لما كان اي مشكلة او خناقة تحصل بين اهلي يقولولي خشي اوضتك (عشان مسمعش الخناقة وزعيقهم رغم كنت بردو بسمعها صوتهم عالي) وفي الاخر يسألوني انتي ليه دايما قاعدة في اوضتك كانت دايما تحذرني من الناس و تشكك في كل اللي حواليا وفي الاخر تستغرب انا ليه معنديش صحاب دايما بتزعقلي وتحكم عليا لو حكتلها اي موقف او اي رأي وفي الاخر تستغرب انا ليه كتومة ومش بحكيلها اي حاجة دايما كانو هما الي بياخدوا قرارات حياتي ورأي مش مهم وفي الاخر يستغربوا انا ليه مشتتة و مترددة دايما وعشان كدا اغلبنا بنكون ضحية اهلنا وهما اللي وصلونا لكدا اللي يوجع اكتر انك متقدرش تزعل منهم لانهم بردو اهلك هما الي ربوك وتعبوا عليك مشكلتهم بس انهم مش بياخدوا بالهم بالتفاصيل الصغيرة الي هما بيربونا عليها من صغرنا ومبعرفوش انها ممكن تأذينا ع المدى البعيد ساعات بحس ان الاهل ضحية تربية قديمة واحنا بردو ضحايا بس رغم كل دا انت الي مسؤل عن تغير نفسك وحياتك للافضل مش حد تاني

5

4