انا اول مرة اتكلم بس انا بعاني من مشاكل اسرية... عارفة ان ده في كل بيت بس مش كل بيت فيه أب غير سوي نفسياً مع اطفاله من ضرب او كلام يوجع مخليني مرعوبة وخايفة من كل حاجة ومبقاش عايش معانا وده افضل بس المشكلة مش في بعاده او وجوده المشكلة اني اتخطى ازاي؟ ابقى كويسة وسوية نفسياً ازاي؟ انا مبعرفش اتعامل مع البشر خصوصا الرجالة مقتنعة اقتناع تام إن كلهم مؤذيين رغم اني عارفة ان مش كلهم بس من جوايا برفض اصدق ده علشان احمي نفسي من اي وجع انا مش قده وفي تناقض رهيب بين الاحساس ده وإحساس اني عندي احتياج للحب والاهتمام والأمان من راجل.. عندي احتياج كبير هو مخليني متعرضة للأستغلال في اي وقت وانا مدركة ده والحل اني بهرب من كل ما هو ذكوري علشان خايفة ومن. كتر الضغط النفسي بقيت بحس اني مبحسش البرود بقى صديق قريب جداً لوحدتي مثلا عندي امتحانات قريب جداً ومش مهتمة افتح كتاب ومش مهتمة هعمل ايه بس مهتمة اني لو فتحت الكتاب وذاكرت هتعب نفسيا وهقلق فمش بفتحه وده اكيد غلط بس مش عارفه اعمل ايه كل اللي بفكر فيه اني مش عاوزة احس بضغط عاوزة هدوء وبس

1

11