نفسي ابطل أبقى حساسة زيادة ومزعلش بسرعة

Chocolate_62323 🇪🇬

منذ 5 ساعات

شعور متوتر

نفسي ابطل ابقي حساسة زيادة ومزعلش بسرعه انا اقل كلمة من اي حد ممكن تقفلي اليوم والمشكله اني بسكت ومبعاتبش والشخص مبيبقاش عارف انه قال حاجه زعلتني بس انا بجد تفكيري الزايد في ان الكلمه دي مش هزار بيأثر علي نفسيتي جدا وافكر افكر طول اليوم وازعل

بخوف أوي من لمس الحيوانات والطيور.. ده طبيعي؟

الكلام اللي هقوله ده حقيقي وصدقوني مش ببالغ. انا بحس إني لازم أتعامل مع كل حاجة بهدوء وبالراحة، أي حاجة لازم أمسكها بلطف يعني بشوف إن الحاجات دي بتحس وبتتأذى إذا أنا مسكتها أو استخدمتها بقسوة ، وبجد بتكلم عن أي حاجة بنستخدمها في حياتنا اليومية عادي + إني كمان بحب حاجتي الشخصية جدا ف بعاملها بلطف أكتر. والأكل بقا كمان بحس بالزعل إني أكلت يعني اللحوم كانت كائنات حية واحنا قتلناها و الخضروات كمان كانت حاجات عايشة بس المشكلة إني لازم آكل. والموضوع الأكبر بقا :- أنا بحب أشوف الحيوانات والطيور مش بخاف منهم بس لما باجي ألمسهم بخاف أوي بحاول أستجمع شجاعتي وألمسهم ما أنا همسكهم بلطف مش هأذيهم أنا عايزة ألمسهم بس لما بعمل كده حرفيا إيدي بترتعش وقلبي بيدق بسرعة جسمي بيقشعر و بحس إن جسمي بيسخن ويسقع في نفس اللحظة وبيتعرق وفي الآخر مش بقدر أمسك الحيوانات أو الطيور دي بردو وكلما كان الحيوان أو الطائر شكله أصغر كلما ذاد حجم خوفي منه. أنا مش ببالغ ومش فاهمة هل ده طبيعي ولا إيه الدنيا، مع العلم إني مكنتش كده بس الموضوع بيتطور بشكل ملحوظ. أتمنى تنصحوني أو تقولولي ده عادي ولا لأ ؟! وأعمل إيه ؟! ...عرض المزيد

6 الدعم

1 نصيحة

بكره حالتي الزعلانة وعدم الأمان

بكره اوي لما بتيجي عليا الفترة ال مش فاهمه نفسي فيها ومش فاهمه انا عايزه ايه وايه ال مزعلني وايه ال انا حاساه . . بكرا اعمل تصرفات وارجع اندم عليها والاكتر ان كل حاجه حواليا بتندمني عليها .. بكره اني ف الحالة دي لاني مش بعرف افرح ولا اتطمن بالعكس كل حاجه متعبه ومقلقه اوي لدرجة اني مش عارفه اتعامل مع حد ومش عارفه ايه ال يزعل فعلا واكون عتبانه عليه ف كذا وايه ال انا اخدته بحساسية .. بكره احساس الوجع الدايم والخوف من كل حاجه .. وبكره اني ف الحالة دي وانا لسه في نعم كتييييير اويييي اويي حواليا انا زعلانه وهي موجودة مهو انا احسن من غيري كتير الحمد لله وربنا رحيم بيا اوي ف ليه انا زعلانه ومش مقدره دا .. بكره وجودي اوي وانا ف الحالة دي .. بكره بجد اني بتوجع بسرعه وبكون هشه وضعيفه اويي وانا كدا .. وبحس اني بجد وحشه وجاحده لكل حد بيحاول عشاني حتى ولو كانت محاولته انه مزعلنيش انهارده م دي لوحدها حاجه تخليني ممتنه ليه عشانها !! بجد حاسه بقيت ارجع للزون دي كتير .. وانا فعلا بكرهني وانا كدا .. ادعولي كتييير اوي ربنا يرجعلي احساس الامان.. لاني حاسه انه اتسرق مني ..❤️‍🩹 ...عرض المزيد

5 الدعم

0 نصيحة