اتخدعت ف حد قبل كدة؟

Question

احكيلنا تجربتك مع الخداع، سواء قريب او غريب وازاي دة اثر في نفسيتك وثقتك في الناس بشكل عام وهل اتغلبت عليه؟

Coffee_27700 🇪🇬 · Answer

اتخدعت بس 😂
هو كان صديق مقرب للأسف كان باين انانيته من الأول بس في نفس الوقت عايش دور الضحية وقد ايه الدنيا والمجتمع والناس حاطين عليه. وأنا كنت بحب ابقى المنقذ. وثقت فيه وكنت بقدمله كتير وهو بيعمل مواقف نداله كتير. لحد ما في مرة قررت اساعده وامسكه شغل خاص بيا قام سرقني 😂
ولما قطعت علاقتي بيه بقى يحكي للناس قد إيه الدنيا والمجتمع وأنا حاطين عليه 😂✋
متثقوش في شخصية نرجسية يا جماعه ومتعيشوش دور المنقذ زيي ✋🏻

Mango_38551 🇪🇬 · Answer

اتخدعت فى اكتر حد وثقت فيه وكان عارف انا مريت بايه وكان مشاكلى وانى مش حمل انى اتخذل خدعنى وتتحول لاكتر شخص مؤذى واتعايرت كمان بكل فضفضه وكل حاجه حكتها وكل حاجه لجأت ليه فيها 
للاسف لحد دلوقتى وقربت على سنه من المواقف دى وانا مش عارفه اتخطى وبقا عندى عدم ثقه كمان فى اى حد

Avocado_38629 🇪🇬 · Answer

اتخدعت ف انسان حبيته جدا كنت خايفه ادخل ف اي علاقه بس جالي ف وقت كنت حسه اني مرفوضه في من كل حاجه حوليا جه ودخل حياتي بشكل جميل مهتم بكل تفاصيلي معايا ف كل وقت بينطلي ف كل حته حنين وبيطبطب عليا حسسني أن لو اي حاجه زعلتني هو هيقف قدمها .... قلتله لو هتكون مع بعض مش عايزه اتوجع مش عايزه قلبي يوجعني انا هحبك بكل إخلاص وهبقا معاك ع اي وضع (كانت ظروفه صعبه جدا ) اهم حاجه عندي انك متسبنيش وكل حاجه هتكون فيها مع بعض دا كل اللي طلبته منه ... اتخطبنا وكانت الحياه مستقره لحد ما هب سبني ب ابشع طريقه غلط ف حقي وف حق اختي جيت اتخنقت معا وقتله ليه عملت كدا انت بوظت كل حاجه وكنت متعصبه جدا راح حذف كل حاجه تخصنا وبلغ اختي انو نها علاقتنا حتي مبلغنيش انا معتبرنيش موجوده حتي محولش يصالحني ف الغلط اللي عمله لف ضهره وسبني تايهه ومشي عمري ما هسمحه .....

Marshmallow_37762 🇪🇬 · Answer

et5d3t mn wa7da sa7bty 7abetha aktar mn nafsy bgd💔
bs ektashaft enha makansh hammha 7aga 8er msl7tha w bs 😔
el7md llh rbna 3wdny b shla to7fa✨ ,w 2drt a5od karar eny ab3d 3n ay 7d azany wlw be kelma 💪🏻(ana bnt 3ady bs b7b el emoji da 😂)

Cookies_38657 🇪🇬 · Answer

لسه مخدوعه من يومين .. ومن اكتر حد امنتلو ووثقت فيه وقلت مستحيل يعمل اي حاجه تجرحني مش قادره اصدق ازاي جالو قلب يخدعني ويكدب عليا ويقولي انو بيحبني ويعيشني في كدب كل دا .. ازاي انا هونت عليه بجد وليه ليههه مش قادره استوعب ليه عمل كدا فيا مع اني اكتر وحده حبيتو واكتر وحده كنت جمبو ومعاه في كل حاجه وقفت جمبو وسندتو وقويتو ازاي دي اخرتها يارب دا انا حكيتلو كل حاجه بخاف منها فتحتلو قلبي الي عمري ما فتحتو لحد حكتلو على كل حاجه حصلتلي بس مش عشان يعمل زيهم ؟؟ ازاي قدر بجد مش متخيله ازاي قدر يعمل كدا فيا اناا دا انا محبتش حد قدك ولا اهتميت لحد قدك ومبصتش لحد غيرك ازاي بجد !! قلتلك كل حاجه عني كل حاجه حرفياً امنتلك عشان قريبي ومنييي قلت مستحيل تيجي منو .. بس جت عادي ومعرفش بجد انا هعمل ايه بعد كدا معرفش ازاي انا ممكن ادي حد فرصه انو يدخل حياتي او اثق في مخلوق تاني .. حقيقي كان اخر حد اديلو فرصه

Kiwi_38764 🇪🇬 · Answer

للاسف زوجى اللى كنت فخوره بيه رغم مشاكله الماديه والتعصيب مكنتش شايفه كل ده لحد فيوم حسيت انه قيه شئ متغير وفالاخر لكتشفت انه بيكلم زوجه صديق ليه كانو بيزورونا كتير وهى كانت بتتقرب منى وتصاحبنى عشان يبقي طبيعى الموضوع قدامى هو الموضوع كان كلام وبس مش علاقه انا اه سامحته بسسب توسلاته وعياطه وولادى برده بس مش عارفه اني والله نفسي انسي الموضوع ده لانى بقالى ٦ سنين وانا مش عارفه انسي وبالذات انها بجحه وبتضر اقابلها  فمناسبات عائليه كتير كمان لان فيه صله قرابه  وهي مستفزه نفسي اعرف اعيش تانى وارجع حبي ليه مش عارفه بقيت حاسه انى قليله ونفسىالوقت حاسه انى روحى بتموت  نفسي ارجع تانى مبقاش عندى ثقه ف اى حد على طول عصبيه وبعيط لاتفه الاسباب

Ice Cream_38902 🇪🇬 · Answer

اتخدعت في اختي وحد   انا بحبو اوي
بس عطيت عذر لأختي لأنها صغيره مش فاهمه
بس مقدرش ادي عذر للشخص الي انا حبيتو 💔
كان ديما يقولي انا شخصيتي وحشه وهأذيكي اقولو لا انت هتأذيني ليه مدام انا معملتش حاجه 
والحمد الله اذاني وكسرني ✌️

Strawberry_37021 🇪🇬 · Answer

اتخدعت في ناس كتير اوي اتخدعت في صحبتي الوحيدة واتخدعت في حب حياتي اللي ندمت ندم شديد اني حبيته اتخدعت في اهلي أقرب ناس ليا والحقيقة انا مبقتش بعدها اثق في اي حد حتي في نفسي كنت فاكرة ان اهلك هما الامان بالنسبة لاي حد بس اللي اتضح العكس العالم كله هيبقي ضدك وعمرك حتحس انك محبوب بين ناس انا لحد دلوقتي محدش يعرف انا حاسة بايه بقيت لا ليا قريب ولا غريب بقيت لوحدي هعيش لوحدي وهموت لوحدي انا لحد دلوقتي مبقتش انا بقيت اخاف من اهلي من صحابي من قرايبي بقيت حتي اخاف من نفسي ومش هعرف اتغلب علي كل وجع وكل الالم حسيت بيه

Watermelon_32252 🇹🇷 · Answer

كلمة انخدعت كلمة مش واضحة اساسا ..
انا اعتقد اني انا الي بخدع نفسي ..
وبوهم نفسي اني ممكن اكمل مع ناس مش شبهي ..
بحاول اكون مع اشخاص انا وهما شبه بعض بدماغ بس ..
بس مش بالظروف ..
بنخدع نفسنا و بنكدب ع نفسنا و بنحاول نجمل ناس في عيونا ..ونحب ناس علاقتنا معاهم شبه مستحيلة ..
انت ماشي  بالبحر و كل شوي بتمشي بالغميق ..انت عارف انك ماشي وهتغرق بس انت لسا عندك امل انه الشخص الي معاك بيعرف يعوم ..بس لما توصلوا لمكان صعب تعوم فيه ..بيحاول يساعدك بس للاسف انت بتغرق و هو بيعوم لوحده ..

Biscuit_32618 🇪🇬 · Answer

انا متخدعتش فيهم احنا اصلا مكناش شبه بعض
 انا السمحتلهم أنهم يغيروا فشخصيتي و طريقتي 
و لسه بردوا مش شبهم 
انا الخدعت نفسي لاني انا الكنت ب force الفريند شيب دي و كل مره اقعد مع صحابهم احس اني معرفش شخصيت الصاحبتهم مش عارفه اضحك و اتكلم معاهم بحس مليش مكان مبينهم

Mango_38650 🇪🇬 · Answer

اتخدعت فى صحبه عمرى وعرفت انها غيرانه منى  وكانت عاوزه تبوظ عليا حياتى وانى اتخطبت قبل منها اتخدعت من ابن خالتى كنت فاكره بيحبلى الخير  بس طلع ان عاوز يطلع بيفهم ومسيطر فى حياتى   بما أن خطيبى يبقا اخو مراته

Pistachio_38543 🇪🇬 · Answer

في طليقي للاسف كنت فاكره الامان والسند اكتشفت انه نرجسي خفي ببستغلني واول ما لمصلحه وقفت باعني ومفيش اي ندم مفيش معلش مفيش سامحيني انا اتجرحت من كل النواحي خيانه ع استغلال ع تقليل ثقتي ف نفسي وع خذلاني...انا مش عارفه ازاي هرجع بشخصيتي القديمه انا حاسه واحده تانيه اهلي شايفين يلا قومي يلا تبقي اقوي لكن انا مش قادره عاوزه اقعد ع جنب اخد نفسي بس

Avocado_39320 🇪🇬 · Answer

اتخدعت ف صاحبتى اللى قاعده معايا ف السكن لانى بدرس ف بلد تانيه واكتشفت أن هى مش بتحبنى زى ماكانت مبينه وعرفتها ع اقرب صاحبه ليا وطلعت كانت بتحاول توقع بينا وتاخدها منى وتبعدنا عن بعض مع انها عندها كل حاجه واهلها كويسين ومرتاحين بس دايما كانت بتبص للى عندى وتقولى انا بحب اهلك وعرفتها ع صاحب خطييى وارتبطو وهو سابها وكانت بتحاول تفهمنى انو بيكرهنى وبيكرهه سيرتى بعد مسابو بعض مع اننا متعاملناش مع بعض مرتين ع بعض ف حياتنا واما نزلت تدريب تبع الكليه معرفتنيش ولا بتعرفنى عنها حاجه دايما بتدور ع مصلحتها وتخبيها مورجعنا نتعامل مع بع انى اما شوفتها ف التدريب اتعاملت كأن مفيش حاجه ودلوقتى رجعنا نتعامل مع بعض وقاعدين ف سكن سوا بردو وبحاول اتاقلم

Strawberry_39366 🇪🇬 · Answer

اتخدعت في كتيييير اوووي في حياتي انا حاليا 26سنهه وبجد تقريبا من ساعه ماوعيت علي دنيا وانا بتخدع وبس لحد ما وصلت لمرحله اني مش عارفه اتعافي روحت لدكاتره كتير قالو لي نفسيااا حياتي واقفه حرافيا كلها 💔🤦🏻‍♀️

Popcorn_39432 🇪🇬 · Answer

الخداع و النفاق و الحاجات دي هما كفيلين يقتلو إنسنان من القهره و الزعل و آه انا إتخنت و إتخدعت في واحده كنت بحبها و واحد كان اخويا بجد و كان اعز صديق ليا و كان وقتي كله معاه عامتآ و للمعلومه الصديق دا امريكي ف توقيته عكس توقيتي يعني الصبح طلع عنده ف بتكون ليل عندي المهم كان في واحده في القروب و كان قروب جيمينج ماينكرافت تحديدآ و انا كنت من أقدم الناس اللي كانت موجوده في القروب دا ما علينا البنت دي حبيتها بجد و معرفش حبيتها ليه مع إني مشوفتهاش ولا سمعت صوتها بس انا حبيت طريقتها في الكلام و روحها و كدا يعني المهم أنا صارحتها و هي وافقت و من بعدها و احنا مع بعض علطول تقريبآ و بقيت بصحى باليل و بنام بالنهار عشان اكون معاهم المهم لقيت فجأه إن صاحب عمري اللي افتكرته اخويا بمعنى الكلمه طلع إنه كان بيكلم البنت و كان في relationship بينهم و هي تقوله i love you و هو يقول i love you too babe و كل دا حصل في اسبوع واحد بس بعد ما ارتبطنا انا و هيا و تقريبا كان في نفس الاسبوع و هو بينكر و بيقول لا معملتش كدا لحد ما وريته الدليل و قال خلاص انا بحبها و في relationship بيني و بينها و انا حرفيآ بقيت منهار و بكسر اي حاجه قدامي و اعيط و اصوت بأقوى ما عندي لحد ما ابويا جه و شافني في الحاله دي و مسكني ثبتني كدا و انا افرك في اي حاجه و اتحرك و عيني احمرت حرفيا و كنت بنز*ف ود*م من مناخيري لحد ما وقعت في الأرض و اعيط و انا بقول : انا خلاص مش قادر اق*تلوني و النبي انا تعبت خلاااص.
و اغمى عليا بعدها صحيت مقولتش اي كلمه و مسكت س*كينه  مش عارف كانو بيعملوا بيها ايه و كنت هغرزها في قلبي بس هما لحقوني و ابويا عمال يزعق و يقولي مالك  في و ايه اللي حصل و انا اعيط و رافض اقوله كلمه لحد دلوقتي و مقولتلوش حاجه خالص لحد دلوقتي و هو مبعرفش و مش هيعرف و محدش عارف اصلا عن اللي حصل و كل دا حصل من اعز صديق ليا و حتى لما قولت لواحد كان صحبي اكتر منه بس كان في القروب قالي انا مش مهتم متكلمهمش و اطلع من القروب اصلا بس قبل ما يقولي كدا انا قولتلو انا بحبك زي اخويا و انتا اعز صاحب ليا و لقيته بيقولي انا مش مهتم و مش عارف ايه و من ساعتها كل ما افتكر اي حد منهم اعيط بحرقه و بحس إني عايز اشيل جلدي من جسمي بصوابعي كدا
شعور سيء جدا و دراعي كله كان ازرق بسبب محاوله من فصل الجلد و أشد في جلدي جامد لحد ما اتعب و ضغطي يعلا و بصراحه مظنش إن في حل لإن دي مش آخر مره حبيت فيها و دي تعتبر حاجه بسيطه شويه

Avocado_39470 🇪🇬 · Answer

للأسف اتخدعت في جوزي وسابني مبين السما والأرض وفي الاخر جايب اللوم عليا انا مع ان انا والله اتظلمت واداس عليا بس الحمد لله بحاول أقسى قلبي بس مش عارفه قلبي وعقلي رافض الفكره منكرش ان لسه بحبه بس كرامتي مبقتش تسمح بعد اللي حصل معايا حاسه ان تايهه ومش قادره استوعب 💔ولا حتى احدد شعوري ولا انا حتى عايزه ايه

Mango_37842 🇪🇬 · Answer

كتير اوي اتختعت في ولاد كتير اوي اتخدعت من بنت واحده بس بس خلاص المشكلة اتحلت و احنا صحاب عادي المشكله في الولاد انا حبيت ولادين بس عرفين الاتنين بوظو كل حاجه في حياتي مشعري باظطو كمان كرهت كل حاجه في حياتي بجد نفسي اني اتعرفه من كل ده بس مش عارفه مش عارفه للاسف الاول كان حبي الاول بجد حبيته اوي اوي حبيته سنه و نص حرفين بس قولت في الاخر انا عايزه انساه فا حبيت واحد تاني بداله و التاني ده انا حرفين حبيته ست شهور بس بس حبيته اكتر من الاول ميت مره و اتخدعت في و ده هو الوحيد الي ارتبط بيه و انا بحبو بجد بس انفصلنا و حرفين قصرني كاني طبق و اتقصر نصين نفسي بجد ارجع بال زمن و امنع كل ده بس مش عارفه و مش عاندي طاقه حته اعمل حاجه تعبت و بعت عن ربنا اوي نفسي اقرب لربنا و انساه بقه كل ده يارب بجد

Kiwi_38874 🇪🇬 · Answer

كتيييييييييير دنا بقيت حاسه ان عايشه بس عشان اتخدع في الناس مشكلتي ان طيبه اوي ومش عارفه دي حاجه حلوه ولا وحشه فيا وفي ناس كتير بتشوفها حاجه وحشه بس حقيقي انا مش عارفه احدد عايزه ابط ابقا طيبه بجد

Mango_39129 🇪🇬 · Answer

اتخدعت في اقرب ناس ليه من أهل جوزي وجوزي بنفسه شفت في عينهم كمية حقد وشماتة عمري ماشفته في حد كانوا بيتمنوا خراب البيت وحصل الا هما عاوزينوا ده كان في مصلحتي الحمد لله ربنا يهديهم على قد نيتهم

Marshmallow_39620 🇪🇬 · Answer

اتخدعت  واتعشمت بحاجه كويسه وفى الاخر اتغدر بيا بمنتهى البساطه والمشكلة أن اللى عمل كده مديرى فى الشغل وبيتعامل عادى ومطلوب منى انا كمان اتعامل عادى وأبين أنه مش هاممنى أنه بسهوله بقاله شهرين يعشمنى بمنصب جديد وبشيل شغل كتير وفى الاخر واحده جديده جت تاخد هى المكان من غير حتى مايشوف شغلها ونشوف الشماته فى عيون باقى زمايلك حاسه أنه استغلنى علشان أشيل عنه شغل زياده وكان بدأ يحسسنى بحاجه تانيه ومره واحده كله اتغير والمطلوب منى اتعامل عادى معاه كل يوم فى الشغل ومزعلش ومبينش وفكرت اسيب الشغل بس مش نافع دلوقتى اسيبه 💔انا مش حابه قاعده البيت ومش قادره اضغط ع نفسى والتعامل معاه تانى انا مش عارفه اعمل ايه 💔اصبر واستنى خصوصا أنه هيروح مكان تانى وهياخد البنت الجديده معاه اللى المفروض دا كان مكانى ومنصبى انا ومخسرش الشغل وكده كده كام يوم وهيمشى ولا اعمل ايه انا نفسيا مضغوطه🥺

Sugar_39612 🇪🇬 · Answer

اه من جوزي خانني كذا مرة والموضوع تطور عن كلام يعني وسامحته كتير بصراحه عشان خاطر بنته وبيتي 
بس المرة دي اتقفلت لما لاقيت لسه بيخوني وشوفت شاتات
انا مش عارفه اعمل ايه ومعنديش حد يقفلو 
تعبت

Nutella_39839 🇪🇬 · Answer

عرفت من اسبوع حقيقة صاحبة ليا بقالنا خمس سنين عرفت بناءا ع تحذير ربنا ليا في رؤية و من بعدها ربط كل الاحداث ببعض و اتأكدت انها كانت انسانه فعلا سيئة في كل و اي حاجة عرفت حقيقتها من خيانه ليا مع اللي كان خطيبي  و غدر و توقيع  و حوارات و و اخرهم وقعت بيني و بين صاحبه عمري و هي حاليا ماسحه رقمي و حاطاني ف مكان الا شئ حاسة اني مصدومة و تعبانه انا مكنتش استاهل منها كده ده انا اللي روحت حظرتها ده هي اللي المفروض تهون عليا .. !!💔

Strawberry_39932 🇪🇬 · Answer

هل سهل اني انساه حده خالني اعمل كل حاجه حرام لأجل خاطروا 
هل من سهل انساه حد بقالي معا 5سنين من عمري 
هل من سهل اني اتلشا تفاصيلوا ومشاكلوا وكل شي 
مش عرفه اعمل اي 
نفسي اكون معاه بس موضوع انتهاء وخلص اساسا

Coffee_39727 🇪🇬 · Answer

اتخدعت فيها كنت بعتبرها امي التانيه خالتو عمرها مكانت مجرد خالتو بالنسبالي ديما كنت بعاملها انها امي مع ان امي موجوده بس كانت معزتهم في قلبي وحده فجاءه وطول عمري متربيه علي ان ولادها اخواتي وهي امي وطول عمرنا يعتبر عايشين مع بعض في بيت واحدكل يوم مع بعض وفجاءه ابنها ايختار يتجوز اكتر لي هو المفروض اخويا وحته مني يختار يتجوز اكتر صاحبه ليا اذتني في حياتي وكسرتني واتكلمت عني وعن امي وابويا باسوء الكلام وهو ومامته كانو عارفين كل ده وشافو قد ايه الانسانه دي دمرتني نفسيا ورحت بسببها لدكتور نفسي وقعدت كتير علشان اتعالج من الاذي الي اذتهولي وفي الاخر الي كنت بعتبره اخويا وحته مني قاليا حنا مش اخوات انا مليش غير اخت وحده الي هي من امي ومامته وفقته الراي وقالتلي لو كانت اخته الحقيقه مكنتش هوافق لان كده كنت هفرق بين الاخوات لاكن انتي علاقتك بيه علاقه وفكره يتجوز مين دي حاجه تانيه خالص وودي كانت اكبر صدمه اتعرضت ليها في حياتي حقيقي حاسه ان لحد دلوقتي انا مشوه نفسيا ومبثقش في اي حد حتي امي وابويا وللاسف طبعا مرات ابن خالتي دي بقت موجوده في العيله وبشوفها في مناسبه فرح او عزي تخص العيله وفي كل مره بشفها فيها بكون متماسكه جدا في الموقف وقويه جدا بس لما بروح بدمر نفسيا لايام لحد مقدر اتعافي واتخطي اليوم ده

Durian_40092 🇪🇬 · Answer

اتخدعت اه من بنت حبيتها وطلعت مش كويسه واتخدعت اه لما صاحب عمري 15 سنه سوا كان بيبوظ سمعتي مع ناس حتي معرفهاش واعرفها اتخدعت اه لما فكرت اني الي حواليا بيحبوني اتخدعت اه لما فكرت ان حد ممكن يحبني اتخدعت حتي اني غيرت نفسي عشان ناس متستحقش اني اعرفها لدرجه اني خدعت نفسي عشان فكرت اني وحش عشان الناس بعدت عني معني وحش او دا الي تقال عليا

Strawberry_38537 🇪🇬 · Answer

اكتر حاجه بتحصل تقريبا كل يوم قبل وبعد الاكل 😂 بهزر ي جماعه بس ديما بتخدع من اللي حواليا فعلا الكدب والنفاق بقوا أساس حياه البشر  اقوول اي ولا اي ربنا يصلح الحال  مبقاش فيه صاحب كويس ولا حبيب مخلص ولا حد سند

Donut_39920 🇪🇬 · Answer

للأسف اتخدعت من اتنين مكنش ينفع اتخدع منهم عندكوا مثلا حب عمري وحب الطفوله ال صحبتي اقرب واحده ليا لفت عليه واخدته مني وفضلت مصدومه فيهم صدمه عمري ومن وقتها ونا مش مستوعبه الموضوع دا حتي هو وهي سابوا بعض وهو كلم غيرها وهي كلمت غيره واحد وحبته وسابها ودخل كلمني وعايز يبقاا في بينا حاجه وبلكته ودخلي من اكتر من اكونت مش عارفه اعمل اي ف الموضوع دا هل أكلمه عشان اخد حقي منها ولا ابعد واقول ربنا هيجبهولي للعلم هي روحهاا فيه

Mushroom_40237 🇪🇬 · Answer

للأسف اتخدعت في اكتر واحد مكنتش متخيله اتخدع فيه 
يمكن من صغري عايشه ورا قناع 
اول مره اعيش نفسي و اعري كل ضعفي و مخاوفي كان النفس اللي بتنفسه و هوا كان بيقول اني برده بمثله كل حاجه في الحياه 
في يوم قرر يسبني و قالي مكنش عندي اي دافع خلال السنتين اني اكمل معاكي و اني لما كنت بشوفك كنت بتخنق و بعدها كلها تصرفات نداله كل الناس الي اذونا بقوا اصحابه مع كل موقف كنت بروح البيت أقع علي الارض أصوت من وجعي أنا قولتله ليه سبتني بعد ما بقيت بعشق النفس اللي بتتنفسه و سابني

Mushroom_40237 🇪🇬 · Answer

اتخدعت الخدعه اللي خلتني شايفه نفسي متساهلة لما بمرض مبقتش بعالج نفسي هوا كان شايفني ولا حاجه لحد ما بقيت شايفه نفسي ولا حاجه بقيت اخاف اعيط يتقال عليا نكديه اخاف أبين لو تعبان عشان اخاف يتقال عليا شكايه اخاف اقول لحد اني زعلانه منه عشان ميسبنيش كل يوم بخاف اللي حواليا يسبوني بخاف اعمل تصرف يخلي اللي قدامي يسبني في نظري اي حد يتخانق معايا يبقي هيسبني لو مرضت قدام حد يبقي هيسبني لو اتوترت قدام حد يبقي هيبسبني

Apple_39780 🇪🇬 · Answer

كنت بحب واحده و عفرت اني هيا بتكلم واحد تاني فا انا بقول لها مين الي انتي بتكلميه ده قالت دا واحده صاحبتي فا انا مهتطشي في دماغي فا هيا لما عرفت الي انا عرفت قالت لي مش هينفع نكلم مع بعض انا ساعتها عرفت كل حاجه و من ساعتها مش عارف ارتبط بي اي بنت والنبي تساعدوني و تشفولي بنت حلوه

Potato_40552 🇪🇬 · Answer

الاكس .. كنت فاكر انها بتحبني لكن هي طلعت مكنتش بتحبني هي بس كانت عايزة حد ينسيها الي كانت بتحبه و يدعهما عاطفيا و اول ما لقت حد تاني تحبه استغنت عني و للأسف اكتشفت ده متأخر اوي
بعد ما استهلكتني عاطفيا وكمان كنت فاكر انه العيب مني انا

Banana_34439 🇪🇬 · Answer

انا عندي واحده صاحبتي بقالي حوالي ٦سنين معاها تقريبا كانت  كل حاجه  بالنسبالي كنت دايما بقف جنبها في كل حاجه في حيتها وانا لما بابايا مات قعدت تتريق عليا بالرغم من ذلك تنينا اصحاب عملت معايا موقف سخيف جدا

Strawberry_26814 🇪🇬 · Answer

اول مرة انزل حاجة وادخل علي الابلكيشن ده بس انا حقيقي مش عارفه انا حاسة بأيه من كتر اللي انا في انا سني ٣١ متجوزتش واتخطبت مره واحده بس ومحصلش نصيب كان السبب مش مشكلة غير ان من بلد ريفي وانا من محافظة تانيه وكانوا عايزين يجوزوا بنت عمه علشان الورث وعاداتهم كده اكتشفت انه خطب وانا دبلتي في ايدي وانهارت ساعتها لان كنت متخيلة ان ربنا هيبعتلي العوض واني يتيمة الام فحماتي هتعتبرني زي بنتها وده محصلش وارتضيت بقضاء الله وضعفوا واتمنيت التوفيق وفضلت سنين بحاول اتخطي الموضوع نفسه لحد ماعدي اربع سنين كان بييجيلي ناس كتير الحمدلله بس مكنتش قادره اتخطي وكنت خايفة لحد من سنتين جاه مديري شاب صغير اصغر مني بخمس سنين قالي انه معجب بيا وبشخصيتي اخدت الموضوع بضحك اللي هو انت من همك هتاخد قد امك وفضلت اضحك قالي معنديش مشكلة قولتله لا صعب انا مش عايزه انا مش موافقه فضل يحارب سنة كاملة علشان اوافق عليه وانا مكنتش موافقة بفرق السن وان دي مشكلتي الوحيده للاسف والولد كويس بس مش مناسبني فضل يحاول كتير سنه كاملة ومن اصراروا قولتله خلاص خلينا نرتبط ونشوف الدنيا هتمشي لفين خصوصا اني مش مرتبطة وكان عجبني اصراروا جدا خصوصا اني عمري ماحسيت اني فارقة مع حد اساسا، لحد ما فجاءه بابايا اتوفي بدون مقدمات وبقيت يتيمه ام واب وعندي اخت بس اصغر مني اتخرجت وسافرت ولما بابا توفي مجاش وقف معايا في وفاه بابا ولا دعمني يوم الوفاه كان بيكلمني بس وقالي ساعتها انه كان هيجيلي في وسط اهلي بأي صفة واعتذر وقالي انه مش بيعرف يتصرف في موقف زي ده انا زعلت وصديقتي يومها قالتله انت مش بتحبها انت مفروض تكون اول واحد وانا قولتلها مش هينفع الووم حد علي تصرف زي ده وبرغم الظروف دي هو حاول يطلعني من اللي انا فيه بشكل كبير عدي بعد وفاه بابا ٦شهور قولتله انت بتبحبني عرفني علي مامتك ونشوف ونعمل حاجة بسيطه علشان انا مش عاوزه ابقي لوحدي قالي انا معنديش حاجة قولتله مش مشكلة انا عندي لو علي الشقة ناخد ايجار نسكن مع ولدتك حتي ومش عايزه شبكة كبيره لا انا عايزه حاجة بسيطه علشان بابا علي الاقل خطوبة رفض وقالي هعملك كل ده بس بفلوسي ومش هاخد منك حاجة احترمتوا انه مش عايز او باصص للي عندي واتفقنا انه هيسافر دولة عربيه وهنعمل خطوبة وانا هحصلوا بعد مايظبط نفسه وبدأ فعلا في الاجراءات والداسه اللي هتخليه يسافر وانا شجعته وفي الوقت ده قربنا من بعض وبقيت احلامنا كلها اتحطيت وبدأت اقول يمكن ده عوض ربنا ليا خصوصا بعد وفاه بابا وفضلت مستحملة لحد ماحسيت اني لازم يكون في حاجة رسمي وسيبنا بعض شهر وهو مفرقش معاه وناا كنت مقتنعه ان ده الصح وبعد شهر ضعفنا واتكلمنا خصوصا اننا في شغل واحد والتعامل بينا عن طريق التليفون كل فين وفين صدفه واعتذر وصالحني وقالي هنعمل حاجة بس مكنتش قريبه منه وكنت لسه حزينه علي ابويا وبحاول اتقبل فرق السن وحاجات كتير لحد ما بعد اتصالحنا قربنا جامد جدا من بعض لدرجة تحركتنا اليوميه بنتكلم ٢٤ساعة واتس والحاجة الوحيده اللي ممكن تخليه ميكلمنيش النوم بس كنت خلاص بقي اتخطيت واللايف كوتش بتاعي قالي لو بيحبك هيعمل حاجة والفرق مش كبير وانتي كمان تجربتك الاولي مأثره عليكي علشان كده لازم تعبري عن مشاعرك ليه ويحس انك عايزاه وعندك رغبه فيه وبتحبيه واننا كالرجالة بنحب التعبير طبعا لكن انتي ناشفة معاه ممكن يكون خايف منك قدام فعلا بدأت والعلاقه بينا بقيت كويسه جدا لدرجة انه اتغير ١٨٠ درجة وبقي احسن بكتير ومشاعرنا اتغيرت وبقيت متعلقه بي بشكل مش طبيعي خصوصا اني لوحدي ،كل ده كان تمام وبابا بقاله ١١شهر وخلاص سنوية بابا الشهر الجاي واتفقنا اننا نعمل حاجة وكنت هسافر لاختي قالي لا متسافريش خليكي هنا ونسافر سوا حتي غير الدولة اللي كان هيسافرها علشان يستقر معايا لو سافرت في البلد اللي هسافرها وغير الدراسة علشان تبقي مناسبة للبلد واستقريت ومن اسبوعين اتخانقنا علشان حتي معرفنيش علي مامته وان الدنيا بينا كده مش واضحة وانا بتكلم مع اللايف كوتش قالي هو خايف من المجتمع من مامته من المسؤوليه التردد بتاعه بيقول كده قولتله انا كمان عندي مخاوف ناحيه اي راجل هرتبط بي هخاف يتستفرض بيا وانا لوحدي كده من غير ام واب وكده حتي معنديش عمام ابويا كان وحيد والخال في العيلة مش والد كل واحد مشغول في حياته رد عليا قالي مخاوفك دي طبيعيه لكن مخاوفوا هو نحيتك انتي لازم تاخدي قرار ويكون صارم لو بيحبك هيعمل حاجة معملش سبيه كان صعب عليا اقوله كده وواجهته قالي اه انا اتخضيت ان كل الكلام ده فعلا  اللي اتقالي وقالي لازم نتخطي الخوف بس انا زعلت جدا وقتها واخدنا جنب من بعض وبعدها لقيته اتغير وبيتعامل علي الاقد قولتلوا انت حابب تاخد بريك من العلاقة دي قالي لا يابنتي انا مشغول وكله تمام وبدأ يبقي تمام حتي عيد ميلاده كان يوم الجمعه وانا كنت عاوزه اقابله اليوم ده وحصل ظروف واتخانقنا وهو تعب واهلوا كانوا متجمعين كان بيكلمني علي مدار اليوم لحد الساعة ١٢بالليل ولقيتوا بعتلي اننا مش هنقدر نكمل مع بعض واني حسبتها لقيت اني مش هقدر ادي في العلاقة دي وانها ممكن تقع وان يهون عليا اقولك الكلام ده بعد الوقت ده كله قولتله المشكلة ايه قالي اننا بنتفق علي حاجات كتير بس احنا مختلفين في حاجات اكتر ..الكلام وجعني اووي حسيت اني قليلة ولقيت نفسي بعملوا بلوكات من كل حته وبقيت مصدومة مش عارفة اقوله خليك انا محتاجالك واني مش هعرف اكمل لوحدي واني مش قد حمل اي صدمة وفي نفس الوقت كرامتي بتمنعني ده بيقولي مش هقدر اكمل وانه حسبها بعد سنتين يعني كده كان بيلعب بيا اتوجعت عدي يومين ومقدرتش عايزه اواجهووا انت فعلا كنت بتلعب بيا وفكيت البلوكات ووواجهته وبعتله ازاي كل اللي بينا كان كدب كنت بتلعب بيا وبمشاعري عايزه افهم مردش عليا قولتله اكيد معندكش رد هتقولي كنت بلعب بيكي وكلام كتير كده بينا وختمت كلامي انت فعلا عندك حق انا استاهل حد احسن منك يكون يعرف يقدرني وقولتله لو كنت قولتلي امي مش موافقة منت هساعدك كنت هروحلها لكن متسافريش خليكي وفي الاخر انا حسبتها لقيت في اختلاف بينا 🥹اسبوع عدي عليا مدمره جدا وكل الايام سوده لا عارفه اكل ولا انام ولا اشتغل ولا عارفه اعمل ايه حتي دعيت ربنا كتير يظهرلي الحقيقة ويصلح الحال بينا لكن انا مش عارفه انا غلطت في ايه كلام اللايف كوتش انه كان متوقع منه كده وانه خايف وان غالبا امه رفضت وهو اشتري خاطرها علشان هو شخصيته ضعيفه قولتله مدافعش عن نفسه حتي قالي هيدافع يقول ايه هو عايز كده انا بقيت مش فاهمة وزعلانه علي نفسي وعلي الكسره والخذلان والوجع والتعلق 
ادعولي بظهر الغيب وقولولي يمكن انتوا تقولولي حاجة تريحني

Peanut_38666 🇪🇬 · Answer

كنت حكيت قبل كدا ان ابي خذلني كتير ف حياتي وامي متوفيه ومراة ابي معيشاني في سواد وابي عمره ما نصفني وطردني من البيت مرتين انا واخواتي ولما اتقدملي عريس انا بحبه رفضه ومنعني من شغلي اسبوعين ودلوقتي بقالي شهر  معاقبني اني منزلش عند قرايبي ومع صحابي ..
ومش عارفة اعمل وملهوش كبير خالص ومش بيعتمد كلام حد 
واصلا انا اللي مكتئبة بسبب انه رفض العريس اللي بحبه علشان اسباب غير منطقية شافني عاوزاه وشافه اقل مننا ماديا اكتئبت وخدعني لانه كان موافق ف الاول وبعدين قالي القرار قرارك انتي اللي هتعيشي وبعدين رجع في كلامه ف خذلني كتير اوي في حياتي 
انا مش عارفة اعمل ايه ومش عارفة اعيش معاه دلوقتي عاوزة اصلا احس بحب اللي حواليا واخرج وانسي اللي عمله فيا منعني من حد بحبه وضربني ومنعني من شغلي ومنعني انزل مع قرايبي وصحابي ومش مديني فرصه اتعافي خالص 
اتصرف ازاي ساعدوني !! امشي من البيت واروح اعيش مع جدي ؟

Sugar_40838 🇪🇬 · Answer

هو الموضوع يبان تافه بس اثر فيا . كان عندي صديقه كانت أول ما عرفتها كانت بتفرشلي الارض ورد وتقعد تمدح فيا قدام الناس بس انا كنت بتعامل معاها علي انها شخص جديد في حياتي ومبأڤورش زيها بعد فتره اخدت عليها وعرفتها علي اصحابي وهي بقت تتلزق فيهم وتعاملني وحش قدامهمابس وحنا لوحدنا بتعاملني حلو فدا بجد دمر نفسيتي وبعدت عنهم كلهم بس بعد ما ثقتي بنفسي بقت صفر بعد ماكانت مليون

Strawberry_40754 🇹🇳 · Answer

انا جربت هذا الاحساس من قبل لهءا السبب دخلت احكي عليه.
انا كنت بحب شخص يعني انا و هوا كنا صحاب بالنسبة ليه هو عادي بس انا كنت احبه
هو گان مرتبط و انا كنت اعرف و كان دائما يحكيلي عنها و كثير من الناس اعتبرونا مرتبطين من كثر ما احنا صحاب عادي.
بس في يوم تجاهلني و انا قلت غريبة يعني في العادة يتجاهل الكل و يحكي معي اسراره الكل عندي. ولما سىلت صحبتي التي تدرس معه راحت سألته عني فانكر فيا و قال انا كا بعرفها و قال انا نعرف كان فلانة و فلانة(هاذم انا عرفته عليهم) و بعد ما تذكرني قال انا مش صاحبها فقالتله البنت اي هي ما قالتش الي هي صحبتك فقال تمشي تزمر(يعني انا ماني مه‍تم اصلا تروح في داهية) و من يومها و انا حزينة تعبانة نفسانيا و بقيت عام ما اكلمه

Tofu_41099 🇪🇬 · Answer

للاسف اه و كان حد قريب منى اوى و اه ممكن يبان الموضوع عادى بس قعدت فتره فعلا مش قليله عمال ما تجاوزت ده و عرفت انه قد اى الخيانه بتوجع والصراحه الموضوع مش سهل فعلا و بيحتاج وقت و عمرك ما هترجع زى الاول ولا هتعرف تثق ف حد بنفس الطريقه

Lemon_26817 🇪🇬 · Answer

اتخدعت ف اكتر انسان حبيته ووثقت فيه وقولت كل الناس تتغير وتبقى وحشه الا هو للاسف هو اكتر واحد خدعنى كانت الحياه وردى ف الخطوبه وجدعنه وشهامه وكل حاجه حلوه ووعود كتير بحياه سعيده بعد شهرين جواز لاقيته بيكلم ست هو حرفيا قد عيالها وكنت حامل وسابها واعتذرات كتير رجعنا وبعد سنتين جواز بعت دهبى ووقفت جنبه راح اتجوزها عرفى ولما عرفت طلقها ورجع ندمان وانا كنت حامل ف بنتى للاسف رجعت لاان خلاص مش معايا حاجه اقدر اصرف بيها كل ورثى وفلوسى راحت عشان اقف جنبه هو اتغير بس انا كمان اتغيرت وبقيت عايشه بلا روح هو بيحاول كتير يرجعنى بس انا قلبى مش قادر يسامح

Sugar_41268 🇪🇬 · Answer

كانت عامله نفسها ملاك برئ وان مفيش منها اتنين و كانو الكل بيحبوها و مخدوعين فيها و انا الوحيده الي كنت عارفه حقيقتها و حبيتها و كنا صحاب عشان كنا انا غبيه خبيت عليها و كنت بداري مصايبها بكرها

Coconut_42386 🇩🇿 · Answer

بعد أربع سنين بدون علاقات أخيرا قدرت أحب شخص و هو فهمني أنو بيحبني و كدا  بس بعد مدة قال أنو خلاص مش عاوزني و أنو حاول يحبني بس مقدرش و لحد الآن يتكلم معايا فبعض الأحيان بس مش عايز يقول ايه مشاعرو تجاهي

Apple_43878 🇪🇬 · Answer

اتخدعت من اقرب حد حبيتوا بعد اربع سنين حب 
كنت اكتر بقف معاها حتا لما كانت بتغلط كنت 
بسمحها عشان بحبها ومعا اول غلطه بسيطه 
ليا قست عليا معا انى اتأسفت وحاولت معاها
كتير بس 
هى مفتكرتش حاجه ليا 💔

Cookies_44022 🇹🇳 · Answer

اهلا هو ان منخدعتتش بصفة مباشرة بس هي سابتني عشان تأخذ راحة و ف88 يوم الي سابتني فاهم انا كنت محتاجلها فعلا بس معلش هي رجعت لكن أنا مقدرتش تبقى معها صحاب فخراجتها من حياتي و ليا 6 أشهر احاول اتخطى اتخاطيت بس مش قادر انسى الذكريات ممكن حل ؟

Apple_41783 🇪🇬 · Answer

اه اتخدعت ف ناس كتير اوي المشكله اني بصدق القدامي بسرعه وانا مش بتاع لف ودوران انا ف الدوهري بس مش كل البيضحك ف وشك بيحبك وممكن يكون بيسبك و ضحكه السم معروفه والعين مبتعرفش تكذب نهاية بس فا احظرو من الصحاب فضلا وليس أمرا ♥️✨💔

Pineapple_26586 🇪🇬 · Answer

اتخدعت ف خطيبي بجد بعد ما الموضوع انتهي و كل واحد راح ل حاله بيقولولي قولي الحمدلله دا كان بيخونك قولتلهم أبدا عمر دا ما يحصل دا كان بيحبني اوي ازاي يعمل كدا كذبتهم قولت مستحيل أصلا بيقولى كدا و خلاص علشان اكرهه المهم تفوت الأيام و أنا و هو نتقابل تاني بعد سنه و نص و واجهته و مأنكرش 🌚 كان بيعمل كدا ف بيتي ال كنت هتجوز فيه بس لما اكدلي بقا دلوقتي مزعلتش منه خالص زعلت
من نفسي ! اني ازاي أثق ف حد اوي كدا

Sugar_44728 🇪🇬 · Answer

خطيبي كان باين انو محترم و راجل زوق و كدا طلع مختل عقلي و اقصد ب كدا ب الحرف عمل حاجات كتير زحشة بعد م انا سبتو وهو كان بيقول انو بيحبني بس مش بيحبني هو بيحب يتملك كل اللي فارق معاه الكل كان بيقول انت لقيتها كان شايف نفسو عليا و و مكنش بيحب اختي اللي هي تؤام ليا و لا كان بيحب جوزها خالص و هو معاه كام الف شايف نفسو بيهم و عمري م شوفت منو موقف يثبت ليا ان هو راجل فيه

Mango_45033 🇪🇬 · Answer

طب ولو انا الخداعهوانا الوحشه ف كل الروايات مليش مكان هنا صح طب لو انا الظالمه المظلومه طب لو انا اللي كسرت طب لو انا اللي قسيت طب هل هنا فيه ناس كبيره معديه التلاتين ولا انا لوحدي هنا م بينكم

Watermelon_32587 🇶🇦 · Answer

نعم انخدعت، في صديقات وزميلات كنت مفكره ان يحبون لي الخير ولما نجحت تغيروا علي. وصرت اسمع كلام منهم واحيانا استهزاء بنجاحي مع اني لله الحمد ماتغيرت مع اي حد منهم بالعكس شاركتهم نجاحي ظنا مني انهم يحبون لي الخير. للأسف كانوا ماينادوني الا حبيبتي 😅عرفت اني حبيبتهم طول ما انا عاديه بس لما نجحت صرت مكروهه

Coffee_42211 🇪🇬 · Answer

مش عارف ليه علاقة ولأ بس انا اتخدعت في نفسي جامد جداً الصراحة، اكتشفت ان شخصيتي غير اللي كنت فاكرها خالص، اكتشفت ان فيا صفات بكرهها حرفيا ومش عارف اتخلص منها، صفات كنت بذمها في الناس من جوايا واكتشفت بعدين ان معظم الصفات دي عندي فعليا، والمشكلة اني مش عارف اتخلص منها ومش عارف اغير من نفسي، لو حد قدر يغير نفسه بشكل كويس اتمنى انه يقدر يفيدني في الموضوع دا..

Mango_39196 🇪🇬 · Answer

اخوتنا بالسعوديه ممكن اعرف الباحه دا مكان كويس ولا ولا من ناحيه الجو واخبار السكن والشغل هناك ايه لو سمحتو عشان جوزي مهندس وهيروح قريب هناك ف كنت عاوزه اعرف ايه الدنيا وكده ياخد لبس تقيل يعني

Coffee_32728 🇪🇬 · Answer

🥲💔اتخدعت في اتنين حد حبيته و حد حبني 🙂 يعني كرهت الصنف كلوا من سعتها و انا نفسي اولع في الصنف كلوا بي جاز و كرهتوا اوي بجد حاجه تقرف 🙂💔 من سعتها حسيت اني هعيش لوحدي لاني حسيت اني عبيطه و بيضحك عليا و كل الي بيجي بيديني علي قفايا و خلاص و حاجه تقرف و تقهر و معفنه و زفت 🥲💔

Strawberry_36317 🇪🇬 · Answer

انا عايشه اتخدع لأن كل البيحصل ده من الناس والقريبة كمان مش شويه..اتخدعت من صحبتي واتخدعت من شخص مش كويس بوظلى نفسيتي ..واتخدعت من كل حد بقابله وللاسف انا السبب انا البديهم الاهتمام الكبير وباجي على نفسي عشنهم كتير وباخد على قفايا فى الاخر بس الحمد لله اتعلمت ومثلا صحبتي دى لما شفتها فى الشارع بعدها سلمت عليها عادى ولما قالت نرجع قلتلها البيخرج برا حياتي مبيرجعش

Coconut_47127 🇪🇬 · Answer

كان بالنسبة ليا إني أدي لحد حبي يبقى بديه ثقتي المطلقة
كانت غلطة أذيت بيها نفسي و علمت عليا جامد 
مبقتش عارفة أثق في كلام الناس اللي قريبين مني و حاسة دايما إن بيني و بينهم مسافات واسعة بسبب كدا

Watermelon_47337 🇪🇬 · Answer

انا عمتا شخصيتى قويه جدا ومستحيل اتأثر براى حد او اغير من شخصيتى علشان حد بس من ٤سنين حبيت واحد حب جنونى ولكن احتفظت بالحب لنفسى لان عارفه انه حرام علاقه ولد وبنت وقبل ٣سنين يعنى فضلت محتفظه بحبى سنه كامله المهم دخلى رغم انى كنت بهزقه انه دخلى وكدا انى كنت فرحانه انه يعرفنى المهم وحده وحده بدأت اكلمه وللاسف كسرت ثقت اهلى وفضلنا نتكلم سنه كامله بس مكنش فيه مقابلات او مكالمات او صور او حتى رسايل صوتيه (حبيته سنه فى السر وسنه اتكلمنا ودلوقتى هتكلم  السنه التالته وهوا فى حياتى يعنى) 
ملحوظه السنه التانيه مكناش بنتعارك خالص وكانت الدنيا وردى?🥱السنه التالته بدأ يتغير معايا مثلا بقا بيتملم ببرود  وكمان بدأ يدخل صحابه فى كلامنا يجيب ف سيره بنات تانيه وانا بدأت افوق اخيرا واخدبالى ان العلاقه التى لا ترضى الله نهايتها لن ترضينى ف السنه التالته دى بلكته وبعدت خالص وعرفت من صحابى انه ارتبط تانى تقريبا بعد مبلكته بيومين ودلوقتى السنه الرابعه ويحاول يكلمنى وانا رفضه تماما. شخصيتى اتغيرت للاحسن بقيت مبثقش ب حاجه اسمها حب وركزت اكتر مع نفسى ونصيحه للبنات بلاش تكلمى واحد من ورا اهلك لانه لو بيحبك هيخبط على باب بيتكم?

Pineapple_30159 🇹🇳 · Answer

كنت بحب وحده صحبتي ججا الى ان حاء يوم ادركت فيه ان هي مش صحبتي و مش بتحبني و بتخطط عشان تدمرني نفسيا و هي نجحت في ده🤞🤦
فرقت بيني و بين ناس كنا بنحب بعض اوي انا معرفش هي عملت كده ازاي بس هي عملت و مشي الحال😐

Avocado_44646 🇪🇬 · Answer

انا كنت مغافله اول مره كنت مفكره نفسي انا لا ازاي انا يستهون بيا بمشاعري وكلامه طلع مخليني سد خانه لحد ما يفوق وشاف نفسه أنا مبسوطه انا مشي واستريحت علشان في مستقبل انا مكنتش هستحمل أنه يبقي بيحب حد تاني غيري 😅?😊

Potato_31970 🇪🇬 · Answer

يااااااه ده اتخزوقت من ناس كتيشييير 😂😂
بس by the way  انا متصارحه مع نفسي لووي ف حوار الخوازيق ده لأني بلاقي ناس مش بتحب تتكلم عن ان هي اتخزوقت او اتضحك عليها من حد يعني بل بالعكس بحب انقل تجربتي يمكن حد بيعمل اللي انا كنت بعمله ويبطل 
انا وثقت ف الشخص الغلط او وثقت عموما 
خلاصه تجربتي ان انا مبقتش اتكبم مع تصحابي حتي المقربين مني ف كل حاجه ف حياتي لاني مش عارفه بكره مخبي ايه وايه اللي ممكن يحصل 
ممكن يقلب عليا مثلاا ممكن مبنقاش ف relation مع بعض ويروح يحكي حاجات انا كنت حكياهاله مع حد تاني

Banana_36982 🇪🇬 · Answer

يوووووووه كتيير😂😂😂✌️🤣🤣بس ربنا مش بيسيب حق حد حقى راجع راجع باذن الله من عمل بيعمل والدنيا دواره بول ا تحسبن الله غافلا عما يعمل الظالمون انما يؤخرهم ليوم تشخص فيه الابصار متزعلش او متزعليش لان حقك مرجعش وقتها الايام دول يوم ليك ويوم عليك

Donut_48453 🇯🇴 · Answer

هههه انا تخدعت بصديقتي و بصديقتي التانيه وحاولت احكي مع وحده مشان ترجعنا و اجت عندي هديك وردحت لي قدام بنات صفي و خجلت ..وانضحك عليي من واحد انا حبيته بس لعب فيني وكان كل همه ياخد صوري ( ما بعثت الحمد لله) وكل الصور الي بعثهم لي و عضلات طلعت فيك ماخدهم من جوجل ..يييي وكتير ناس وانا قلبي طيب وسامحت

French Fries_14743 🇪🇬 · Answer

اه إتخدعت فى نفسى اوقات مش قليلة
حاولت أكون الشخص الكويس بينى وبين نفسى بس معرفتش
يمكن ده فالإسلام اسمه "جهاد نفس" بس مكنتش اعرف انى ضعيف للدرجادى..
حاسس انى عبارة عن شوية هوا طايرين فالجو،
وممكن يكونوا موجودين فى اى حتة وفى اى مكان على حسب الريح هتوديهم فين
حرفيًا الفراغ قتلنى وقتل ناس كتير حواليا، وبشوفهم بيموتوا قدامى بس ميعرفوش إنى متت قبل ما اشوفهم بيموتوا !

نفسى اخرج برا نفسى وأصعب عليا، حاسس انى معنديش دم!!!!

Marshmallow_52414 🇪🇬 · Answer

ايوة اتخدعت كتير جدا، اقرب حاجة من اول حب في حياتي 
مشي من غير وداع 
من غير اي حاجة 
بحجة انشغاله 
مستنياه يرجع لاخر عتاب ،،بس من غير ما استنى منه رد 
يعرف قد ايه وجعني و تعبني 
و همشي و انا ضميري مرتاح بعدها

Coffee_41002 🇪🇬 · Answer

محتاجه اتكلم في حاجه بعيده عن التوبيك. 
انا داخلة على ال18سنة، وبفكر اشرب مخدرات. 
الموضوع عجبني اوي وحساه لافت نظري، ولكن في نفس الوقت مش عاوزه ادخل نفسي ف ذنب جديد، شايفه ان كفاية عليا ذننوبي، و كفاية عليا اي حاجه بحاول ابطلها، شايفه ان بلاش ادخل نفسي السكة دي. 
بس في نفس الوقت سهل ادخلها، اعرف واحد صحبي شريك ف نايت كلاب، و يعرف يجبلي اي حاجه اعوزها. 
بس مش عاوزه اضيع نفسي، انا مفروض بتمرن، خايفه ده يقصر على تمريني. 
انا خايفه عموما، انا حتى مبشربش سجاير او فيب مثلا، بس عاوزه اجرب المخدرات، بس خايفه اجربها ومعرفش اطلع منها، مش عارفه اعمل اي ومش عارفه اتكلم مع حد، صحابي مقسومين جزئين، جزء مانعني ابطل وخايفين عليا، وجزء بيشجعني اجرب عادي ومفهاش حاجة التجربة، بس بحس ان الي يشجعني على حاجه غلط ميبقاش صاحب، مش عارفه اتصرف، دماغي اتشتت، انا متشخصة اصلا اكتئاب و بوردرلاين من الدكتور بتاعي، مش عارفه هل ده سبب في افكاري دي ولا لا. 
و دماغي الفتره دي مسوحاني اني ارجع اعمل كاتينج ف ايدي، بس مانعة نفسي عشان مبطله من 5سنين مثلا، مش عاوزه ارجع تاني واكون بعمل حاجه حرام وغلط، وحاجه عرفت ابطلها بالعافية. 
ممكن حد يساعدني؟

Apple_15642 🇪🇬 · Answer

اتخدعت في اقرب صحاب ليا و كنت بحبهم جدا و مقدرش ابعد عنهم و كنا علي طول مع بعض و هما بصراحة كانوا بيعملوا حاجات تبين قد ايه هما مش سالكين بس انا اللي كنت مغفلة و بطنش عشان بحبهم كانت مامتي مش بتحبهم وانا كنت بفضل اتخانق معاها و اقولها متتكلميش عنهم كده دول صحابي و بحبهم و مش بحب حد يتكلم علي حد بحبه وحش. و كانوا هما السبب بردو في اني طول الفترة اللي كنت صحبتهم فيها كنت بعيدة عن اهلي جدا و مش بحكيلهم اي حاجة عن يومي او عن صحابي و واحدة واحدة بقيت احس انهم مختلفين بيخرجوا مع بعض كتير من غيري عندهم اسرار مع بعض مش بيقولولي عليها بيتريقوا عليا ساعات و كانوا رغم كل ده يفضلوا يفهموني ان انا صحبتهم جدا و هما بيحبوني اوي و هما كانوا مع اول حد جديد يقربوا منه بيبعدوا عني و مش بيفتكروني غير لما الشخص ده يكون مش موجود و كانوا بيخلوني معاهم بس للاحتياط عشان انا شاطرة في الدراسة فكانوا بيستغلوني في الامتحانات مع اني مكنتش بحب اغشش حد بس هما كانوا بيستغلوا اني مش بقدر اقولهم لأ و بتكسف و كانوا ساعات تانية بيستغلوني ماديا ده غير اني كنت في حاجات كتير اوي بحبها و مش بقولهم اني بحبها عشان زوقي مختلف عن زوقهم و خفت يتريقوا عليا و فضلت فترة كان في بنت مش بحبها كلهم صاحبوها و بقوا يخلوها تخرج معانا وانا عشان مكانش عندي صحاب تانيين كنت بضطر اقعد معاهم و مع البنت دي و كانوا بيحسسوني ان هم اللي شلة مع بعض وانا اللي غريبة و كانت ساعات البنت دي تتريق عليا و كلهم بيسكتوا مع ان لو حد كان بيتكلم عليهم وحش انا مكنتش بسكت و مرت الايام و البنت دي طلعت شخصية زبالة و غدرت بيهم كلهم ساعتها رجعولي بعدها بسنتين واحدة منهم اللي هي كانت اكتر واحدة بتستغلني فيهم اتعرفت علي بنت في المدرسة و كانت دايما معاها مع ان المفروض يعني انا كنت الbest friend بتاعتها بس كانت طول ما احنا في المدرسة كأنها متعرفنيش و حتي لو رحت اتكلم معاها تتخانق معايا و بعدها في الدروس عشان صحبتها دي مكنتش معانا كانت ترجع تتعامل معايا عادي و انها قد ايه بتحبني و بتموت فيا و هكذا كل يوم و انا فضلت فترة مكتئبة بسبب الحوار ده لحد ما اتعرفت علي بنات تانيين و كانوا بجد زي العسل و اكتشفت اصلا انهم في الاول مكانوش بيحبوني مش عشان انا عملتهم حاجة او عشان انا شخص وحش انما عشان انا كنت صاحبة البنت دي و انهم لما اتعاملوا معايا طلعت كويسة و فضلوا يقولوا انهم قد ايه مستغربين ان انا ازاي مصحباها و مع الوقت بدأت فعلا ان انا افوق لنفسي و اشوف القرف اللي هي بتعمله و حتي لما قطعت معاها و مع واحدة تانية من الشلة محدش فيهم فكر حتي انه يسأل عليا او يشوف بطلت اتكلم ليه او اي حاجة هما بس لقوا ان انا مش ببدأ كلام فخلاص بقي ما صدقوا و طبعا كان بيوصلي كلام بعدها بسنين حتي انهم بيتكلموا عليا و بيجيبوا في سيرتي و بيتريقوا عليا بس هو لو الواحد طبعه زبالة مش هنقدر نغيره و فضلت بعدها فترة طويلة معنديش صحاب و بخاف اعمل صحاب عشان مش عايزة اعيش نفس التجربة تاني و حتي لما عملت صحاب مبقتش بثق فيهم و متمسكة بيهم زي ما كنت بعمل قبل كده و بقيت عادي جدا ممكن استغني عن اي حد ودمروا ثقتي في نفسي و في الناس و سبحان الله الناس اللي كنت خايفة اقطع علاقتي بيهم مع انهم toxic بس لمجرد اني خايفة ميبقاش عندي صحاب بعدهم بقي عندي صحاب احسن منهم مليون مرة و سبحان الله كمان البنت دي كل صحابها بعدوا عنها دلوقتي و مبقاش عندها صحاب

Durian_52455 🇪🇬 · Answer

انا زعلان من زمن الناس فيه بتكدِّب الصادق وبتصدَّق الكداب!
انا مش زعلان على الناس دى على قد مازعلان على الناس التانية اللى بتمشى ورا كلامهم وتصدقهم ‼️ اللى حتى محاولوش يعرفوا الحقيقة أو حتى يسمعوا من الطرفين
الناس من وحشيتها مابتصدق تلاقى حد وتهجم عليه.. حتى لو كان مظلوم
المسامح كريم وربنا يسامحهم 🤍

Gift_49757 🇪🇬 · Answer

اتخدعت في اخويا وبتخدع كل يوم لما بحس اني فاهماه بس بكتشف حاجات جديدة كل يوم كنت مفكراه بيحبني بس طلعت انا الفرد الوحيد الي في العيلة الي بيحسسه انه طبيعي ومش غلط اه مكنتش بقف معاه في اي حاجة غلط بيعملها بس حكاية اني ارجع اتعامل طبيعي بعد كل الي حصل بتخليني اكره نفسي واكرهه اكتر انه السبب في الحالة الي انا فيها اد ايه الانسان كلااون حقيقي ومش محتاج يلون وشه ويلبس باروكة

Strawberry_53374 🇪🇬 · Answer

اتخدعت في ناس كتير اوي طول عمري مخدوعه في اقرب الناس ليا
و الحوار بدأ معايا بدري اوي يمكن كان عندي ١٣ سنه 
حاسه من ساعتها و انا كل ما اقف علي رجلي اتكعبل في مصيبه تانيه
من صحاب بقي اللي مبتحبنيش و اللي بتعمل حوارات عشان تطلع سمعتي مش احسن حاجه لمجرد ان حد اعجب بيا و مشفهاش 
فضلت اقابل في الاشكال دي كتير لحد الجامعة
عرفت واحده كانت اكتر من اختي ٣ سنين صحاب مشافتش مني حاجه وحشه ولا انا الصراحه شوفت منها حاجه 
بس خلينا نقول انا مشوفتش عشان محصلش الموقف اللي يخليني اشوف السواد اللي جوا 
المهم ربنا عوضني بغيرها و بصحاب بيحبوني فعلاً 
بس لسه يادوب بفوق و اتكسرت تاني
من الوحيد اللي حبيته في حياتي و عيشت معاه سنتين اديته كل الحب و الحنيه و الجدعنه اللي ممكن يشوفها في حياته وقفت جنبه عشان يلاقي شغل و اول ما وقف علي رجل باعني او اكتشفت اني كنت ولا حاجه و ان كان في حياته اكتر من واحده بيقولهم نفس الكلام 
و هو ميبانش عليه 
او يمكن انا مكنتش شايفه 
او عامله مش اخده بالي عشان مش هقدر ابعد عنه 
ولكن مستحملتش و سيبته 
و من ساعتها عدي حوالي ٤ سنين و لحد النهارده انا مش عارفه احب 
فاقده الشعور دا تماماً مش شايفه حد و مش حاسه حد 
مع اني حاولت ادي لنفسي فرصه بس معرفتش 
نفسي ارجع زي الاول بنفس الطاقه و نفس الحب نفس الشغف…

Coffee_53420 🇪🇬 · Answer

تعالوا احكلكوا قصه كنت صغير حبيت بنت جميله حنينه اصغر مني كنت اول مره احب كانت فعلا فهماني لأبعد الحدود وكان بينا مشاكل زي اي اتنين وكانت بتبعد وتختفي وترجع وكنت أنا البيت الللي بتطمن فيه وكنت مبسوط بدأ كانت مدياني شعور اني مميز لحد ما عرفت ان في مره لما اختفت رجعت لحد الاكس بتاعها ولما واجهتها أنكرت و كملت ومعرفش كملت لي وبعدها مشاكل عاديه لحد ما هي اعترفتلي انها مش فيرجن وان السبب الاكس بتاعها وتخيلوا عملت اي طبعا كملت عشان كنت شايف نفسي المنقذ اللي مينفعش اخذلها لحد ما عدا وقت واكتشفت كل الحقيقه اللي المستخبيه و قد اي هي كانت يادوب بتتسلي بيا و يتتتحامي في لما هو يزعلها و عددت سنين وهي دلوقتي مرتبطه بحد عاشر باين و سابت في اثر عمري ما هنساه و عمري ما هسامح

Watermelon_53518 🇦🇪 · Answer

انخدعت فى صاحبتى الانتيم بعد عشره ٢٠ سنه تقريبا متربين سوا اكتشفت بعد جوازى انها كانت بتخونى مع خطيبة اللى هو بقى جوزى خيانه كاملة ... يعنى انخدعت فالاتنين كانت صدمت عمرى  وشوفت صورها اللى بتبعتهاله و كلامهم سوا

Strawberry_53553 🇪🇬 · Answer

يووووه كتييييير وتعبت ومبقاش عندي حيل افقد الثقه في حد جديد 
وبقيت بتعب اللي بيتعاملوا معايا معنديش اي ثقه لان الغدر جالي من اللي حواليا القرايب يعني 
مبقتش حتي قادره اختار شريك حياتي من اللي مريت بيه 
ازاي اقدر اتجاوز اللي جرالي واحب واتحب

Avocado_53514 🇪🇬 · Answer

ba7es en ma7adesh beyt3aom beblash 
w motaqabel gedna fekret eny at5am fe 7ad

kol 7aga helwa bta5odha lazem tedfa3 tamanha 
w tamanha dh law msh enk temot yb2a 3ady w hay3ady zai ay 7aga 3adet ablo

Apple_53661 🇪🇬 · Answer

انا خسرت صحابي كلهم بسبب واحدة مش هوصفها هسيب ليكم انتم الحكم. 
انا كان عندي شلة صحاب من اكتر من ٨ سنين، كنت بحب واحدة مش من ديني و الموضوع مبدأش اصلا كا قصة حب و كدا. بس كنا مع بعض تقريبا كل يوم لفترة معينة بنخرج و نروح و نيجي و مكنش فيه اي ليمتس  ما بينا لدرجة اني مع خبرتي القليلة مع النوع الاستغلالي دا من البنات كنت تقريبا متبناها من ناحية المصاريف و كل حاجة و انا كنت بتبسط اوي لما اشوفها مبسوطة يمكن اكتر من انبساطي بالخروجة او وقتنا مع بعض فحبيتها زي ما قولت بس هي مكانتش بتبادلنى الشعور و مع كدا مش رفضاني و انا كنت دايما بقول في دماغى انه علشان حوار الدين و مش مهم كدا كدا علشان احنا تقريبا كنا مرتبطين كا افعال فا مش مهم الكلمة يعنى. 
المهم فضلنا كدا لحد ما بعد سنتين هي صاحبت حد بس دا لم يؤثر على علاقتنا كنا برضو بنخرج و نروح و نيجي لحد ما بطلنا نتكلم خالص فترات بس كنا بنرجع كل فترة. الموضوع كان داخل على ٥-٦ سنين في القصة دي و كانت theاخر سنة او سنتين قررت اني مش هرد عليها ولا هكلمها لحد ما هي فجاة بعتتلي رسالة في وقت انا كنت فيه ضعيف و قولت احنا كبرنا خلاص و عدينا ب حاجات كتير ف خلاص بقى نرجع نتكلم كل فترة كدا و نشوف بعض حتى لو مرة في الشهر. 
في نفس الوقت دا اقرب شخص ليا فسخ خطوبته بعد ٨ سنين خطوبة و قبل فرحه ب شهرين بالظبط فكان متدمر نفسيا و احنا فعلا الفترة دي كنا خايفين عليه لدرجة اننا كنا بنعد عنده في بيته كل يوم علشان هو كان فعلا حاله يصعب عل كافر و شوية شوية بقينا نيجى بصحابنا البنات معانا.
انا على حظى انى كنت بكلم البنت دي فكنت بقولها تعالى معانا و كدا على اساس انها كانت شافت صحابي لما كنا قريبين و هما كانوا بيحضروا خناقتنا و ساعات يخوشوا يصالحو بينا  و سافرت معانا مرة افتكر لما صاحبي دا كان مرتبط. 
المهم بدا يحصل حاجات منها غريبة متتوصفش غير بكلمة واحدة بس يلا، المهم هو مكنش بياخد اى رد فعل لما هي بتتدلع و انا كنت بستغرب بس واثق فيه زي الاهبل. قعدنا كدا بتاع شهر بعد كدا اكتشفت انهم بيتكلموا اصلا و تيجي مرة واحدة علينا كا شباب و تقولى كنت عملالك مفاجاة و شغل ميخشش على عيل صغير بس قولت عادي اكيد انا بتخيل لدرجة انهم هم الاتنين كانوا بيقنعوني اني بغير على صحابي و كلام اهبل كدا. 
المشكلة انى اتكلمت مع صاحبي دا و كنت بقوله خلي بالك هي حطاك في دماغها علشان انا عارفها كويس و هو يقولي احنا صحاب و انت متوهم و مواقف تانية كتير من النوع دا لدرجة انها بقت بتبقى عنده في البيت قبل ما احنا نوصل و ساعات مش بينزل اصلا و يتحجج باي حاجة. 
اخدت القرار و قولت يولعو مش عايز اشوفهم تاني دا طبعا بعد كلام كتير و مواقف اكتر و بعد ٣ شهور كانوا قاريين فاتحة و تبريره لاصحابنا كان، هو ليه بيكرهلي الخير؟ هي اصلا قالتلي انه كانت واخداه مصلحة و هم اصلا مش على نفس الدين. 
الصراحة الموقف دا قفلنى من كل البنى ادميين و بقيت شايف الناس كلها وسخة و الحياة مصالح متبادلة بس و مفيش حاجة اسمها صداقة.  
حاسس ان الموقف دا كسر حاجة جوايا مش هتتصلح بخصوص اني بشوف الناس ازاي. 
انا عارف انها دايرة و هييجي اليوم و حقي هييجى لوحدو بس دا مش هيصلح حاجة جوايا اتكسرت.

Popcorn_53594 🇪🇬 · Answer

عايزه اخد رأيكم بأختصار أنا أتخانت ٥ سنين وكنت بحب زوجي من أيام الكليه بس الخلاصه ان اكتشفت أنا أنا كنت عايشه بحبي مش بحبه دلوقتي هو رجع واعتذر بس أنا مش مرتاحه وهو مش مساعدني مفيش حاجه اتفقنا عليه عملها وبقالنا سنه عمال يسوف لاكتئاب حاجه ولا عمل حاجه مش حنين اهم حاجه أولوياته يعني ممكن يسوف موضوع حل مشاكلنا مع إني شيفاه تافهه بأنوا يبقي عندوا ضمير ويحاول يطمني بس كل مره يقولي أعملك ايه يرضيكي فحين أنا كنت شيفاه فالعلاقه التانيه مبادر ومرجعليش إلا لما اكتشف إنتا بتضحك عليه وفضل وراها عشان يعرف معلومات عنها لغايه من شهر ونتخانق ونا زي الهبله تعبت فمره بقوله اكتب بقي علي الفيس إني مراتك اتخانقا قالي هكتب متجوز بس وبعديها وعدني انو هتهبهر والموضوع بقاله شهر أقوله معملتش ليه مع ان الموضوع فالحقيقه هبل كان مجرد كنت عايزه أشوفه هيعمل ايه وللأسف انصدمت قالي منا حاسس انو مش فارق معاكي قلتله انت مالك واتخنقنا كالعاده وعادي شوفوا أنا بحكي فوجع قد ايه بس القشه اللي قسمت ظهر البعير ان زجاج عربيته انشرخ طلع عيط ومضايق ومش عايز يرممه قال الشرخ هيزيد فصعبت عليا نفسي قولتله ياشيخ لا عادي اصبر ايذا كان صابر علي شرخ غيرك مشرقادر تصبر علي شرخ العربيه قالي أنا مضغوط وزهقت مش عارف اعمل ايه فنا عيط راح قال طب قوليلي ايه اللي يرضيكي وراح بعد كده مشي وقعد يتصل بالناس عشان يصلح الزجاج هل اكتفائي بصرفه علي البيت دا كفيل يمحي اللي بيعمله وهو اتقلي تاخدي حاجه حلوه صبرت ونالت قلتله انت حتي الكلمه والموقف عايزني اصبر عليهم أنا مش مرتاحه قولولي أنا اوفر إني واخده قرار الانفصال لأنو مش عايز يبدل مجهود فحاجه وكمان مش حنين

French Fries_54173 🇪🇬 · Answer

في قريبي بس خت حقي أنا كنت مرتبط ببنت وكنت بحبها فا حصل موقف كان لازم يكلمه وفعلا اكلمه وي قلتلها تمسح الرقم وي متكلمش تاني خلاص  بعدها بدات احس ان الرقم متمسحش ولسه بيكلمو فا قلتلها اكتر من 5 مرات تمسحو وهي تأكد انها مسحتو وهو يأكد انها مش بتكلمو  بس طرقتها متغيره خروج من الشات  وحجات من دي فا عدت الايام وي عرفت وي اتاكت انهم بيكلمو ولا كمان متفقين علي يوم يتقبلو ويروح شقه  رحت طبعا مكلمها فشختها وهو كان قاعد قدامي وانا بكلمها ورحت فشختو هو كمان تحت قافل  راحت رنت تاني رحت فشخها تاني لحد قلتلها حاجه هو مقلهاش ليا  راحت طبعا أنكرت  وجابت كل الي جواها وقالت انو مش بيحبني وبيكلم عليا وبيشتم فيااا  وحبت تطلع نفسها المظلومه  كل الناس مش بتحب تبان وحشه. فا هوتها لحد ما حبالي اسكرينات بشتايم لان  وفضلت معاها لحد ما اتأكد انهم مش بيكلمو  لمده شهر رحت مخترع اي حوار. وي سبتها   بس الخيانه أنا مزعلتش منها هي أنا عادي ممكن اعدي خيانتها هي مش خطيبتي ولا مراتي فا عارف ان ومدرك ان حلات زاي دي ممكن تحصل  عادي مع ان دي حاجه وحشه اوووي منها وتزعل جامد  بس كانت تزعل اكتر من قريبي  الي من دمي الي وكلين مع بعض عيش وملح في بيتو وبيتي  الي بقول اخويااااا والمشكله ان مينفعش  تخسرو  لان هيقول خسرني علشان حريم   فا مقطعتوش ولا كلمته شفت شتيمي وي سكت. بس من ساعتها ولا بقلو علي سر ولا بكلم معاه في موضوع. ولا بقيت احبه بتعامل معاه انو اكرام الضيف واجب ده لو جه بس هو من ساعتها مبقاش يجي   بعد ما روح طلعني وحش في حجات تانيه هو أصلا من الصعيد. فا قعد يكرهم فيا. ويقلهم حجات محصلتش  خلاني اتصل بيهم وي افهمهم كل حاجه وطبعا ما حكتش الموضوع بتاع البت فهمتهم موضوع الي حور فيها التنيه. بالمعنى الأصح ان عاب في ضيفتي لي. مع ان كنت شيلو علي كفوف الراحه حته بعد ما عرفت خيانتو كبرت عقلي وقلت ضيف وي عملتو حلو بس خلاص مبقتش اكلمه زاي الاول ولا احكيلو حاجه ولا بعبره ولو حصل بنا قعده علي قد الكلام والسلام بدل ما كان بي الأحضان بقا بي الايد والسلام عليكم

Apple_54554 🇪🇬 · Answer

انا للاسف ذكى بس فى حتت الناس مش بفهم
للاسف انا عفوى جدا . تناقض غريب صح 
شخص ذكى وعفوى
يعنى دايما اقدر اقدملك افضل نصيحة وللاسف بتطلع انت الشخص الغلط الناس بتاخد النصيحة وتعمل بيها وفى الاخر تتنسب ليهم ويتقال عليه انسان غلاط 
الحمدلله

Cheese_55135 🇪🇬 · Answer

انا لما ابويا توفى 
عمي جه قال قدام الناس كلها عليا اني بقيت ابنه التاني

من كام شهر كانت فيه قضيه في المحكمة 
عمي كان رافع قضية بيطالب بيها بطردي انا وامي من الشقة

الحمد لله القضية اتحكمت لصالحي
بس دي اكبر خدعة اتخدعتها في حد والمشكلة انه من دمي

Durian_55877 🇪🇬 · Answer

اتخدعت ف امي وابويا وبقية اهلي كلهم وبعدهم صحابي و الناس اللي كنت بحبهم ومش هتتخيلوا ازاي اتخدعت، هو كان موقف واحد فضحهم كلهم سبحان الله وكل واحد اتفضح بطريقة مختلفة ︎ ︎
الموضوع كان باين من زمان فشخ وانا اللي كنت غبية وكل شوية يغدروا بيا وانا اسامح او اقنع نفسي اني مجنونة ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎ ︎ ︎ ︎︎

Donut_55472 🇪🇬 · Answer

في أقرب صلتين في حياتي 
اتخدعت ف أمي لما شوفتها مش بتدعمني ، مش واقفة جنبي ، كام من مصيبة مرت عليا هي اختارت متكونش جنبي ، بتكرهلي الخير وبتستكتره عليا وعاوزة تستنزفني لحساب نفسها واخواتي 
وزوجي لما ادركت اخيرا انه عاوزني أم ليه ، اتحمل كل سلوكه وكدبه وبخله ، وف الاخر المفروض انا اللي احتويه بدون نظر لاحتياجتي النفسية منه

انا موجوعة ومش قادرة احكي كتير، مبقيتش عارفة احكي اصلا من كتر سكوتي ..
بس بسببهم فقدت دايرة الآمان في حياتي ، وحاسة ان ضهري عريان للدنيا

Coffee_56215 🇪🇬 · Answer

لما تكون مشكلتك التعالق وانك تطلع كل طاقتك علشان ترضي الناس مش بيعملوا حاجه غير ةنهم يخدعوك ويستغلو ده ويبقي كل طاقتك ليهم حق مكتسب ولو حسيت ان لا لازم اوقف يبعدوا عنك اكنهم ميعرفكش وتعيش لوحدك بعد تعب و تضيع وقت

Ice Cream_56279 🇪🇬 · Answer

كنت فاكرها بتحبني بجد و شخص كويس و فاهمني طلعتشخص مستغل انانيه عايزه كل حاجه لنفسها بتفكر في نفسها بس كذابه كل كلمه كانت بتقولها كانت كدبه و كل حاجه بتعملها كانت لغرض معين بجد مش مضايق غير اني في يوم صدقتها و حاست انها بتحبني بجد

Chocolate_45866 🇪🇬 · Answer

انا محصلش اي حاجه في حياتي غير الخداع بس 
ولو رجع بيا الوقت عمرى ماهدور علي اي حد وعمرى ماهكدب نفسي ولا احساسي واي حد آذاني انا مش مسامحه لانى مكنتش استاهل الاذيه اللي حصلتلي دي كلها 
انا حاليا مبقتش مهتمه بوجود حد عمتا 
مهتمه بيا وبدافع عن نفسي بإستماته

Cherry_56134 🇪🇬 · Answer

كنت بحب واحد وعملت المستحيل عشانه وقالي انه هيفضل معايه العمر كله وثقت ثقه عمياء وصحيت من النوم لقيته ساب البلد كلها وسافر عدا 3 سنين وبعيط عليه وجالي شبه جلطه ومن العياط عيني راحت وبعمل عمليات فيها

Croissant_56476 🇪🇬 · Answer

مخنوقه ومش عارفة انا محتاجه اي في حياتي وثقت في ناس كتير أوي غلط وكل حد منهم اخد جزء من روحي مش قادره اساعد نفسي تعبت من كل حاجه مش قادره أواجه الحياه بهرب بالمهدئات والنوم محتاجه اعرف اعمل اي..

Croissant_56695 🇪🇬 · Answer

مبعدش يا چيمى 😅
المشكلة ان الناس بقى بالنسبالها عادى تدخل حياتك تبوظها و تكركبها و تخرج ولا من شاف ولا من درى 
بقى عادى ان الناس تبقى مخادعة وانت اللى مغفل ولما تحاول تاخد حذرك من الناس يتقال عليك مقفل و معقد 😅😅

Broccoli_56896 🇪🇬 · Answer

لا بفضل الله ديما بيكون احساسي تجاه الأشخاص صح لو مش مرتاحه للشخص اي كان مين بخرجه بره دايره حياتي عموما وبتعامل بحذر حتي لو من اهلي واللي في حياتي الحمد لله ناس بثق فيهم جدا وباخد وقت كبير جدا عشان اقدر ادخل حد حياتي وده للاسف بيزعل ناس مني بسبب تعاملي وأنهم شايفين إن مش واثقه فيهم

Watermelon_56281 🇪🇬 · Answer

كتير .. دا راجع احسن النيه الزائده الي بتعامل بيها كنت بفكر أن الاشتغالات دي من الولاد بس بس البنات طلعت برده اساتذه ف الحوار ومحدش بيتكلم ف الحوار دا فيه بجد بنات تفكيرهم سم وعقولهم مريضه بشكل أدركته بشع بس ف الاخر برده بقول لنفسي الإنسان بيتعلم ولازم دا يحصل عشان يفهم اكتر وميبقاش عبيط مهما كان الدرس قاسي ع قده بتعرف وبتفهم لبعدين

Chocolate_41492 🇪🇬 · Answer

لحد دلوقتي مش عارفة هل المشكلة فينا ولا في اللي بنتخدع فيهم؟ 
يعني مش يمكن احنا اللي سمحنا لنفسنا بإننا نتخدع فيهم؟ اتخدعت في ناس كتير بس جزء دايما جوايا كل مرة كان بيقولي الشخص ده مش أد الأمانة دي
مش عارفة ده بسبب الشكوك الي عندي للناس ولا لأن دي إشارة مثلا
ازاي أتأكد أصلا؟

اتخدعت في ناس كتير وكنت بحبهم وبديهم من طاقتي ومشاعري كتير
كنت بخليهم أولوية على نفسي
بس في الآخر مش يمكن انا السبب في إني اتخدع؟

وأصلا الإجابة هتفرق؟؟

Strawberry_57475 🇪🇬 · Answer

انا تقريبا اكتر حد بيثق في اي حد واكتر حد بيتخدع في الناس لدرجه غبيه وللاسف ممكن ارجع اثق فيهم تاني مع اقل كلمتين طيبين ربنا يهديني  ادعولي كتير ربنا يصلح لي حالي ونفسي  لان وصلت لمرحله من الحزن حاسه انها بتاكل روحي

Strawberry_58004 🇪🇬 · Answer

انخدعت من اقرب صاحبه عليا عشره تكتر من عشر سنين  كنت معتبرها امي كنت مامنلها وبحبها  اكتر من امي واخواتي بس انا بجد ندمانه جدا بجد كنت بثق فيها اكتر من اي حد في الدنيا دي بس خلتني مثقش ومامنش
لي حد بعد كده

Coconut_58424 🇪🇬 · Answer

انا عموما مش مسامحاه، انه يفتكر انه حلال للمشاكل وانه يتعامل بشكل يحسسني انه ممكن يحللي اي مشكله وانه يحسسني انه كل حاجه ممكن تبقي كويسه طول ماهو موحود واول ما وقع وقعنا كلنا معاه واتهمنا بالتقصير انا مش مسامحه التلاعب اللي هو عمله فينا تلاعب المشاعر على حساب انه هو كدا صح واننا دايما غلط واتمني اننه في يوم يقابل نتايج افعاله

Mushroom_58402 🇪🇬 · Answer

كان نفسي الحد الي بكلم عليه ده يشوف الكلام بجد انا اتخدعت في اكتر حد كان شبهي وكان حته مني بس احنا مش بتكلم ومفيش حاجه تجمعنا ببعض بس مش عارفه انسي حته في نومي نفسي في حل ومش عارفه اعمل اي عاوزه انسي كل حاجه علشان مش عاوزه افتكر اني اتوجعت و انو باع روحي كده ومش فارق معاه

Coffee_52367 🇪🇬 · Answer

كتير بس حاليا مرات اخويا كنت بحبها أوي بس الحمد الله علي كل حال و اخويا بقى زيها ربنا يهديهم كل واحد و طريقته اه خسرت اخويا لأن عداده بيعد معايا و فضلي شويه و بجد هيبقى بعيد عني نهائيا و ممكنتش حابه كده بس للاسف بقى إلي حصل و خلاص ربنا يهديه

Coffee_58305 🇪🇬 · Answer

اتخدعت في صحابي وحبايبي اللي ضحتلهم بكل شئ املكه واهمال صحه وكل حاجه عشانهم ولقيت نفسي وحدي في الاخر، محدش جنبي ولا حدي حاسس باللي جوايا كل بيركز علي الجزء اللي يخصه بس والباقي يهمله وشكرا

Watermelon_59644 🇪🇬 · Answer

اتخدعت كتير 
بس اخر مره من قريب انا كنت شايف أن الانسانه اللي واقف معاها مش كويسه بس كنت بنكدب نفسي وبنقول عليها غلبانه وطيبه بس انا اللي طلعت عبيط
الحكايه بدأت لما نقلت من شغلي من مدرسه لمدرسه وصلت المدرسه الجديده وبدأت نشوف علطول هناك مشاكل بين الزملاء وبعضهم بس كنت بعيد
لغايه ما بدأت نندمج شويه بشويه معاهم وياريتني ما اندمجت
كان فيه زميله مع نفسها الكل كان بيقول عليه مش كويسه ويتنقل كلام وتوقع الدنيا بحالها ف بعضها وبنشتكي عمال ع بطال انا كنت بعيد عنها بس ف مره وصلني كلام من الموجه بتاعي أنها بتعايب ع شغلي رغم أن تخصصها غير تخصصي بالمره انا ما وقفتش عندي المشكله دي عديتها ومعملتش مشاكل
مع مرور الأيام بدأت نقرب من زمايلي الرجاله وصارت معرفه وصداقه واهتمامات مشتركه وهوايات مشتركه وبدأت ندخل وسطيهمولقيتهم بيعملوا فيه شكاوي 
مانطولش عليكم شاركتهم شويه بس قعدت مع نفسي وقلت وانا مشاركتهم ليه انا مالي ومالها
لحد ما في يوم الزميله دي كلمتني مباشره واتعطفت معاها وخدت صفهاووقفت جنبها ضدهم ونصفتها والله نصفتها ولو شهادتي بالحق معاها كانت اتذت بس انا شهدت لله واتعاطفت وبدأت تكرهني ف زمايلي وخاصه الرجاله اللي كان فيهم شخص زي اخويا بل اكتر من اخويا وبدأت نقطع معاهم وبدأت نبعد عنهم 
المفاجاه بقا أن الاخت دي في عز دعمي ووقوفي جنبها طلعت بتشتم عليا وبتتهمني بالجنون ف عز دعمي ليها بل كانت بتسعي اني نوقعني مع زمايلي الرجاله ف مشاكل توصل للضرب والخناق وده عرفته من ناس موثوق فيهم مبيكدبوش وانا متأكد انهم صادقين 
تقول عليا دا مريض نفسي وبيتعالج 
علمتني انا ما اثقش ف اي حد واني لو شفت اي حاجه ما نشهدش بيها واني نكون مع نفسي منختلطش بحد

Chocolate_29918 🇪🇬 · Answer

اتخدعت في مراتي
لما خطبتها صارحتها وقولتلها انا عندي مشكله نفسيه بتخليني حاسس اني مش عايز اتجوز ودا سر حياتي عمري ماقولته لحد ولما صارحتها كنت حرفيا منهار
قالتلي انا معاك وجنبك وراضيه بأي حاجه فرحت اوي واتطمنت
بس من وقت للتاني كنت بحس اني مش عايز اكمل بس ضغط من أهلي اني اكمل لانها كويسه وطيبه وغلبانه وتعييش معايا عالحلوه والمره فا كملت وحرفيا عملت قصص ومسلسلات عشان نكمل قوبت بتحبني وكملت
ولما اتجوزتها بقت تعايرني وتزلني واتضحلي انها قايله لاهلي ع سري لما قولتلها
ودلوقتي عايزه تطلق وتاخد كل حاجه عشان حاضنه 
وبس كدا 💔

Blueberry_59867 🇪🇬 · Answer

كتير جدا 
تقريبا المشكلة فيا انا الى بتعلق زيادة باشخاص ميستحقوش بس الوعود هى بتخلينى اكمل بحط مليون احتمال انه ممكن يكون صادق النهاية دايما بتكون خذلان وبسامح عشان اكمل صدمة ما بعد الخذلان ده صعبة جدا ولكن هعمل اى بحط احتياطات كتير بس بقع دايما وبتخذل ودايما بيكون ف دماغي وانا بمشى سوالين ازاى طيب وليه كده؟؟؟

Donut_59721 🇺🇸 · Answer

ناس كتير جداً بحس انها متدينة اوي ومن تعاملها وطريقة كلامها بحس انها حد متربي ومؤدب وبتفاجئ ان شخصياتهم عكس كدا خالص .
هو احنا اة بنحب نبان احسن ومش هنظهر عيوبنا لكن دول ظاهرين الشيء ونقيضه 
بتعرفوا تعملووووها ازاي عرفونا عايزين نبقى السيئين في رواية احدهمممم

Potato_58453 🇪🇬 · Answer

كنت في اواي ثانوي وكنت لسه اول مره اخش مدرسه عسكري او بعيده عن البيت مفيش مشكله عادي المهم في واحد صحبي بدون ذكر اسماء اسمه يوسف انا اول ما دخلت المدرسه كنت عارف ناس فيها بحكم كانوا معايا وكده المهم اتعرفت علي يوسف ده هو واحد اسمه (م)  وكانوا صحاب في اولي قبل معرفهم المهم يوسف كنت صاحبته وكلمته وقربنا لبعض جدا جدا لدرجة اننا مره روحنا اتغدينا مع بعض و عرفت اخوه وعيلته المهم هو من عشاق اسبايدر مان ومارفل عادي كل واحد وزوقه المهم انا و م و يوسف كنا علي طول مع بعض في المدرسه ونحكي ونتكلم جه في مره حصل خلاف بيننا فانا زعلت منه هو جه يصالحني المهم مردتش بعد كده قولت خلاص مش مهم وسامحته وبعد مرجعنا نتكلم الاقي صاحبنا م مبيكلمنيش بس بيكلم يوسف ومبقاش يقعد معايا اروح اشوفه يمشي قبل موصله المهم شكيت ليوسف قعد يقولي ده اتلم علي صحاب وحشين ومش عارف ايه وكان بيتكلم في ضهرك انا مصدقتش اوي لان مصطفي طيب بس حاولت اكلمه موصلتلوش المهم جيت اتخانقت مع يوسف تاني فقام يشتم ووزع رقمي ع واحد صحبه شتمني وبتاع انا قولتله يبن الحلال انت من طريق وانا من طريق بعد معمل كده قعد يتاسف وبتاع وجاب رقم صحبي وهو ع مثلا ع لقيته بيكلمني وبتاع ان لازم تصالحه واعتذر انا مردتش عمل جروب ع ده وحطني انا ويوسف وواحد صاحبي اسمه م ع حكاله المهم مطولش عليكم قولوا طول 
انا رضيت اصالحه بس قولتله صراحة انت مش هترجع ذي الاول بالنسبالي عاجبك الوضع قالي انت بقيت شبه (سبايدر مان السيء)  🙂 ومش عارف ايه المهم شتمني وصحابي مردوش فهو دخل واحد صحبه شتم ع  وع قام بالواجب 😂 بس مكانش عاجبني برضو الغريبه انه عايز يصالحني من ساعتها قولتله شوف طريقك بعيد عني المه بعد ٣ سنين في السنه التانيه لي في 3 ث واللي هي دي الاقي رقم بيكلمني يطلع مين يطلع م وانه كان بيحاول يوصلي استغربت قولتله كنت خدته من يوسف قالي مبكلموش وقطعت معاه قولتله ليه ومش ليه  قالي انه اتكلم عليه وبتاع فاكرين لما م بعد عني انا سالته صراحه قالي ان يوسف كان بيتكلم وحش ف ضهرك وانه كان بيقول كلام سم وانا صدقته فبعدت عنك وان اصلا يوسف كان مصاحب ناس زباله صيع مش م  يمكن انا وثقت ف يوسف بس هو خاني 
صراحه انا بحاول اوصل ليوسف احنا متخاصمين من 3 سنين جبت رقمه طلع حاظرني انا كنت هقوله انا مسامحك ومش مخاصمك بس مش هنبقي صحاب ليه لان حرام مسلم يخاصم مسلم اكتر من ثلاث ليال 
بس احب اعرف رايكم

Croissant_58071 🇺🇸 · Answer

بعد ٣ سنين من العلاقة اكتشفت أنه مكنش بيحبنى هو كان مرتبط بيا عشان بصرف عليه لأنه كان بلا وظيفة و بلا سكن 
و طول الفترة دى كان بيحاول يتعرف على ناس جديدة و يطلب منهم الارتباط لغاية ما اكتشفت بالصدفة بعد ٣ سنين أنه مرتبط بحد تانى، طبعا طردته من حياتى ومن بيتى، و حصلى انهيار نفسي و خسرت شغلى و صحتى من كتر الصدمة و الاكتئاب ما بعد الصدمة
حاليا فات على العلاقة دى ٤ سنين، و انا لسة لغاية دلوقتى معنديش القدرة على انى أثق فى حد جديد او أدى مشاعر لحد ، بقالى ٤ سنين فى شعور الوحدة ده، و كل ما حد جديد يدخل حياتى ببعد عنه لا إراديا، بقيت بخاف من العلاقات و فى نفس الوقت عندى الاحتياج ليها.

Peanut_60245 🇪🇬 · Answer

انا عندي مشاكل نفسية كتير جدا اكبر مشكلتين فيهم هما فعلا الغيرو فيا كتير وانا بقت عرف اني مش شخص ده والله و عايز اتغير و مش عارف 
اول مشكله هي اني تسبت من حب حياتي و هي كانت بتقول اني حب حياته واقعدنا سنين مع بعض سبنا بعض مره زمان بسبب اني اتاخرت في اني اتقدم و لكن كان صحاب اقبل ما نكون مرتبطين فا كان بنتكلم عادي و مش بنتقابل خالص لمده سنه مثلا وانا في وقت ده كنت بحبها و هيا مش معايا . و هي كنت عارفه بي ده فا من كم شهر رجعنا لي بعض تاني و هي جت فعلا في اكتر وقت انا كنت محتاجه فيها كان وقت صعب اتوفى ابويا.وهيا شلت عني كتير وقتها كنت منهر بسبب وفاه ابويا فضلت جمبي .و معايا غصب عني بقت عايزه طول الوقت بقت بحب اشوفها اكلمها كنت كل حاجه في يومها كنا بنتكلم طول الوقت وبنتقابل كتير جدا وانا اقولتها اني نوي اجي اقريب و اني خالص عايز اتجوزها هيا و هي فرحت جدا اقالتي انا معاك. ومش هسيبك و فضلانا كدا لحد من ٣ شهور اتغير كل حاجه نزلت شغل جديد وهنا بدات تتغير بقت مش بتتكلم زي الاول اقولت عادي الشغل بسحل الناس بدات تتقل عليا واحنا خالص اتعودنا علي بعض يعني مفيش بينا تقلنا و لا حاجات دي احنا شوفنا حب بعض بل مواقف فا مش بنعمل كدا خالص بنعرف بعض كل حاجه 
فا بقت بتتهرب مني بتقلل كلامها بقت بدات تتعرف علي ناس جديده في شغل بدات تغير حياتها كلها صحابه حبها كل حاجه فا اتكلمنا ليه ده حصل اقالتي انها مش ضمنه وجودي و خايفه اقولتها طب انا معملتش حاجه علشان تخفي مني انا المفروض اخاف مش انتي اقالتي انها مش عايز تحب و انها عندها مشكله في حب و كدا الكلام ده كلو حصل فجاه بدون مشكله احنا اصلان كنا خرجين كتير اقبلها و دنيا جميله اوي بينا .مره واحد تغير حصل انا عقلي لعب بيا اني ممكن اكون بتخان او اسبتدل بي حد واني مش كدا اوني كنت تساليه واني كنت الشخص الوحيد فا خلصت قرارت تحبني لن مفيش غيري كل ده وجعني فا اتكلمت معها .مخدش منهم اي معلومه انا مش فاهم انا اتسبت ليه مفيش سبب و مفيش رد منها فجاه بقت بتخرج مع صحابه فجاه بقا في ٢ في شغل بكرشو عليها فجاه بقت انا علي رف لن في غير انا اتدمرت وقتها لني شوفت حب حياتي اقلي افتكرتو هو امن و ضهري و سلمت روحي ليها و اقولت هي دي الهتكون مراتي و مستقبلي شوفت اد اي انا رخيص اقدمها واني مسوش ٣ جينه لنها ولا اتقصرت انها بعدت كنت بتقولي اني ديما علي بقالها و بس اتصال بيها ٥٠ مره متردش ابعتلها رساله ترد بعدها بي ايام و حجتها انها مش بتمسك التلفون وانها لما بتمسكو بترد عليا انا اول واحد و مشكله اني عرف انها كدبه و بس خايف اقولها كدا لني عمرنا ما كدبنا علي بعض كسرتني و خلتني اقل من نفسي اتذل ليها كل شويه علشان تقولي اي هو سبب الخلها تسبني  .وصلتني لي ٢ مشكله و دي اكبر بكتير و هيا انها رجعتني اشرب تاني و هي كانت سبب تبطلي هي سبب شربي  رجعت اشرب حش ي ش تاني واشرب بي كميه كتير اوي والله العظيم والله العظيم انا ممكن اشرب اكتر ٩ سجاير في يوم حش ي ش بسببها بسبب اني مش عايز افكر انا ليه بحصل معايا كدا انا دلوقتي خالص مش عايزه حته و عرفتها و قت ما سالتني اقولتها اني عمري ما اجرلك تاني احنا صحاب وبس علشان احنا بينا عشره سنين و خالص شبه اتعود انها مش ليا بس لسه الموضوع مقصر فيا جاامد انا عايز حل انا تعبان والله و بموت كل يوم وانا شايف اني حياتي بتبوظ بي ايدي وانا و مش عارف اعمل حاجه و لا امنع نفسي حته بتقطع من جوايا بس مش اقدر امنع نفسي انا والله عايز ابطل كل ده  عايز ارجع تاني . 
انا واحد درس filmmaking   و تخصصت كا مونتر  لكن فقد الشغف وانا شايف نفسي اني اقدر اعمل حاجه كتير اوي في مجال شغلي بس مش اقدر اتحرك اقولي اعمل اي اعيش ازي حد يساعدني وانا وعد مني البخش حياتي مش بعرف يخرج منها لن والله وآلله ما بعظم نفسي انا بقول كلام الناس بس انا جيت هنا لني مش عايز حد يعرف انا بتوجع اقد اي علشان مش عايز اكون ضعيف اقدم حد .. اتمنا يا هتشوف البوست انك تتكلم معايا تخلني اخرج من كل ده انا اتشرف بي معرفت اي حد .. شكرا جد جدا لو وصلت لي حد هنا .

Carrot_62530 🇪🇬 · Answer

كتير لكن اكتشفت أن السبب هو سقف توقعاتنا الحقيقة في الناس فاتعلمت متوقعشي حاجه من اي حد ومنتظرشي منه شئ لأنه مش ملزم ببساطه وأحط مسافات بيني وبين الناس واسطح العلاقات علي قد ماقدر ودائما اسيب الباب موارب بمعني أن مثقش في حد اوي لدرجه اني اكون مش متخيل أنه يخذلني أو يخوني لا عادي قشطه كل شئ وارد 😄

Coffee_73772 🇪🇬 · Answer

انا كنت بحب واحده وسابتني بدون اي سبب قعدنا سنه مرتبطين و4 شهور صحاب بس بدون تفاصيل لقيت نفسي بعد م سابتني اني عادي وطبيعي ودي حقيقه اتضح ليا اني مكنتش بحبها ودا كان تعلق بس تصادفني واحده حرفيآ مش هقول خطفط قلبي لا دي خطفط روحي حرفيآ انا مبقتش قادر ابطل اسمع صوتها بحبها بدون اي مقابل وكل ده انا مش عارف بحبها بجنون كده ليه بس سابتني بعد سناتين وقالتلي انها مش مرتاحه ف طبعآ حالتي النفسيه اتبهدلت 3 شهور حرفيآ مبخروجش من الاوضه شربت مخدرات ومش كله تحديدآ شربت حشيش بقيت كل م اشرب افتكرها واشوفها قدامي اشرب اشوفها قدامي ومبعرفش انام ولا عارف اعيش سابتني 6 شهور ولقيتها داخله تطمن عليا لما شوفت رقمها اتجننت ورجعتلي نفس حالتي تاني لا واسواء من الاول بس هي قعدت يومين تكلمني لقيت نفسي في اليومين دول حكيتلها كل حاجه حصلت معايا من ساعة م سابتني  وبدون تفكير لاني كنت ناوي اني هتجوزها ف كنت حرفيآ لو هقوم اشرب كنت بعرفها المهم بعد م حكيتلها كل حاجه لقيتها اتضايقت ف استغربت وبعد كده سألت نفسي سؤال؟  مش هي سابتني عشان مش مرتاحه معايا وفعلآ سألتها لقيتها بتقولي انا اه مش مرتاحه بس من المشاكل اللي كنا فيها ف استغربت اكتر وقفلت معاها ومكلمتهاش كانت بتبعت وانا مردش لأني حسيتها بتكدب ومن ساعتها وانا شايف كل الناس كدابه ومفيش حد ليه امان في الدنيا وهي لسه بتحاول اننا نرجع وانا اللي بهرب منها بس

انا عارف اني اتجننت

Mushroom_74773 🇪🇬 · Answer

أسوأ حاجة بتحصلي انه بفضل قافلة على نفسي عشان خايفة أتوجع ويوم ما افكر افتح الباب لحد بيدمرني زى ما كان في فيلم غبى منه فيه ( يوم ما تنشن لازم تصيب) كنت بشتغل في اتصالات في اكونت حجز تذاكر سينما كنا اربع بنات بس في القسم انا بقى يازين مااخترت انه تكون صاحبتي واحدة اكتشف في الاخر انها بتعالج عند دكتور نفسي من شيزوفرنيا اللى هو كان فيه اثنين تانين انا كنت بنزلها ايام اجازتى ااقضي اليوم كله في الشركة قاعدة ما بشتغلش بس عشان متبقاش لوحدها الولد اللي أعجبت بيه في الشركة عملنا خطة عشان يخطبها وفعلا خطبها كنت معاها يوم الخطوبة من الصبح كل يوم بعد الشغل كنا بنقعد في كافيه قدام شارعها نرغى ونهزر كنا بنحكى لبعض كل حاجة جيبتلها عروسة المولد وعشان البنات متزعلش جيبتلهم هما كمان بس بتاعتها كانت احلى واحدة وجيبتهالها محجبة كتشجيع انها تتحجب كنت بعتبرها زى اختى فا الدنيا تمشى كدا عادى لا طبعا تبدأ تحصل مشاكل مع خطيبها ويجي يسألني هو فيه ايه واحاول اصالح وللأسف يفشكلوا ويجي ينصحني انى ابعد عنها انها مش سوية وسبحان الله البنات الاثنين التانين يقولوا هما كمان انها بتتكلم في ظهرى وحش من اول ما بقينا أصحاب سنة كاملة وفي الاخر تقولي انها عندها شيزوفرانيا ودا رقم دكتورها لو عايزة اسأله فقدمت استقالتي مابقيتش قادرة ابص حتى في وشها انا بينطبق عليا اغنية اختياراتي مدمرة حياتي

Popcorn_75858 🇪🇬 · Answer

عشرة سنين كتير كيان واحد كل تفصيلة كبيرة وصغيرة بجد فعلا روح واحدة ف جسدين وبعد سنين كتير قالت نبقي أصدقاء واكتشفت ان اللي حبتها كانت عندها اعراض من الشخصية النرجسية هيا حد طبيعي وحد يفتح قلبك للتعامل معاه لكن محدش يقبل صداقة بعد حب ابدا لكن لما عرفت انها عندها صفات دى بعدت لوحدها بس ب تفاصيل كتير وسنين عشرة ودخلت في علاقات كتير بعد كدا . .. الفكرة انى اكتشفت ان عندى مرض التعلق النفسي ودا كان أمر صعب جدا للي فاهم يعني ايه تعلق مرضي وباخد سيشن حتي الآن عشان اتعافي من التجربة دى .... نصيحتي لكل حد بيقرأ التفاصيل بتاعتي ... حب بس ما تتعلقش عشان بما تيجي تمشي لأى سبب ما تتوجعش عشان الأثر النفسي محدش هيحس بيه غيرك .... انا تعبت جدا وخسيت ٢٠ كيلوا من الحزن  وسبت شغلي واكتأبت كل دا من الخذلان وانى كنت بعتبر الانسانة دى ضهر وسند ... معلومة صغيرة انها حبت بعدى وعرفتني علي اللي بتحبه  ويشاء ربنا اللي تحبه يسيبها بعد شهور ومش عاوزها ... عاوز اقول لحضراتكوا حافظوا علي مشاعركوا لأن ليها مخزون وهيفضي طول ما انت معطاء مع الناس اللي مش بتقدرك ولا العلاقة متبادل فيها الحب والإهتمام بنفس الدرجة خد بعضك وامشي وخليك مع الناس اللي تعرف قيمتك والاستحقاق اللي يليق بيك وبيكي. بعتذر عن الاطالة... اتمني ولو فرد واحد بس يستفيد وميكررش نفس التجربة لأن فاتورتها بتتدفع من صحتك وعمرك ... قدر نفسك للي يستحقها 🌸🙏.

Watermelon_75343 🇪🇬 · Answer

اتخدعت فى نفسى كنت متخيل انى شخص كويس و انى مش وحش بس لقيتنى شخص وحش و لما بتيجى الفرصه علشان اغلط بغلط مع انى ببقى مش عايز كده بس بعمل كده انا مخدوع فيا اوى يا جماعه حقيقى......... المشكله الاكبر مبقتش فاهم انا مين ولا بعمل ايه و بعمله ليه و علشان مين ولا علشان ايه ...............

Strawberry_83256 🇩🇿 · Answer

اسوء خدعة مرت عليا هي انسان جا خطبني وانا منعرفوش وقبلت وكان يبينلي بلي راهو يحبني يموت فيا و قعدنا مخطوبين 3 سنين وتزوجنا و بعد زواجنا ب 4 اشهر اكتشفت بلي في فترة الخطوبة كان يحكي مع وحدة اخرى و درك راهو قاطع علاقتو بيها بصح انا كيفاش لازم نتصرف في حالة كيما هاذي راني حايرة للعلم لحد الأن عندي 7 اشهر زواج و من نهار عرفت وانا ساكتة ومقلت لحتا واحد