فيه مكان كبير في القلب لكل شخص قرر يقدم أى نوع من أنوع الـ Support للي حواليه بدون ما يتطلب منه ده، وبدون ما يتأخر، ولا يحسبها!.. كل حد قال لك أنا جنبك، واثق فيك، وفي ضهرك مهما حصل.. كل حد سقفلك وشاف إنجازاتك عظيمة حتى لو الكل شافوها عادية.. كل حد مش بيبخل بمعلومة في الشغل، وبيساعدك بنية سالكة وخالصة لربنا بدون ما شيطانه يوسوس له إنك هتاخد رزقه.. كل حد بيآمن بيك وقت ما بيكفر الكل، وبيصدقك وقت ما بيكدبك الكل، وبيسندك لما بيتخلّوا الكل، وبيسمعك وقت لما بيقفلوا ودانهم الكل.. هات لنا بس حد يآمن بينا وبعدها هنفوت في الصخر.

3

1