أخر شوية أمل بأخر شوية طاقة عندى فانى أقدر أحس الى هو ممكن ممكن أكون ف مكان مناسب ليا ف يوم قريب مش بعيد.. يمكن خلاص فاضل كام يوم وكل حاجة تتبدل.. مش حلم معين ولا أمنية ولا عندى أى تصور للى ممكن يحصل.. انا بس محتاجة أعرف أعيش بشكل أكون مسندوة فيه في طريق ممشيش فيه لوحدى.. حياة تكون طبيعية أكون انا جوا قصة حقيقية.. أكون جوا قصة أصلا سيناريو معمول علشانى.. تفاصيل كتير وكلام رايح وجى أحس انى موجودة فارقة مؤثرة.. انى أكون فكرة فعقل حد.. شخص موجود علشانى !! علشانى.. هو عايز يكون موجود عشانه.. انا اتوجعت من كل العلاقات الإنسانية الى مرت عليا لدرجة انى بخاف من الناس من كل الناس بخاف من قربهم وبخاف ازعل حد و بخاف أكون تقيلة فمبقربش بس ف نفس الوقت محدش بيخاف ع زعلى .. ف قلبي شعور الوحدة زى سكاكين بتهبش فيه من غير م تقف.. بس انا بعرف امثل كويس انى مش محتاجة حد وانى مش مضايقة.. ع فكرة هما مش عايزين وجع دماغ هما عايزينك من برا تبان كويس ومش مضايق وبس.. بس!! اكيد في حد اكيد حيظهر شخص عشانك هو عشانك موجود هو عايز يبقى موجود ووجوده مش مشروط بشئ الا وجودك.. الحقيقة ان محدش بيعرف يعيش لوحده انا عرفت أعمل دا بس كنت مسنودة ع أمل جوايا ان وحدتى هتخلص ف يوم ودول اخر حبة فاضلين جوايا.. انت مش فاهم انا بذلت مجهود أد ايه ف انى أخبي وجعى لدرجة انهم صدقوا انى مش بحس!! بس أنا ممتنة لنفسي انى عرفت أخبي كل حاجة جوايا كويس لأنى مش بتسول الاهتمام او الشاعر حتى لو من القريبيين.. عشان كدا لسه عندى شوية أمل ان حكايتى مش هتخلص كدا لانه لسة محصلش فيها حاجة تتحكى انى مستنية سؤال مع اول نظرة يا ترى هو ولا مش هو؟!.. انى أعرف فلحظة انه موجود انى أشوف انه موجود أنى ابقى متأكدة ان الوجود دا عشانى وانى هحس كل حاجة لأول مرة زى طفل لسة بيتولد ..

2

4