يمكن مشاكلها كلها كانت هتتحل لو كان ف حياتها شخص لما توصل لأسوء حالاتها يطمنها ويقولها "انا هنا".. دى أكتر كلمة دافية كانت ممكن تطمنها و تغنيها عن كلام كتير قالته حاولت تعبر بيه عن الى جواها بس متفهمتش.. وعن سكوت طويل كان بيفتت كل حتة فيها من الألم بس مكانش قدامها حل غير انها تسكت.. وعن مشاعر وحدة وخوف وليالى طويلة ضايعة في التفكير.. طول الوقت بتحس كأنها طفلة صغيرة في اوضة ضلمة لوحدها خايفة تطلع منها وخايفة تفضل فيها طول الوقت مش في امان.. عمرها م حست ان في شئ من حقها هى مطالبة بس ومقصرة طول الوقت.. لما بتشوف بنات قصصهم مشابهة ليها وربنا عوضهم بأشخاص لطيفة قابلينهم وبيحبوهم زى م هما بندوم روحهم ولغبطتهم كأ وشايفينهم احسن حد ف الدنيا كأنهم بيوت مش أشخاص.. بتفرح اوى ليهم بس مع تنهيدة طويلة بتحس جواها انها وحشة رغم كل ألمها يمكن هما عانوا أكتر ف ربنا عوضهم أسرع او هى متحملتش بشكل كافى زيهم وانها ساعات كانت بتتمرد ف دا خلاها متطلعش من دوامتها وبقى عقاب أبدي.. أو يمكن قصتها مختلفة احداثها متأخرة عنهم بس هتكون قصة مبهرة ف كل تفاصيلها مع شخص مكانش هينفع قصتها تبدأ مع حد غيره هو وبس بيكمل كل تفاصيلها بيعرف يسمعها وبيعرف يفهم سكوتها.. شخص دافعى وحنين عنيه كلها أمان ووجوده سكن ..شخص بيعرف يستوعبها ويفهم لغبطتها وخوفها شخص يطمنها طول الوقت ويقولها دايما" انا هنا".

2

6