جماعة انا مش مصدقة اني بتغير للاحسن و بقيت مش بيفرق معايا راي حد و مش بيفرق معايا زعل حد زي الاول حتى لو كان غلطان انا كنت بموت نفسي و بعمل الف حساب للبشرية المعفنة دي دلوقتي بقيت اتقبل اي موقف يحصل معايا او مع اي حد مبقتش بحط الناس في درجات عندي كلهم بالنسبة ليا شبه بعض عادي او حد من قرايبي اختلف معايا او حد من صحابي بقى ويفرفش معايا حد زي الاول معرفش هل ده نضج ولا لا بس اقدر اقول اني مرتاحه بقيت اسيب الي يبعد يبعد و الي قرب يقرب كده كده انا مش مدخلاهم في حياتي لان هم مش اهم حاجه فيها و دي حاجه مريحتني جدا و برضوا بقى عندي احساس بيكبر معايا كل سنه اني مبحبش اقلد حد او اكون نسخه تانية من حد بحب اكون انا اكون شخصيتي انا و بحب كل حاجه تخصني حتى شكلي الي كنت بكرهه و انا صغيرة و مكنتش اعرف ان الوردة اما بتفتح و اكبر بتكون احلا حاجات كتير اوي اتغيرت فيا و بجد انا بحب نفسي جدا و نفسي اقابل حد شبهي الحقيقه الاحساس ده مجالين من فراغ اصل انا احتكيت لناس كتير ملهمش شخصيه و ميعرفوش هم بيحبوا ايه و بيقولدوا و بس و في الاغلب كان في بعض من الناس بيقلدوا طريقة كلامي او تفكيري هو مش غرور لكن ده خلاني احب نفسي اكتر فا الي انا عايزة اقوله اني فخورة بنفسي و بشخصيتي الجديدة الي بقت مرتاحه بيها ( جماعة شخصيتي القديمة كنت بموت منها عشان كنت في اغلب المواقف و الخلافات مع اي حد كنت بلوم نفسي و بشوف دائما اني الي غلطانه و كنت بدي اهتمام لناس متستاهلش ) و بجد اكتر حته مكنتش متخيله اني اوصلها اني بحاول احافظ على قلبي انه ميرجع ينجذب لاي حد كده بقيت في حالي اوي و بقول كده كده هييجي الي يقدرك و يديكي الاهتمام سيبك من الي قدامك دلوقتي بجد انا كنت زمان هموت و الاقي الي يحبني حب اعجاب دلوقتي انا اقدر اقول و بجدارة اني اما حبيت نفسي مبقتش بدور على حد بالمواصفات الي انا عايزاه بقيت عايزه المواصفات هى الي تجيلي بنفسها و تدور عليا ✋🏻 so proud of my self🥹🫂 بنوتات خليكوا كده و حبوا نفسكوا و صدقوني مش هتحتاجوا تدورو على اهتمام من بره عشان عارفين ان انتوا الي بيتدور عليكوا ..مش احنا الي نجري بره و نحتك بالعالم زي الرجال 😌💓

1

7