بقالي كتير اوي محتاج اروح لدكتور نفسي، مش مهم الاسباب دلوقتي ومش هرغي فيها المهم اني خلاص متأكد فعلا اني اللي المفروض اعمله دلوقتي اني محتاج اروح لدكتور نفسي، مكنتش قادر اقول لاهلي خالص ولا عارف بجد اني اروح لوحدي، واه انا عندي 18 سنة، المهم اني من تلت اسابيع تقريبا اتشجعت وقولت لأمي مرة ساعتها نسيت، قولتلها تاني، نسيت بردو، قولتلها تالت وبردو معملتش اي حاجة، المرة الرابعة كانت دلوقتي وقالتلي انها منسيتش وان في حاجات اهم دلوقتي، ف قولتلها اني مش قادر استمر في حاجة وفعلا محتاج اروح لدكتور فضلت تسألني حاسس بايه ومش حاسس بايه وليه دكتور يعني مدام ممكن بس تيجي على نفسك شوية وتصليلك ركعتين والكلام دا كله، في الاخر قولتلها اني مش قادر ولا عاوز اتكلم واقول انا حاسس بايه، بعد ما فضلت تضغط عليا زهقت وقالتلي خلاص براحتك بعديها قولتلها بس هنعمل ايه بردو يعني اشوف حد ولا تشوفي انتِ زعقت في وشي بصوت عالي وقالتلي عرفت انك محتاج تروح لزفت وطردتني من الاوضة، من المشاكل اللي عندي عامة اني مبقتش احس بحاجة وفعلا دلوقتي أنا مش عارف اقول انا حاسس بايه غير اني مش عارف، انا بس يعني بحس انها حاجة تضايق اوي لما اكون اخيرا قدرت اعدي خوفي واقولها ومش مرة وحدة بس دول اربع مرات وفي الاخر دي تكون النتيجة، المشكلة انها مش فاهماني خالص بجد، مش عارف بصراحة ايه اللي هيحصل بعد كدا بس يعني انا تعبت بجد، مش عارف حتى انا بكتب الكلام دا ليه

1

4