خوف من الناس

Coffee_51716 🇪🇬

منذ 3 أسابيع

شعور مرتبك

عبّر عن شعورك بشكل مجهول

انا خايفه انا مرعوبه من الناس 
من كتر ما اتخذلت بقيت خايفه ومش بصدق ان حد بيحبني لانهم بنفسهم قالوا محدش اللي ظاهر منه هو الحقيقي فلو انتم عاملين انكم بتحبوني فانتم بتمثلوا !!
انا كمان بخاف اوي اوي لما حد يتكلم على حد و يقول احكام عليه طب ما اكيد بتعملوا معايا كده 
هي ليه يا جماعه الدنيا مش سهله ؟
ليه مش لما احب حد اقوله ولما مبحبش حد اتجنبه ومقربش من الاول ؟
ليه الدنيا مش بسيطه زي ما جوايا ؟
طب السؤال المهم ليه لييييه انا لما احب حد واهتم بيه بيفتكروني عاوزه مصلحه ولو كان حد زميلي يفتكروا لمجرد اني ارد غيبته او اشكر فيه و هو مش موجود اني معجبه وانا بس بحب اعمل مع الناس زي ما احب يتعمل معايا وانا مش موجوده مش اكتر بجد 
طب انا مش عارفه اتعامل مع الناس مش عارفه اثق  في حد 
انا خايفه حقيقي خايفه
انا عارفه ان المشكله عندي انا اصلا بتعلق جدا جدا بالناس وبحبهم من قلبي و ببقى عاوزهم مبسوطين   مع طول الوقت بحس مهما كان فيه ناس حواليا اني وحيده ،.  
وجاجه كمان مزعجه انا بحس ان لو حد اتأخر عليا في الرد على مسدج اني تقيله عليه وانه مش حابب الكلام فبندم و ابقى عاوزه اسأل هو انت/ي زعلان مني ؟فبقول مش هتكلم  بس اول ما يردوا ببقى احسن 
انا يمكن حساسه شويه و بركز في التفاصيل زياده بس اعتقد ان محدش من اللي حواليا ممكن يصدق كده من كتر ما انا طول الوقت راسمه شخصية القويه و صلبه فلو اتعاملت بمشاعر في موقف بحس ان بيفتكروني خبيثه او سوسه اللي هو البنت اللي طول الوقت بتزعق و بترمي كلام دبش اكيد مش حنينه يعني بس ده دفاع عشان محدش يعرفني قد ايه انا بسيطه اوي اوي وكلمه ممكن ترفعني سابع سما وكلمه تنزلني سابع ارض 
فبرجع و اقول محدش عارفني ابدا وبزعل 
انا حقيقي تايهه ومتلخبطه 
 عاوزه ابقى مرتاحه ومش فارقلي حد او بمعنى اصح متعلقش بحد عاوزه مبقاش خايفه من التعامل مع الناس نفسي اتعامل بمشاعري من غير ما اخاف من حكم الناس عليا
انا فيا مشكله عاوزه اعرفها عشان احله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Popcorn_68662 🇪🇬

منذ 4 أسابيع

شعور مرتبك

هل ممكن بعد أربع سنين من العزلة أارجع طبيعي واعرف اتعامل مع الناس واستعيد ثقتي بنفسي وأرجع لحياتي الطبـيعية؟ السؤال ده صعب اوي ؟ من سبع سنين، مريت بظروف مرضية صعبة جدًا خلتني أعتمد على كرسي بعجل وعكاز لمدة تلت سنين، التجربة دي ما أثرتش على جسمي بس، لكن كسرت ثقتي بنفسي، وبقى التعامل مع الناس بالنس

Cherry_87399 🇪🇬

منذ 4 أسابيع

شعور وحيد

عندى مشكلة اني بخاف بخاف من كل حاجة ومن كل الناس مرعوبة اصحي الاقي نفسي لوحدى أنا حاسة اني قاعدة ف مكاني مبيحصلش اي جديد في حياتي أنا خايفة الوقت يعدى م غير جواز وم غير بيت وم غير اطفال مرعوبة بس ف نفس الوقت مش عارفة اقبل حد برفض الكل مستحيل اوافق بحد مش حاسة اني فرحانة بيه والعمر بيعدى ويمر وانا لو

Nutella_68929 🇪🇬

منذ شهر واحد

شعور مكتئب

ليه ممكن حد يدخل حياتنا و نعمل عشانة كل حاجة و في الاخر يمشي من غير ما يقول ليه و ليه بعد ما اخذ كل حاجة حلو يمشي و يسبني موجوعة و حياتي واقفة من بعدة ليه ولا عارفة احس باي احساس ولا عارفة اكمل حياتي و اعيش عادي من بعد ما الشخص مشي هي اكيد هي ديه الحياة و احنا بنعيش عشان نتعلم بس انا حياتي واقفة و

Carrot_85820 🇪🇬

منذ شهر واحد

شعور خجول

موضوع:

المشاكل الي اهلك كأنه سبب فيها و اثرت ازي عليك

ممكن احساس النقص واني متدخلش ومبادرش لاي حاجه بحجه اني لسه صغير خصوصا اني شخص عفوي وتلقائي لدرجه كبيره. دا حسسني اني مش كامل وديما في حاجه نقصاني. هز ثقته بنفسي مخليني متوتر وخائف ديما لما بتعامل مع الناس

Strawberry_84748 🇩🇿

منذ شهر واحد

شعور محبط

انا فعلا ماني مرتاحة و ماني متاكدة من قراراتي ابدا و كل شي حولي بحسو مو منيح اي واحد بيكون منيح معي مابكونانا مرتاحة وليت اخاف من الجميع مابعرف دا بسبب ماضيي ولا اي شي اخر انا بس محتاجة افضفض و احكي

Orange_80210 🇪🇬

منذ شهر واحد

شعور متعب

عبّر عن شعورك بشكل مجهول

انا مكنتش متخيله اني هعرف احكي حاجه عني او عن اللي مريت بيه فحياتي ولاول مره هحكي انا واحده كنت بخاف جدا من نظرة الناس حتي لو نظرة إعجاب لمجرد بس ان حد يبصلي بحكم ان كان مقفول عليا من كتر خوف اهلي عليا واصريت اني انزل واشتغل كان جوايا احساس بيقولي اني لو اشتغلت هغير من شخصيتي وهحتك بالناس وكده عشان اعرف اتعامل وفعلا دا اللي حصل بعد ما مريت بتجربه صعبه قبل نزولي للشغل اني تعبت كتير فثانوي وفالاخر محققتش اللي كان نفسي فيه وبعد ظهور النتيجه وفاة صاحبتي وجارتي كانت غاليه جدا عليا وكنت هدخل ف اكتئاب لولا اني اصريت اني انزل اشتغل ونزلت فعلا وشوفت فحياتي كتير اوي وناس تمشي وناس تيجي وانا اسيب الشغل واشتغل فمكان تاني مش مكانتي ولا انا بس كان جوايا يقين ان كل ده هيقويني وفعلا شخصيتي اتغيرت وخلصت الجامعه وانا كل يوم شخصيتي بتتغير ببقا اقوي ومكنتش بحب ادخل فعلاقات نهائى حتي فالكليه ولما خلصت ظهر حد قدامي مكنتش اعرف اني ممكن اتشرف لحد او اني هجرب حاجه زي دي مع انها عاديه فاليمن ده وبالنسبة لناس كتير عادي بس مكنتش بالنسبالي عادي نهائى المهم اني اتشديت للشخص ده واتكلمنا وقعدنا حوالي ٤ شهور بنتكلم وكنا اتعلمها هي اه فترة بسيطه بس بجد حبينا بعض فعلا وانا متأكده من كده وكان فاضل شهر بالظبط ويكلم اهلي ويجي يتقدملي قبل ما يجي جالي عريس تبع اهلي وكان جاهز ومفيهوش غلطه بالنسبة لأهلي وبحكم ان والدته صاحبة والدتي فالعيله كلها كانت موافقه وانا كنت رافضه وقعدت اعيط لاني بحب شخص تاني وطبعا اهلي ميعرفوش والشخص اللي مرتبطه بيه حاول معايا عشان أرفضه لدرجة انه كان هيكلم اهلي بس انا قولتله لا لأن اهلي مقتنعين بيه وان الدنيا كانت هتتقلب عليا انا فالاخر وممكن يرفضوك وبعد ما اهلي ضغطو عليا عشان أوافق للاسف وافقت واتخطبت وانا بحب الشخص اللي فحياتي جدا لدرجه اختيار الكوشه والرود والفستان حتي الهيلز كنت بكلم الشخص اللي بحبه عشان يختار معايا الحاجات دي ومكنتش بشارك اللي كان هيخطبني عارفه انه غلط اللي عملته بس والله مكنت قادره ابعد ولا قادره احب الشخص اللي جاي وجيت فالخطوبه قولت هعمل بلوك وخلاص عشان مينفعش احتراما للشخص اللي جه ده لان ملوش زنب وقولت اديله فرصه يمكن احبه وبعد ما عدت الخطوبه بشهر مقدرتش احبه نهائي وكان في مشاكل كتير حصلت فالشهر ده وبعدها بصراحه فكيت البلوك ورجت اتكلم تاني مع اللي كنت مرتبطه بيه وبعدها بشهر تعمدت اني ادايق خطيبي عشان يسيبني وفالاخر سيبنا بعض وطبعا الفلوس اللي كانت مع الشخص اللي بحبه اللي كان هيجي يخطبني بيها انا لما اتخطبت اقنعته انه يطور من شغله اكتر ويشتري معدات تانيه لشغله لانه كان هيسافر برا مصر بسبب خطوبتي وعمل بكلامي وطور من شغله وكنت بتابع الاستوريهات بتاعته ديما والحمد لله بفضل الله شغله بقا تمام بس الفكره كلها انه طبعا محتاج انه يبدأ من الاول تاني عشان يكون فلوس تاني عشان يجي والمفروض انه هيجي اخر السنه بالكتير هيكون ظبط دنيته وطبعا قعد يقطمني اني خليته يصرف اللي معاه كله فإنه يشتري معدات جديده عشان يطور من نفسه ولأن انا مكنتش اعرف اني هفك الخطوبه بالسرعه دي الصراحه وهو زعل مني طبعا لاني سيبته ولما رجعنا اسلوبه كان متغير شويه ولما واجهته قالي انا لسه تعبان من اللي انتي عملتيه انك سيتيني ووافقت عليه وفهمته والحمد لله رجعنا تاني بس مش زي الاول طبعا بحكم ان شغله بقا طحن اكتر من الاول ووقت شغله زاد وانا مش معترضه بالعكس مبسوطه بس حقيقي خايفه خايفه بعد كل ده منكنش لبعض معرفش ليه الاحساس ده بيجيلي اسفه اني طولت بس في أحداث كتير حصلت الفترة دي لان في واحد تاني قريب صاحبتي وشافني وعايز يتقدملي وانا بحاول أوقف الموضوع مش عارفه اعمل اي بجد ياريت من غير غلط فيا انا محتاجه حد يقولي اعمل اي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_79053 🇩🇿

منذ شهر واحد

شعور قلق

أنا اريد ان اتخلض من شيء واحد في شخصيتي وهو الخوف حرفيا الخوف من كل شيء خوف من تجربة أشياء جديدة خوف من المبادرة خوف من الناس ومخالطتهم خوف من آراءهم خوف من بناء حياة جديدة تشبهني ...... والكثير من التفاصيل نصائحكم 🙏

Almond_63696 🇪🇬

منذ شهرين

شعور ضائع

نقول اي ف شخص مش قادر يواجه العالم ولا قادر يتعامل مع البشر مش عارف يسلك ف الدنيا، ومع ذالك اكبر مخاوفه الفشل او انو يجي يوم ويحتاج حاجه من حد شغلي الشاغل هو التفكير ف المستقبل والخوف منه، خايفه مبقاش حاجه ف الدنيا دي وخايفه اتجرح من الناس خايفه من كل حاجه متاكده انها هتواجهني، بختصار انا مش عارفه ا

Kiwi_77404 🇪🇬 صدقيني أنتي مش لوحدك فيه ناس كتير بتمر بنفس الخوف ده بس محدش بيحكي

عرض الكل 1 نصيحة

Blueberry_77213 🇪🇬

منذ شهرين

شعور منزعج

ازاي المشاعر بتتغير فجأة كده في يوم وليله من اكتر ناس بنحبهم وبتحس معاهم ب امان ل اكتر ناس بتكرهم وخايف منهم اي الاسباب اللي توصل الإنسان لمرحله زي كده ازاي الإنسان يبقي حرفيا بيكره كل اللي حواليه حتي أهله وبقي دايما شايفهم مش بيحبوه وشايف أنهم دايما بيسعوا لاذيته حد حس بحاجه زي كده او مر بتجربة زي

Toast_76729 🇪🇬

منذ شهرين

شعور مريض

مش عرفه اوصف اي مشاعر عندي نفسي ارجع احس نفس احساس الطفل التجبلو لعبه و مبسوط بيها كان نفسي اشوف نظره عطف او حنان من امي سعات بكون عوزه اترمي ف حضنها بس كل مفتكر الاذا السببتو ف حياتي اتراجع عن دا كل محس انها شخص كويس افتكر موقف من المواقف الكانت بتعملها معايا ببص علي ايدها المفروض تطبطب عليا بيها ب

Banana_66325 🇪🇬 ممكن اساعدك فضفضى

عرض الكل 11 نصيحة

Ice Cream_49968 🇪🇬

منذ شهرين

شعور مكسور القلب

من فتره كده نرلت شغل يوم واحد بس حسيت المكان مش مناسبني خالص والناس اللي هناك الفاظهم وحشه وانا خوفت ابقى زيهم وغير كده كان جوايا خوف رهيب اوي مع اني كنت بتكلم عادي معاهم بس كنت خايفه جدا ومكنتش عايزه اختلط بحد لاني كنت قافله على نفسي جامد بقالي سنتين مش بطلع من البيت حرفيا ف بقيت خايفه من الناس وال

Mango_64016 🇪🇬

منذ شهرين

شعور محبط

مساء الخير يا شباب اخوكو عاوز يحكي ليكم حاجه انا اسمي محمد عندي ٢٣سنه الحكايه بدات وانا في تالته ث يوم لما ابويا اتوفا هنا تقدرو تقولو العمر وقف بيا توهت ولحد انهارده تايه عاشرت ناس متتعاشرش صاحبت الحلو والوحش لدرجه اني بقيت مصاحب نفسي خوف من الناس وخوف من نظراتهم وخوفا من كلامهم الي بيوجع حتي لما

Watermelon_75343 🇪🇬 تفتكر لو والدك الله يرحمه عايش كان هيعجبه حالك

عرض الكل 3 نصيحة

Banana_67991 🇪🇬

منذ شهرين

شعور متوتر

لى كل ما ابقا كتاب مفتوح لحد سواء ولد او بنت يديني درس حياتي ف اني مثقش ف حد حياتي تاني ومعا ذالك أو ماخد الثقه ف حد أو مع حد ارجع برضو تاني ويعمل نفس الموضوع تاني لدرجه بجد بقيت اخاف اقرب من الناس بجد .......

Biscuit_50330 🇮🇹

منذ شهرين

شعور مهتم

هو ليه كل ناس مش بتسمع الي قدمها مش بتدي فرصه يتكلم او يفهمو ليه أنا عايزه احكي عن موقف حصلي أنا فقض الثقه بل ناس ولله بقيت اخاف منهم بتجاهل علشان خايفه منهم للأسف الي أنا في ده سببو شخص مش هسمحو أبدا خلاني مثقش ف حد ولا عارفه اتكلم خلاه في حاجز كده بفكر ف الكلمه ميت مره التفكير مش سايبني ف حالي أنا

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع