ثانويه عامه وانا خلصانه ومفيش حيل | ادعولي

Question

حد هنا ثانوية عامة انا واصلة لوضع صعب جدًاا  ولا عارفه اذاكر ولا احل ولو ذاكرت مش بعرف احل وبنسى بطريقة رهيبة وطاقتي بتفضى بسرعه من حاجات بسيطه ومش بقدر اكمل زي الاول معنديش طاقه ودايما دماغي شغاله وفوضع الخطر دايما قلقانه وباكل فضوافري بهز فرجلي وبجز وبفضل افكر فالمستقبل ويا ترا هعمل اي فالمواد دي كلها وازاي هفضل تاعبه نفسي سنه مطلوب مني اني افتكر منهج 12شهر عشان تلت ساعات بيحددوا مستقبلي فالاخر انا بجد مبقتش قادره اتعامل مع اي حاجه بقوم من السرير اكمل حياتي بطلوع الروح وبرجع خلصانه ومفيش حيل. 
ادعولي بجد

Toast_87083 🇪🇬 · Accepted Answer

انا لسه مخلص تالته ثلنوي الحمدلله 
بنصحك تحاولي تخوفي نفسك ومتحطيش ف بالك كل دا وإعتبريه إمتحان تانيه ثانوي بس ذاكري حلو يعني لو كنتي بتذاكري ف تانيه ثانوي ساعتين لا خليهم اربعه علشان ف تالته سنه كامله مش ترم واحد، بس كدا غير كدا هتفضلي تجزي وتهزي ومش هتعرفي تعيشي..

Moon_64889 🇪🇬 · Answer

أنا ٣ث في اوميجا ٣ اختها كانت كويسة معايا ف التركيز والتفكير كدا

Watermelon_62093 🇪🇬 · Answer

خدتها 3شهور ومحستش بفرق بجد

Tomato_88578 🇪🇬 · Answer

حاولى تشوفى المشكلة فأى، سواء جسدية او نفسية؛ وغالبا عندك نفسية، وكمان شوفى طريقة المذاكرة بتعتك غلط ولا صح، وشوفى بداية يومك بتكون ازاى، وعموما دورى عالفلط وحليه.
   لو مسلمة حافظى على ورد يومى من القران بيفرق؛ والصلاة وان قلت حتى، وذكر الله قبل المذاكرة واثناء ما بتجيلك الافكار السلبية واستعيذي من الشيطان ومن نفسك.لا خوف بالتوكل،ولا مستحيل مع التعلم. كنت هقولك كلمينى افهمك بس هحس انى استغلالى😅

Strawberry_89198 🇪🇬 · Answer

بصي كل اللي حاسه بيه ده طبيعي جدا في الوقت ده 
المهم فكك من كل ده حاولي بجد متفكريش في اي حاجه ولا نتيجه ولا امتحانات ولا اي حاجه
حطي في دماغك حاجه واحده بس اني هذاكر وهعمل اللي عليا وهوصل للي عيزاه بجد خلي عندك يقين اوي في ربنا وادعي كتير واعملي اللي عليكي
هي سنه مش صعبه قد ما هي صعبه نفسيا ف انتي لو قدرتي تتلغبي على نفسك هتنجحي فيها

Strawberry_89198 🇪🇬 · Answer

كل تركيزك دلوقتي نفسك ومستقبلك 
ونفسك اهم مليون مره نامي كويس كلي كويس
متفكريش في اي حاجه
ارمي اعصابك في تلاجه متخليش بجد حاجه تأثر فيكي
ومعلش هي سنه وهتعدي
كل م تحسي انك مش قادره صلي ركعتين وابدأي بحاجه خفيفه 
هتعدي وهتفتكري الوقت ده السنه الجايه وتقعدي تتضحكي عليه
ذاكري بس واعملي اللي عليكي وصدقيني فرحه اخر السنه هتنسيكي اي تعب بجد

Watermelon_62093 🇪🇬 · Answer

غصب عني والله ما عارفه ابطل تفكير دا انا حتى لسه واخده امتحان النهارده جايبه فيه درجه زفت مع اني ذاكرت وحليت كتير وركزت جامد بس اكتشفت برضو ان الاسئله دي مكنتش مركزه فيها برضو تركيزي ضايع تماما

Watermelon_62093 🇪🇬 · Answer

والله نفسيه وجسديه مش هتفرق الاتنين مش مساعدين😂💔