دلوقتي لو واحدة صحبتك معاكى فى السكن طلبت تلبس منك حاجه مع ان امك قايله ليكى متلبسيش حد من لبسك بس قالتلك معيش حاجه ألبسها وفضلت لابسها وقت طويل وكمان عاوزه تطلب تلبس منك حاجه تانيه مع ان معاها طقمين بس كان عاوزه تجدد ادتها حاجه تلبسها بس انا مش عاوزها تاخد على كده اعمل ايه بقى انا قولتلها قبل كده امى حالفه ملبسش حاجه من حد ولا حد يلبس عشان فى امراض بتنتقل وكمان سلفت حد قبل كده حاجه فى السكن القديم وضاعت قالتلى ويعنى انا هاخد اللبس يعنى واسرقه وزعلت وقتها ولما طلبت منى حاجه تانى مرضتش اقول نفس الكلام عشان متزعلش وانا مش عاوزه اتعامل معاها بطريقة وحشه لأنها الصراحه جدعه يعنى عملت معايا مواقف جدعنه كتير هى بتسافر وتيجى معايا ومن نفس المحافظة ومعايا فى الكلية بس انا الحقيقة مش حابها تلبس من لبسى بحب يكون لبسى انا بس والمشكلة أنها بتختار اجدد واحسن حاجه عندى وبحبها وبتختارها وهى عرضت عليا البس من لبسها بس انا مش عاوزه البس لبس حد اعمل معاها اى بقى ومعلش طولت عليكم هو حى حاجه ممكن تشوفوها تافه شوية بس بالنسبالى حاجه صعبة مش بعرف اتعامل ولا ازعل حد منى صعب مش عارفه اقولها اى ولا اعمل ايه معاها اسفه على الاطالة بس انا الموضوع ده مدايقنى جدا انى مش بعرف اقول لا ومع كل اللى حواليا كده ممكن اجى على نفسى عادى عشان ميزعلوش وممكن كمان اروح اعتذر وانا مش غلطانه
بصي دي حاجه تخصك وعادي لو مش هتعملها من نفسها يبقي اكنك بتفكريها عادي لان ده العادي واللي المفروض يحصل
لو قولتي كده انت هترتاحي اهم حاجه راحتك وبس
اعمل اكانك عندك مرض جليدي وهاتي حبت مراهم كده عادينن وعرفيهم بطريقه غير مباشره أن عندك مرض جيلدي صدقيني عمرها ماهي لابسه من عندك
قوليلها (يافلانة، بما ان ذوقى عاجبك كدة وبتحبى تلبسيها لو حابة اشتريلك معايا بعد كدة قوليلى، انا مش برضى البس مكان حد تانى حفاظًا عليه وعليا بس فيه حاجة مهم تعرفيها، انا مش بحب ابخل بأى حاجة عنك لإنك جدعة معايا ودايمًا جنبى وعمرى ماشفت منك حاجة وحشة، اختارى اى طقم عاجبك من اللى عندى وهجيبلك زيه) بعد ماتجبيلها الطقم بقى قوليها: (انا بحب اشوفك لابسة احسن طقم يافلانة علشان كدة جبتلك ده، بس عندى طلب، نبعد تمامًا عن فكرة اننا نلبس هدوم بعض دى تانى علشان لو ده حصل انا مش هكون مرتاحة وهتضايق، وانا عارفة إنك مش هتخلينى اوصل لكدة، ) هنا انتى عملتى اية ؟ - كسبتى رضاها - قلتيلها اللى انتى عاوزاه بدون زعل - من ناحيتها لو هى ذوق مش هتفكر فى كدة تانى ابدًا
ابسط حاجه قوليلها انت حبيبتي وكل حاجه لكن لحد لبسي بتضايق لان مش بحب حد يلبس من لبسي لان مش بعمل كده مع حد وشايفه أنها حرية شخصية ومتزعلش
بصي لو انتى مقتدرة ماديا هاتيلها طقم داخلى ولبس طقم واحد أو طقمين واعملى نية انك تصدقتى بفلوسك لوجه الله بعد كدا قوليلها انك خايفة يجيلك فطريات جلدية وقوليلها واحدة صاحبتك جالها جرب علشان كانت بتسلف هدومها أو بتلبس من هدوم الناس
قوليلها مش هينفع عشان امي بتتخانق معايا ورافضه كدا ومينفعش يكون في اي علاقه صحوبيه الدنيا تبقى مفتوحه بحري حتى لو البيست
ربنا مايحطنى فى نفس موقفك انا واخويااااا اللى هو اخويا اصلًا مش بنلبس حاجة بعض (غير الشرابات الصراحة😂)
لازم تحطي حدود وتفهميها انك مش بتسمحي بكدة لو هي محترمتش الحدود يبقى ابعدي عنها وابعدي عن اي حد ميحترمش حدودك والحدود متزعلش