Marshmallow_52511 🇪🇬
منذ يوم واحد
.
شعور شاعر بالملل
فككوا من غلطات الكيبورد عشان مش هصحح كل ده 😭😭 السلام عليكم حبيت اكتب البوست ده عشان في حد قالي ازاي قدرت اغير من نفسي و ابقى اقوم من قبل كده اول حاجه و لازم كلنا نعرفها ان الدعم الاول و الاخير لازم يكون من الاهل طيب ايه ما في ناس كتير اوي اهاليهم بيكونوا اول حاجه بتدمرهم انا معرفش الحقيقه ازاي نحل مشكله زي دي بس خليني اقول انا عملت ايه مع نفسي عشان اكون اقوى جايز حد يستفيد و يجرب 🤷♀️ طيب اول حاجه و الحمد لله انك لازم تتوب لربنا لو مش بتصلي صلي لو بتسمع الاغاني بطلها لو بتشتم بطل لازم تطور من نفسك في اي حاجه عشان تحس بالتغير و دي حاجه عن تجربتي انا اول ما توبت كنت بسمع سلسلة نور السلسلة دي كانت السبب في هدايتي و الحمد لله و هى بتحكي عن قصة حياة سيدنا محمد صل الله عليه و سلم طيب ثاني حاجه لازم تدرس عن حاجه تكون انت بس الي فاهم فيها و لازم تفيد غيرك بيها زي ايه مثلا انك تتعلم دينك او تثقف نفسك او حاجه انت بتحبها و غاويها بحيث ان لمًا حد يكون عايز يسال عن حاجه يجيلك انت فتحس انك مبسوط و احب تطور من نفسك اكتر و ده بيدي احساس بالانجاز و انك بتحب نفسك اوي ثالث حاجه و الاهم و دي حاجه انا لسه فهماها لما حصل تاتش بيني و بين حد و فهمت انه مش لازم دائما الوم نفسي على كل موقف او اني احرص اني مزعلش الي قدامي غير او اخاف على زعله مبدئيا كلنا بنغلط تمام و كلنا في الي بيحبنا و في الي مش بيحبنا و مش لازم اما نحس من حد بعدم الاهتمام او التجاهل او اننا عملنا حاجه زعلت الي قدامنا يببقى معناه اننا غلطنا ولازم نصالحه لا هو اه برضو لو غلطنا لازم نعتذر بس مش لدرجة اننا نيجي على نفسنا عشان رضا الي قدامنا صح ولا ايه فانا اعتذر لما تغلط و خلاص وفكك فمش عشان الي قدامك جِبله و مش بيفهم و زعله رخم زيه يبقى معناه انك فعلا غلطة كبير و دي حاجه انا للاسف كنت بقع فيها و محدش هيفهم كلامي غير الي مر بالي بحكي عنه رابع حاجه بقى صدمات الطفوله بجد دي قنبله و بتسبب للانسان تروما لو محلش المشكله دي انا تخلصت من كرهي لناس معينه كانت سبب في حاجات كتير جوايا و الحمد لله تغلبت على الاحساس ده هقولك بقى انا عملت ايه و ده مكنش برضو من ترتيب مني اول حاجه انا حكيت كل الي كان مضايقني لاول مره لماما و قولتلها فلان هنا كذا و فلان قالي كذا رغم ان تعاملي معاه حاليا قمة الاحترام و التقدير هى استغربت جدا وقتها فالمهم دي اول حاجه عملتها طلعت كل الي جوايا و ارتحت و بعدها بفترة استوعبت ان كل التنمر و الاضهادات الي كنت بشوفها زمان مبقتش موجودة خلاص لكذا سبب منهم اني الحمد لله مبقتش اشوف الشخص الي اذاني زمان رغم انهم قرايبي برضو و بعدها ارتحت شوية و فهمت ان دي مشكلة الشخص نفسه انه عنده عقدة طلعها عليا و على كل الي حواليه و ده ربنا يعافينا منه خامس حاجه بقى هو حب المراهقه ده انيل حاجه انك تفضل تحب و تعجب بناس من سنك او غيره لمجرد الشكل و تقعد بقى تبني طموحات و اتخيل نفسك معاه فكل مكان حتى الحمام 🤝💔 و المصيبة انك تروح تعترف للشخص الغير ناضج ده و تنصدم فالاخر منه انه رافضك او لو دخلتوا في ريليشن مع بعض و بعدها سبتو بعض طيب ده اكتر حاجه مدمره للانسان حتى لو عمره ما دخل في ريليشن في سن المراهقه هو بعيدا عن انه حرام و ده شيئ مفروغ منه اصلا بس هى ليه حرام بالمختصر كده هى حرام حفاظا لينا و لمشاعرنا و بجد بتدمر جدا حتى لو اتجوزتوا ليه عشان ببساطة انت بتطلع اول مشاعر ليك الي هى المشاعر الصادقة دي لاول مره في مكان غلط مع شخص غلط و غير ناضج بتاتا طيب انت دلوقتي مدخلتش في علاقة و بتحب من بعيد لبعيد و الشخص ده ميعرفش متفضلش تعلق قلبك بحاجه انت مش عارف توصلها اصلا لانه حتى لو اعترفت و حبيتوا بعض ها ايه بعدها ما انتوا لسه عيال و كده كده انت نصيبك محفوظ و كل ما تتقي ربنا في نفسك و انت صغير دلوقتي كل ما هتبقى مبسوط لما تتجوز فحاول انك متوقعه نفسك في دايرة انت مش عارف اطلع منها و للحقيقه انا لحد دلوقتي معجبه بشخص اكبر مني بسبع سنين بس مش هعرف احبه دلوقتي او حتى اكلمه لانه مفيش سبب يخليني اكلمه اصلا و حرام فبعد عناء و تعذيب في نفسي ادركت انه انا كده كده هحب و اتحب و نصيبي ماشال ليًا فليه اعذب نفسي على حاجه اصلا انا معرفش انها ليا او لا و انا الصراحه لحد دلوقتي بيحبه بس مش زي اول مره و قولت انا لو هحبه معذبش نفسي عشانه هو كده كده هيجيي الي من نصيبي و هنحب بعض و كده كده هحب زي ما انا عايزه و كلها مسالت وقت و حفظت قلبي و بقيت اتجنب كل من هو ممكن اعجب بيه و بس دي كانت طريقتي عشان احب نفسي اني ابدا من جوا الاول و بعد كده من بره و اسفه او كان الكلام مش مفهوم اوي لانه بجد حاجات كتير اوي حصلت و الكلام هيكون اكتر من كده لو اتكلمت فاتمنى تكونوا استفدتوا و صدقوني كلها مسالت وقت و هتحبوا نفسكو زي ما انتوا عايزين و اتعلموا كتير اوي في اي حاجه اعلم بيكبر الدماغ و بيخلي الانسان ناضج بعد ما تقرأو خمنوا عندي كام سنه ✋🏻 اه و اهم حاجه نسيت اقولها بطل تبقى ضعيف الشخصيه و اعمل الي بتحبه و بطل تقلد حد و حب كل حاجه في نفسك و قول لنفسك كلام حلو و كافئ نفسك باي حاجه حتى لو بسيطة و خليك مميز في اي حاجه عن كل الي حواليك و صدقني هتحس بفرق و بطل بطل بطل اهلي نفسك موضع تريقة وسط اي قعده او انك انت الي تتريق حط لنفسك حدود و خلي الي حواليك يعرفوا حاجه زي كده و صدقني هتنال احترام من الي حواليك و هتلاقي الي انت بتدور عليه و بس 😌
3
3
