بحس دايما اني مستاهلش الحب مش بحس انا متأكده. انا أوحش واحده في صحابي حرفيا انا أتخن واحده فيهم و أطولهم بردو، بكره أبص في المرايا بحس اني شايفة مسخ قدامي مش عايزا ابصلوا. جسمي مش حلو معنديش بشرة حلوة علي الأقل حتى شعري مش حلو و لبسي مش واو دمي مش خفيف صوتي عالي و مزعج ناس كتير بتقولي كده و هما اول مره يشوفوني، مش شاطرة دراسيا بالعكس انا فاشلة تماما و في احيانا كنت بعدي من مواد بالعافية معنديش اي ميزة تخليني علي الأقل مجرد إنسانة عاديه فيها عيوب و مميزات انا مجرد مسخ عندو عيوب بس. بقول اني مستاهلش الحب عشان شايفة ان محدش ممكن يبصلي، الحب يمكن مش أحلي حاجه في الدنيا بس انا دايما كنت حاطة أمل اني ممكن أتحب ان شخص ممكن يحبني و يبقا عندنا حياة حلوة مع بعض. يمكن تفكيري سطحي بس ده الي انا بحسوا دايما. بكره الصور لو اتصورت دايما بلاقي عيوب عمري ما عرفت احب نفسي في اي صورة او اتصور صورة جماعيه عادي من غير ما احاول أقف من ورا عشان مبانش. يمكن انا بحس بكده بسبب اني غيورة، يمكن انا بغير فعلا من الي اعرفهم؟ دايما هما كان بيتم إختيارهم في عروض المدرسة بيتم إختيارهم في اي حاجه يمكن عشان هما بشرتهم بيضا و أرفع و أقصر و انا لا؟ هما كانوا علي طول الناس بتقرب منهم و بتتكلم معاهم في حين انا اي حد كان بيتجنبني، شخص محدش يحب انو يتكلم معاه. بحاول اتغير بس معرفتش كنت بحب حاجات كتير و فجأه مبحبش حاجه فقدت اهتمامي بكل حاجه و اضيع وقت كبير جدا علي تيك توك او اليوم كلوا حرفيا، مبقتش بحب اعمل الحاجات الي كنت بحب اعملها زي القراية مثلا. أسفة لو كان كلامي كتير و متلخبط و اوفر.

3

23