غله بس افتكرت ربنا و ازاي هبقا مدمره اكتر لو انتحرت و مت كافره بتمني ديما انو مكانش يخش حياتي يوم ما اتكسرت اتكسرت من اقرب واحد ،ده كان كل حياتي يوم ما حبيت حبيتو بجد بس هوا كسرني بقيت بحس نفسي قليله اسواء شعور ممكن احسو ف التاريخ كسره قلبي دي بقيت بحس انو بقا بيحاول يحبني بس معرفش ، بحبو حب الطرفين لوحدي، الكلام بقى حقيقي ببقي نفسي اشوفها اموتها ف ايدي لأنها كلمتو ساعه ما كنا مع بعض و هي اقنعته انو يسيبني بقا يبعتها تكلمني تشتمني عمري ما هسامحو ف حياتي كلها والله والله والله كمان انا بعيط عياط دلوقتي و انا بكتب البوست مش طبيعي بفكر ازاي باعني بسهوله كده ؟ ازاي بيقسي عليا كده؟ بتقسي علي حبيبتك يا نور عيني ؟! ليه كده بيبقي هاين عليا اقوم احضنك و اشتكيلك منك 
انا كرهت شكلي ، كرهت اسلوبي ،كرهت كل حياتي كلها بسببو بسبب بني آدم مريض زيو عمري ما كنت افكر انو ممكن يبيعني بسهوله كده محدش هيعرف يفهمني ولا يفهم انا حسيت قد ايه انا اتكسرت ساعتها مبقتش بعرف اعبر عن مشاعري لا مايتقبلهاش زيك .

Strawberry_58870 🇪🇬 · Answer

احساسي الفترادي بالضياع والتوهان وعدم القدره على اي حاجه هسيب بلدي يلي قعدت فيها 13 سنه 
وخسرت من فتره اكتر شخص حبيته فحياتي 
احنا قعدنا مع بعض يجي 4 شهور هو وقت قصير بس فعلا حبيته من كل قلبي وتعلقت بيه تعلق غبي هو اكبر مني ب4 سنين وهو يلي بادر بالاعتراف اصلا رغم اني مكنتش بفكر احب ولا اكلم حبيته وتعلقت بيه بعد فتره عترفلي انه لما كان معايا فالاول كان اصلا مرتبط وسابها عشاني زعلت منه وبعدت شويه بس مقدرتش ابعد رجعنا وكملنا وخلاص الموضوع بتاع البت  انتهى هو كان يقلي انها اصلا ساعه اما شافني كانت سيباه ومنفصله عنه المهم كملنا عادي وحبينا بعض جدا وكنا متفاهمين لغايه اما فجاه فيوم شدينا شويه مع بعض بليل فتاني يوم بليل 
قلي انه تقفل وقلي مش هكمل وسابني وبعد فتره اتصل عليا وقلي ابعد عنه وقلي انه رجعلها وانو هي البنت يلي هيكمل معاها حياته ومن ساعتها متكلمناش قلي ابعد عنه عشان احنا بيتنا وشغلنا جمب بعض فغصب عني بصادفه كتير  بقيت احاول اتجنبه وقلبي بيتقطه عيزاه وواحشني بطريقه غريبه معرفش تعلقت بيه ايمتا بس دا يلي حصل ودلوقتي انا مسافره ومن ساعه ما الخبر وصله لاقيته يبصلي بنظرات حنينه وفجاه يبتسملي وفجاه يحط اغنيه بتمنى انساك ويستقصد يمشي جمبي بالعربيه معرفش حصل تصرفات كتير حسستني انه عايز يرجع بس مظنش المهم دي قصتي معاه للامانه بحبه جدا فوق ما اي حد يتخيل اذاني جدا بس مش قادره انساه بستنى بالثانيه  عشان  يحصل اي صدف مبينا واحشني اوي 
رايكم اي 💔

Coffee_27627 🇪🇬 · Answer

ان يصعب عليا نفسي ..  سواء من مجهود اديتو لحد و رما كل حاجه عملتهالو و كمل ولا اكني جيت و يجي معاه شعور انك ممكن تتنسي بسهولة و انك كل العملتيه راح او من تعب تعبتوا في حاجه و راح  و يجي بعده كرهك لنفسك..

Watermelon_60366 🇺🇸 · Answer

انه كان قدامي شخص ... كان بالنسبالي بدايه جديده و تكمله لكل اللي ناقصني ثم ف الاخر بعد ما مقصرتش معاه . اختفي مع الريح و من ساعتها وانا لا بحبه ولا بكرهة بس ممتن لانه خلاني فرحان ف يوم 
كان احساس بالفراغ ف منطقه الصدر ... كان احساس غريب جدا و ملوش تفسير لحد الان

Strawberry_59887 🇪🇬 · Answer

يوم نتيجه الثانويه اصعب يوم عدا عليا في حياتي فات عليه سنين كتيره بس صعب انسي تفصيله وكسرتي وقله حلتي وان الدنيا كلها كانت عليا ملقتش حد يطبطب عليا سعتها خيبه املي نع اني عارفه انا حليت اي وعملت اي ازاي ده حصل 
سعتها اماني بربنا هو اللي مخلنيش انتحر 
دخلت في اكتأب صعب جدا سنتين كاملين 
لحد ما قدرت اتعافا بفضل الله ومعافرتي عشان اكون اللي عليه النهارده يمكن لسه مكملتش حلمي للاخر بس اكيد في يوم هوصل في يوم النهارده بقيت احسن وانجح والحمد لله ان اربنا رزقني قوه عشان اشوف الايام الحلوه اللي بعدها وابقي متأكده ان 3 ثانوي مش اخر الدنيا

Nutella_60628 🇪🇬 · Answer

شعور الرفض انك بتعمل كل اللي عليك مع  اي شخص وفعلا بتحس انك مش مقبول مع انك مأثرتش حرفيا بتدي كل الحب والتقدير وبعدين بتلاقي انك غلط لما احترمتهم حتي .. ومن غير اي سبب بيرفضوك.. ف اتاكد انك لازم تبقي بتتعامل بكل برود ومتديش اي اهتمام لاي حد واللي يديك دقيقه من وقته تديله ذيها ومتبذلش مجهود عشان حد محدش يستاهل والله

Coffee_57918 🇪🇬 · Answer

وقت نتيجة ثانوية عامة و رد فعل أهلي واحساسي إني فاشلة وخيبت ظنهم وحرفياً مستاهلش أي حاجة 
إحساسي بالفشل والكسوف وكرهي لنفسي والندم وكل حاجة بجد من يومها حياتي اتشقلبت ومبقتش زي الأول
كل حاجة بجد اتغيرت وأهلي اتغيروا وكل حاجة
أنا لسه واقفة عند اليوم ده ، لسه بجد واقفة هناك ومتحركتش من يومها

Onion_60760 🇪🇬 · Answer

هو ممكن يكون حاجه تافهه بالنسبة لناس كتير بس الموضوع اثر ف نفسيتي لحد دلوقتي انا حاليا ٢١ سنه بس وانا عندي تقريبا ٥ او٧ سنين كنت ف مره عملت حاجه غلط وكنت متعود ديما امي بتضربني وابويا هو اللي كان بيدافع عننا ف ابويا وقتها مكانش ف البيت وكانت الدنيا شتا ف انا طلعت اجرب من ماما و نزلت الشارع فضلت قاعد ف عز السقعه والشتا وانا خايف اطلع عشان عارف اني هضرب وبقول مش مشكله شويه وابويا هيجي واول ما هشوفه هطلع معاه وكده مش هيحصلي حاجه 
ف بعد ما فضلت ساعات حرفيا قاعد ف الشارع لوحدي جه اخيرا ف جريت عليه قالي اي مقعدك ف الشارع كده قلتله عملت كذا كذا وخايف ماما تضربني قالي متخافش خلاص تعالى معايا ومش هتضربك ف رحت معاه وصلنا البيت بابا قال لامي خلاص بقا متضربيهوش قالتله ده عمل كذا كذا واتعصبت راح ابوه اتعصب عليا وضربوني هما الاتنين وانا مصدوم كل ده انه مش بيدافع عني ده ببضربني معاها معرفتش انطق ومن ساعتها عندي ترست ايشوز مخلياني مش عارف اثق ف اي حد ف الدنيا وبحس ديما كل ما اثق ف حد انه هيجيلو وقت ويبيعني عادي جدا ومش هفرق معاه 
(اتمنى محدش يتريق عشان الموضوع حساس فعلا)

Strawberry_61403 🇪🇬 · Answer

خيانة زوجي ليا بالرغم من عدم تقصيري وبصيت لمرايتي لأول مره بنظرة عدوانية وإني يمكن مش حلوة ع شان كدا بص بره بس للأسف هو كسب وانا خسرت هو عايش وعادي ولا حاجه حصلت وانا طول الوقت كرهاهه ومش عارفه اخلص منه واخلي نظرة المجتمع تاكلني باني مطلقة 💔💔

Avocado_61444 🇪🇬 · Answer

فى يوم كنت بذاكر فلاقيت الشيطان ماسكنى وعمال يقلب عليا مواقف وليه معملتيش كذا وليه عملتى كذا ودخلنى فى دوامة الندم فامى دخلت عليا وسالتنى مالك فأنا مردتش لانى مشحونة بطاقة كره لنفسى رهيبة جت تطبطب عليا وياريتها مجت جنبى فزقيتها غصب عنى لانى مش طايقة اى حاجة ساعتها وكنت عمالة بعيط كتير وانا مبحبش حد يشوفنى وانا بعيط المهم بعد ما زقيتها على ازاز الدولاب الازاز اتكسر فبقيت فى مشكلتين الاولى تفكيرى التانية أن أنا اذيت ماما وكسرت الازاز فروحت وربنا يسامحنى قمت معورة نفسى فى الازاز ده لحد ما طلع دم انا فى الوقت ده كان الشيطان مسيطر عليا وزى ما تقولو كدة من كتر الضغط فالتفكير اتلغى فقومت جايبة صباعى بعد ما نزل دم وحطيته على ورقة كان فيها حبر من قلم طافح وكتبت كلمة " انا بكرهكم كلكم" الموقف من أصعب المواقف بالنسبالى والى عمرى ما هنساه طول عمرى

Marshmallow_58235 🇪🇬 · Answer

لما كنت في الكليه كنا شله ٣ بنلت في السكن المهم كنا هنتحفل بعيد ميلاد واحده فينا المهم التانيه وقعت بينا بسبب كلام قولته عن صاحبه العيد ميلاد وهي وصلته ليها بس طبعا حطت البهارات اللازمه المهم انا مكنتش مدركه ان كلامي وصلها غير في نص غيد الميلاد جت و قالتلي انتي قولتي كذا كذا انا وقتها كنت خاسه ان فيه جردل مياه سقعه وقع عليا وكنت عاوزه الارض تتشق وتبلعني من كتر الاحراج و بعدها عملت كذا موقف مش احسن حاجه وحاليا قطعنا معاها وانا وصاحبه العيد ميلاد اتخرجنا الحمد لله ولغايه دلوقتي مع بعض ربنا يهدينا و يخليها ليا ونفضل اصحاب طول العمر

Avocado_61871 🇪🇬 · Answer

الشخص الي مرتبطه بي قالي انتي اتغيرتي وبقيتي وحشه انا عمري ما هرجعلك من المعامله بتعتك دى وطريقه كلامك ومره تاني كنت متخانقه مع صحبتي قالتلي انا عمري ما ارجع زي الاول معاكي انتي جرحتيني حبيبي وصحبتي هما كل حاجه ف دنيتي اهو دلوقتي مش طايقيني

Chocolate_61124 🇪🇬 · Answer

احساسي بالخوف والتوتر وقت لجنه الثانويه العامه دفعه 2024 طبعا انا كنت مذاكره كويس جدا بس سبحان الله القدر اني انا ما اعرفش احل فيها كويس واني حتى ظللت اي كلام في البابل شيت مع اني كنت حرفيا يعني  مذاكره كويس قوي قوي بس سبحان الله ما ادربتش على الوقت خصوصا اول امتحان العربي كانت تجربه تعلمني ابقى واخده بالي اكتر في الامتحانات الجايه كويس بس سبحان الله جبت 65% وانا مش زعلانه ابدا بالعكس انا راضيه جدا الحمد لله لأنها ليست مقياس لاي حاجه غير تفاوت قدرات برغم من اني كنت طول السنه بدعي ادخل كليه طبيه زي علاج طبيعي بس سبحان الله ربنا عوضني بكليه افضل بكثير دراستها هينه عن اي كليه تانيه طبيه "كليه العلوم الطبيه" فاللي عايزه اقوله إن ربنا بيعوض جدا مهما انت شايف ان الدعاء ما بيستاجبش دلوقتي بس انك تجتهد وتقعد تدعي ده بحد ذاته يعني مستحيل يضيع ابدا ابدا عند ربنا ولا محل ربنا هيعوضك باي حاجه انت مش متوقعها وبتجيلك وانت مصدوم انها ازاي ده حصل وبيدي لك على قد مقدرتك والخير اللي ممكن يكون مكتوب في الحاجه دي احسن بكثير من اي حاجه تانيه

Blueberry_62366 🇪🇬 · Answer

لما كان سني ١٥ سنه كنت صغيره وحقيقي مكدبش عليكو كنت ابيض ي ورد وكنت منعزله تماما عن العالم كانت حياتي كلها في اوضتي وحته دراستي كانت في البيت بنزل لي الامتحانات فقط والوقت دا حصل مشاكل عائليه كتير جدا لدرجه ان انا دخلت في الموضوع وللأسف قاعدت عند جدتي فتره كبيره جدا ووقتها اتعرفت على شاب وحقيقي عوضني عن كل حاجه شفتها من اهلي وحبيتو لان كنت صغيره وكمان اول حب يعتبر وابتديت اقولو كل حاجه عني وعن اهلي وطبعا مع الوقت بقا هو كل حاجه وفي مره نزل المحافظه عندي وانا للمعلومة انا مكنتش بنزل ومعنديش غير بنتين بس صحابي المقرابين وفعلا نزلت مع واحده منهم علشان اشوفو ولكن هنا كانت البدايه ان هو مرضاش ينزلي غير لما اروح عندو وطبعا مروحتش ورجعت بيتي وكانت اول مره اشوفو كده بتعصب وكان تصرفاتو وحشه وجاه اليوم اللي بعدو نزلت وكنت عند اهلي ومروحه اخر اليوم ع البيت التاني ووقتها كلمني وصمم اني اروح منطقه معرفهاش ومع الضغط روحت ولحد انهارده انا مش قادره اروح هناك تاني لان لما وصلت كان مكان شبه مفيش ناس والوقت متأخر شويه ولما قبلتو وقتها مشينا شوارع كتير لحد ما وصلنا لشارع مفيش حد تماما ووقتها دخلني في مكان غريب وقفل عليا ومشاه لكتر من ساعه وأهلي بيرنو وكنت خايفه ارد ووقتها حسيت بي قبضه ومكنتش عارفه اتصرف لحد ما رجع ووقتها كنت اول مره اشوف حد كده وحاول ان يعتدي عليا وضربني ورفع عليا سكينه وعورني وكسر تلفوني كنت حرفيا هموت من الرعب وكنت اول مره يحصل كده وسبني امشي ولما مشيت فضل ورايا وفضل يزعق فيا وضربني تاني ووقتها جريت منو ولما طلعت ع الطريق وقفت قدام عربيه وخبتني ووقتها محستش بي الدنيا ولما فوقني كنت مش بتكلم تماما ونفسي الرجل دا اشوفو علشان اشكرو لان لوله مكنتش زماني دلوقتي بحكي حاجه وبعدين كلم اهلي وكلو كان بيدور عليا ووصلولي ووقتها اتخضو من منظري بس طبعا انا مقولتش لأهلي علي الحصل والرجل وقف جمبي من غير ما يعرف حاجه ورجعت البيت وهنا كنت طبيه اوي لان صحبتي جات عندي بعدها بي اسبوع وكان هو مكلمها وللأسف رجعت كلمتو لان بقا يهددني بي كل حاجه واخد أرقام اهلي وهددني ان لو معملتش اللي عايزو هياذيني وهيقول للأهلي وانا خوفت لان اهلي كانو شداد جدا وفضل معيشني في رعب وكان بياخد فلوس وادفعلو حق الفون بتاعو وكنت كل ما أنزل يرن ع اهلي علشان ارجع ومنزلش وكنت وقتها ايام امتحانات وسقط غي ماده بسببو وحياتي ادمرت ومكنتش بشوف النوم لان لو مردتش عليه كان بيرن ع اهلي وكانت حياتي ونفسيتي تعبانه جدا وحولت انتحر اكتر من مره ومعرفتش وقعدت شهور ع كده لحد ما تعبت ووجهتو ووقتها قالي انو هيكلم اهلي وانو مش هيخليني اشوف الشارع ويخليهم يمنعوني من التعليم وقتها كلمهم فعلا وقال عني اوحش الكلام وبعتلهم حاجات تخصني وحكلهم على اليوم اللي ضربني وعمل كل دا وقال إن انا اللي عملت كده وأهلي صدقو بس في الوقت دا انا كنت فعلا باين عليا التعب والإرهاق وكنت بصلي وادعي انو يخلصني منو ويوميها ربنا وقف معايا وأهلي حته الضرب مجوش جمبي كانو شايفين انا عامله ازاي وانا لحد يومنا هذا مقولتش الحقيقة اللي حصل وخلوني عملت بلوك ليه من كل حته وأهلي بهدلو ووقتها امي كانت أول مره تطبطب عليا وتحس اني فعلا تعبانه واني مستسلمه لي كل حاجه هتحصل فيا بس عارفين انا يوميها كنت اسعد حد في الدنيا صلت وشكرت ربنا ان خلصني منو بس انا لحد انهارده في علامه مأثره فيا ونش عارفه اتخطي اللي حصل ومبقتش اثق في حد واه عده سنين بس الموضوع مأثر فيا وحته النوم مش بنام طبيعي لسا بخاف لمة حد يرن علي اهلي ولما بشوف اي ارقام شبه رقمو بخاف وبرجع واكن في نفس اليوم تأني بخاف من الناس ولحد انهارده الموضوع دا مش بيفارقني  بس انا علاقتي بي اهلي اتحسنت ومن وقتها صحبوني وبحكيلهم وبشركهم كل حاجه والحمد لله علي كل شي وانا بحكيلكو حكايتي علشان تبقو وعيين ومتخليش حد يضحك عليكو ببي اسم الحب

Chocolate_62747 🇪🇬 · Answer

اكتر شعور وحش حسيت بيه هو اني حبيت واحد وكان هو اقرب حد ليا دخل حياتي في وقت كنت بجد مدمرة فيه كنت علي اعتاب الانتحار وروحت اشتغلت وكنت فاقدة حتي الشغف وفاقدة الامل وفاقدة الاحساس مكنتش بحس بحاجة لحد ما فسوم دخل حياتي في وقت شفل وقف واشتغل معانا وقعد يضحك ويهزر معايا وواحدة واحدة بدات ارجع لطبيعتي وبدا اعجابي بيه يزيد لحد لما وصلت لمرحلة اني احبه بس مقلتش ليه لحد لما في يوم لاقيته باعت ليا علي رسايل التيك توكان انا واحشته ولما روحت الشفل وكلمته قال ليا ابقي كلميني لما تخلصي شغل لان انا كنت بتكسف كلمته وقال ليا ان هو بيحبني وقعدت معاه سنيتين وانا بحبه وبكلمه ولما ماما عرفت بكل حاجة وكلمته كنت متوقعة ان هو هيقول لها ان هو بيحبني بس ظروفه وحشه دلوقتي وعنده مشاكل ومش هيعرف يجي يتقدم او هيقول لها ان هو بيحبني وبيطلبني منها بس الي سمعته في تسجيل المكالمات بتاعت ماما كانت غير كده ماما قالت له خليك بعيد عنها وهو رد عليها بكلمه وقفت قلبه رد وقال ولا كاني عرفتها ولا كاني قابلتها بعد كلمته دي حسيت بجد ان حياتي وقفت بقي في دماغي سؤال واحد بس ليه هو عمل كده ليه وبعدها بقيت بشوفه كل يوم في الشغل وكل لما ابص ليه يقوم رايح باصص في الارض وانا كل يوم بستنا منه اي كلمه حتي كلمه اسف بس مافيش حاجة انا دماغي فيها سؤال واحد بس وهو ليه يمكن غلطي الوحيد وقتها ان انا حبيته بكل قلبي وعقلي دلوقتي عقلي كارهه ورافض حتي شوفته بس قلبي بيشتاق اليه كل يوم كل يوم قبل ما انام افتكر كل اليكان بينا واقعد اعيط بجد كل الي عمله ده ليه

Plum_49039 🇪🇬 · Answer

الصراحه كتير اوي من المواقف اللي حسيت بيها بوجع بس اللي مأثر فيا اكتر حاجه لما صحبتي فضلت وحده تانيه عليا واتخنقت معايا لسبب تافهه ولما واجهنا بعض خلتني امشي معيطه في الشارع وهنت عليه وحتى مفكرتش أنها تيجي تكلمني بعدها بالرغم من أن هي اللي غلطانه كانت صحبه طفولتي ومن احنا صغيرين كانت اوقات بتتكلم عليا في ضهري ووتريق عليا وعلى لبسي وبعدها تيجي قدامي كأن مفيش حاجه ولما كبرنا وبقينا في إعدادي اتقربت مني اكتر وبقت صحبتي كانت يعتبر كويسه معايا لحد ما دخلت وحده تالته بينا وفضلتها عليا كنت بحاول اكلمها مع أن مش انا اللي غلطانه !! كنت بحاول اصلح حاجات مكسرتهاش دايما لما كانت بتتعب أو بيحصل معاها مشكله او ظرف كنت بروح ليها مع أن بيتها بعيد عني وانا لما تعبت واتحجزت في المستشفى مفكرتش تيجي ليا أو حتى تزرني انا مش مسمحاها ولا هقدر اسامحها على الشعور ده انا كنت بقولها اختي مش صحبتي كنت بحبها اوي ليه آذتني بالطريقه دي عملت مواقف كتير اوي مش قادره اسامحها عليها حسبي الله ونعم الوكيل 
اسفه اني طولت في الرسالة بس كنت عايزة أطلع اللي حاسه بيه لاني يعتبر مليش صحاب