شخصيتك بتتغير مع اللي يطمنك

Flower_64726 🇪🇬

منذ أسبوع واحد

شعور خجول

كل الناس شخصيتهم شبه الماية بتتشكل حسب الأمان اللي بتحسه من اللي قدّامهم.. اللي ساكت دايمًا، هتلاقي ضحكته عالية مع اللي يفهمه.. واللي رسمي ودايما حاطط حدود ، بيتحول طفل لحوح مع الروح اللي تطمّنه.. واللي دايمًا ماسك نفسه، تلاقيه بسيط وعفوي قدّام اللي مرتاحله.. واللي باين إنه غامض ودايما قلقان ، بيفتح كل أبوابه لما يحس إنك مش خطىر.. القلوب بتتلاقى قبل ما الألسنة تنطق؛ والراحة بتتكلم من غير مجهود.. خليك مع اللي يحسس روحك إنها في مكانها الصح.

مش عارفه أصلح مشاكلي النفسية لوحدي

عارفه ان عندي مشاكل من نوع بيخليني ساعات اكون شحص مش مفهوم و متقلب المزاج جدا و لو فكرت بمنطق و اتكلمت مع اي حد هيقولي مشاكلك حلها جواكي و متدوريش او تنتظري ان حد ييجي و يصلحهالك عملاً بمبدأ i can fix her او ان الراجل بفطرته دوره يدور علي حلول فييجي يدورلي علي حل لمشاكلي اي حد هيقرا كلامي انا بقوله انا عارفه كل اللي هيتقال و الصح ايه و الغلط ايه و لكن ما زالت الازمه ان مفيش استعداد لان اعمل ده بنفسي حاولت و كنت فاكره اني تغلبت و بقيت احسن و لكن عمرها ما هتظبط لوحدي اصل ازاي الواحد ممكن يطمن نفسه و يدي لنفسه الامان النفسي ؟!!! اي حاجه هعملها هتبقي بدايل بأمن نفسي ماديا مهنياً و لكن مهما عوضت نقص في احساس المفروض استقبله من طرف تاني و مخدتوش عمره ما هيتعوض…خصوصا لو الشخص ده اتكلمت معاه وواجهته و الموضوع فشل… متتوقعش انك تطلع من حجر انه ينزل مايه علشان يرويك …حرفياً…. من ناحيه تانيه مش ذنب حد يتحمل ده و لو استحمله فتره هيقول بينه و بين نفسه انا ذنب امي ايه!! ...عرض المزيد

4 الدعم

6 نصيحة

وحيد ومخاف أفضفض بسبب حكم الناس

كتير جداً ببقي عاوز افضفض عالبرنامج هنا و اشتكي بما اني معنديش او اتبقي اي انسان يسمعني بس لما باجي اشوف كومنتات الناس علي بوستات الناس اللي بتفضفض هنا باخد ٢٠ خطوة لورا مكان المفروض انه يبقي مساحة امنة للناس عشان تفضفض بدون ما حد يحكم عليها و و الناس تواسيك و تساعدك معظم العرب قلبوه مكان للجلد و الحكم علي الناس بناء علي معايرهم و يكرهوك فاليوم اللي قررت تتكلم فيه او تفضفض :// بيصعب علي الناس والله بيبقو خلاص هينفجرو و مكسوفين و حاسين بالعار ان ملهمش حق يتكلمو و خايفين من الناس فا يجو للتطبيق ده اللي المفروض هيحل المشكلة و هيساعدهم يلاقو الناس بتقلل منهم و بتحكم عليهم و يزودو عندك الخوف انك تتكلم او تفتح بوقك تاني اصلا بكره من كل قلبي كل الناس اللي بالعقلية ديه اللي هيا لاسف ٨٠ فالمية من الشعب المصري مثلاً اللي بيدعي الفضيلة علي غيره و بيحكم عالناس مش عشان اذنبت و عملت ذنب طبيعي تؤتؤ عشان عملت ذنب هما مش متعودين عليه و شم بيعملوه حللو الحرام علي مزاجهم و خدو حاجات و بقت عادي و اي شئ تاني لا انت ازاي عايش انت انسان عاق متخلف و عاوز تضر بينا ولا ايه مع اني حتي معملتش اي شئ بشع او ذنب بتلك الشدة او علي حد علمي ضريت حد الا انا مازلت بخاف افضفض هنا مش هنا بس لاي انسان عيلتي معارفي زمايل و متبقاش عندي اي انسان حاسس انه قريب مني و اقدر اشاركه همومي و افضفض من غير ما احسه انه بيحكم عليا فا اعتقد اني هموت بقا و خلاص بمشاعري ديه و وحدتي و هفضل طول حياتي بدور علي ان اشبع شعوري بالوحدة بدون اي فايدة يارب ميكونش في اخطاء املائية كتير عشان مكسل حالياً اراجع كلامي صراحة و يارب اتعالج و يارب اعرف اخلي نفسي اركز في تالتة ثانوي :// ...عرض المزيد

5 الدعم

8 نصيحة

أنا مش ضعيفة.. أنا موجوعة بس ساكتة

أنا مش ضعيفة.. أنا موجوعة بس ساكتة" أنا بنت عدت على حاجات كتير محدش يعرفها، ولا اتكلمت عنها. اتربيت في بيت ماكنتش فيه الكلمة الحلوة عادة، ولا الاحتواء كان أساسي. كبرت وأنا بحاول أفهم أنا غلطانة في إيه؟ ليه مفيش تقدير؟ ليه لازم أفضل ساكتة عشان الناس ترتاح؟ تخرجت من كلية تعبت فيها، وكنت فاكرة إن دي بداية لحياة أحسن، لكن لقيت نفسي واقفة في مفترق طرق، مش عارفة أبدأ منين، وكل ما أحاول أتحرك، الدنيا تشدني لورا. مشكلتي مش إني مش عايزة أتحرك، مشكلتي إني مش لاقية باب مفتوح، ولا كلمة تطمن، ولا فرصة أحس فيها إن ليّا مكان. أنا عندي طاقة، وعندي حلم بسيط: أشتغل، أعيش بكرامة، أكون مستقلة، ألاقي ناس تحبني وتفهمني من غير ما أشرح كتير. أنا مش طالبة المستحيل، أنا بس عايزة أعيش حياة فيها أمان، وناس فيها ضهر مش حمل. بكتب ده مش عشان أشكي، بس يمكن في حد زيي، حاسس بنفس الوجع وساكت. ودي مش نهاية.. يمكن تكون بداية، حتى لو البداية دي مجرد كلمة "أنا تعبت". ...عرض المزيد

4 الدعم

20 نصيحة