وصلت لحالة بؤس مش طبيعية، وحشتني نفسي القديمة نفسي اللي اه كان فيها عيوب كتير بس بجد كنت بحبها، أنا بكره نفسي بتاعت دلوقتي بجد اقذر واوسخ نفس كانت فيا من ساعة ما اتولدت، أنا دلوقتي فاشل في كل حاجة، عمال افكر ايه انا ناجح فيه ادي لنفسي بيه أمل مش لاقي، مش عارف انا ممكن ارجع لحياتي الطبيعية ولا لا ومش عارف نفسي القديمة اللي بحبها لسة موجودة ولا لا، انا بجد مخنوق اوي والمشكلة اني بقيت أميل للانعزال بشكل كبير أوي، علاقاتي باصحابي اغلبها بتبوظ علشان مش برد عليهم ولا ببعتلهم، مش قادر احكي لاي حد ولا حتى عارف اروح لدكتور نفسي، عمال ألهي نفسي باي حاجة بقى افلام مسلسلات اي حاجة بجد تخليني اركز مع قصة غير قصتي، مش عارف بجد هفضل عامل نفسي مش واخد بالي كدا لحد امتى، أنا دمرت حياتي بايدي وحاسس اني فقدت الأمل في كل حاجة، أنا اسف الكلام ملخبط وانا طولت بس انا بفضي دماغي هنا

1

7