يعني عاوزه اعيط مش لشئ غير رغبتي في العياط أصلا بقا انا عيوطة وعيطت إمبارح والنهارده الصبح واول إمبارح كمان يعني بحارب حاجات كتير بس ميمنعش اني اعيط وانا بحارب بس خليني أكلم بجد يمكن اكتر شئ انا حزينة عليه دلوقتي حالا هو اني شوفت صديقة قديمة ليا كنت قطعت علاقتي بيها بجملة كل الناس إللي قطعت علاقتي بيهم بس سؤال هو ليه أنا بقطع علاقتي بالناس؟ بحس بالسلام مثلا بالهدوء بالراحة الاحساس الحقيقي والوحيد اللي بيسيطر عليا هو الفراغ الفراغ اللي بحاول اشغله بنفسي نفسي بس نرجع لموضوعنا البنت دي كانت تعبانة جدا باين عليها التعب خمنت إنه ضغط مذاكرة بما اننا ثانوية عامة كنت متأكدة إن كل اللي محتاجه الصديقة القديمة دي هو أن حد يطبطب عليها يخفف من وحدتها لاني شوفتها لوحدها كالعادة بحس اني قاسية جدا اما ابعد عن حد محتاجني بس مش بقدر أقاوم نفوري وأني لازم أبعد في النهاية أنا مش ندمانه بس يمكن شوفتي ليها في الحالة دي زود جواي التساؤلات دي وحاليا لازم أكمل محاربة( بحارب الفيزياء والكيمياء وتحالف الانجليش والعربي حاجة كده شبه حلف الناتو و روسيا )

1

7