انطفيت بعد ما كنت الكوماندو بتاع الشلة

Apple_89814 🇪🇬

منذ 5 أيام

شعور لا مبالٍ

لسه راجع من شغلي لاقيت صحابي في الشارع بيعملوا زينه رمضان افتكرت من سنه او سنتين تلاته كنا بنقعد نفس القعده دي كنت بقعد معاهم كميه الطاقه و الشغف الي كانت فيا وقتها كانت جميله جدا شخصيه قياديه بختصار كنت الكوماندو بتاع الشله كنت مصدر الامان و الفرحه ليهم مكنتش جدع معاهم قد م كان في مشكله ولا حاجه و ابقي في ضهرهم و كذالك هما في ضهري كنا بنرفع من قيمه بعض كنت سند لبعض فعلا" دلوقتي انا بشتغل شغله حساسه شويتين كل زمايلي بيعانوا فيها بدون تفاصيل ايه هي الوظيفه بس الموضوع مرهق و متعب نفسيًا لدرجه ان في بعض زمايلي جالهم حاله نفسيه و انفصام في الشخصيه و رعشه ايد و توتر بسبب الضغط و كذالك ف كوني محيط وسط البيئه دي من الطبيعي هتأثر عليا مهما كنت انسان قوي فعلا اثرت عليا جايز بالنسبه لزمايلي ثابت و بارد زاي م بيقولوا لاكن داخليًا انا اكتر شخص بعاني لاكن بحاول مظهرش حاجه زاي دي بالتدريج انطفيت بعد م كنت شخصيه.. زاي م قولت فوق اصبحت شخصيه غامضه مبتحبش تبان في الصوره لابس الكاب و عايش حياه غامضه كلها تعب و ارهاق نفسي حتي ع السوشيال ميديا مختفي مبنزلش حتي استوري حزينه ك تعبير انا حاسس ب اي مبنزلش مش لأن حابب الاختفاء انا بس مش لاقي استوري او جمله تعبر انا حاسس ب ايه" اي نعم في بس مش كميه الألم و الضغط و الحاله الي انا فيها مش لاقي استوري مهما كانت عميقه بالنسبه ليك ف هي مش متمثلش حاجه من الي بشوفها الفتره دي. حد فاهم؟ كمان مبقتش بقعد مع اصحابي ولا بقيت الشخص الي هما يعرفووا اصبحت شخص كل همه يعدي يومه" جايز كلامي مش مترتب او مش قادر اوصف انا حاسس ب ايه بس اتمني حد يفهم

تغيرت من شخصية اجتماعية لانطوائية وحاسة براحة

كنت انسانه شغوفه جداً وبتحب المرح والضحك واعرف ناس من كترها سعات مش بفتكر اساميهم بس حاليا بقيت شبه انطوائيه، غامضه،هاديه ،مش بتكلم يعتبر، فاقده شغف وطاقه حاسه اني اتغيرت وكتير بيقولو كده بس فعلا مبقتش مهتمه ب اي حاجه اذا كان هيخرج من حياتي او هيفضل ، حد مات ، حد اتكلم عليا جالي تبلد مش طبيعتي ولا دي انا وعمري متوقعت ابقا الشخصيه الهاديه الل كنت بشوفها كئيبه ف الاول بس عموماً ، حاسه براحه كبيره ونا بعيده عن الحوارات والبشر بقيت" بكرهم عموماً " " معرفش سبب التغير " ...عرض المزيد

0 الدعم

10 نصيحة

فقدت الشغف من زمان.. كيف أرجع حب الحياة؟

يا جماعة!! فقدت الشغف من زماااااان ولا قدرت أرجعه. كرهت كل شيء، حتى الأشياء البسيطة اللي تفرحني صارت ما تهمني ولا أقدر أستمتع بالحياة مثل زمان. حتى الناس أحسهم تغيروا، والهواء والماء والجو تغير. هل أنا وحدي أحس كذا؟ كيف أقدر أرجع شغفي بالحياة؟ ...عرض المزيد

5 الدعم

5 نصيحة

فقدت الشغف في كل حاجة - إزاي أرجع مبسوطة؟

ايه الحل لفقدان الشغف في المذاكرة والعلاقات والتواصل والحياة عموما والهوايات والاهتمامات بعد ما كنت بنبسط وانا بعملها بس ما عندي الشغف ارجع اعملها عشان اكون مبسوطة مش عارفة هو خوف اني ارجع لطبيعتي وبرضو ما اكون مبسوطة ولا مخي بيعاندني تعبت وانا احاول اقنع نفسي تلاقي شغلة انشغل بيها وابسط نفسي ولا هي البيئة اللي حولي ما بتساعد لاني ما بتواصل مع الناس لاني مش حاسة اللي بعرفهم كلهم صحبة قد الثقة وتعبت من الناس بصراحة اهتماماتهم وكلامهم ما يناسبني مش عارفة هم اللي بيتغيروا ولا انا بس بحس في كتير كلام فاضي ملوش لازمة وبحب العزلة اقعد لوحدي مرتاحة واعمل اللي عايزاه بس برضو مش حاسة في هدف وعايزة اخرج من الجحر اللي انا فيه دة هل هو بسبب اني دخلت الجامعة واتقلبت حياتي لان كل اللي كنت بتذكرو اني كنت مبسوطة قبلها. ...عرض المزيد

8 الدعم

1 نصيحة