عاوز احكي عن فترة كنت فبها مكتئب وعلى حافة الانتحار كنت في اول سنين الجامعة كان قبلها كورونا وكنت طالع من ٣ث طويس جدا ومتحمس للكلية فجاءة الدنيا بقت سودة صحابك وزمايلك كلهم اللي بيقدم على طلبته والله سافر برا واللي مش فاضيلك ونا اصلا مكانش عندي حلم معين ومعرفش الناس اللي بتكون عارفه حياتها هتمشي ازاي لحد مايبقو في ال٣٠ من عمرهم بيعملو كدا ازاي المهم لاول مرة احساس الوحدة يكون صعب كدا ومؤلم جدا لدرجة اول مرة ادخل في بانيك اتاك وكنت حرفيا حسيت اني مت من بعدها لحد الان انا حسيت ان حياتي كانت ماشية في صفحة والصفحة دي اتقلبت تماما ومستحيل ترجع تاني. فضلت كدا من سئ لاسوا وبعدها كل حاجة بقت تبوظ دراستي اتاخرت بسبب اني مش بروح ولا صحاب بقا عندي خالص وحتى اهلي بعدتهم عني مبقاش ليا غبر الموبايل والاكل والنوم وبس وزني زاااد جدا ووشي باظ وشعري كان أشبه بالمشردين جربت اروح لمعالج نفسي وفعلا اول كام جلسة مع الدوا ساعدو جدا خصوصا اني كنت بجيب الدوا حكومي واكتر نصيحة نفعت هي اني انزل الجيم حرفيا طلعت غلي فيه وخسرت وزني تاني واهتميت بشكلي بس حاليا الدنيا مش وردي بس افكار الانتحار مبقتش تيجي

4

3