باغي نتجوز ونهاجر برا. رايكم في هاد الحلم؟

Question

السلام عليكم ... بغيت ناخذ رايكم ...انا انسان باغي نتجوز بوحدة عندها ديبلوم وقارية ومثقفة وواعية وذكية وتكون شريكة حياتي ونكونو يد بيد في السراء والضراء،  مدابيا نخرج من هاد البلاد  ونخليو عائلاتنا وكلش ورانا ونعيشو برا بحرية بعيدا على هاد المجتمع ، ونجيبو ذراري ونربوهم احسن تربية ... دركا اسك راني نبانلكم كيما هكا نورمال ... ولا تبانلكم دي احلام ما بعد العصر  .... وش رايكم

Strawberry_81019 🇩🇿 · Accepted Answer

لا بالعكس عادي جدا كل شيء يبدا بحلم كيما قصة سيدنا يوسف فهذا حلمك جميل ربي يسهلك ان شاء الله

Jackfruit_82982 🇩🇿 · Answer

روح جيب واحد وارقد حبيبي

Strawberry_82857 🇩🇿 · Answer

اقداركم تخرج من افواهكم 
يعني مكانش حاجة مستحيلة توكل على ربي و كلش يجيك بساهل إنشاءالله

Nutella_82905 🇩🇿 · Answer

و على نياتكم ترزقون توكل على ربي و ربي يفتحها عليك ان شاء الله

Moon_79825 🇩🇿 · Answer

انا ما شفت حتى مشكل في هدرتك ، ربي يعطيك على حساب نيتك

Avocado_82945 🇩🇿 · Answer

هدا هو الصح خونا ايلا تقدر كمل فيها

Banana_83002 🇩🇿 · Answer

عادي جدا  و تخمامك مليح بالتوفيق الأخ

Kiwi_83009 🇩🇿 · Answer

انا نحب هاد التفكير وانا من جيهتي ندعمك وان شاء الله تتوفق في حياتك

Biscuit_83067 🇩🇿 · Answer

عادي برك متحلمش  حاول تطبق 
انو تلقى بنت الناس ساهل الحال شوف الطريق لحتديكم برا و خلاص

Orange_82143 🇩🇿 · Answer

وي راح نحاول ندير اكثر من جهدي ، وديجا راني داير مجهود كبير في اني نطور من نفسي وثقافتي ولغاتي وطريقة تعاملي مع الناس وان شاء الله بالسعي المستمر راح نلحق لوين حاب

Chocolate_83089 🇩🇿 · Answer

شوف اخي حننصحك كيما اخي بدم رغم انو منعرفكش اول حاجة ثبت روحك فقرار شريكة حياة مليح مليح هذي اول حاجة كعادش كان تكون هيا صحيح طيح بيك ولا تموض تلقاها ديما معاك وبزاااف امور وثاني حاجة قرار خروح من لبلاد قرار مليح بزاف بصح لازملو شروط عند اقامة خدمتة تعرف لبلاد تعرف اللغة تعرف عاداتهم تقاليدهم غربة واعرة وتمرميدة علول عليها نصحتك تثبة سع روحك فخطوة لولة تاع شريكة حياتك ونشاله تنجح وتفرح فحياتك

Orange_82143 🇩🇿 · Answer

خويا والله راهي حرقة في نفسي باغي نخرج ونعيش مشني باغي نعيش هنا ،ديجا عشت بعيد على العائلة فترة طويلة وتمرمدت وطحت في مواقف صعيبة و ناس قباح   ومنها تزادت فيا هاد العقلية تع  نخمم لصلاحي انا  مهما كانت الكية تع البعد والفراق و قساوة  المعيشة  ، وعلابيها راني نشوف في روحي نقدر عليها بربي ان شاء الله

Chocolate_83089 🇩🇿 · Answer

متغيبلك متخخمم متدي نصيحة وراي حتا واحد انا نقولك الحل ملخر وعن تجربة صلي صلاة استخارة وقوم ليل بنية صافية وتوكل على ربي

Orange_82143 🇩🇿 · Answer

يخي يقولك استشير واستخير،  انا صراحة حكمني الشك وقلت لاعود راني نزيد عليها برك ، ربي يجيب الخير وش نقولك