تفكير سلبي غبي من غير سبب وبتخيل أسوأ السيناريوهات

Strawberry_90744 🇪🇬

منذ 8 ساعات

شعور قلق

كمية تفكير سلبي غبية بجد من اقل سبب أو حتى من غير سبب بفضل افكر بسلبية وأتخيل حاجات وحشه هتحصل. صاحبتي من شوية كانت جاية عندي ولما اتأخرت شوية في الرد عليا قعدت افكر أن لقدر حاجه حصلها حاجه وأنها بعد الشر ماتت وبتخيل ازاي هستقبل الخبر وازاي اتعامل مع الخبر وهي بتنام في الباص علطول وانا عارفه دة. بفضل اتخيل الفترة دي أن ماما ربنا يحفظها ويخليها لينا هتموت واتخيل سيناريوهات مختلفة وحاجه اخر قرف

ليه ربنا بيخلينا نحب ناس مش من نصيبنا؟

السلام عليكم يارب تكونوا بخير و بصحه و احسن حال جايه اقول انهارده ان وجود الناس في حياتنا يا انهم بيعينونا على الحياه اللي احنا عايشنها يا اختبار ربنا بعتهولنا عشان يعلمنا حاجه و يمشوا ، كده كده الناس مصيرها هتمشي من حياه بعض ، عشان احنا في حياتنا هنفارق ناس يا بالموت يا بالحياه ، مصيرك تتعلم حاجه من الشخص اللي دخل حياتك بأي شكل من الاشكال و ياريت نبطل نسأل نفسنا كل شويه ليه الشخص ده سابني ليه ربنا خلاني احب الشخص ده رغم انه مش هيكون من نصيبي و اسأله كتير تانيه ، احنا والله يا جماعه منعرفش اي حاجه و مش شايفين ربنا شايفلنا ايه ، جماعه انتوا متخيلين ان ربنا ممكن يخلينا نحب شخص معين عشان ندعي و ربنا ميحققش الدعاء ده بس بالدعاء ده يصرف أذى كان هيجيلك فاحنا والله يا جماعه منعرفش حاجه و ربنا فعلاً رحيم بينا اوي احنا بس اللي دايمًا بنفكر بطريقه سلبيه و غلط في النهايه عايزه اقولكوا متنسوش الصلاه على النبي و بحبكم في الله و اسأل الله أن يجمعنا في ظل عرشه يوم لا ظل إلا ظله اتمنى انكوا تدعولي دعوه حلوه في ظهر الغيب و لكم بالمثل ان شاء الله ...عرض المزيد

12 الدعم

2 نصيحة

"السنه دي مبتخلصش لي.. بس هتعدي زي ما قالو 💀"

كنت بتفرج على فيديو شرح لمدرس ف كان بيقول انه الثانويه العامه دي بتعدي هوا وانها ايام وهتعدي ومش هتحس بيها (الفيديو نازل من سنه) قعدت افكر ان الناس ال قاعدين قدامه بيسمع الكلام دا كانو بيفكروا نفس تفكيري حاليا (السنه مبتخلصش-روتين يومي-الضغط دا آخرته اي - السنه اخرتها اي-فاضل 4 شهور!!!! - وكثير من اسئله جلد ذات) الناس دول خلصو السنه والوقت فعلا عدي زي ما المستر قال وهما وقتها مكنوش مقتنعين بكلامه ممكن كل واحد دخل كليته ال مكتوباله وحياته ماشيه وموقفتش على ثانويه عامه زي ما كان فاكر اختي كانت ديما بتقولي أن مع الوقت وكل ما تتقدمي سنه فالكليه حتى لو داخله كليه مش حباها ف هتتعودي وهتعرفي ان ثانويه عامه مش نهايه العالم وانها مش زي ما الناس مفكراها سنه وهتعدي وهتعيشي حياتك لو هتسالني لي بتقولي كدا هقولك (السنه دي مبتخلصش لي) يلا السلام عليكم 💀 ...عرض المزيد

5 الدعم

4 نصيحة