كل شخص فينا يبان من بره تمام جدا، بس من جوه لازم يكون في حاجة كده فيه سواء عيب مدمر شخصيته او مشكلة او حاجة مخوفاه من المستقبل او سبب تاني عموما.. بس فكرة انك تمام و مفيش فيك غير عيب واحد و العيب ده مثلا بيجر تحته عيوب تانية، و هما دول يعتبروا سبب مشاكلك عموما كلها سواء بقي نفسية او جسدية او ممكن تخليك ترتكب ذنوب و كل ده ليه؟ مش عارفة.. يعني ليه عصبيتي مدمرة كده ليا و لغيري، ليه يعني ليه مكونش بني آدم طبيعي زي أى حد، ليه برضو أكون مش عارفة أخلص منها ليه أكون بالضعف ده ليه أكون بالغباء اللى يخليني أندم على كل حاجة بعملها وقتها، ليه بكون وقتها مغيبة فعلا مش شايفة حاجة قدامي، ليه أفضل بعاني كده طب و مستقبلي هيبقي ازاى ونا كده، بقيت شايفة اني مينفعش أحب أو يكون من حقي أختار شخص و أكمل معاه، ماهو برضو مين هيحب واحدة مجنونة بجد لدرجادي، مفيش حد هيستحمل واحدة ليه، و مش هينفع برضو أطفال يكون عندهم ام زيي كده، يعني هربيهم ازاى على الصوت الواطي و الهدوء ونا لما بتعصب مش بكون كده، يعني ذنبهم اى و ذنب والدهم اللى هيكون زوجي اى، يعني ازاى هبقي كده مع الشخص اللى ربنا قال فيه ((لو كنتُ آمِرًا أحدًا أن يسجدَ لأحدٍ، لأمرتُ المرأةَ أن تسجدَ لزوجِها)) مش هينفع يكون ليا حياة، مكتوب عليا افضل كده بعيوبي لوحدي، بس لعل في الأمر خير ❤️‍🩹🌿

2

2