عايزه حد ينصحني بجد.. بحس لوحدي وحزين وقلقانه دايماً

Question

عايزه حد ينصحني بجد اعمل ايه 
بحس دايما اني لوحدي حتا وانا وسط الناس بحس بحزن شديد دايما بسبب ومن غير سبب دايما قلقانه من غير سبب أو حتا لأسباب تافهه اوي المشكله في الاول كنت يتعايش بس الاحاسيس دي بقت تأثر علي حياتي بقيت فاقده الشغف دايما مبعرفش انام كويس خالص ياما لما انام يكون متقطع جدا معدتش بعرف أنجز اي حاجه في يومي بكون جعانه بس مليش نفس اكل لدرجة اني ممكن اعدي يومي من غير اكل علي قد بسكوته وخلاص معدتش بعرف اذاكر ولا اتكلم مع حد بقيت عايزه اقعد لوحدي بس في نفس الوقت مبحبش اقعد لوحدي وبحس بعدم امان رهيب مع أن كلو حوليا ومعايا بس بحس اني لو حصل اي حاجه هكون لوحدي ودايما خايفه قولولي حل بجد علشان مش عارفه اعيش حياتي طبيعي ومعظم أمور حياتي واقفه وبقيت كسوله اوي وانا مش كده

Popcorn_90145 🇪🇬 · Answer

خايفه من اي؟

Strawberry_90205 🇪🇬 · Answer

وانا كمان كدا خايفه من كل حاجه واي حاجه

Lemon_90203 🇦🇪 · Answer

طب الموضوع ده من امته

Lemon_90203 🇦🇪 · Answer

علشان ممكن يكون فيه حاجة حصلت هي الوصلتك لكده

Potato_63928 🇪🇬 · Answer

نفس الحاله بالظبطططط
ياريت لو تقدري تتكلمي مع لايف كوتش 
أو دكتور نفسي 
أو شخص يفهمك يسمعك 
عشان الوحده والكسل ده مش عشان انتي كسوله ولا حزينه انتي بس مش سعيده

Strawberry_84660 🇪🇬 · Answer

مش عارفه بجد هو احساس بعدم الأمان اكتر

Strawberry_84660 🇪🇬 · Answer

هو أنا من وانا صغيره بحس الشعور ده عادي بس زاد اوي من سنتين

Strawberry_84660 🇪🇬 · Answer

مش عارفه بجد يعني شايف ده هيفيدني

Strawberry_84660 🇪🇬 · Answer

هو فعلا كلو بيقولي انك بقيتي قلوقه اوي من كل حاجه كده من سعت ما كان فيه بنات اتعرفت عليهم وبقو صحابي واتعلقت بيهم اوي وحبيتهم وغدرو بيا ومن وقتها الشعور ده بقا بيزيد جوايا يوم عن التاني لحد دلوقتي زاد اوي اوي بس الحوار ده من سنتين