حالتنا الماديه كانت كويسه وبابا كان مسافر ، مكنش مخلينا محتاجين حاجه بصراحه بس من اربع سنين ساب شغلو ونزل مصر وصرف الي كان محوشو كلو ف سنه لانو مشتغلش طول ما هو كان فمصر بعدها سافر السعوديه تاني وربنا كرمو ونزل مصر بعد سنتين ، كان جالو اصابه ف الر باط الصليبي لانو مدرب كاراتيه ، عمل عمليه وصرف علي علاجو وفلوس السنتين خلصو ، رجع تاني السعوديه ونزل بعد سنه اجازه ، وكان نازل بمبلغ شالو دهب ، قبل ما اجازتو تخلص ويرجع السعوديه باسبوع قالولو انهم فسخو عقدو وانهم مش عايزينو ، بابا فضل سنه ونص قاعد من غير شغل وباع كل تحويشته لتالت مره ، حاليا ماما الي بتصرف علي البيت لانو مبقاش حيلتو حاجه ، نزل يشتغل بعد قعد سنه ونص يدرب فمصر ، الي بيجيبو علي قد مصاريفو هو بس وماما شايله البيت بقالها كذا شهر وصارفه حوالي ١٥٠ الف جنيه ، منهم مصاريف جامعتي ، لانو رفض يتصرف ففلوس وقالها قعديها م الجامعه السنادي بس هي رفضت واتصرفت ودفعتهم ، حاليا مامتي صاحبه حضانه وكانت شغاله كويس ومكفيه مصاريفنا بس حاليا الشته والفايرس خلا الدنيا وقعت عندها، وبقيت حاسه باحساس عجز وحش واني لازم انزل اشتغل واشيل نفسي ( انا عندي ٢٢ سنه ) بس مش قادره انزل اعمل دا لاني مش واخده علي الشغل ولا قد تعب وضغط الشغل ، وفنفس الوقت مضطره عشان اخف من عليها مصاريفي ع الاقل ، مش عارفه اجي علي نفسي وانزل اشتغل ولا اقعد وخلاص ادام عارفه اني مش بتاعت شغل ( انا بنت )

3

3