اي سبب دخولك للبرنامج

Question

احكيلنا اي السبب انك تدخل لبرنامج ميعرفش سخصيتكً للي حوليكً اكيد كل واحد لي سبب

Banana_34755 🇪🇬 · Answer

دخلت احكي حكايتي انا وهي والمشاكل الي حصلت وقولت افضفض شويه و اسمع الاراء واشوف لو في حل لمشكلتي ولا لاء بس لسا معرفتش حل اصلا خالص للاسف بس بحاول اتخطي مع نفسي……….ومطلوب 150 كلمه ليه😂😂😂😂مش عاوف اقول اي تاااني

Coffee_27700 🇪🇬 · Answer

دخلت عشان اشارك مشاعر مكبوتة جوايا وحاجات مش هقدر احكيها حتى لأقرب الناس ليا عشان الناس اللي معاشوش نفس التجربة مش هيفهموا وهيبدأوا يحكموا عليك.
لما لاقيت ناس شبهي وناس عايشين أسوأ من تجربتي اكتشفت أن كلنا في ابتلاء وكلنا محتاجين مساعدة.
ربنا يرحمنا برحمته الواسعة

Mango_30422 🇪🇬 · Answer

حبيت فكرته و بجد كنت عايزة احكى مشاكل بدون ما اتكسف و آخد نصائح اكتر و عرفت البرنامج عن طريق اعلان فى التيك توك و عجبنى فكرته اوى فعلا بعد ما جربته حبيته اكتر و حبيت فكرة الفاكهة انى اتكلم عن نفسى بدون ما حد يعرفني و  فعلا فى كلام كتير الواحد ميقدرش يقوله حتى لأقرب الناس ليه عشان ميضايقش

Sugar_25534 🇪🇬 · Answer

الحاجة للكلام واني اخد آراء ناس بعيد عن الناس اللي اعرفهم واعرف وجهات نظر كتير من ناس كتير لكل شخص منهم تفكير مختلف وحلول مختلفة وابقى سمعت كذا وجهة نظر لنفس الموضوع وفي نفس الوقت لو حد حابب يحكي حاجة بس كنوع من انواع الفضفضه يلاقي حد يسمعه من غير ما يعرف هو مين.

Avocado_37685 🇸🇦 · Answer

انشر الطاقه الايجابيه 😂😂😂
بعيد عن الهزار بجد 
انا دخلت عشان حسيت اني ممكن اقول لحد كلمه تساعده في حياته
 
و احسن حاجه انه مش عارفني و انا مش عارفه

في ديه حاجه في حد ذاتها حلوه 
في ياريت اي حد يقدر يقول ل حد تاني كلمه تساعده يعمل كده 
الكلمه الحلوه صدقه

Carrot_33736 🇸🇦 · Answer

دخلت البرنامج عشان حاسة بالوحدة الصراحة و ابغى اصحاب اتكلم معاهم و نحفز بعض على الدراسة و الإلتزام و كذا و ايضا كنت ابغى تتناقش مع الناس في مواضيع عديده بكل أريحية و بدون قيود انا ما ادري إطا هذا البرنامج ممكن يخفف و حدتي

Corn_37904 🇪🇬 · Answer

لقيتو فجاءه قدامي والواحد اصلا علي اخرره الصراحه 
فكره المصاريف اللي بتتزايد يوم علي يوم + مصاريف البيت + مضاريف بيبي لسه جاي في الطريق الواحد محتار مش عارف اعمل ايه ب 4000 في الشهر ازاي اكل واشرب واكفي علاجات شهريه وكهرباء وبلاوي فعلا يوم 20 بينتهي المرتب انا مش بشتكي انا بس مبقتش عارف اعمل ايه من الحيره انا راضي بنصيبي ورزقي بس الواحد بقيت مدمر نفسيا واجتماعيا ومش بقدر اقول لحاجه ضروريه زي العلاج لا بجيب عادي حاجات اساسيه طيب غير الدكاتره اللي بتجرب فينا وعلاجات تترمي الحمدلله طبعا 
الناس بره حرفيا بتكلم نفسها من غلاء المعيشة

Orange_37796 🇪🇬 · Answer

بسبب ترويج يوسف عماد الدين، لول بصوت
بس البرنامج لطيف نسبياً، حبيت صورة البرتقالة دي
المكان يعتبر مريح أن محدش عارف التاني
كما يقال أننا بنمتلك جراءة اكتر ومحدش عارف هويتنا، أتمنى بس محدش يسيء استخدام البرنامج، 
by the way the app is nice 🎀

Lemon_38036 🇪🇬 · Answer

دايما كان نفسي انزل اي مكان او كافيه مفيش حد يعرفني ولا اعرفو واقعد مع اي حد احكيله مشاكلى ويحكيلي مشاكله ونشرب فرابيه ونقوم نمشي ولا كأن حصل حاجه وطلع فيديو قدامى حسيت انو واو نفس الفكره والواحد ممكن يقول اي حاجه والناس كلها تنصحه و تسمعه

Olive_29055 🇮🇶 · Answer

حبيت افضفض لان صايرة عندي مشكلة عشان حبيت بنت و من شهرين طبقت الصمت العقابي مع العلم اعطيتها اهتمام و تقدير و حب ما شايفتو بحياتها مع ذلك صارت مشكلة تافهة بيني و بينها و راحت من شهرين لحد الان ما حكت كلمة و انا ما بعتت غير مسج واحد فقط ايش الحل لمواجهة الصمت العقابي هذا بدي حل

Marshmallow_33684 🇯🇴 · Answer

شفت فيديو عالريلز بحكي عنه وحسيت ما لازم اعمل سكب لاني شخص كتوم وصعب احكي عن مشاعري وقاعدة بحاول احسن من هاد الجانب بشخصيتي وحسيت انه رح يكون مكان اكثر امان اني اعبر فيه براحتي وغير هيك باخد نصائح ناس عندهم تجارب/نصائح واستفيد منهم. ولاني ما بحس بالامان وقت ما احكي لحدا عن مشاكلي او مشاعر سلبية عندي وشفت انه اول باب للعلاج اني اكون صريحة مع نفسي اولًا بعدين اقدر اعبر عن مشكلتي ومشاعري بوضوح لذلك البرنامج مجرد تدريب وتطوير لذاتي

Mango_37486 🇪🇬 · Answer

شوفته في فديو ع الفيس وقررت اخش واعبر عن مشاعري عشان بحس ان مليش حد احكيله وحبيت برضو اساعد الناس واتكلم معاهم عشان فاهم شعور ان حد يكون محتاج انك تسمعه او محتاج منك منك نصيحه او محدش يحس انه لوحده

Apple_37641 🇪🇬 · Answer

شوفت فيديو وعجبني وداخل اطلع اللي جوايا بس 
للاسف مش عارف ابتدي ازاي ف يريت يكون تسجيل 
صوتي يكون افضل وبث صوتي

كل شوية الواحد بياخد إنذار من ربنا إنها مش دايمه وكل الجري اللي بتجريه حاليا علي الفاضي ؟

Coffee_38095 🇹🇷 · Answer

عرفته من فيديو علي تيكتوك وقررت انزله لان معظم الوقت محدش بيركز معايا فاللي بقوله وكمان لما اعرض مشكلتي محدش هيعرفني لان بقيت بتكسف اسال اي حد لان بحس اني تقيله ومصدر ازعاج وغير مرغوب بيه

Chocolate_34252 🇲🇦 · Answer

انا شفت فديو ف انستا و حبيت فكرة التكبيق فنزلتو و دخلت احلى شي انك تقدر تتكلم و تعبر عن كل الي نفسك فيه من دون ما يعرفك اي شخص ودا حلو بالنسبة لانسان بيخاف من الناس و معاملتها زيي دا تطبيق رائع

Orange_38207 🇪🇬 · Answer

شوفت الفيديو ع الفيس بوك وعجبني فكرة اني ف مكان ماعرفش حد فيه ولا حد يعرفني واقدر اكون براحتي اكتر، كمان فكرة الابلكيشين جامدة بصراحة ان انت تبقي عبارة عن برتقالة وماحدش يعرف اسمك، سنك ولا شكلك حاجه حلوة وجديدة

Coffee_36288 🇪🇬 · Answer

عشان الاقي الفرصه اني اتكلم لاني بسمع بس وكل الي حواليا اتعدوا عليا كدا ده غير اني مبحبش احكي كتير ف قولت ادام محدش يعرفني فهقدر اتكلم منغير ما حد يحس اني تقيله عليه او انو بيسمع مني نفس المشاكل ونفس الي بحكيه كل مره 
بصراحه حابه اني في ناس فعلا متعرفش انا مين وبتنصحني وبتدعيلي فكره رائعه بجد💗

Marshmallow_37762 🇪🇬 · Answer

shfto 3linsta w bgd el application perfect 7rfia 7lw awe💗
wbgd elkol m7tag el application gda 🥺
bgd I am so happy🥺💕
really thanks for the application🙈🤩
it is very perfect✨
en elwa7d ytklm mn 8er m7d e3rfo 5als dh 7aga 7lwa🥹🤭
w brdo el by2ol r2yoh mesh hy3rfo🤩✨

Coffee_25614 🇪🇬 · Answer

سمعت حد بيقول انك لما بتحكي للغرباء اللي هينسوك وهينسو أصلا انت مين ولا قولت اي هينسوك بترتاح.. فبحثت عن تطبيق يضمنلي الميزة دي. . ملقتهوش ف الاول بس كنت متابعة بلوجر كدا وعمل فعالية ع التطبيق فجالي فضول ونزلته.. بس كدا

Potato_38466 🇪🇬 · Answer

نفسي حد يسمعني لو مره انا بقول ايه بشك احيانا ان شفافه محدش بيشوفني ولا بيكلمني حتي في المدرسه ممكن يخدوني غياب وانا موجوده اه عندي صحاب بس بيظهروا في اوقات معينه بس ومش بيفهموني مهما قولت بحس ان انا في المكان الغلط دايما

Mushroom_37399 🇪🇬 · Answer

لما دخلت البرنامج دخلته عشان مكنتش لاقيه حد يسمعنى او احكيلو ولا ليا حد اثق فيه لما عرفت البرنامج قلت اجربه وفعلا كان فى ناس هونت عليا وفى منهم الى نصحنى شكرا ليهم بجد❤ 🥹كانو بيتكلمو باحترام عكس مكنت متوقعه

Strawberry_38939 🇪🇬 · Answer

في حاجه مش قادره اتكلم فيها مع حد ،، وهي اني تعبانة ونفسيتي تعبانة بسبب ماما .. ماما شخصيتها صعبة اوي ووحشه اوي خلتني من وانا صغيره عايزه اكبر مش عايزه ابقي شبهها ف اي حاجةوكل الصفات اللي فيها ببعد عنها ..حاسه اني اعصابي تعبانه دايما بسببها وطلعت عصبية اوي وهجومية اوي بسببها ..بقيت نفسي اتجوز عشان اعيش ف بيت هادي من غير صوت عالي وزعيق ٢٤ ساعة .. كان نفسي تكون حنينة وبتبين حبها ليا وحنيتها بس انا ببقي اوقات كتير بكون عايزه احضنها مش بقدر.. انا طالعه حنينة اوي مع الناس كلها وببين حبي وكل اللي جوايا لاي حد الا هي .. حياتنا باظت بسبب صوتها وعصبيتها وانها مبتعترفش ابدا انها غلط ..بجد تعبت..

Toast_39170 🇸🇦 · Answer

نفسي اشبع الجانب العاطفي عندي لكن ماعندي لا حبيب ولا زوج ومافي شخص مناسب قابلته والمشاعر تزيد يوم عن يوم وماكنت احس فيها من قبل عمري ٢٦ لكن هالفترة اول مرة تجيني المشاعر ومكتئبه بسبب هالشعور، فراغ عاطفي وحاجة للحب والدعم

Strawberry_38537 🇪🇬 · Answer

احساس الوحده والضعف والخذلان من أصعب الاحاسيس اللي ممكن تعيشها مش عشان فعلا لوحدي لا بالعكس الالم الاكبرلما يكون جنبك ناس المفروض انهم مصدر امان وثقه ودعم وهما مش كدا  وللاسف مع كل مره بتحاول تطلب منهم الاهتمام بتتصدم بخذلان اكبر  فكره عدم التقدير وعدم الاحتواء من شريك حياتك ليك اصعب حاجه في الدنيا .. أنك تكون عايش مع شخص   فاكر أن كل الامان اللي في الدنيا بيوفره بأنه يدخل دخل لبيته مفيش مراعاه لمشاعرك مفيش طبطبه علي قلبك مفيش حتي سؤال عن حالتك الصحيه .. كل يوم ومع نهايه كل يوم لانه أصبح روتين هتلاقي نفسك دخلت قوقعتك وقاعد تعيط وتندب حظك وتلوم نفسك وانت مش عارف ده سوء اختيار ولا سوء حظ ولا اي 
شكرا للي وصل للآخر وقرأ مشاعري التلخبطه🍓

Lemon_34584 🇪🇬 · Answer

فضول... 
العبد لله اتفه من كل الكلام الانتوا قولتوه ده
بصوا بصراحه يعني انا يمكن اكون دخلت عشان عجبتني فكرة التطبيق وحسيت اني ممكن اساعد حد
ودلوقتي هكتب اي كلام عشان يكملوا 150 حرف
يلا السلام عليكم ورحمة الله وبركاته

Lemon_39218 🇪🇬 · Answer

دخلت البرنامج لاني حاسة اني وحيدة وماليش حد متجوزة وعندي ولاد مامتي وبابا متوفين ومش حاسة بآمان لما بتضايق مش بلاقي حد اروحله ولا احكيله وجوزي لما بتكلم معاه بيحسسني اني تافهة وكلامي مش مهم ومش عارفة ليه عندي احساس دايماَ اني مش محبوبة ومفيش حد بيفتقدني 
تعبت من الدنيا والناس

Coconut_39282 🇩🇿 · Answer

انا محتاجة لحد يسمعني وينصحني🥺  تخيلو انا في العمل كنت بين اتنين   كانو  مع بعض من فترة من قبل  ولما اشتغلو  جابهم معايا   في اول  مكنتش بعرف انهم  كانو مع بعض  فا الولد كان معجب بيا  وعندو اهتمام من ناحيتي لين حسيت بتغير فلموضوع   وانو البنت دي معجبة بيه. لين معرفت  انه كانو بيحبو بعض من قبل  شو بعمل💔

Apple_39217 🇪🇬 · Answer

حياتي كعيلتي مش احسن حاجه زززفت حياتي مع خطيبي زززفت كله بجد وحش انا بجد زهقانه اوي محتاجه اشارك حد افكارى واتكلم براحتي محدش يحكم عليا بس اشارك حزني وضقتي ال مش لاقيه بجد حد اتكام معاه واطلع كل ال جوايا دا 💔

Chilli_39428 🇪🇬 · Answer

متعصبه بغباء بجددد، بعد مكتبت خلاص وجايه اعمل شير روحت مسحته بالغلط اوف. 
المهم هعيد الكلام تاني مع اني اصلا كنت بتكلم بطريقه ملغبطة عشان بقول الي في دماغي بس يلا حصلخير. 
مخنوقه، حاسه اني تايهه، مش عاوزه اعمل حاجه غير ان اعيط واقعد لوحدي، بس ده مش حل فاهمني؟ 
يمكن داخله هنا عشان يكون عندي صحاب حتى لو من هنا عادي، اي حد حابب نكون صحاب يقول عادي، اي فئة عمرية مش هتفرق، كد كد الكل بيقولي اني بعرف اتعامل مع اي حد. 
إين كان انا مخنوقه

Lemon_39439 🇪🇬 · Answer

انا معنديش اصحاب خالص ولا حد بيفتكرني دايما لوحدي معنديش حد اتكلم معاه ولا ناس اخرج معاها و يسالو عليا جربت طرق كتير موزيه نفسيا جدا عشان اكلم ناس و تعبت نفسي في اصحاب ناس اخرج معاها او اتكلم معاها ناس تفتكرني هما يسالو عليا ناس كويسه معنديش اصحاب ولاد خالص يقفو معايا لاني مليش في جو الشتايم و كده و كان عندي كام صاحبه بنت بس بيعدو فتره و يمشو و برجع لوحدي برضو نفسي في اصحاب و جروب و ناس اخرج معاها في الاجازه اصحاب بنات و ولاد اتسمع و نتناقش و نتكلم ناس تقف معايا نفسيا في مشكله و اقف معاهم بس

Chilli_39554 🇪🇬 · Answer

بحس اني محتاجه اتكلم ف حاجات بس مش عايزه حد يعرف عني حاجه ولا اعرف انا بكلم مين ومش مهتمه لو كنت بكلم بنت او ولد طالما الحاجه الي هتتقالي هتساعدني، انا شايفه ان دي حاجه كويسه اوي الابلكيشن دا هيبقا من ال fav apps عندي اتوقع

Blueberry_27226 🇪🇬 · Answer

علشان محدش هيعرفني علشان بحس ان الناس بتقيدني مش عارفة اتكلم معاهم ولا اتعامل وهنا برضو ابتديت احس اني مقيدة مع ان جوايا كلام كتيييير اوي 
هو المشكلة فيا ولا اني مش لاقيه حد مريح اطلع كل اللى جوايا معاه او معاها مش عارفة بس كل اللى عارفاه اني موجوعة ومصدومة من الناس

Biscuit_31702 🇪🇬 · Answer

قولت ليه لاء بس برضو ملقتش الحاجه ال انا عيزاها ومحتجاها لما بكتب حاجه محدش بيرد معئني ببقي محتاجه رد بس ف الأغلب ممكن امسح الأبلكيشن واروح ل ثيربست احسن لأني لما ببقي عايزه اتكلم ببقي عايزه حد قدامي يشوف ريئكشني ويبقي فاهم وحاسس كل كلمه بقولها

Lemon_34997 🇪🇬 · Answer

بصراحه علشان اتكلم بكل ارياحيه لاني مبثقش في اي حد بس فكرة ان محدش يعرفك وتبقا واخد راحتك في الكلام وكمان الناس تشارك رايها معاك وكمان بحكي مشاكلي بدون اي قيود 
وكمان اقدر اشارك رايي من غير ماخاف او اقلق من رد الفعل

Strawberry_39961 🇪🇬 · Answer

انا كنت مخنوقه ومش عارفه اكلم مين واحكيله لاني انا مصفوعه من العائله ومن الحياة فرايت اعلان للبرنامج فمترددتش لحظه اني انزل البرنامج انا في الاول كنت خايفه يطلع هكر بس لا طلع العكس تماما

Strawberry_38537 🇪🇬 · Answer

اني الاقي حد اشكيله وافضفض معاه من غير ما يحسسني بحرج لانه عارفني  ا? ?الواحد تعب من الناس اللي حواليه واللي ملهمش لزمه وكله بتاع مصلحته بس  و
الصديق الالكتروني المجهول نعمه  في زمن ai   عارفين زمان لما يقولك  نفسي اشكي لحد همومي وبعدين اقتله

Peanut_39705 🇪🇬 · Answer

حسيت اني عاوزه اتكلم مع واحده من غير م اعرف هيا مين ولا هيا تعرف انا مين و نفتح مواضيع و نحكي لبعض و نشارك مع بعض مواضيع و حكايات حصلت قبل كده معانا و الحجات الي بنحبها و الحجات الي ممكن تضايقنه

Mushroom_40445 🇩🇿 · Answer

دخلت البرنامج لاني  كتومة  ومستحيل اقدر اعبر عن احساسي الحقيقي لشخص يعرفني خوفا من الحكم علي ومن درجة خوفي انو شخص يعرفني انا بكتب وخايفة حد يعرفني ويعرف اني بحب Mushrooms يكتشف انا مين ههههه

Mushroom_40237 🇪🇬 · Answer

اني متحاجه احس اني في حد جنبي حاسس بيا مش اكتر حاسس بألمي 
اخرج الاحاسيس اللي جوا اللي كاتمه علي قلبي يمكن لما اخرج المي ارجع اخد نفسي زي الاول 
ولا الشخص الوحيد اللي كنت برتاحله سابني بشكل مفاجيء و صادم و من بعدها مبقتش عارفه هوا مين. ولا أنا مين

Cherry_40587 🇪🇬 · Answer

سبب دخولي هو رغبتي بمساعدة الناس ونفيد ونستفيد من بعض 
قريبا هفتح استشارات خاصة اونلاين وعايزة اشارك خبرتي ومعرفتي مع الناس .. 
بدي حقق هدفي السامي وهو اني ما خلي اي حدا يدوق اي نوع من الالم النفسي 
دمتم بخير ..

Blueberry_40443 🇪🇬 · Answer

سبب دخولي انى حاسس انى لوحدى اوى رغم ان فيه ناس حواليا ورغم ان شغلي اصلا بيجبرنى اتعامل واقرب من ناس كتير وانا بحب شغلي عموما 
بحاول اتخطي حب حياتى الى مكملش تحت مسمى النصيب وعلى الرغم من ان الموضوع منتهي من سنتين بس حرفيا كانت ليا كل حاجه 
بحاول ارجع لشخصيتى الحقيقيه تانى مش عارف من ٢٠٢١ وانا مش بعمل غير انى بشتغل وبس بحاول اثبت نفسى ولنفسي انى هبقى حاجه كبيرة 
بعيش يوم طبيعي جدا بس في اخر اليوم مبعرفش انام من التفكير بحاول اشغل نفسي باي حاجه عشان اعرف انام ومش بعرف 
انا مش عارف انا ليه وصلت لكده وازاي بقيت شخص كده 
مؤمن بربنا الحمدلله وواثق انه مش بيجيب حاجه وحشه بس مش عارف بجد مالي 
لا وايه تقعد معايا من كتر الضحك والهزار عمرك ما يبجي في بالك ان الشخص ده بيمر باسوء فتره ليه ع الاطلاق هتشوفني ناجح هتشوفنى بضحك صدقنى كل ده خيال عمرى ما عرفت اتكلم واقول الى حاسه مع حد مش بحب احس بشفقه بس انا تعبت

Potato_41206 🇪🇬 · Answer

عارفة انه ممن يكون سبب غريب بس انا لما ببقى متضايقة من حاجة بحب اني اسمع حد بيفضفض اواني انصح حد او اني اشوف مشاكل الناس بالصدفة شوفت التطبيق على الانستا وعجبني فكرة الخصوصية وركنته بس الفترة دي كانت وحشة شوية و حصل حاجة خلتني متضايقة فجربت و حاسة اني احسن شوية

Strawberry_41793 🇪🇬 · Answer

حبيت فكره البرنامج واول مشوفت اعلان ليه كان حد من المشاهير عامله مكنتش مصدقه أن فى حاجه كده ونزلته ودخلت فى الاول كنت مستغربه وكنت متردده اتكلم ومسحته من كتر منا خايفه بس رجعته تانى لأنى فعلا مفيش حد هقدر اتكلم معاه كده من غير م احس انى تقيله لانه هنا كلنا بنتكلم ومحدش عارفه هويه التانى ولاحد شايف التانى ف انت بتتكلم براحتك لأن اللى هنا مش هيستغلك ولا هياخد الكلام اللى انت حكيته ده ويعايرك بيه مستقبلا

Chocolate_43707 🇪🇬 · Answer

كنت عايزة اعرف صحاب ونتكلم براحتنا خصوصا اني بحب الكلام وبحب اشارك تفاصيل يومي بشكل مستمر وبحب اسمع كمان و نرغي سواء واحده صحبتي قالتلي عليه وكنت عاوزه صحاب حقيقين ونتكلم براحتنا عادي بس مش اكتر في الاول استغربت ومكنتش فاهمه حاجه عشان لسه منزله البرنامح بس مع الوقت افهم  و قولت نجرب ليه لا خصوصا اني حسه بالملل و مفيش مانع نعمل صحاب عادي 😅

Potato_44340 🇪🇬 · Answer

علشان كنت لسة سايباه ومخنوقة وعايزة حل  وجابلي تروما وكنت متقعدة من الدنيا كلها
وبصراحة كدة كفاية خوف من المجتمع انا رجعتله تاني🙂🙂 
ف استنوني كمان شوية وانا جاية اشتكيلكم منه🙂😂 
حساكم عيلتي التانية اوي🙂❤

Donut_43649 🇪🇬 · Answer

انا دخلته علشان انا شفت مروان جلتشي بي يتكلم عنه فاقلت أهو اشوف واجرابه و دخلت على لينك تحميل برنامج بس بجد حسيتكم عائلتي التانيه ورتحت بجد لما بشركم مشاكلي إلي أنا ماعرفتش اقولها لحدو بس

Toast_45227 🇪🇬 · Answer

سبب دخولي لاقيت مروان جلتش بالانستا قايل كلام يعبر عني وانا فعلا لما باجي احكي لحد بندم فا كان نفسي حد يفهمني مش يعرفني ولا اعرفه بس ينصحني بحجات من قلبه حسيت اول لما دخلت أن قلبي ارتاح وهعرف افضفض ليكم لاني اعرف انكم كلكم داخلين عشان عايزين تقولو كلام من جواكم وتنصحوني ربنا اكيد خلاني اني اعمل كدا عشان اقدر افضفض لاني فعلا زهقت زهقت من الدنيا دي كلها سفاحين كل يوم اخبار مجتمع مش بيجي الا بالصراخ كفايه ولله انا تعبت عندي تركمات دراسه كتير مش بتخلص

Coffee_32728 🇪🇬 · Answer

لان ديما ببقى عايزه اتكلم براحتي و انا مش بعرف احكي و اتكلم عن نفسي الا في السوشيال و حتى لو بتكلم ببقى خايفه لان ابويا عنده ناس كتيره جدا عارفينه ف ببقى خايفه علي سمعته او اي كلمه تطلع مني تبوظ شكله ف دا بيخليني مش بعرف اتكلم براحتي و اعرف اتكلم مع حد . 💔 و علي قد ان في حجات كتيره و يمكن في حجات كتر بس بابا يمكن بحس اكتر واحد بيحاول يخلي باله من نفسيتي لو الدكتور النفسي قله حاجه بيحاول علي قد ما يقدر غير حد تاني خالص و حجات كتيره بيبقى عندي اساله كتيره و استفسارات نفسي اعرفها و اسال عنها مش بعرف ف البرنامج دا بيساعدني علي كده و غير كده انا بحب اساعد الناس و احل مشكلاتهم بس بتكسف منهم ف  البرنامح دا بيساعدني اتكلم براحتي و بي حريه . و اعمل الي عايزاه عادي و اتكلم بس حريه و الناس هنا لطيفه و بذات انك مش عارفهم بس لاطيفن زيما بيقولو الناس من بعيد احلا بكتير ف البرنامج دا جميل عشان كده . و هوا ساعدني كتر و خلاني اعرف حجات كتيره اوي بي حريه و بكل ثقه 🌚🤍

Pear_46782 🇪🇬 · Answer

اني معندش حد يسمعني ويفهمني معنديش حد وقت ماكون محتاجه يكون موجود ديما معنديش حد يحس بي او انا فعلا مبعرفش اعبر عن حاجه غير كتبه وغير كدا شعور بل وحده شي مخيف جدا يمكن يطلعني من تفكيركتيروكلام اكتر وجوه محدش هيسمع هيقول تفها هيقولو متفكريش بس غصب عني بفكر كتير ويمكن البرنامج هى ساعدني ف كتير زى حاجه محدش يعرفه عني نفسي اتكلم فيه ومتفهمش غلط اصلي حكيت قبل كدا بي شخصيتي اتفضحكت  وتقال فيا ما ليس فيا

French Fries_49539 🇪🇬 · Answer

عايزة اتناقش في مواضيع مختلفة مع ناس انا معرفهمش او مع ناس مش عارفه رأيهم هيبقي ايه و اعرف خبرات ناس مختلفة عني يمكن تساعدني و في نفس الوقت محدش يعرفني.. خلاص إجابتي خلصت ايه حوار ١٥٠ كلمة  ده، كلمة كمان

Donut_52185 🇪🇬 · Answer

حكايه أن محدش عارفنى حاجه مريحه ، بحس أن اللى حواليا مش بيقتنعوا برايى فى حاجه او فى تفكيرى مش عايزه اكون مبالغه بس مش لاقيه لفظ تانى أقوله ساعات بحس أن مفيش تقدير كافى لمشاعرى و وجهه نظرى ممكن هنا أتجنب أن حد يحكم عليا أو يفهمنى غلط على الأقل محدش هيقابلنى و يكون عارفنى و يفضل يسأل انا كتبت كدا ليه و يغلطونى زى كل مره

Banana_56622 🇪🇬 · Answer

حسيت أن الموضوع في حريه كبيره جدا اقدر اتكلم براحتي وتعبر عن كل اللي جوايا من غير ما حد يعرف انا مين وفي مشكله فالفيس أن حتي لو كتبت بوست مجهول الهويه ادمن الجروب بيعرف مين صاحب البوست يعني برضو مش هعرف اتكلم براحتي لكن هنا عالبرنامج الموضوع احلي بكتير كلنا منعرفش بعض وبنتكلم براحتنا سواء بتحكي مشكلتك أو بتنصح حد

French Fries_55387 🇪🇬 · Answer

حسيت ان عندي كلام كتير انا مش هقدر اقوله او حد يعرف اني بفكر بالطريقه دي لاني لما حاولت كنت بلاقي نظرات غريبه وناس بتقول اني معقده او ببرر كتير. ف  حسيت ان ممكن يكون فيه مساحه اقول اللي في دماغي من غير ماحد يعرف ان انا هو هو نفس البني ادم اللي عنده كل الافكار دي 
مش عابزه حد يعرف الحاجات دي عني اولا وثانيا هقدر اقول كل حاجه بدون ماخلي الكلام الطف او اجمل وثالثا مش عايزه اكون مضطره احكي لحد لاني بحب احكي واسيب كل افكاري دي للشخص الصح اللي هيفهمني اذا كان صاحب او صاحبه او شريك

Coffee_57918 🇪🇬 · Answer

فيه كلام وحاجات كتير في دماغي محتاجة أقولها ومحتاجة حد يسمعني ويكون جمبي، ومش لاقية ده في حياتي ومحتاجة مكان محدش يعرفني فيه عشان أقدر أقول كل اللي عاوزاه
وكمان محتاجة أحس أن حد حاسس بيا أو فاهمني لأن عمري ما حد فهمني فعلاً وبخاف دايما أن حد ي judge me

Watermelon_57808 🇪🇬 · Answer

عشان انا واحد عنده ١٩ سنة وفي طب عندي اهتمامات زي الدزينينج و السايبر سكيورتي وبحب اسافر رحت السعودية وبحب الاكتشافات والحجات الحديدة اوي عندي اهتمام باللغات اتعلمت فرنساوي واسباني a1 والانجلش الحمدلله B2 بعرف اتكلم شوية ياباني بحب الاستايل كدا يعني حاجة حلوة اني ادخل على برنامج نشوف عمق وظلم الناس من جوة

Mango_58124 🇪🇬 · Answer

عايز احكي عن واشوف حلول عملية او حتى افضفض لناس لا تعرفني ولا اعرفهم من باب الامان نوعا ما لاني حزين اني معنديش حد بالنسبالي منطقة امان اقدر احكيله عن حياتي فممكن حد يفهمني غلط او حد يرمي عليا الاتهامات فبقيت في وحدتي اغلب الوقت بعيد عن الناس مليش حد

Banana_60781 🇪🇬 · Answer

علشان أتكلم براحتي واكون علي حريتي اكتر والاقي ناس شبهي كتير واقول اللي نفسي فيه من غير ما حد يعرفني
وأقدر أساعد أي حد من غير ما اعرفه ولا يعرفني ويحس انه مش لوحده وفي شبهه كتير ويبقي في ارتياح اكتر

Watermelon_59057 🇪🇬 · Answer

على امل ان يكون في تجمعات على ارض الواقع

الحياه من كتر مابقتش اونلاين بقى الواحد ينسى الكلام وينسى نفسه بالايام
مش عايزه ناس قريبه 
بدور على جروبات بتتجمع تعمل اي حاجه ومش قريبين
ياترى في كده

Pumpkin_61887 🇪🇬 · Answer

كان بيظهر لي إعلانه كتير كتير اوي كمان و فكرت مع نفسي حبة و جاني فضول ادخل اقرا الناس بتقول ايه و اعرف الناس بتفكر ازاي، يمكن نزلته من كام ساعة بس بجد حسيته حاجة حلوة انك تطلع اللي جواك كده، و مش لازم الناس تكون عارفة انت مين و مش بتحكم عليك بجد مريح، و عجبني دعم الناس لبعض هنا، اتمنى يستمر كده.

Avocado_61871 🇪🇬 · Answer

ظهرلي اعلان ع الانستا انا فكرت ان تطبيق مش حلو بس دلوقتي نفسيتي مرتاحه ان في ناس بترد عليا وبتقولي نصايح وانا طبعي رغايه بحب برامج الرغي اوي بفضل اقول كل حاجه بحس بيها وانا مفتقده الناس علشان بحب تطبيقات الرغي

Coffee_64139 🇪🇬 · Answer

اتكلم عن افكاري و المواضيع اللى بحبها من غير ما احس ان حد هيحكم عليا 
ساعات في وسط صحابي او اهلي مش عارفه اتكلم عن حاجات كتير فيا من معتقادات او افكار او تجارب مريت بيها عشان هيحكموا عليا 
بس هنا مين هيحكم عليا 🤷🏻‍♀️

Pineapple_64472 🇪🇬 · Answer

حقيقي انا اكتشفت مؤخراً اني بتكسف جدا اعبرعن الى جوايا فعلا و ديما بعمل حساب لمين ممكن يشوفه ومين ممكن يقول ايه بخاف ديما من فكره انى اكون اتنشن اوي  حتى فكره انى انزل صور ليا على السوشيال ميدا مبتبقاش مريحاني. هيشفهاها ازاي ....
شكلي متصنع اوي ..
شكلي جرئ بذايه.....
 الفكره ان لو سألت اي حد تعرفه عني هيقولك اني عكس كدا تماما انها شخصيتها قويه ومبيهمهاش رأي حد لكن ف الحقيقة انا عكس كدا تماما لما شوفت البرنامج دا قررت اني ابدأ كتابه عن مشاعري ونفسي كا تدريب عن التعبير عن الى جوايا فعلا

Chocolate_68699 🇪🇬 · Answer

عرفت ان الواحد لما يعبر ان اللي بيحس بيه ده جزء من العلاج ولما يكون في جروب بيتعالج ويعمل دعم للجميع ده بيساعد أنا محتاج جروب دعم للعلاج من ادمان السوشيال وتبعاتها
لان دخل ادمان الاباحيه وبقيت مش عارف اعمل حاجات كنت بحبها زمان

Chilli_69528 🇪🇬 · Answer

لاني مش عارف اتكلم او احكي مع حد 
فكره انك تتكلم وتفضفض وتطلع كل اللي جواك وبعد كده الكلام يترمي وسط الهزار بتقتل مش بس بتجرح 
دخلت علشان احاول احكي وافضفض ممكن ارتاح او الاقي حل يريحني ويوقف الحرب اللي ف دماغي

Strawberry_69559 🇪🇬 · Answer

عجبتنى فكرة انك تفضفض وتقول اللى جواك من غير ماحد يعرف انت مين اوقات كتير الواحد بيبقى عاوز يحكى عن اللى وجعه ومش قادر يحكى فكرة انك تخرج كل اللى تعبك ده بيخفف من حاجات كتير ممكن تحصل للواحد من كتر الضغط النفسي اللى بيبقى فيه فى حاجات كتير جوه الواحد ومش كل اللى جوه الواحد يقدر يخرجه لحد يعرفه

Chocolate_62747 🇪🇬 · Answer

السبب اني كنت عاوزة اتكلم وحد يسمعني لما بحاول اتكلم مع حد في الحقيقة مش بيفهمني وياما اقعد معاه ويطلعني انا الغلطانة وانا الوحشة ياما اتشاكل معاه وعلشان انهي المشكلة اقول انت صح معاك حق علشان اخلص وفي الاخر بدال هم واحد بخرج بهمين وشوفت اعلان البرنامج علي الفيس وقلت اجرب يمكن اعرف اتكلم براحتي وكمان من غير ما حد يعرف انا مين قلت كده يمكن اعرف اطلع الي جوايا واستريح شوية هو ايوه مش راحة بمية المية بس علي الاقل بطلع الي جوايا بدال بحس بخنقة

Mango_70501 🇪🇬 · Answer

اسمع فضايح الناس😂😂😂
بهزر بهزر بس هنا بلاقي الناس بتتكلم باريحية
في الي بيقول كلام حلو وفي الي بيقول كلام وحش
بس انا حبيت اخد فكرة عن التطبيق وفضول بردو
وبفكر ابدا سلسلة نصايح بسيطه لي اخواتي في الله
وفي نفس الوقت مش عارف بس علموم
انك تتكلم ومحدش يعرفك فكرة حلوة
تطلع كل الي في قلبك ومحدش يلومك

Pumpkin_68569 🇪🇬 · Answer

جماعة كنت بحفظ قرآن في مدرسة و مش ملتزمه و لا بحضر و باجي قبل الامتحان اراجع اللي اقدر عليه و اروح امتحن فا في سورة ديما كنت ديما بتخطاها ( استغر الله ) عشان كبيرة بالنسبالي و كنت بسيبها للاخر و عمر ما كان بيتبقالها وقت و مكنتش بهتم كنت بقول عادي هبقى اجيبها في اي وقت و ده عمره ما حصل لحد ما جربت انهرده اني اقرأها يمكن اعرف احفظها و حقيقي السورة رهيبه انا مش عارفه ازاي انا عمري ما فكرت اقرأها و ازاي سوره بجد بالأهمية دي مكنتش باخد بالي منها اصلا السورة هى ( الزمر ) السورة حقيقي مش لاقيه كلام اقدر اوصفه ليها نصيحة بجد اقرؤها و تدبروا معانيها هتفهموا قصدي

Hazelnut_89466 🇪🇬 · Answer

ممكن اقرا كلام او حاجة يساعدني او حد يديني معلومة مكنتش واخد بالي منها واحكي الجوايا بدون ما حد يشوفوا كتفاهة او كدا وشايف فكرته حلوة عشان بتدي مساحة تقول العندكبالذات بحب احكي وبعدين محدش يعرف عني حاجة