عرفت تظبط حياتك بعد الصعاب الي مريت فيها ولا لسه بتعاني؟

Question

قولنا عملت ايه لو عدلت وحاسس بإيه... ولو معدلتش ايه شعورك ؟

Pineapple_52307 🇪🇬 · Answer

للأسف ماعرفتش حياتى باظت أكتر وبعدت عن ربنا اوى لدرجة تخوف ورجعت تانى الحمدلله قلبى مش هو و نفسى بقت غريبة بقيت اميل لتضيع الوقت بقيت شخص غريب عنى ومش عارفه ارجع تانىشخص بيتكاسل عن الصلاة شخص بقى تايه بقى يتعب من سماع القرآن ونفسه تقيلة من بنوتة رقيقة بتعرف نفسها وقلبها وبتخاف ربها هادئة بتقيم الليل و وشها بشوش انصحونى ارجع ازاى قلبى مطمن وبالى هادى ازاى ارجع مش بكره حد ولا بكره الناس ازاى اكون سوية نفسياً تانى بعد تجربة دراسة فاشلة واختيار حياة هادئة مع شخص كويس بالمستوى الفكرى والاجتماعى كويس عشان طلع بيتسلى لدرجة اتخطبت وهتجوز خلال كام شهر واحد دلوقت مستنياه يجى يعتذرلى وقتها هنسى كل حاجه واتجه لحياتى الجديدة مع خطيبى اللى بيعمل المستحيل عشان يراضينى

مش مسامحاك ليوم الدين انك كنت سبب ف ضياع نفسى وقلبى يتوه 
مش مسامحه الوسائط اللى ضيعت تعبى وسهرى ودراستى منى وخلتنى قليلة ف عيون أعلى ونفسى وأنهم عطول شايفنى فاشلة حسبى الله ونعم الوكيل ربنا ينتقم منهم كلهم

Marshmallow_70902 🇪🇬 · Answer

انا تايه اوي والحياه مشاكلها بتزيد كل يوم اكتر من الي قبله وحاسس انه خلاص حياتي بتقرب على نهايتها وان وقتي بيخلص وانا محققتش اي حاجه شاب عنده ٣٠ سنه عايش في عمر شخص عنده اكتر من ٥٠ سنه وشايل هموم اكبر من السن ده بكتير ومش عارف اخرتها ايه

Ice Cream_69497 🇪🇬 · Answer

لسا طلعان عيني 
بس مش يأس انا بحاول وبعافر ويارب اوصل لحاجه بس بردو من وقت للتاني انتا محتاج داعم نفسي او جسدي شئ معنوي وملموس فاهم؟
حاجه قادره تخليك تكمل قادره تديك باور وطاقه وشغف مش تحس انك روبوت ولا بقره مربوطه فساقيه وفالنهايه 
تولع الفلوس علي الماديات 🫠

Carrot_70235 🇪🇬 · Answer

الوقت الهتضيعه وانت بتعيط علي الراح منك استغله في انك تزود ال في ايدك متوقفش في نص الطريق تعيط عيط وانت بتكمل الطريق لان ال راح عمره ما هيرجع مهما عملت بس الجي بتاعك وال في ايدك اتبسط بيه فل

Croissant_71266 🇪🇬 · Answer

لسة مش عارفة اعدي المشكلة ولا اتأقلم معاها و بقالي على الحال دا ٦ شهور تقريباً .. كل ما اقول هتتحل احسها بتتعقد من ناحية تانية .. بقى عليا التزامات كتير و مسئوليات عمري ما كنت اتخيل اني هشيلها انا اصلا شخص بيهرب من المسئولية (مش بنسحب من حاجة بعد ما بوعد بيها بس مبدخلش نفسي اصلا ً في حاجة تبقى التزام عليا) .. المسئوليات دي متعلقة بأسرتي و هي مش مسئوليات مادية بس انا بقيت المسئولة عن كل حاجة في البيت فجأة (لظروف مرض والدتي) .. بعمل حاجات كتير اوي الفترة دي و في نفس الوقت حاسة اني بضيع وقت كتير اوي مش عارفة اوصل للحياة اللي ترضيني ولا ترضي اللي حواليا على طول بحس ان في حاجة ناقصة و اني مقصرة و في نفس الوقت حاسة اني مش قادرة اعمل حاجة تاني اكتر من كدا .. جايز يكون في مجهود اكتر ممكن يتعمل او ناس تانية تعرف تعمل كل دا بس انا لا انا بجد مش عارفة حتى لو اقدر كمجهود، ف دماغي مش مساعداني  بجد دماغي مسوحاني بفكر ف مليون موضوع و تعبت

مش عارفة المرحلة دي هتنتهي امتى و اذا كانت المشاكل ممكن تتحل ولا المفروض اتأقلم مع الوضع دا بس انا مش عايزة افضل كدا و مش عايزة افضل بلف في نفس الدوامة دي بس مش عارفة اكسر الدايرة دي .. حتى مش عارفة اذا كان تفكيري دا اناني ولا لا بس انا خايفة افضل كدا قاعدة في البيت خصوصا اني لسة متخرجة قريب ف قاعدة في البيت طول الوقت و انا مش عايزة كدا انا عايزة اشتغل و اخرج و اعمل حاجات لنفسي و للأمانة محدش منعني من دا بس المسئولية اللي عليا مخلياني مش عارفة اعمل حاجة تانية و يا دوب مكفية و بيتلام عليا

يا ريت تدعولي اعدي الفترة دي و اعرف اخرج من الدوامة دي و ارتب حياتي 
و لو حد عنده نصيحة ازاي اخرج من الحالة دي اكون شاكرة ليه جداً . و هل انا كدا أنانية ولا عادي اني احس الاحساس دا ؟

Popcorn_71781 🇪🇬 · Answer

شويه وبعدت عن ناس كتيره اوي كانو صحابي اوي وبجد بس كان ليهم في جو الولاد والحوارات وانا حاولت معاهم كتير بس بعدت عنهم بقالي سنه بظبط حالي بس بجد مش عارفه الاقي صحاب في كتير بس في المصلحه بجد وانا كل يوم بعيط علي الحوار ده وزهقت

Tofu_71118 🇪🇬 · Answer

لسة بعاني طبعا اصبحت حياتي كاني هنام لاول مرة بعد سنه و شوية مرتاحة مش بصحي قلقانه هو فين كلمني و لا  و مش بصحي خايفة ليكون عملي بلوك لانه متخلي دايما كفاية هنام عرفة انه خلاص مش هنتظر كفاية هنام مش بقكر في الف كلمة مش صدقة بس بتمني تتصدق كفاية اوي مش هضحك علي نفسي تاني 
كفاية احساسي اني مش مجبرة امحي مخي و اقنع نفسي ان ععيىي كدابة و عقلي كداب   و قلبي هو اللي صح 
كفاية اوي ان الواحد هيعرف يشوف و يركز مع تفسه و اتعلم نفسي انفعلي 
الواحد اتعلم مهما سمع مش هيصدق 
الواحد اتعلم اللي يتخلي او يغلط او يعاير مرة  او يغلط او يتحجك بمليون حجة شكل عشان يخلق اعذار ميكملش لازم تسحب نفسك لانك ببساطة حاليا زي مليون سنة قدام الموقف طلاما هان علي اللي قدامك يتاخد القرارات دي و هو واعي مش مغيب و لا جاهل مثلل و عارف بيوجع قد ايه و قاصد عرفت تماما ان الشخص طلاما اخد مرة يعمل كدة لازم اهرب لاني هتاذي ر مرة في مرة لو شخص صغيف حرفيا ممكن ينتحر او يغضب و يقول ليه يارب 
انا وصلت انه ادعي حتي و انا نايمة لعله يغير القدر سبحانك يارب باب السماء مفتوحة 
لمجرد اسف و ندم مني لشخص ضمرني 
مخي محي الشخص من الحياة شريط مر قدام عيني معنديش للشخص غير انه انا امتنله انه بسببه فوقت و عرفت قمتي انها قد ايه غليا اوي 
فراغ و كبير بس الفراغ و الوحدة بكرامة و عرفة انا فين و مفيش تفكير  و لا احساس خوف دي بالدنيا 
اه حاسة الدنيا ساكته و زعلانة منا حبيته جدا بس نسيت اي كلام كان حلو ( مجرد كلام مش هنتحاسب عليه ) انما الافعال كسرت و خزلت و بهدلت بس الغريب انا فعلا مسامحة الشخص عشان فعلا مش هينفع يكون فارق معايا تاني 
انا حسيت اني حرة لانه فعلا حبسني جوا سجن كدب و ظلم 
اه هيوحشني اكيد بس بردو هو فين الحقيقي منزالشخص دة عشان يوحشيني انا كنت لوحدي في علاقة لمدة سنة و تص عرفة انها كذب من اول يوم شوفته و ايماني بربنا لنه مش هيسبني عشان صوتته بجد و استحملت 
اللهم مادلا شماته و مشوفش في اي حاجة وحشة بعد الشو عنه فعلا للاني كنت بردو حبيته 
انا متحستش بجد بس ربنا طفي قلبي و قفل قلبي في لحظة 
اه بحبه و اوي و مش مكسوفة خللص بس ارجع اقول حبة جوايا لي نفسي زي مكان مع نفسي و حلمت و صدقت مع نفسي فمفرقش كتير انه اشوفه و اسمعه فس مكلمه فيديو  اغلبها اهانه او انه اموت حبه جوايا و لحق حبي دة اقدر اقول عدل ربنا موجود و سامحتة عشان بحبه و مش عايزة يتعذب قصاد ربنا اشد عذاب و ربنا يبارك في حياته و  يهنيني علي بدايتي اللي هنام فيها بدون انتظار ومش هكروت نفسي 
و مش هبقي عايزة انحبس عشان الدوشة مضايقوش
اقدر اعيش و اشتغل و اشوف صحابي لان الحياة مش وحشة و عمري مكنت بعمل شيء غلط بس هو كان حابب يرميني لوحدي بس الحمد لله حب الناس فيا ر اني دايما كنت طيبة نع اي حد و مكنتش موذية الناس مهما غبت عنهم فكرني بالخير  و الحمدلله دايما و ابدا علي الرضا

Donut_67434 🇪🇬 · Answer

لا لسه بعاني زي ما انا و بحاول اخلي الفترة ده تعدي باي طريقه عشان فعلا انا تعبت و علي قد ما انا مش صغير بس للاسف لسه بتخدع في الناس و بديهم قدر اكبر منهم و مشكلي عشمي بذياده في الناس مع اني بعاملهم زي ما احب انهم يعملوني و عمري ما اذيت حد غير نفسي و حاسس ان مبقاش عندي طاقه لاي حاجه مع اني لسه 32 سنه او بحاول اقنع نفسي بكده مش عارف

Coconut_71798 🇪🇬 · Answer

اكيد طبعا انا حياتى متظبطتش غير لما مريت فيها بلمشاكل والازمات ودى حاجه كانت كويسه خرجت منها بتحربه ايجابيه جدا وغير كده بقيت بفضل الله اعرف اتعامل كويس مع المواقف اللى زى كده واخد قرار واقول لا لو الموضوع مفهوش فيده ليه او مصلحه ليه

French Fries_71583 🇪🇬 · Answer

انا من بعد ما ماتت اختي و حياتي اتفشخ و اتدمرت بنووي حرفيا

بجد ربنا ما يخلي حد يجرب الشعور ده والله العظيم شعور اسوأ من الموت يسطا

الي هو ايه يعني ليه مرحتش انا كمان؟

ليه انا عايش اتعذب لوحدي كده؟

ليه انا مقهور و قلبي بيولع؟

Sugar_28181 🇪🇬 · Answer

للأسف أنا لسه بعاني من سنين طويله بسبب مشاكل كتير حصلتلي تبان بسيطه في منظور اي حد لكن بالنسبالي تأثيرها كان كبير جداً عليا من السنه اللي بابا الله يرحمه توفي فيها وكل حاجه بقت رخمه مع اني كنت صغيره وقتها شويه ومكنتش قادره استوعب الصدمه لكن بجد أنا تعبانه جداً من وقتها وطبعاً المشاكل اللي حصلت من بعد وفاته كتير خصوصاً اننا بيت عيله وأنا اتأثرت جداً نفسياً ومجروحه من أهلي ومفيش عندنا ترابط أسري خالص وطول منا وسط أهلي بحس اني مش مرتاحه ومفيش حنيه أو اهتمام وأنا البنت الوحيده والحفيده الاولي للعيلتين بس لما كبرت حاسه ان كل ده اتغير وان اكتر ناس كانو بيحبوني ويهتمو بيا مبقوش موجودين معايا وأوقات كتير بفتقد وجود بابا معايا في مواقف كتير أوي وقلبي بيوجعني جداً بسبب كده حاسه ان كلامي ممكن مفيهوش تفاصيل او غامض شويه بس حاولت افضفض بجزء من اللي بمر بيه يمكن دي وجهة نظري أنا أو منظوري انا تجاه حياتي والحقيقه غير كده مش عارفه بجد طول الوقت مش عارفه اي حاجه وتايهه 💔💔

Avocado_71541 🇪🇬 · Answer

عرفت اقف علي رجلي تاني وظبطت حاجات كتير جدا زي شغلي بقي احسن مرتبي بقي احسن 
اولوياتي اتغيرت جدااا ومبقتش باجي علي نفسي عشان خاطر حد نهائي الا بمزاجي 
طبعا مش كل حاجة اتغيرت اكيد لكن فيه حاجات عمرها ما هتتغير نهائي ودي حاجات في طباعي الشخصية انا حاببها وحابب نفسي بيها