الألم الذي لا يتحول الى سردية يتحول الى هوية . جميلة سمعتها من دكتور عماد رشاد.. الحقيقة ان معظمنا شخصيته اتكونت من خلال الألم ودا بيبقى سبب ف معظم الأمراض النفسية.. مش فكرة الألم بس لا كمان"عدم التعبير" عن مشاعرنا وكتم الألم وتجاهله.. لانك غالبا لما بتحاول تشرح هيتقالك كلام نمطى يقلل من الى انت حاسس بيه و ان احنا احسن من غيرنا وشوف الناس حواليك بتمر بايه وانت الى "حساس زيادة".. ف بتتجرع الألم في صمت لحد م تتكيف معاه ويبقى هو نضارتك الى شايف نفسك و الحياة بيها وتحس ان القوة في إخفاء الالم عشان ميتقالش عليك ضعيف او عايش دور الضحية.. الحلو ان الوعى زاد مؤخرا وبقى فيه ناس مختصة بتتكلم عن الى جوانا بطريقة احنا مكناش عارفين نعبر بيها لاننا اتعودنا ع توابع الألم من غير م نحطلها مسمى فتبقى حاسس بحاجة مش عارف هى ايه بس وياكأنك مخنوق مثلا.. انا شخصيا يمكن عندى نفس المشكلة فانى بحب اداري ألمى عن الى حوليا لكن من وانا طفلة بحب أكتب لشخص خيالى بيسمعنى طول الوقت لدرجة ان دا أثر ع شخصيتي بعكس ناس كتير انا بحب الكتابة أكتر من انى اتواصل صوت ودا عاملى مشكلة مع الناس الى حوليا لكن انا بحب أكتب أكتر م أتكلم دى الوسيلة الى عرفت أتعامل بيها مع الى جوايا من غير أحكام ولا تنظير..

3

4