جماعة بتعملوا اى لما حياتكم كلها تبقى متعثرة مش مرة او اتنين لأ الحياة كلها اوحش حاجة الوقتى انى دخلت تالته ثانوى وأنا اصلا شبه عندى اكتئاب بس مش مهم عادى وقولت همشى الدنيا بس فضلت بلف فى المدرسين لحد ما اتأخرت فى المنهج جدا فوق ما تتخيلو اخدت دروس اونلاين بس مش لاحقة اخلص حاجة بسبب النت يفصل كل شوية أو مفيش فلوس أو اتعب فجأة أو مفيش وقت أو مشوار مفاجىء أو مشاكل عائلية أو أو وأو ... كنت بقول إنها حجج وإنى لازم احاول بس فعلا مهما أحاول مش بتظبط خالص والله بحاول كتير اوى بس بحس إن فى حاجة غلط أنا بعافر عشان اعرف اذاكر م فى المذاكرة نفسها أنا معرفتش ابدأ كيميا ولا انجليزى لحد الوقتى ومتراكم باب كامل أحياء وفيزيا وهكذا.. أنا بجد حاسة بإرهاق تعبت جامد محاولات كلها بائسة مع إنى بجد بحاول اكون شخص كويس ومحافظة على صلاتى وورد القرآن وبحاول اصلى النوافل أنا بجد كنت بحاول دايما اتغير للاحسن ليه كل حاجه بتقولى مستحيل! . اعمل اى الموضوع مزعج جدا ومحدش بيساعد والكل بيحملنى المسؤولية . اقول لبابا النت وحش يقولى حلى مشاكلك بنفسك. اقوله ادفعلى كذا يقولى مفيش فلوس أقوله أنا محتاجاه ضرورى انا اتأخرت يقولى وأنا اعمل اى الوقتى . اقول لماما تقولى ومش بتذاكرى ليه.وفوق ده عايزين اجيب مجموع عالى. أنا مش عبقرية ولا ساحرة .. انتوا بجد مش فاهمين.. أنا تعبت.

1

5