لو حاجه واحده مش هتنقلها لولادك هتكون ايه؟ عن نفسي التقدير المشروط

Question

بوست مفتوح تكتب فيه ان لو حاجه واحده بس اتنقلتلك من ولى امرك مش هتنقلها لاولادك هتكون ايه؟
عن نفسي التقدير المشروط
ان التقدير بيكون بعد النتيجه ولو مش عاجبه يبقى فيه عقاب قاسي
هوصلهم انى بحبهم زى ما هما بالعيوب قبل المميزات وان اى كان نتيجة حاجه هيعملوها انى هفضل احبهم حتى لو عملوا حاجه غلط فا انا بحبهم بس هيبقى بنشتغل اننا منكررهاش وبس?

.....؟....?

Heart_47841 🇪🇬 · Accepted Answer

هبقي حنينه عليهم وهصاحبهم وابقي اقرب ليهم من نفسهم وميروحوش لاي حد لما يحتاجو حاجة غير ليا نخليهم يكونو حابين قعدتي والكلام معايا وعمري ما هبني ليهم بيت مع حد مش سوي نفسيا يكرهم في البيت والقعده فيه هعلمهم يحبو نفسهم ويكونو أقوياء وميسمحوش لحد ابدا يأثر فيهم بكلمه

French Fries_30031 🇪🇬 · Answer

أن هما يعملوا الصح لمجرد الصح مش لمجرد أنهم خايفين اني اعرف انهم غلطوا و اعاقبهم انهم يلجأولى مش لحد غريب أن مهما كان غلطهم مش هعلقلهم حبل المشنقه وافضل أفكارهم ب الغلط دا مع كل غلط يغلطوه اعملهم الصح والغلط و يقتنعون ب الصح ويعملوا لانو من جواهم يبقي عايزين يعملوا الصح ان هعودهم على أنهم يسيبوا كل حاجه على ربنا زي توكلو أنهم من وهما صغيرين يتعودوا على صلاه الفجر وأنها مش اختيار اصلا انهم يسيبوها

Pistachio_71160 🇪🇬 · Answer

مش هسيبهم يذتشوا الدنيا لوحدهم ولا هفضل اوجه فيهم بس هخلي فيه توازن عشان ميرجعوش بعد زمن يكونوا تايهين اوي او ميتصدموش من الواقع

Avocado_73251 🇪🇬 · Answer

مش هذلهم باي حاجة بعملها لهم ولا هقارنهم بغيرهم ولا اقول لهم انهم عار او انهم غلطة حياتي

Moon_88881 🇪🇬 · Answer

مش هقسو عليهم بزيادة زي أمي، فأطلع أشخاص معقدين، ولا هلين بزيادة زي أبويا فأطلع أشخاص لا يُعتمد عليهم، هعرف تمامًا امتى وقت العقاب وايه نوعه، وهحرص تمامًا إن العقاب دة ميكونش انتقام بل توجيهي، وهدفه إنه يفهم الطفل حجم المشكلة الي اتسبب فيها.
التوازن ببساطة. لا لين ولا قسوة

Coconut_75996 🇪🇬 · Answer

مش عايزة اخلف دي تجربة قاسيه وحياه مليئة بالألم

Kiwi_49822 🇪🇬 · Answer

ما انتى وجودك مع ابنائك ولما تعامليهم صح هنا هتبقى الحياة احسن وتختارى اب صح