انا في موقف حرج محتاجه نصيحه سريعة أعمل اية أنا متخرجة من ٧ شهور، اول ما اتخرجت كانت نفسيتي وحشة آوي لأني كنت بحاول اتطور نفس في حاجه هتفتح ليا أبواب شغل كتير بس كانت هتاخد وقت وأنا بطبعي انسانة بتخاف من الفشل والمستقبل لما اختي شافت حالتي شغلتنى معاها (شغلها اونلاين بزنس خاص بيها وانا كنت معاها ك مودريتور) الشغل كان مريح من البيت لأنها وفرتلي أمان نفسي ومادي وقت ما كنت محتاجة ده . أنا الفترة دي الحمدالله وصلت للمستوي إلي كنت عاوزه ف تطوير الحاجه دي وبالفعل بداء يجيلى فرص شغل بس للأسف حصل موقف مؤخرًا مع الحساب بتاع أختي والي يعتبر مصدر رزقها الأساسي سبب تعطيل جامد وشبه هنبداء من الصفر ف مبقتش محتاجاني زي الأول ك شغل بس هيا الفترة دي نفسيتها بقت وحشه علي تعبها إلي راح ومحتجاني جنبها نفسيا في وقت بنسبه لعلاقتنا مينفعش اسيبها فيه (أنا وهي قريبين آوي من بعض) حتى لو هي مش محتجاني. بس أنا أخدت بالي إن المنطقه المريحه والامانه دي بداءت تأثر عليا بالسلب زي انى بداءت إكسل أطور نفسي كمان قعدة البيت مش حلوه عمتا وفي المرحله العمرية دي انا محتاجه اختلط بالناس آكتر عشان أنضج وافهم الحياة ف انا دلوقتي حاسة بالذنب والزعل من فكرة إنه لو روحت إشتغلت في مكان تاني ممكن تزعل اني بتخلي عنها في وقت زي ده وفي نفس الوقت شايفة إن الشغل في البيت له عيوب: العزلة، الاعتماد الكلي على أمان مؤقت وعليها ، وقلة تطوير مهاراتي وخبرتي. حاسة بحيرة كبيرة بين إني أقف جنبها دلوقتي أو أجرب شغل برا وأستقل ولا انا المفروض أكون معاها لحد ما تقف علي رجلها تأنى بعدين أبدا أخد خطوة زي الشغل برة دي!!! **جماعه انا موقفي عاطفي بحت وحاطه مشاعر أختي في المقام الأول وياريت الي هيقدم نصيحه تكون علي هذا الأساس ** شكرا ♥️

0

7