انا حاسة انى بتحول لشبح 😅 .. الوضع كل مادا بيسوء منى خالص .. مهما حاولت أغير الوضع أو أتعايش كأن حاجة بتربطني بحبال كتير بس من غير م تغمى عيني الحاجة دي بتكلمنى وبتقولى افتحي عينك كويس وشوفي عمرك وحياتك وهى بتضيع ودا مش مجرد خيال دا الى حصل كان عندى أحلام كتيرة وكبيرة كان جوايا حزن وكسرة نفس مديانى دافع انى لما أكبر هغير كل دا هعيش زى م بحلم بس كل حاجة بتسوء أكتر بتسوء بس .. لا يكلف الله نفسا الا وسعها التقصير أكيد منى بس مش تعمد انا فعلا مش عارفة .. ساعات بقول هو انا هنا ليه أصلا فنفس الوقت بقول انااحسن من غيري بس فكرة اقعد انا ودماغى لوحدنا بتخليني أفكر أفكار مش منطقية .. ساعات اتحمس انى هتدارك الوقت وفجأة ارجع تانى لنقطة الصفر.. عارفين كل الناس ف حياتهم ابتلاءات بس الحياة بتمشي بس انا كل حاجة عندى وقفة والأوحش انى الصدفة بتجمعنى كتير بناس ف سني وأصغر وبلاقي حياتهم اتغيرت وبقى فيها أحداث جديدة.. اومال انا كنت فين انا فعلا بقعد بالشهور مش بنزل من البيت حاسة انى تقيلهة ع الحياة وع الناس انى هنا زيادة ساعتن بتمنى لو أنتهى كل حاجة فينا تخلص كل مشاعري وتدفق دمى أفكاري وجودى نفسه يخلص شعور الألم والأمل والألم الى بعد الأمل الى بيكون اسوء نفسي روحى تتحرر من جسمي نفسي اكون سراب شئ مييقاش ليه وجود وكل الناس الى حواليه تنساه ميسببلهومش ألم .. المشكلة مش فانى حاسة انى ميتة بالعكس انا كل يوم بحس انى عايشة عايشة عايشة الكلمة دى عذاب بتوجع كل تفصيلة فيها بتوجع كل يوم زيادة فيها بيوجع والى يوجع أكتر انك بتتجرع دا كله لوحدك بس من برا انت انسان طبيعي عشان مش عايز توجع حد من الى حواليه

1

7