بنعمل ايه مع الأهالي المؤذيين خصوصا الام … أنا بنت عندي ٢١ سنه الحمدلله في كليه طبيه في سنه تالته دلوقتي أنا والدتي دايما دايما بتتخانق معايا علي اي كلمه بقولها و دايما شايفه اني عاق و اني و اني بس ببساطة بتبقي هي بتقولي كلام زي السم فغصب عني ممكن ارد عليها ، في مره ضربتني و بتغصبني علي شغل البيت من صغري أنا بقيت بكره المطبخ بسببها مره في ٦ ابتدائي ضربتني عشان معرفتش اقطع السلطة و مره تانيه في اعدادي جابتني من شعري عشان قطعت الخيار علي الرخامه من غير ما انضفها أنا كنت بجد معرفش لسه بتعلم بس بقيت بكره المطبخ بقيت بعمل عشان هي متزعقش او تعمل مشكله غير كده أنا ولا بساعد و لا عايزه حاجة دايما تتهمني اني مش نضيفه مع اني أصلا موسوسه في النضافه .. اقرب موقف اني مكنتش قادرة اغسل المواعين قالتلي لو مغسلتيهاش هسحب التليفون قولتلها كتفي واجعني والله يشهد ربنا انه كتفي مكنتش قادرة أحركه خالص و داهنه مراهم مسكنه و واخدة دواء قامت ردت قالتلي اولعي انتي عايشه في البيت هنا عشان تأكلي و تشربي و ده مقابل اكلك و شربك انتي متستاهليش اني اعملك حاجة و دايما اتهامات حتي في قرارتي في كليتي اتهامات اني مش بذاكر و كلام زي السم و عندي اخت صغيره ٩ سنين بتقعد حرفيا تجلدها في الدراسه و لو غلطتي غلطه واحدة في الامتحان ههزقك قدام اصحابك لانها هي اللي بتجيبها و توديها و اتكلم بالراحة انه ده مينفعش و انه بيعمل مشاكل نفسيه علي صحه الطفل تقولي ما انتي لولا تربيتي مكنتيش هتبقي في كليتك دي مع اني والله عاملالي من طفولتي مشكله اني دايما كنت في مقارنه مع اصحابي عشان بيطلعوا الاوائل و أنا مبطلعش او لو طلعت بطلع المركز الاخير … وانا مش عايزه اختي تبقي كده والله عايزاها احسن مني أنا تعبت و حاولت أتجنبها مش عارفه و مش عارفه اتكلم بالراحة لما بعمل كده بتقلبها معايا خناقه و عارفه انها امي و اهلي و الكلام ده … والدي شخص طيب اتكلم معاها اكتر من مره و هي مش بتستجيب و يقعد يقولي معلش امك و يكلمها تفهم انه بيقوينا عليها و انت مش عارف تكسرها ولا تجيبها تحت رجلك و بتعصيها عليا و كلام من ده … أنا تعبت الحقيقة تنصحوني اعمل ايه

1

12