بصراحه مش عارفه ابدأ منين بس انا قلقانه جدا خايفه لدرجه اني بعيط بكرا لاول مره فحياتي اعتمد علي نفسي يمكن المفروض بكرا هبدأ شغل فمكان معين انا بكره الناس بخاف منهم بكره الكلام معاهم بكره اتعامل معاهم مش عايزه اتكلم مع حد معرفش مين هيكون كويس معايا ومعرفش مين هيكون وحش للأسف مبعرفش اللي قدامي دا عايزلي الخير ولا الشر انا لوحدي فدنيا دي يمكن عندي واحده بس صحبتي هي اللي دخلت حياتي رغم كل السكوت والوحده اللي فيها بس هي مونساني للاسف اعتمادي عليها كبير انا من غيرها مش هروح اجيب اكل حتي لو بموت من الجوع هي عكسي فكل شيء هي بتضحك بتتكلم بتحب الناس بتتكلم معاهم سعات بحدسها بجد إذاي قادره تعمل كدا إذاي بتقدر تقعد مع اي شخص مجرد شخص فالمترو فالعربيه اي مكان ومش هيعدي نص ساعه الا وهما يعرفوا بعض وانا انا قاعده جنبها ساكته براقب بعيني يمكن أشارك فالحوار بإبتسامة مجامله أو كلمه وبعدها وهحوط السماعه فودني وهسرح ذي مابعمل ديما انا مش صغيره عشان اللي انا فيه دا للأسف مش عايزه حتي احل دا انا مرتاحه بعيد عنهم انا بس خايفه منهم.

2

10