ظلم في الشغل

Lemon_52708 🇪🇬

منذ 14 ساعة

شعور غاضب

أنا بكتب الكلام ده وأنا إيدي بترعش، وحاسس إن قلبي مش قادر يشيل دقة واحدة زيادة من كتر الضغط والقهر. أنا النهاردة كنت بضيع، مش مبالغة، أنا حسيت بجد إن روحي بتنسحب مني من كتر الظلم. أنا راجل صاحب أصول ومبدأ، ولساني عفيف وعمري ما جرحت حد، دخلت مكاني الجديد بكل نية صافية إني أتعلم وأثبت نفسي. لكن اللي

Lemon_52708 🇪🇬

منذ 3 أسابيع

شعور مكسور القلب

عبّر عن شعورك بشكل مجهول

النهاردة أنا موجوع وجع ملوش وصف، التروما اللي كنت فاكر إني دفنتها صحيت من تاني وهجمت عليا بكل قسوتها. لما بفتكر اليوم ده، وبفتكر الموقف السخيف والظلم اللي اتحطيت فيه، بحس بخنقة في صدري كأني بموت.
أنا مش زعلان على الشغل، داهية تاخد أي مكان مبيحترمش كرامة البني آدم.. أنا اللي واجع قلبي بجد "الخذلان". كنت بحبها، كنت فاكر إن ليَّ قيمة عندها، لكن في اللحظة اللي كنت فيها محتاج حد يرفع عني الظلم، أو حتى يقول كلمة حق، هي اختارت السكوت. وقفت تتفرج عليا وأنا بتنهش، وكأن مفيش بيننا أي مودة أو عيش وملح، سابتني أحس إني ملوش لزمة، زي ما أكون نكرة في وسطهم.
دلوقتي أنا في مكان جديد، وسط ناس كويسين، بيعزموني على أفراحهم وعايزين يقربوا مني.. وأنا من جوايا بمثل إني تمام، بس الحقيقة إني لسه محبوس في نار اليوم داك. لسه بسأل نفسي: "ليه؟". ليه اللي حبيتها مدافعتش عني؟ ليه الدنيا اسودت في وشي بسبب تفاهة وظلم؟
بس أنا عارف إن وعيي ونضجي هما اللي هيعدوني. أنا قررت أبعد عن أي علاقة تستنزفني أو تقلل مني، وده اختبار لثباتي. أنا مش هسمح لذكرى ناس "قليلة الأصل" إنها تهد اللي بنيه دلوقتي. أنا استاهل أتحب من حد يشوفني غالي، مش حد يتفرج عليا وأنا بتظلم ويسكت.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Flower_74726 🇪🇬

منذ شهرين

شعور ضاق ذرعًا

مش هكمل دراسات عليا وهطلع منها وعلى اي اتعب نفسي ومفيش حاجة تستاهل هتخلى عن حلمي كدا كدا هتظلم واحبط كالعادة منا متخرجة بامتياز ولما بشتغل فمكان الاقل مني بيتقدر ونا لا وحسبي الله ونعم الوكيل في كل الي بيظلموني هنا مفيش حاجة اسمها حلم وطموح احنا مش بشر تتااتعههععععفللتتنخححححححح

Candle_88603 🇪🇬

منذ 3 أشهر

شعور محبط

عبّر عن شعورك بشكل مجهول

انا عندي عيب ف شخصيتي مش بحاول اعالجه حتى أنا اصلا مش بشوف أنه عيب غير لما اكتشف إني اتظلمت بسببه ، ديما بحب اخلي الناس ترتاح معايا عايز اخليهم مبسوطين حتى لو هاجي على نفسي قيس دا ف كل حاجة بقا علاقات شغل صداقة اي حاجة ، أنا بقيت بتعب جدا من ساعة م اتخرجت وبدأت ادور على شغل استقر في مش اشتغل شهر وامشي ، اول شغل بعد التخرج كنت شغال مندوب و مديري كان شخص توكسيك ابن مرا عقدني بسبب أنه كل يوم يقولي متأخر ف التارجت عشان أنا نزلت متأخر 4 ايام كانو عاملين 40 الف عليا عايزني اعوضهم ف باقي الشهر اتخنقت و. سبت الشغل بعد 20 يوم ، تاني شغلانة اللي أنا فيها دي بقالي فيها 3 شهور ونص بس اتخنقت بقا من صاحب الشغل مش بيقدرني ولا بيقدر تعبي سواء ماديا او حتى بكلمة حلوة ، رغم اني باجي على نفسي واصلا قاعد ف اوضة ف المصنع بنام زي الفرخة على الأرض و بصحى من النوم اشغل المكنة انام افصل المكنة حرفيا مفيش وقت بفصل في ف اليوم غير لما بنام هو بقا نظرته اني بضيع وقت ومش بشتغل عشان بلعب شطرنج على اللاب اللي بيشغل المكنة أو بشوف متشات ف الوقت الحالي برامج المكنة شغالة في هي مكنة (CNC)لو حد عنده فكرة عنها هيفهم قصدي اني مش بضيع وقت ، المهم أنا باخد 6000 جنبه ملهاش لزمة بصرفها على الأكل والسجائر اصلا ولما بنزل يومين بسبب ظرف ولا حاجة بخرج مرتين تلاتة اصرف زي الناس يومين كل شهر ولا حاجة 😅
المهم بيجي ايام عليابطبق بالتلت ايام او اليومين عشان اخلص شغل ولقيت المرتب هو هو 6000 دا انا حتى الجمعة مش باخدها اجازة هو أنا ايه مكنة، غير التعامل الوحش من شخص نرجسي شايف نفسه احسن شخص ف الكوكب و غير الاستحقاقية بتاعته احيانا بيجي ينام هنا بياخد الكوفرته بتاعتي يحطها تحته عشان يتدفى وهو نايم و المخدرات اللي جبتها من البيت يحطها تحت دماغه و ياخد الشاحن بتاعي يشحن بي و يستخدم الراوتر بتاعي يفشخ الباقة ، أنا حاليا فكرت ف حجة أنا بقالي كام يوم بطني وجعاني وبتف دم قولتله أنا مسافر البلد عشان اكشف هروح ومش هاجي تاني بس زعلان عشان اتعلقت بالمكان لاني قاعد وحدي ف المصنع دا وبحب الوحدة جدا ، مش عارف هقول ايه لاهلي لما ارجع البيت ويستغغربوا اني رجعت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Flower_74726 🇪🇬

منذ 3 أشهر

شعور مكتئب

اممم انا اتطلب مني اقدم استقالتي بعد تاني اسبوع شغل عشان معرفتش اعمل كنترول ع الفصل من اول حصة ادخلها واشرح واتوترت شوية ونسيت حجات في الشرح بس الحصة كانت تمام ومشيت جت رئيسة القسم حضرتلي الحصة دي وحكمت عليا قلتلها مش صح انك تحكمي عليا من اول حصة قالتلي مش صح قلتلها اسفة و خاني التعبير قلتلها قصدي

Apple_65134 🇪🇬

منذ 3 أشهر

شعور غاضب

كنت فشغل واستغنوا عني حصلتلي حادثة جوه مكان شغلي خدت تلت ايام اجازة طبعا ولا. حد فيهم وداني مستشفى ولا حتي دفعوا تمن علاج ولا ادوية ولما جيت اطالب باقل حقوقي اللي هي الاجازة المرضي المدير كان رافض فاتخانقت معاه رضي فالاخر بس كان كجمزلي اكبر خازوق انه مشاني من الشغل فاخر الشهر انا جوايا حالة غضب و

Tofu_76081 🇪🇬

منذ 4 أشهر

شعور مرتبك

انا كنت شغال في محل جمله وانا قلت لصاحب الشغل آخر الشهر واخلص حسابي قلي ماشي قبل ما الشهر يخلص بيومين قال في حجات نقصه من المخزن وقال لى انا هركب كاميرا المهم قال كمل معايه ي مين لما اشوف حد مكانك قلتله تمام تاني يوم رحت له قام ملبسني حجات انا مش عملتها ولا اختها وبتقلي الكاميرا جيناك وانت بتسرق وان

Coconut_52562 🇪🇬

منذ 5 أشهر

شعور لا مبالٍ

عبّر عن شعورك بشكل مجهول

محتاج رايكم ضروريي
معلش لو طولت
انا كنت شغال شغلين قبل الجامعه الاول شغل ف مصنع ورديه وبتاع وقعدت فيه حبه تمام وبعدها جه خالي قالي انا هفتح محل عصاير وحلو تعالا اقف فيه وانت اولى من الغريب وكلام من دا
المهم كنت بروح الاتنين مع بعض وكنت شبه مش بنام تمام عقدت من عشر ايام من المصنع عشان الدراسه والكليه بدات وكدا
وانا عند خالي بقا معاملته كانت معلش وسخه وبيتعامل وحش وبتاع وعديت وجه يوم خميس قالي بنبقا زحمه وبتاع مش لازم تريح النهارده (انا بروح من ١٠ الصبح ل ٤ الصعر واريح واروح ٨ العشا تاني وارجع ٢ بالليل) المهم قالي مش لازم تريح هطلعك للغدا نص ساعه بس وخلاص قولت حاضر
المهم يوم الخميس دا اشتغلت من ١٠ الصبح ل ٢ بالليل ونص ساعه راحه يعني ١٦ ساعه شغل
في واحد معانا صاحبه له اخر صغير ف تانيه اعدادي المهم الواد الصغير دا اتعلم العجين بتاع الوافل وانا مكنتش اعرف لسه فقولتله انا هعجن عجنه ع اساس يبص عليا وابقا اتعلمت المهم الواد بكل سماجه قال لا من بتاعت الاطفال قولتله خليك قال التالت اللي معانا خلاه يعجن طول اليوم منا مبعرفش ف جينا على اوردر كان واحد طالب اغلى وافل موجود وخد منه ٣ فالتالت دا قال للصغير اعجن قال لا راح قال لاخوه الكبير قاله اعجن قام الباشا عجن بقرف
طلع العجين مكتل ف راح للناس عجين من جوا واترموا التلاته
فالراجل دا بعت لخالي وقاله اترموا جه الباشا يزعق وينفخ قولتله انا مليش دعوه بالعجين وبتاع المهم قال خصم نص يوم لكل واحد
خلص الموقف وقولنا خلاص الضغير ملوش دعوه الا بالقصب وميدخلش مطبخ ف جيت انا فيوم وسط الشغل بقوله في ناس شربت قصب اغسل الكبايتين دول قال لا قولتله ماشي وغسلهم التالت بتاعنا (مع العلم كنا قاعدين فوق الساعتين من غير ولا اوردر قصب) المهم بقا جالي اخوه الكبير وبيقولي انت بتقول لعمر ليه يغسل الكبايات عمر ملوش دعوه ب هنا وبتاع وانتوا غلطوه ساعت العجين قولتله انا مغلطوش هو اللي غلط فعلا وانا قولتله اعجن قال لا واساله قالي اسمع د ين ام الكلمتين وبدا يزعق قومت بايدي ومطير رصه الكبايات البلاستيك ف وشه زعقنا وحاشونا المهم خالي جه بعدها بنص ساعه كدا كلمه شوية وجاي يقولي عبده بيقولي انت زهقت عليه قولتله اح ا ب احمد هو ابويا ما ازهق عليه ايه يعني هو اللي بيقول دين ام وبتاع قالي محكاليش كدا قولتله اقولك انا قدامه وحصل وقولتله قدامه المهم خالى قالي فالاخر مهما كان هو اكبر منك (٣ سنين فرق) يعني غلطني قدامه
روحت انا تاني يوم قولت لخالي مش هكمل عشان الدراسه وبتاع قالي بس انت محتاج فلوس قولتله هتصرف ف اي مصلحه وخلاص
المهم اداني ١٠٠٠ جنيه وانا شغال ١٧ يوم تقريبا وقولت اللي ييجي منه احسن منه 
انا بحكي ليه بحكي عشان انا كنت عايز ارجع وحسيت انه قلة كرامه وبتاع وسط ما انا بكتب دلوقتي جالي اسكرين من اخويا
اخواتي الاتنين وقفوا معاه ساعت التشطيبات وتقشير قصب سكة اسبوع وطلع عينهم المهم مجابش سيرة انه هيحاسبهم ف اخويا بعتله على الواتس دلوقتي وقاله على حسابهم وكدا
اذ الباشا بيقوله انتوا معملتوش حاجه وحذيفة خد ١٠٠٠ خليه يراضيكوا كل واحد ب ١٠٠ ولا حاجه
المهم انا استاهل عشان انا اللي جيت على نفسي عشانه ومتشكر ليه جدا ومعاملتي معاه هتبقا رسميه بعد كدا وطظ بقا فالقرابه اللي هو محترمهاش اصلا
ولا رجوع ولا خرا مع اني ف امس الحاجه للجنيه اقسم بالله ومديون بس طظ اموت احسن ما اعمله حاجه
اسف على الاطاله وبما ان الكلام مفيش منه فايده ف صلو على النبي اهو ناخد ثواب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Flower_74726 🇪🇬

منذ 5 أشهر

شعور غير مكتمل

السلام عليكم دلوقتي بعد مترفدت من شغلي هروح استلم مستحقاتي وهسلمهم عهدتهم عايزة اعرف اعمل اي عشان اقهر كل الي ظلموني وابان ولا فارقلي عايزة الي تسببت في رفدي متنساش اليوم دا ابدا لان يوم رفدي انا عيطت وزعلت بسبب اسلوبها معايا عايزاها متنساش اليوم دا ابدا عايزة إبان قوية وشكرا ليكم نسنسنسنستؤتؤؤتو

Flower_74726 🇪🇬

منذ 5 أشهر

شعور مكتئب

اترفدت من الشغل ظلم مع العلم اني كنت من اكفأ الناس بس المديرة المباشرة كانت غيرانة مني وافتعلت مشكلة معايا واترفدت كنت بعمل شغلي بضمير وكنت شغالة عشان اشغل وقتي واشوف ناس جديدة وفجأة كل دا راح وحاليا حاسة بفراغ ووحدة ومفيش نفس اعمل حاجة حتى الحجات الي بحبها مليش نفس اعملها ازاي اخرج من الحالة دي

Lemon_52708 🇪🇬

منذ 6 أشهر

شعور مرهق

أنا بكتب الكلام ده من غير تجميل. للأسف أنا موجوع من مديري، يمكن الناس تشوف إن الموضوع عادي أو طبيعي في الشغل، بس الحقيقة إن وجع المدير مختلف.. الكلمة منه بتوجع أضعاف، والنظرة أو الظلم بيكسر من جوّا. في لحظة غضب وضيق، وأنا مش قادر أتحمل الضغط اللي عليا، خرج مني دعاء عليه. كنت فاكر إن ده هيريحني أو يخ

Popcorn_40682 🇪🇬

منذ 6 أشهر

شعور محبط

انا شغال مع عمي من السنه اللي فاتت في الاجازه و كنت اول مره اشتغل و مكتنش اعرف غير حاجات سطحيه في شغل بس انا اتعودت لان عندي مرونه علي الشغل و كان بيديني 500 في الاسبوع و كنت متقبل ده بس و جيت في الاجازه دي اللي هو خلاص انا عارف تلت اربع الشغل واللي شوفته من الشغل المفروض اخد في الاسبوع 600 لكن اتفا

Apple_70037 🇪🇬 افضل معاه لغاية ماتشرب الصنعه وروح اشتغل لوحدك او اشتغل مع حد تاني حتي لو هيظبطلك مرتبك .. شغل القرايب مش حلو ولما الدنيا تريح معاه اول حد هيحط عليه هو انت .. فمتنستناش

عرض الكل 9 نصيحة

Nutella_60275 🇪🇬

منذ 7 أشهر

شعور مرتبك

دلوقتى يا جماعة انا كنت مقدمة على وظيفة موظفة استقبال و مسؤلة إدارية ف شركة و اتقبلت و اشتغلت الكلام ده من شهر 10 اللى فات و لكن من أول ما بدأت شغل لقيتهم مشغلنى شغل سكرتارية استلامات ملفات و شيكات و ساعات تسليم + طبعا شغل الاستقبال و الإدارة و مأكدين عليا من اول ما اشتغلت ان شغل الاستلام ده اهم حاج

Watermelon_64409 🇪🇬

منذ 7 أشهر

شعور غاضب

اكتر حاجة تتعب الواحد ان انتااا تفضل شغال وتبيني نفسك وتستنااا التقدير وبعد دا كلو مفيش تقدير سبحان الله احتمال دي حكمة ربنااا بس ولا في رزق ف شغل و في حب ولا في اي حاجة وانتاا عارف يعني اي تتعب فحياتك وريناا ميكرمش في حاجة انتااا تعبت فيهااا و وحت البنت ال حبتها مش نصيبك سبحان الله تعبت تعب اكتر

Cherry_57891 🇪🇬

منذ 8 أشهر

شعور مكسور القلب

السلام عليكم انا عندي مشكله ف الشغل بقالي فتره ان اللي ماسكه القسم بتاعي بتخليني اعمل شغلي عادي وتوصل للمدير ان هي اللي عملاه والموضوع ده محسسني بقله تقدير وتعبني نفسيا جدا لدرجه اني عايزه اسيب الشغل وف الفتره الأخيرة كمان لما بدات اتكلم واقول ان ده شغلي وانا اللي عملاه بقت بتدخل ف شغلي علشان برده

Blueberry_57809 🇪🇬 أعطي الشغل حجمه وأنت فعلا هتعرفي أنها مواقف وبتعدي، كدا كدا هيا الي ماسكة القسم وبيكون في ترتيب معين، والمديرة راضية وعادي، أهم حاجة عندهم الشغل يكون ماشي ومفيش حد بتاع مشاكل، مهما كنت شاطرة في شغلك، إذا اتهموك أنك عاملة قلق، فأنت هتتبدلي بغيرك، فأنت استمري في إتقان العمل، جت فرصة تنسبيه لنفسك جت، مجتش فكدا كدا مش أنت الي بتسلميه

عرض الكل 4 نصيحة

Mango_57877 🇪🇬

صاحبتي اتعرضت للتحرش وهي صغيرة وادمنت العادة السرية

اسمعوني للاخر معلش ...انا هحكيلكم مشكلة واحده صاحبتي بس معلش يكون الرد باحترام وعاوزة اخد رأيكم هي صاحبتي وهي صغيرة اتعرضت للتحرش من اشخاص مختلفه وبسبب انها اتعرضت لحاجه زي كده ادمنت للاسف العاده السريه من وهي طفله زميل ابوها هو مش زميل حتى هو كان مجرد شخص كان عامل بيعمل البيت عندهم تمام كان بيستغل طفولتها واتحرش بيها وكان بيهددها متقولش لحد المهم هي زي ما قولتلكم ادمنت العاده السريه وهي كبيرة دلوقتي وف العشرينات في نص العشرينات لغاية دلوقتي للاسف بتعمل العاده السريه واتطورت معاها لمشاهدات اباحيه المهم هي دلوقتي نفسيتها تعبانه اووووووي ومكتئبه وبتقولى انا كان نفسي ابقى زي البنات الطبيعيه اللى متعرفش الحاجه دي وكارهه نفسها وكل ما تفتكر طفولتها تضايق وتكتئب وهي حاليا هتتخطب وخايفه جدددا من فيما بعد لما تتجوز جوزها يعرف حاجه زي كده لان الاستجابه هتكون سريعه وخايفه يفهم وياريت ي جماعه الرد علمي وباحترام هي محترمه جداا والله وعمرها ما كلمت شباب قبل كده ف حياتها بس للاسف الحاجه دي عرفتها بسبب اللى حصلها وهي صغيرة ...عرض المزيد

0 الدعم

17 نصيحة

Croissant_86280 🇪🇬

إيه حاجة بسيطة تريح بابا المخنوق من تعبه؟

سؤال بجد ومحتاج إجابة من القلب💗 بابا مخنوق ومتعب من ضغط الحياة والظروف القاسية وأنا كبنت كل اللي فارق معايا أريّح قلبه حتى لو شوية يمكن المشكلة إني مش بعرف أعبّر عن مشاعري ولا أقول كلام حلو بسهولة بس الحقيقة إني بحبه قوي ومقدّراه حتى لو ده مش باين مني مش عايزة حلول كبيرة عايزة حاجات بسيطة كلمة أو تصرف يخليه يحس إن تعبه مش رايح على الفاضي وإنه محبوب ومُقدَّر ومش لوحده إيه أكتر حاجة عملتوها أو اتقالتلكم وفرّقت مع باباكم وهو مخنوق ...عرض المزيد

3 الدعم

16 نصيحة

Strawberry_88748 🇪🇬

ايه الحل عشان ابطل الأفكار الانتحارية؟ بقالي كتير اوي

ايه الحل عشان ابطل الأفكار الانتحارية، بقالي كتير اوي في الحالة دي ومش عارفة اعمل ايه 707070707000700007070707070700707007070707700070707007070707070070707070707070707070770707070700707070707070707070707070700707070707070 ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع