اية اكتر تجربة أثرت فيك ف حياتك حتي الأن؟

Lemon_55798 🇪🇬's موضوع

احكيلنا عن موقف او تجربة صعبة أثرت فيك و ازاي عديت و قدرت ت heal او حتي لو لسة مقدرتش

Croissant_52708 🇪🇬

منذ دقيقة واحدة

شعور مكسور القلب

عبّر عن شعورك بشكل مجهول

أنا راجل… ويمكن أول مرة أعترف لنفسي قبل ما أعترف لحد تاني إن شكلي مش من النوع اللي بيشدّ. يمكن الناس بتقول المظاهر مش كل حاجة، بس الحقيقة إن أول باب بيتبني بيني وبين أي بنت هو شكلي… والباب ده بيقفل قبل حتى ما أمد إيدي وأخبط. كل مرة أحاول أتعرف، كل مرة أحسس نفسي إن ممكن ألاقي حد يشوفني بقلبها مش بعنيها… بلاقي كلمة “لأ” بتتقالي بطريقة مؤلمة أكتر من الصراحة نفسها. لأ علشان شكلي. لأ علشان وضعي. لأ علشان أنا مش الراجل اللي بنات كتير بتحلم بيه.

شغال شغلانة عادية… مش مدير، ولا صاحب شركة، ولا حد عنده وضع يخلي البنات تتهافت عليه. شغلانة بسترزق منها وعايش، بس عمرها ما كانت نقطة قوة في أي علاقة. ساعات بحس إن الدنيا بقت تقييم مستمر… شكل، فلوس، عربية، وضع، وفي النص ضاع الإنسان اللي جوايا… ضاع اللي عنده قلب نظيف ونيه سليمة وِحِمل شايله لوحده.

أنا وصلت لمرحلة بقول فيها بصوت عالي… أنا مكتئب. بس مش اكتئاب يومين ويعدي. اكتئاب راكمته سنين من الرفض، ومن المقارنات، ومن إحساس إن محدش شايف اللي جوايا. بقيت أحس إني راجل "بيعنس"… آه، يمكن المجتمع بيقول دي كلمة للبنات، بس أنا حسيتها في لحمة جلدي. حسيت إني بتأخر، وإن الوقت بيجري، وإن فرصتي بتصغر يوم بعد يوم.

مش طالب شفقة… ولا طالب كلام مجاملات. أنا بس عايز أقول إني تعبت. تعبت من إحساس إن شكلي حكم عليّ. وإن حياتي ماشية بالعافية. وإن قلبي نفسه يرتاح من فكرة إني مش كفاية… وإن يمكن يوم ييجي حد يبص لي بجد… مش على وشي، لكن عليّ أنا.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tomato_87686 🇪🇬

منذ 7 دقائق

شعور خجول

بدأت صفحة جديدة مع بداية السنة الدراسية: بطّلت خناقات، وبطّلت مخد.. رات، وبطّلت معكسات، وقطعت أصحاب السوء، وركزت في دراستي. واكتشفت في نفسي قوة وإرادة ومسؤولية وطموح ما كنتش شايفهم قبل كده. اللهم: وفّقني في دراستي ونجّحني، واهدِ كل اللي نفسه يتغير لطريق أحسن لو في اي نصيحه انا موافق ❤

Strawberry_67225 🇪🇬

منذ 3 ساعات

شعور مستنزف

جماعه هو في مرض نفسي ممكن يخلي شخص مش بطبعه يسرق حاجه ويخليه يسرق وفي ممكن سحر يتعمل لحد يخليه بردوا يسرق ينفع اللي يفهم في المواضيع دي يفهمني لان انا فعلاً في مشكله كبيره ومحتاجه افهم بعد اذنكم

Watermelon_74699 🇪🇬

منذ 4 ساعات

شعور مهتم

ايه الحياة المملة دي انا شاب ٢٨ سنة طفولتي كلها كانت شقاوة ف شقاوة مفيش حاجة معملتهاش بس بجد السن ده حاجة مقرفة مسؤولية و الحمد لله قدها بس مش متخيل ان ف عيال بتقولي ي عمو و طلبات من ناس شايفاني كبير و مسؤوليات زيادة اه انا قدها و بسد بس انا مش عايزها انا بس وحشتني ايام زمان و كتير بحن لأيام زما

Tofu_77588 🇪🇬

منذ 4 ساعات

شعور غير مكتمل

السلام عليكم ورحمة الله وبركاته صباح الخير يا شباب كل واحد فينا له دور في خدمة دينه وأمته.. مش لازم تكون شيخ أو خطيب أو مشهور! المهم تدور لنفسك على ثغر تخدم منه الإسلام. فاستعن بالله ولا تعجز.. ودوّر على ثغرك؛ عشان تسده بإخلاص.. ولعل الله يفتح لك به بابًا للجنة.

Biscuit_79929 🇪🇬

منذ 4 ساعات

شعور مرتبك

عبّر عن شعورك بشكل مجهول

انا و اخويا الكبير كنا قريبين جدا جدا من بعض ف شخصيتنا كانت تقريبا شبه بعض جدا بحكم ان احنا كنا قاعدين مع بعض كتير جدا .. ف انا كنت تقريبا نفس شخصيته بس في بنت ... جيه وقت بعد ثانويه عامه بتاعته و راح جامعه اهليه بعيده اوي عننا و سابلي الاوضه بتاعته مع العلم ان في اخت مابينا اكبر مني الي انه اختارني انا بحكم ان فيها كمبيوتر و انا شاطره في الكمبيوتر جدا و البرمجه و الخ... بعد سنتين هناك في الجامعه البعيده يرجع هو و نبدأ نقعد مع بعض كتير جدا.. و ابدا اكتر انه انسان نرجسي جدا و مبيحبش اي حد ينجح غير نفسه .. يكون عارف اني شاطره جدا و ممكن فعلا اعمل حاجات كتير بس يقعد يحبطني و يبوظ كل حاجه و يقلل من قدراتي و ثقتي في نفسي.. اكون بفكر في مشاريع ناجحه جدا و خسارته رمزيه وتقريبا غير مذكوره و هو يحبطني و معرفش اكمل حاجه

دلوقتي مع العلم اني بحبه و عارفه انه شاطر و ذكي حدا بقيت من غير ما اخد بالي معملش الحاجات الناجحه جدا دي بس علشان هو قال إنها مش ناجحه 
كان عقلي الباطن بياخد اي حاجه اخويا بيقولها و يعمل جمبها صح كأنها كده كده صح من غير ما افكر و بقيت عارفه ان الحاجه ناجحه و هتجيب فلوس و معملهاش غصب عني... الموضوع بقا مزعج جدا لدرجه اني بقيت اخاف اقوله علي حاجه 
لكن برضه غصب عني بحكم اني وقت طويل كنت معتمده عليه وباخد برأيه بقيت اقول الحاجات الي عايزه اعملها بس علشان اثبت نفسي له.. 
ف ولا منه عارفه اعمل حاجه في حياتي و لا منه عارفه اسكت و اشتغل في صمت من غير ما اقوله 
حياتي بقت جحيم و بقيت اكرهه و اكره نرجسيته كأنه خايف اي حد ينجح غيره في العيله .. لما قولت ل ماما و اخواتي الي تقريبا نصهم بيكرهوه قالولي انه كده مم زمان و انه فعلا مش عايز حد تاني ينجح غيره 
الموضوع ده بقي بيطاردني و بقيت بكره كل حاجه ليها دعوه باخويا.. بقيت بتخنق لما اسمع صوته و بقيت امثل اني نايمه لما اعرف انه في البيت لانه دايما عايزني اقعد معاه و بيحب اني اكون معاه في الاوضه و يتكلم معايا ... 
انا الوحيده الي في البيت الي هو بيحب يقعد معاه و الموضوع ده بحد ذاته بيحسسني بالزنب
لاني مش عارفه هو بيحاول يساعدني ولا فعلا خايف اني أنجح و ابقا احسن منه مع العلم اني أصغر منه ب خمس سنين

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.