غضب الام الدائم

Waffle_15857 🇪🇬's موضوع

غضب الام الدائم

شاركو قصتكم لو بتمرو بنفس التجربة وبتتعاملوا ازاي مع غضب الام دايما عليكوا بسبب وبدون سبب

Blueberry_21598 🇪🇬

منذ 8 دقائق

شعور محبط

ايه ا يخلي ام تحب حد اكتر من حد من ولادها لدرجة انها تفرق مابينهم ويبقا واضح اوي كمان حاولت الاقي مبرر لده بس مش لاقيه ونفسي بس افهم ليه يعني لو فيه ام هنا تقدر تقولي ايه الي يخلي ام ممكن تحب حد اكتر من حد كان نفسي اكون انا الي بيتهيألي اناا بتفرق بس للاسف حولت أصدق كده بس الأهبل ياخد بالو بحاول امش

Biscuit_87034 🇪🇬

منذ 18 دقيقة

شعور مكسور القلب

عبّر عن شعورك بشكل مجهول

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد  هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته 
وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه 
نفسيتي تعبانه اوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_55151 🇪🇬

منذ 22 دقيقة

شعور مرتبك

عبّر عن شعورك بشكل مجهول

لو انا في تانيه جامعه و  حبيت بنت اوي و اتعرفت عليها و ارتبطت بيها و كانت نيتي معاها كل خير والله و كان نفسي اني اتجوزها و عايز ابقا معاها بجد عارف ان لو انا فعلا عايز دا مش المفروض ابقا معاها و اخليها تخون ثقه اهلها معايا بس انا مقدرتش مصارحهاش ب دا و ارتبطنا و قعدنا مع بعض فتره كويسه حوالي ١٠ او ١١ شهر كانو مختلفين جدا عن علاقه اي اتنين بيحبو بعض كنت دايما بحس ان انا الطرف اللي بيدي انا الطرف اللي بيحاول و انا الطرف اللي باقي عالعلاقه دي و هي لا عمري ما في مره اتاكدت معاها انها ١٠٠٪؜ بتحبني دايما كانت بتعمل حاجه تشككني في انها بتحبني كنت دايما بحس ان هي بتحب اللي بعملو عشانها و بتحب حبي ليها بس مبتحبنيش انا كشخص  كانت دايما بتقفلي عالغلطه و تبعد و بعدها بشويه ترجع تاني و تتاسف انها بعدت و مفهمتنيش و بعدها تبعد تاني لاسباب فعلا مش مبرر انها تبعد لان اللي بيننا مكانش قليل خالص
المهم احنا دلوقتي حصل بيننا مشكله و هي بعدت انا معترف اني غلطان بس هل فعلا الموضوع كان يستاهل ان هي تبعد ؟
القصه و ما فيها هي اننا كنا اخر فتره بقينا نمسك ايد بعض مع اننا مكناش متعودين على كدا و كان في بيننا حدود طول فتره ما كنا مع بعض لحد ما تمينا ١٠ شهور مع بعض و بعد ال ١٠ شهور كانت اول مره نمسك ايد بعض ( هي اللي عرضت الفكره ساعتها و هي اللي مدت ايدها ليا وانا وافقت رغم انو مكنتش مرتاح و مكنتش عايز دا دلوقتي بس كانت لحظه ضعف و عشان حبيتها فا مسكتها ) 
و يومها هي قالتلي ان هي اتبسطت و الموضوع عجبها 
بعدها باسبوع كنت مع بعض برضو فا انا قولتلها ممكن امسك ايدك تاني (رغم انو دي في الاول خالص عمرها ما كانت نيتي و مكنتش عايز اوصل لدا بس عشان الموضوع حصل اول مره منها فا انا حبيتو و كنت عايز اكررو و ضعفت تاني ) وافقت و ادتهاني و مسكتها تاني
بعدها باسبوع كنا مع بعض برضو و كنت ساعتها عايز امسك ايدها برضو و هي وقتها كانت مبسوطه يعني معايا واحنا قاعدين و كانت عماله تحب فيا و انو هي مبسوطه في علاقتنا و حابه موضوع اننا نمسك ايد بعض دا و اننا كدا بنقرب  يعني فا انا وقتها حاولت امسك ايدها لقيتها بعدتها و قالتلي مش عايزه امسكها فا انا قولتلها ليه قالتلي مش عايزه و خلاص قعدت ساعتها اتاسفلها كتير جدا اني عملت كدا و انو مكانش قصدي اعملها فجاه كدا و هي كانت شايفه اني كان لازم استاذن قبل ما اعمل حاجه زي كدا رغم انو مش دي اول مره نعملها فا انا حسيت انو خلاص الموضوع بقا عادي فا اخدت انا الخطوه دي و حاولت امسكها منغير ما اسال لان برضو كان كلامها وقتها محسسني ان هي مستنيه امسكها و يارتني ما عملتو لاني ندمت بعدها و قعدت اتاسفلها كتير و افهمها اني كنت فاكرها حابه الموضوع زي ما انا حابو و انها مكانتش هتعترض 
هي بقا فاكره انو انا عملت دا من نيه الغصب و اني معاها عشان بس اعملو و اني محبتهاش و كنت معاها دا كلو عشان اوصل لكدا رغم انو اللي بدا اول مره خالص فكره دي دي و اللي اخد اول خطوه كانت هي وانا لو هي مكانتش خدت الخطوه دي انا مكنتش هاخدها لاني عارف اني لو عملتها مره هعوز اعملها تاني وانا مش عايز اوصل لدا لاني حبيتها بجد و عايزها في الحلال
فا هي مكانتش عايزه تصدق اني بجد حبيتها و اني عملت دا من نيه اني عايز اعمل حاجه هي حباها و انا كمان حاببها و بتبسطنا احنا الاتنين مكانش خالص في نيتي اني اخوفها مني و اني بعمل دا غصب عنها 
و كانت مقتنعه اني عملت دا منغير ما افكر في رايها و هل هي عايزه ولا لا و كانت عايزاني استاذن الاول قبل ما اعملو بس انا كان في دماغي انها موافقه و مستنيه اعملو عشان كدا عملتو منغير ما اسالها

انا عارف ان العلاقه من اولها غلط في غلط بس انا عايز اعرف هل فعلا كان الموضوع يستاهل ان هي تبعد ( الموضوع كان فعلا عباره عن اني حاولت امسك ايدها بس مفيش اي حاجه اكتر من كدا مقربتش ولا حاولت اني اعمل اي حاجه تاني هو بس حاولت امسك ايدها و لما بعدتها انا كمان بعدت و بينتلها اني ندمت اني عملت كدا و مش هكررها تاني و اتاسفتلها كتير )

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_65791 🇪🇬

منذ 23 دقيقة

شعور غاضب

هو فييييههه ااايييههههه كفااييااا يا لغاااتتتت. انا تعبت من تصريفات الاافعاالل بجد! إيه الهم ده؟!😭😭 يعني الأول كنت بصيح من الفرنش، دلوقتي الاسباني كمان؟؟! ده كل ده و أنا لسه سنة اولى و بأخد المضارع بس! اومال لما أخد تصريفات الماضي و الأمر هعمل إيه؟! هشد في شعري؟؟!

Potato_66133 🇪🇬

منذ 35 دقيقة

شعور لا مبالٍ

مين حاسس إن الاقتباس ده بيمثله؟ أنا شوفته حسيت كان حد اداني قلم😂 على العهد استرونج انبندنت عيوطة 🎀 "بالرغم من قلقه الدائم، وهروبه المستمر، إلا أنه كان يمثل دائمًا ملاذًا آمنًا لكل من حوله، كان ينتقم من القلق بمنح الطمأنينة للآخرين." ـــــــــــــــــــــــــــــــــــــــــــــــــــــــــــــــ

Mango_74726 🇪🇬

منذ 36 دقيقة

شعور مرهق

خايفة ام.وت من غير ماعيش قصة حب حقيقية قلبي لسا مدخلوش حد نيتيويويويويوييويويويويزيويويويويويويويويويزويوينيويزيزيزيزيزيزيزيويويويوييويوينيتيويويويويوييويويويويزيويويويويويويويويويزويوينيويزيزيزيزيزيزيزيويويويوييويوينيتيويويويويوييويويويويزيويويويويويويويويويزويوينيويزيزيزيزيزيزيزيويويويوييويوي

Marshmallow_69067 🇪🇬

منذ 38 دقيقة

شعور عاطفي

عبّر عن شعورك بشكل مجهول

عايزة أحكى حاجة  .. انا عيد ميلادى بكرة وهو بقى مرتبط ف ذهنى بذكريات مزعجة زى مثلا ان بعد ٢٥ يوم ذكرى وفاة بابا.. من ٥ سنين    ال ٢٥يوم  الى بين عيد ميلادى ويوم وفاة بابا  كانوا اسوء فترة ف حياتنا.. كل حاجة حصلت فجأة وبابا اختفى من وسطنا زى الحلم..
انا شخص من اجتماعى لكن لما حد بيحتاجنى بكون اول واحدة موجودة كان ليا أصحاب بس بيظهروا ف عيد ميلادى ينزلولى بوستات لطيفة فيها كلام كتير لطيف و ممكن نخرج ف اليوم دا او ف المطلق ونهزر ونضحك ونرغى كتير .. لكن وقت تعب بابا ووفاته وبعدها  إكتشفت انى لوحدى .. 
والحقيقة مزعلتش مأخدتش بالى إلا بعد فترة اصلا بس أدركت من وقتها 
إن الوحدة مش ديما شئ وحش وإن الصحبة بتكون رزق زى اى رزق ممكن حد ياخده وحد لا .. لكن ربنا بيعوض زى إستشعار الانس  بوجود الله ف جوف الليل وكل الناس نايمة..الإستئناس بكل شئ ف الدنيا غير البشر زى  التأمل في براح السما والقعدة قدام البحر والكلام معاه بالساعات.. ورقة وقلم جاهزين فأى وقت إنهم يسمعونى من غير م ملل ولا أحكام.. ادركت ان الوحدة بالنسبالى ونس  وأمان محاوطنى .. و ان ربنا كافيني  ومغرقني بنعم كتير من غير م أكون محتاجة لوجود عنصر بشري وإنى ممتنة لحالة الإستغناء الى بقت عندى.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.