انا تايهة جدا .. حاسة انى توهت .. محتاجة اتنفس .. محتاجة حياة ... مش عايزة اعيش بنفس طريقتهم مليانة كبت وفقر نفس مش فلوس .. انا عايزة اضحك واهزر من قلبى ، دول بيخافوا من الضحك والهزار ، بيستكتروا على نفسهم الحياة بأبسط ادواتها ... شايفين نفسهم قليلين جدا ومش عايزين يطلعوا من الصورة دى .. واى حد فالدنيا يستاهل يسعى أنه يبقى لي مكان فى الحياة دى ومكان مريح وحلو .. هما بيخافوا جدا من أى تغيير وبيحاريوه كمان وانا تعبت وانهزمت .. كل اللى بيحركنى (لية لا ) .. لية اخاف من التغيير ، لية مارحش لحياة احسن واعيش من غير قيود وهمية المجتمع الصغير بتاعنا حاططها واسمع كلام الناس واخاف منهم ! انا كمان فيا عيوب ونقط ضعف ومخاوف بتشل حركتى بس هاه وبعدين .. طيب سبونى انا فى حالى ! أخرج نفسي وأخرجوا معايا .. انا عايزة ابقى ناجحة واخدة مكانى فى الحياة ، مبسوطة ، مش مضغوطة طول الوقت ، يحب الحياة وقادرة اعيشها برفاهية ، تفكيرى ناضج وسوي ، جميلة شكلا ومحتوى ، ليا أثر فالدنيا وبصمة تغفرلى أمام نفسي كل اللى عديت بي صعب ماليش يد فيه ! انا مش هتحبس فى أسلوب حياتهم مهما قالوا ومهما هددوا بشعورى بالغربة وانى برا القطيع انا كدا كدا شخص غير مقبول ليهم فى كل الحالات لانى شخص مختلف خالص فكريا بس مش عارفة اعمل اي انا تهت

0