اشي كابتيته من زمان جواي انا ما بهتم للناس ما بهتم اذا شفت حد ببكي ما بهتم اذا حد كان زعلان براضي الناس و ببين أنني مهتمة و أنني بدي انصح بس انا مهلوكة نفسيا ما فيي طاقة انصح حد ولا اواسي حد ولا احكي مع حد ومع هيك بجبر حالي أنني أبين سعيدة و اواسي الناس و اسمع و انا الي محتاجة من يسمعني تعبت تعبت جد كل ما احاول افضفض لحد عن مشكلتي بجيبني ندم و تأنيب ضمير و بحس حالي ثقيلة و أنهم زهقوا مني و من نكدي لدرجة صرت اضحك ٢٤ ساعة دائما ابتسامة ما بدي حد يشوفني ما بضحك و يسالني عن حالي لأنني بحس انهم زهقوا من نكدي حاولت احكي لاهلي مرة أنني تعبانة نفسيا عن مزح قعدوا يضحكوا و يحكولي عايشة احلى حياة و ما حد جاي فيك و تعبانة نفسيا؟ . اهلي انا مطلعيتهم من حياتي الاجتماعية ما بحكيلهم عن مشاكلي ولا عن الي يضايقني لأنهم بوقت اخر رح يقلبوا الموضوع علي و اي اشي بحكيه بصير ضدي .بكره التجمعات بكره الخروجات بكره اشوف الناس بكره أنني حتى بالبيت ما بقدر اقعد لحالي بدون ما حد يجي يناديني اساعده ما بقدر ابكي بدي ابكي بس مش قادرة اشا بكيت يعني أنا ضعيفة شخصية و اهلي رح يشوفوني ببكي و رح يضحكوا في شخص واحد كان نفسي يسمع مشاكلي و اقعد معه بس كل ما احاول أبين أنني زعلانة لاله بحس حالي نكدت عليه بحس وجودي مو ضروري مرة جربت افضفض لالها عن مشكلة صارت معي ضليت بعدها ثلاث ايام أئنب حالي أنه ليش تحكي؟ ليش تفضفضي؟ مع انني نفسي اقعد و احكيلها كل الي بدايقني كل الي صار معي بس برضه ما بهون علي اتعبها نفسيا . انا تعبت

0