نفسي ابطل اضيع وقت عشان لو كنت بستغل وقتي زي ما انا بخطط دايماً كان زماني ف حتة تانية بس تقريبا مش منطقي موضوع التركيز ف كل ساعه حتي مع البريك بينهم معايا بكم المشاكل اللي ف حياتي والضغوطات ف عايزه اتقبل فكرة اني اقبل نفسي زي ما انا بلغبطتي والADHD بتاعي 🤣🤣 والانتاجيه التاته تاته والنونو نونو 🥲😂 مؤخراً بقيت عارفه ان الرزق مهما سعيت هو بتاع ربنا ف اه هبذل اقصي حاجه بس الجانب اللي هحتاج فيه جهد بجد هو الدعاء حاسه برده اني بتكلم كتير الفتره ديه وبحكي وبعبر عن احساسي ومشاعري وافكاري وده بيخليني مستغربه من نفسي واحس اني عايزه انسحب وانعزل واختفي واني مش المفروض اتكلم كده وابقي مكشوفه للدرجة ديه او استني ان حد يسمعني لما بحكي مع حد واستني اهتمام حقيقي بس وقفت لحظة مع نفسي لقيت انه لا انا محتاجه اعبر ومحتاجه اتسمع واتشاف واحس اني موجوده وان كل حاجه بتدور جوايا طبيعيه ومش موضع نقاش مش مستنيه تاكيد او مزايدة لان هو ده انا وانا عايزه من هنا ورايح اكون موجوده غصبن عن عين اي حد واني الدوشة اللي بعملها براحتي🤣 كله عشان اكون اروق واحسن يمكن فكرة اني اكون انا من غير براويز الناس والرسميات والتنظير بتبسطني لاني انسانه عادية بتحس وبتفكر كتير بس والعالم مبقاش بيحب البنت اللي عندها دماغ🤣

0

0