حياتي بقيت زى الجيران اللي كنت بشفق عليهم

Marshmallow_28284 🇪🇬

منذ يومين

شعور وحيد

زمان كنا ساكنين قدام ناس جيرانا كان بيتهم واسع اوي ومفيهوش غير ست عجوزة وبنتها ف سن جواز عايشين لوحدهم ف بيت كبير اوي ومحدش يعرف عنهم حاجه كنا بنقف ف البلكونه وكنا ف مره شايفينهم من قزاز الشباك اختي قالتلي تخيلي أن البنت دي عايشه لوحدها ليل نهار ي تري احساسها اي ومامتها كبيره ف السن يعني مفيش حد تتكلم معاه ي تري هي عايشه ازاي دلوقتي احساسها صعب اوي سبحان الله وقتها مكنتش اعرف ان دي هتبقي حياتي ف يوم من الأيام اهو اديني كبرت واخواتي كلهم اتجوزوا وانا دلوقتي لوحدي ف البيت مع ماما لا بتكلم مع حد ولا حد يعرف عني حاجه زي مايكون عايشة لوحدي ليل نهار قاعده وسط اربع حيطان مابضحكش مع حد ومابفتحش بوقي للكلام بالايام ياااااااارب الحمدلله

طفولتي راحت عبث وعايشه بين أربع حيطان

قصتي بختصار ‌اني معنديش قصه عشت حياتي كلها في البيت لا بروح مدرسه زي بقيت صحابي ولا دروس اهلي بذات ابويا كان بيقدملي عذر صحي مش موجود عندي ابويا كان بيعمل كده بسبب عدم حبه للتعليم ف مكنش عايز يعلمنا من الاساس لولا امي ربنا يباركلها بس هوا مستسلمش برضو بدا ف خطته و الي كانت (كنت مبقعدش ف درس اكتر من شهر و كنت بطلع فيه القطط الفطسانه بسبب ان ابويا كان بيتعمد يوديني لمدرسيين تعبنين بعكس اخويا الي كان بيغصب ابويا انه يوديه المدرسه و دروس او انه يروح لوحده) ولما بدا ناس ينزلو شرح علي النت بقيت اذاكر عليه لحد دلوقتي وانا دلوقتي ف اولي ثانوي و هكمل حياتي كده طفولتي و مراهقتي راحت عبث لا استمتعت بيها لا خرجت ولا اتفسحت لا كونت صحاب لحد اولي جامعه هبدا اشم نفسي عكس اخويا برضو الي كون صحاب كتير فعلا بيخرج مع صحابه بيتأخر برا و سابقًا كان بيعمل مغامرات كتيره جدا و ممتعه وانا بحسده فعلًا انه عاش حياته و عمل لنفسه حياه عكسي انا قاعده بين اربع حيطان لوحدي مع موبايلي الي حياتي كلها راحت عليه طفله عندها 9كانت قاعده مبتعملش حاجه غير انها بتشوف امراض نفسيه علي السوشيال انا حاسه اني لو كملت كده هبقي مريضه نفسيًا مفيش اي حاجه بقت بتفرحني *حاليًا بكتب كل ده وانا بعيط * ...عرض المزيد

1 الدعم

8 نصيحة