Pineapple_53794 🇪🇬's منشور

Pineapple_53794 🇪🇬

منذ أسبوع واحد

شعور لا مبالٍ

جماعه انا عندي رهاب اجتماعي و روحت لدكتور و الحمدلله اتحسنت جدا و قطعت مشوار طويل فا حابب بس لو حد عدا بنفس الموضوع يفيدني بتجربته لو اتخلص منو خالص و نفس الوقت لو حد عندو نفس المشكله ومخدش اي خطوه نقدر نفيد بعض

Watermelon_87952 🇪🇬

أفضل نصيحة

منذ أسبوع واحد

خير .. اول خطوة متفكرش وتحسب ردود افعال الاخرين بما انت تكون عايز تاخد خطوه لان دة هيحجمك تاني خطوة اياك وجلد الذات والتندم ع الفعل اللي حطك ف موقف سي بالعكس دة شي ادالك مناعه كنت سمعت حد بيقول حاجة وجربتها ونفعت انك تتعرض للرفض كتير يعني اطلب طلبات من حد يقولك عليها لا من كذا حد وكرر دة لحد ما يكون الرفض مقبول عندك وتتقبلة

Chilli_63400 🇪🇬

Top 50

منذ أسبوع واحد

لأي درجة ؟

Watermelon_88091 🇪🇬

منذ أسبوع واحد

انا عندي الموضوع ده بس مش بنسبه كبيره قوي بس نفسي اتخلص منه خالص

Mango_70768 🇪🇬

Top 10

منذ أسبوع واحد

بص انا كنت خجولة جدا جداا وكان عندي رهاب اجتماعي شوية لحد ما قرأت جملة عظيمة غيرتني ( البشر ليسوا الهة) بمعني متعمليش قيمة كبيرة ومبالغ فيها للناس ، اتكلم بطبعتك وملكش دعوة تقبلهم ليك ولالا، اطلب لو محتاج مساعدة واتكلم وتقبل اي رد فعل عادي، و اغلط عادي هما مش هيجلدوك ولا هيدخلوك النار+ مفيش حد مهتم من ساعة ما اخدت القاعدة دي في حياتي وانا اتجرأت شوية الصراحه وبقيت اعرف اتعامل

Avocado_58903 🇪🇬

منذ 6 أيام

انا مش عارفه الي عندي ده إرهاب اجتماعي بس اول لم اتكلم مع حدا بتلخبط علي رغم لو بتكلم في التلفون مثلا مش بيحصل كدا

ملخص المشكلة

تجربتي مع الرهاب الاجتماعي وازاي اتحسنت

رهاب اجتماعي تجربتي مع الدكتور تحسنت من الرهاب تفيدوني بتجربتكم نصائح نفسية مشاكل اجتماعية دعم نفسي

Mango_28732 🇪🇬

طالب أزهري محتاج حد يفهمه - حياتي كلها ضغط

السلام عليكم ورحمة الله وبركاته، أنا مش عارف أبدأ منين، بس حابب أفضفض وأحكي اللي جوايا يمكن أرتاح شوية، ويمكن ألاقي حد يفهمني أو يوجهني. أنا طالب في الصف الثالث الثانوي الأزهري، وحاسس إن حياتي كلها ماشية بالعكس، وكل حاجة بتضغط عليّ من كل اتجاه. من وأنا صغير، وأنا بتعرض لحاجات سيئة جدًا. اتعرضت للتنمر والضرب والإهانة من أهلي النرجسيين ، اللي دايمًا كانوا بيقللوا مني ويكسروا ثقتي في نفسي. كانوا بيمنعوني من إني ألعب مع الأطفال بحجة إنهم مش مؤدبين، ولو خرجت أتعرض للعقاب. حرّموني من أبسط حقوقي، وكانوا بيحاسبوني على أي غلطة، حتى لو كانت صغيرة جدًا. كمان كنت بتعرض لتحقير وتفرقة، مش بس بيني وبين إخواتي، لأ كمان حتى بيني وبين الناس الغرب. ومرت عليّ مواقف مؤذية جدًا، واتعرضت للتحرش واتعرضت للتنمر والضرب والاهانه من المدرسين وزمايلي وقرايبي ، وده خلاني أنعزل تمامًا، وأهرب من الواقع في حاجات زي الإباحية والعادة السرية، وفضلت متعلق بالموبايل طول الوقت، لحد ما بقى هو العالم الوحيد اللي بلجأ له. الإدمان ده عمل فيّ حاجات كتير، وبقيت أحس بميول مش طبيعية ، وبقى عندي رهاب اجتماعي حاد، ومش عارف أتعامل مع الناس، ولا أكون علاقات، ولا حتى أفتح مواضيع عادية. كل ده خلاني أحس إني مختلف عن الكل، ومش قادر أعيش حياة طبيعية. دلوقتي أنا في ثانوية أزهرية، والمفروض أكون بذاكر علشان الامتحانات قربت، بس أنا مش قادر أفتح كتاب، كل ما أحاول أذاكر بفشل، وكأني في حاجة جوايا بتشدني لتحت. بفكر أأجل السنة، بس أهلي، وخصوصًا والدي اللي مسافر، بيضغط عليّ جامد علشان أدخل كلية الطب. المشكلة إنهم سيبوني في بداية السنة لوحدي، ورحلوا عند بيت جدي اللي أنا أصلاً كنت مطرود منه، وفضلت من غير فلوس ولا أكل، ومن غير أي دعم، ومع ذلك بيتوقعوا إني أكون متفوق. والدي لو عرف إني ممكن أأجل بدون ما ادخل كذا مادة ، أكيد هيمنع عني الفلوس، وممكن يطردني، وده مش أول مرة يهددني بكده وعمل دا قبل كدا العيلة كلها بتتعامل معايا بجفاف شديد، ومفيش تفاهم، وكل شوية مشاكل على حاجات تافهة، وأخويا الكبير نرجسي وبيضربني لدلوقتي ضرب مبرح لاي سبب تافه ، ومفيش أي إحساس بالأمان في البيت معاييش فلوس تكفي اني اروح لمعالج نفسي حاسس إني مخنوق من كل حاجة، من الدراسة، ومن البيت، ومن نفسي، ومفيش أي حد جنبي، لا أصحاب ولا دعم من أي نوع. الوحدة بقت خانقة جدا ونفسي يبقى فيه اي حد يسمعني بس حتى ، والضغوط النفسية والدراسية خنقتني أكتر، وكل ما أحاول أخرج من الحالة دي، برجع أقع تاني. فكرت في الانتحار كتير، بس دايمًا بخاف من ربنا، وبقول إن ده حرام، وبحاول أقرب منه، بس حتى ده مش قادر أواظب عليه. بحاول أصلي أو أقرأ قرآن، بس دايمًا بحس إني بفشل. لسه عندي أمل، بس في لحظات بحس فيها إني ضعيف جدًا، وإن مفيش فايدة، وإن الحياة دي تقيلة عليّ أوي. أنا مش بكتب الكلام ده علشان أشكي وخلاص، أنا بس حبيت أفضفض، وأمكن ألاقي كلمة تخليني أتمسك بالحياة شوية. لو حد قرأ رسالتي دي، فشكرًا ليك، وشكرًا إنك سمعتني، وربنا يجازيك كل خير. ...عرض المزيد

13 الدعم

7 نصيحة

Avocado_46262 🇪🇬

ازاي اتخلص من الرهاب الاجتماعي والتوتر في المناقشات؟

ازااااااااااي اتخلص من الرهاب الاجتماعي ورايا مناقشات كتير و السنه الجايه مشروع تخرج و الواحد حتي اللحظه بيتوتر و بيخاف و هو طالع جيه في حظي في المرتين اللي ناقشت فيهم لغايه دلوقتي اول مره كنت مع الدكتور في المكتب ف الموضوع عدي و المره التاني كانت مع الدكتور بس بردو بس كنت متوتر جدا و كان باين عليا اوي و انا بتكلم خدت الفل مارك في الاخر بس كنت بتهته و متوتر اوي ف اعمل ايييييييييييه حد عنده حللللللللل ...عرض المزيد

13 الدعم

8 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع