لكل إنسان : كي تحب دير التغيير متروحش ديزاكتيفي الكونت و يحكمك الحماس و ووو . أول حاجة ديرها مع نفسك سقسي روحك ( شكون انا و اسكو راني حاكم طريق ربي و كيفاه نقدر نفيد روحي ) .. في لمرحلة هذي كي تحب تدير التغيير راك راح تخسر بزاف صوالح و يعوضهملك ربي مستقبلاً ، الصوالح هادو مهما كانت صفتهم (خدمة، ناس، مشروع، دراهم ..) المهم لازم تخرج من هاد المرحلة معافى نفسياً حاول قدر المستطاع باش تحافظ على صحتك النفسية. _ في هاد المرحلة حاول تجرب تحوس اخرج عيش اللحظة باش تعرف الهدف تاعك و الهواية تاعك متخليش روحك تايه و ضايع و تستسلم مع القطيع ، أجبد روحك أقرا تعلم جرب ريح مع ناس مايشكوش و ماتبررش و ماتكسرش راسك مع الناس العشوائيين يجي يقولك سمعت بفلان واش شراا سمعت واش حكمو عندو ، نورمال تقولو ما عنديش الوقت بدل السوجي اذا شفت تزير نوض روح لداركم . _ حافظ على أخلاقك اعرف واش تخرج من فمك اتعلم تحترم حقوق الناس و ما تعفسش عليهم أقل حاجة ماتأذيهمش خليك نظيف في تعاملك .. النظافة و عدم الشكوى يلعبو دور يتقربو منك الناس و يعاملوك و راح تلقى فرص العمل و وو. _ ماتتعلقش بالناس و ما تخسرش طاقتك كاملة عليهم اخسر 3% حق التعاملات و صباح الخير و ..وخلي 97% ليك نتاع راحتك النفسية، ما تحل فمك في حتى إنسان. _ اتحمل مسؤولية قراراتك و تخصصاتك و محبوباتك وحدك متخليش حتى تأثير يلعبلك بمخك. و ربي يوفقك لكل خير. و شكراً 🤍

0

1